Chapter 80

[English text for this chapter is available]

īśvara uvāca |
āśītikaṃ vijānīhi devaṃ svapneśvaraṃ priye |
yasya darśanamātreṇa duḥsvapnaṃ naśyati dhruvam || 1 ||
[Analyze grammar]

kalmāṣapādeti khyāto loke rājā babhūva ha |
ikṣvākuvaṃśajo devi tejasā sūryavadbhuvi || 2 ||
[Analyze grammar]

sa kadācidvane rājā vaśiṣṭhasutamaurasam |
śaktiṃ paramadharmajñaṃ dadarśa vijiteṃdriyam |
mārgasthitaṃ taponiṣṭhamapagaccheti cābravīt || 3 ||
[Analyze grammar]

amuṃcaṃtaṃ tu paṃthānaṃ tamṛṣiṃ nṛpasattamaḥ |
jaghāna kaśayā mohāttadā rākṣasavanmunim || 4 ||
[Analyze grammar]

kaśāprahārābhihatastataḥ sa munipuṃgavaḥ |
taṃ śaśāpa ruṣāviṣṭo vāśiṣṭhaḥ krodhamūrchitaḥ || 5 ||
[Analyze grammar]

haṃsi rākṣasavadyasmādrājāpasada tāpasam |
tasmāttvamadyaprabhṛti puruṣādo bhaviṣyati || 6 ||
[Analyze grammar]

satataṃ piśitāsaktaścariṣyasi mahīmimām |
sa tu śaptastadā tena tatkṣaṇādvai nṛpottamaḥ || 7 ||
[Analyze grammar]

jagāma śaraṇaṃ śaktiṃ prasādayituma rhayat |
yadā na tuṣṭo viprarṣiḥ śaktiḥ paramakopanaḥ |
prasādyamāno bhūpena tadā tenāpi bhakṣitaḥ || 8 ||
[Analyze grammar]

śaktiṃ taṃ bhakṣayitvā tu vaśiṣṭhasyāparāntu tān |
bhakṣayāmāsa sahasā siṃhaḥ kṣudramṛgāniva || 9 ||
[Analyze grammar]

tadāprabhṛti saṃjātaḥ puruṣādo nṛpottamaḥ |
rātrau paśyati duḥsvapnānpāpasaṃghena mohitaḥ || 10 ||
[Analyze grammar]

dṛṣṭvā bhayānakānsvapnānsa rājā paryyatapyata |
paścāttāpena saṃyukto vilalāpa suduḥkhitaḥ || 11 ||
[Analyze grammar]

athāpyuktamamātyaiśca kiṃ karoṣi mahīpate |
kasmātte niṣprabhā kāṃtirvivarṇo hariṇaḥ kṛśaḥ || 12 ||
[Analyze grammar]

sa rājā kathayāmāsa duḥsvapnānanupūrvaśaḥ |
svapne'haṃ sāgaraṃ śuṣkaṃ candraṃ ca patitaṃ bhuvi || 13 ||
[Analyze grammar]

uparuddhāṃ ca jagatīṃ ghanena tamasā vṛtām |
ātmānaṃ cāhamadrākṣaṃ malinaṃ muktamūrddhajam || 14 ||
[Analyze grammar]

pataṃtamadriśikharātkaluṣe gomaye hrade |
pibannaṃjalinā tailaṃ hasanniva muhurmuhuḥ || 15 ||
[Analyze grammar]

tailenābhyaktasarvāṃgastailamevāvagāhayan |
pīṭhe kārṣṇāyase caiva niṣaṇṇo'hamadho mukhaḥ || 16 ||
[Analyze grammar]

gāyaṃti pramadā raktā raktamālyānulepanāḥ |
kṛṣṇāṃbaradharāścānyāḥ kṛṣṇamālyānulepanāḥ || 17 ||
[Analyze grammar]

tābhirākṛṣyamāṇo'pi nīto'haṃ dakṣiṇāṃ diśam |
baddhvā rajjvā suvarṇasya lohasya rajatasya ca || 18 ||
[Analyze grammar]

pāṃsukardamayormadhye magnohaṃ lohayaṃtritaḥ |
kapotaistudyamāno'haṃ gṛdhraiḥ kākaiśca dāruṇaiḥ || 19 ||
[Analyze grammar]

sṛgālairbhakṣyamāṇaśca sthito madguramastake |
ṛkṣavānarayānastho gato'haṃ dakṣiṇāṃ diśam || 20 ||
[Analyze grammar]

nadīṃ nimagno niśceṣṭo jalahīnāṃ mahīsamām |
daṃtairvidārito rātrau rāsabhenāhamardditaḥ || 21 ||
[Analyze grammar]

tāḍito hadayetyarthaṃ caraṇairvajrasaṃnibhaiḥ |
dṛṣṭiśca hanyate'tyarthaṃ vetālairlohaśaṃ kubhiḥ || 22 ||
[Analyze grammar]

karālaiḥ kaṃṭakaiḥ kṛṣṇaiḥ puruṣairudyatāyudhaiḥ |
svapnehaṃ tāḍitotyarthamapramāṇaiḥ śitaiḥ śaraiḥ || 23 ||
[Analyze grammar]

evametanmayā dṛṣṭamimāṃrātriṃ bhayāvahām |
saṃkhyāṃ kartuṃ na śakyeta duḥsvapnānaparānbahūn || 24 ||
[Analyze grammar]

imāṃ tu duḥsvapnagatiṃ nirīkṣya vai hyanekarūpāmaviciṃtitāṃ purā |
bhayaṃ mahanme hṛdayaṃ na śuddhyati pragṛhya bāhū vilapāmyanāthavat || 25 ||
[Analyze grammar]

nṛpasya vacanaṃ śrutvā amātyā bhṛśaduḥkhitāḥ |
paśyaṃto durnimittāśca ulkāpātādikāstadā || 26 ||
[Analyze grammar]

sauri sūryakujākrāṃtaṃ nagaraṃ dṛśyate'dhunā |
 nāgaṃ catuṣpadaṃ viṣṭiṃ kiṃstughnaṃ śakuniṃ tathā || 27 ||
[Analyze grammar]

karaṇāni na śasyaṃte muhūrttā dāruṇābhavan |
viditvā nṛpabhaṃgaṃ tu deśabhaṃgakulakṣayam || 28 ||
[Analyze grammar]

āśvāsayaṃto rājānamidaṃ vacanamabruvan |
alaṃ śokena kākutstha satyāsatyā hi vibhramāḥ || 29 ||
[Analyze grammar]

dṛśyaṃte bhāvitāḥ puṃsi svapne dhātuvaśena hi |
tathā pitrādidevāṃśca pūjaya brāhmaṇāṃstathā || 30 ||
[Analyze grammar]

ebhistato mokṣyase tvaṃ mānasādadhivibhramāt |
yasmāddaivopaghātānāṃ daivameva hi rakṣaṇam || 31 ||
[Analyze grammar]

evamāśvāsito bhūpo hyamātyairdharmakovidaiḥ |
tatpāpaṃ kathayāmāsa guruputravadhādikam || 32 ||
[Analyze grammar]

vaśiṣṭhasya suto jyeṣṭhaḥ śakti rvai bhakṣito mayā |
nṛśaṃsena tathāmātyā ekonaṃ bhakṣitaṃ śatam || 33 ||
[Analyze grammar]

tena pāpena saṃtaptaḥ kathaṃ svastho bhavāmi vai |
ekāpi brahmahatyāyā sāpi daivātsuduṣkarā || 34 ||
[Analyze grammar]

mayā punarnṛśaṃsena sā tathā na tu varjitā |
kāṃstu lokāngamiṣyāmi kṛtvā karma sudāruṇam |
rākṣaso'hamanenaiva śarīreṇa kulāṃtakṛt || 35 ||
[Analyze grammar]

jātaḥ kule raghūṇāṃ vai pāpātmā pāpasaṃbhavaḥ |
so'hamatra mariṣyāmi sādhayitvā hutāśanam || 36 ||
[Analyze grammar]

iti tasya vacaḥ śrutvā saudāsasya suvismitāḥ |
amātyā vedatattvajñāḥ sarvaśāstraviśāradāḥ || 37 ||
[Analyze grammar]

aho pāpamidaṃ bhūri kṛtaṃ pāpena sarvathā |
prāyaścittaṃ na jānīmo vaśiṣṭhena vinā'dhunā || 38 ||
[Analyze grammar]

tasmādadyaiva gaṃtavyamasya bhūpasya kāraṇāt |
yatra tiṣṭhati viprarṣirvaśiṣṭho bhagavānmuniḥ || 39 ||
[Analyze grammar]

ityuktvā sahitāstena te'mātyā bhṛśaduḥkhitāḥ |
gatvā yatrāśrame vipro vaśiṣṭho bhagavānṛṣiḥ || 40 ||
[Analyze grammar]

adṛśyaṃtīṃ vadhūṃ dīnāṃ yatrāśvāsayati prabhuḥ |
adṛśyaṃtī tu taṃ dṛṣṭvā kūrakarmāṇamagrataḥ |
bhayasaṃvignayā vācā vaśiṣṭhamidamabravīt || 41 ||
[Analyze grammar]

asau mṛtyurivogreṇa daṇḍena vahugarvitaḥ |
pragṛhītena kāṣṭhena rākṣaso'bhyeti bhīṣaṇaḥ || 42 ||
[Analyze grammar]

tannivārayituṃ śakto nānyo vai bhuvi kaścana |
tvāmṛte'dya mahābhāga sarvavedavidāṃ vara || 43 ||
[Analyze grammar]

trāhi māṃ bhaga vanpāpādasmāddāruṇadarśanāt |
rākṣaso'yamihāgatya nūnamāvāṃ samīhate || 44 ||
[Analyze grammar]

vaśiṣṭha uvāca |
mā bhaiḥ putri na bhetavyaṃ rākṣasātte kathaṃcana |
naitadrakṣo bhayaṃ yasmātpaśyasi tvamupasthitam |
rājā kalmāṣapādo'yamamātyaiḥ sahito vibhuḥ || 45 ||
[Analyze grammar]

sa eṣo'sminvanoddeśe samā yāto mamāṃtikam |
tamāyāṃtamathālakṣya vaśiṣṭho bhagavānṛṣiḥ |
vārayāmāsa tejasvī huṃkāreṇa nṛpottamam || 46 ||
[Analyze grammar]

mantrapūtena ca tataḥ samabhyukṣya ca vāriṇā |
mokṣayāmāsa vai bhāvādrākṣasādrājasattamam || 47 ||
[Analyze grammar]

pratilabhya tataḥ saṃjñāmabhivādya kṛtāṃjaliḥ |
uvāca nṛpatiḥ kāle vaśiṣṭhamṛṣisatta mam || 48 ||
[Analyze grammar]

saudāso'haṃ mahābhāga dāso'haṃ tava suvrata |
asminkāle yadiṣṭaṃ te brūhi kiṃ karavāṇi te || 49 ||
[Analyze grammar]

tasya tadvacanaṃ śrutvā nṛpasya dvijasattamaḥ |
jñātvā tapobalenaiva viśvāmitrasya ceṣṭitam |
rājānaṃ pratyuvācedaṃ vinayāvanataṃ tathā || 50 ||
[Analyze grammar]

jñātameva yathākālaṃ gaccha rājankuśa sthalīm |
mahākālasamīpe tu liṃgaṃ duḥsvapnanāśanam || 51 ||
[Analyze grammar]

rājasaṃpatkaraṃ divyaṃ putrapautravivarddhanam |
brahmahatyāsahasrāṇāṃ sphoṭanaṃ pāpanāśa nam |
tasya darśanamātreṇa vipāpmā ca bhaviṣyasi || 52 ||
[Analyze grammar]

duḥsvapnajaṃ bhayaṃ ghoraṃ vinaṃkṣyati na saṃśayaḥ |
grahāśca sānukūlāste bhaviṣyanti nṛpo ttama || 53 ||
[Analyze grammar]

ityukto guruṇā bhūyo vaśiṣṭhena mahātmanā |
jagāma tvarito devi mahākālavanaṃ śubham |
dadarśa tatra talliṃgaṃ duṣṭaduḥsvapnanāśanam || 54 ||
[Analyze grammar]

naṣṭāḥ sarvepi duḥsvapnāḥ susvapnāścābhavaṃstadā |
rājā niṣkalmaṣo bhūtvā punaḥ prāpnonnijaṃ padam |
ayodhyāyāṃ gato rājyaṃ cakāra muditastadā || 55 ||
[Analyze grammar]

tadāprabhṛti devo'yaṃ susvapneśvarasaṃjñakaḥ |
babhūva bhuvane khyātaḥ sarvaduḥsvapnanāśanaḥ || 56 ||
[Analyze grammar]

aṣṭamyāṃ ca caturdaśyāṃ devaṃ svapneśvaraṃ śivam |
darśanaṃ ye kariṣyaṃti snātvā śiprājale śubhe |
ājanmaprabhavaṃ teṣāṃ duḥsvapnaṃ ca vinaśyati || 57 ||
[Analyze grammar]

sa eva sarvadā pūjya iha loke paratra ca |
yaḥ paśyati naro bhaktyā devaṃ svapneśvaraṃ śivam || 58 ||
[Analyze grammar]

yaṃ yaṃ kāmamabhidhyāya manasābhimataṃ naraḥ |
taṃ taṃ durllabhamāpnoti susvapneśvaradarśanāt || 59 ||
[Analyze grammar]

niyamena prapaśyaṃti devaṃ svapneśvaraṃ sadā |
te prayāṃti tanuṃ tyaktvā madīyaṃ bhavanaṃ priye || 60 ||
[Analyze grammar]

bhaktihīnaḥ kriyāhīno yaḥ paśyati prasaṃgataḥ |
supuṇyāṃ gatimāpnoti yogigamyāṃ yaśasvini || 61 ||
[Analyze grammar]

ye ca puṣpairvicitraiśca pūjayanti ca parvasu |
te sarvakāmasaṃpannāḥ śrībalārogyasaṃyutāḥ |
dīrghāyuṣaḥ śubhācārā jāyante dehino'malāḥ || 62 ||
[Analyze grammar]

ete ca brahmaviṣṇviṃdrakuberadahanādayaḥ |
susvapnaṃ paramaṃ prāptāḥ śrīsvapneśvaradarśanāt || 63 ||
[Analyze grammar]

eṣa te kathito devi prabhāvaḥ pāpanāśanaḥ |
svapneśvarasya devasya śṛṇu liṃgacatuṣṭayam || 64 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe umāmaheśvarasaṃvāde svapneśvaramāhātmyavarṇanaṃ nāmāśītitamo'dhyāyaḥ || 80 ||
[Analyze grammar]