Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

| īśvara uvāca |
caturdvārasthitaṃ devi śṛṇu liṃgacatuṣṭayam |
yasya darśanamātreṇa kṛtakṛtyo naro bhavet || 1 ||
[Analyze grammar]

ahaṃ pṛṣṭastvayā devi kautukācca varānane |
atīva ramaṇīyaṃ ca sthalaṃ darśaya me prabho || 2 ||
[Analyze grammar]

sevitaṃ bahubhiḥ siddhaiḥ punarāvṛttikāṃkṣibhiḥ |
yadguhyaṃ ca pavitraṃ ca pralaye'pyavināśi yat || 3 ||
[Analyze grammar]

ananyasadṛśaṃ divyaṃ yattīrthaṃ yattapovanam |
asaṃkhyeyaguṇopetaṃ bhuktimuktikaraṃ śubham || 4 ||
[Analyze grammar]

suvarṇaśṛṃgāḥ prāsādā harmyāṇi vividhāni ca |
udyānāni vicitrāṇi mārgāśca vividhāḥ śubhāḥ || 5 ||
[Analyze grammar]

samīhitaphalāvāptiryatra labhyā sukhena vai |
siddhacāraṇagandharvakiṃnarodgītanāditam || 6 ||
[Analyze grammar]

puṇyaloko pamasthānaṃ triviṣṭapavibhūṣaṇam |
evamabhyarthito devi maṃdare cārukandare || 80 ||
[Analyze grammar]

mayā proktaṃ prasannena sthānaṃ śṛṇu sanātanam |
mahākālavanaṃ ramyaṃ svargātsukhakaraṃ param || 8 ||
[Analyze grammar]

anaupamyaguṇopetaṃ bhuktimuktikaraṃ śubham |
tatsamaḥ ko'pi dhanyo'nyo na dṛṣṭo bhuvanatraye || 9 ||
[Analyze grammar]

devagandharvvasiddhaiśca sevyaṃ vai muktikāṃkṣibhiḥ |
vinodārthaṃ mayā sṛṣṭaṃ tvatpriyārthaṃ kutūhalāt || 10 ||
[Analyze grammar]

tilakaṃ sarvatīrthānāṃ jaṃbūdvīpe manorame |
icchākāmaphalāvāptiranāyāsena labhyate || 11 ||
[Analyze grammar]

jarārogabhayairhīnaṃ sarvavyādhivivarjitam |
śakrāgniyamarakṣoṃbuvāyusomeśasevitam |
svarge pramuditā devāste'pi kāṃkṣaṃti sarvadā || 12 ||
[Analyze grammar]

asaṃkhyeyaphalaṃ tvatra akṣayā ca gatiḥ sadā |
yairna saṃsevitaṃ sthānaṃ vaṃcitāste narā bhuvi || 13 ||
[Analyze grammar]

kṣetrasya ca guṇānvaktuṃ devadānavamānavaiḥ |
na śakyate prayatnācca svayaṃ yatra sthito hyaham || 14 ||
[Analyze grammar]

yatkiṃcidaśubhaṃ karma kṛtaṃ mānuṣakarmaṇā |
mahākālavanaṃ prāpya tatsarvaṃ bhasmasādbhavet || 15 ||
[Analyze grammar]

na sā gatiḥ kurukṣetre gaṃgādvāre tripuṣkare |
yā gatirvihitā puṃsāṃ mahākālavane sadā || 16 ||
[Analyze grammar]

tiryagyonigatā gatvā mahākālavane sthitāḥ |
tatraiva nidhanaṃ prāptāste yāṃti paramāṃ gatim || 17 ||
[Analyze grammar]

merumaṃdaramātropi rāśiḥ pāpasya karmaṇaḥ |
mahākālavanaṃ prāpya sarvopi vrajati kṣayam || 18 ||
[Analyze grammar]

śmaśānamiti cākhyātaṃ mahākālavanaṃ priye |
tatra brahmādayo devā nārāyaṇapurogamāḥ || 19 ||
[Analyze grammar]

yoginaśca tathā sāṃkhyāḥ siddhāśca sanakādayaḥ |
upāsate ca māṃ bhaktyā madbhaktyā matparāyaṇāḥ || 20 ||
[Analyze grammar]

yā gatiryogatapasāṃ yā gatiryajñayājinām |
mahākālavane kṣetre sā gatirvihitā mayā || 21 ||
[Analyze grammar]

saṃharāmi ca tatrasthastrailokyaṃ sacarācaram |
ato devi samākhyātaṃ mahākālavanaṃ śubham || 22 ||
[Analyze grammar]

evaṃ bahuvidhāñchutvā guṇānbahuvidhāṃstathā |
devi tvaṃ vismitā jātā gamanāya mano dadhe || 23 ||
[Analyze grammar]

kṣetrasyālokane cittaṃ jātamutkaṃṭhitaṃ tava |
tvayā sārddhaṃ samā gatya mahākālavane śubhe || 24 ||
[Analyze grammar]

paśya devi vicitrākhyaṃ yanmayā kathitaṃ tava |
amareśapurasparddhi varddhitānaṃdasuṃdaram |
varṇitaṃ yanmayā devi bhukti muktikaraṃ param || 25 ||
[Analyze grammar]

tvayā proktaṃ viśālākṣi dṛṣṭvā kṣetramanuttamam |
asya sthānasya rakṣārthaṃ bhaktaṃ gaṇacatuṣṭayam |
niyujyatāṃ mahādeva saṃtoṣāya mama prabho || 26 ||
[Analyze grammar]

dvārāṇi tatra catvāri kriyatāṃ parameśvara |
catvāraḥ kalaśāścaiva haimāḥ kāryā dṛḍhāḥ śubhāḥ || 27 ||
[Analyze grammar]

pūrvādikramayogena caturvargo niyojyatām |
dharmaścārthaśca kāmaśca mokṣaścaiva maheśvara || 28 ||
[Analyze grammar]

tvadīyaṃ vacanaṃ śrutvā mayā devi prayatnataḥ |
asya kṣetrasya rakṣārthaṃ smṛtaṃ gaṇacatuṣṭa yam || 29 ||
[Analyze grammar]

catvāra īśvarāste'pi sthāpitāstadanaṃtaram |
piṃgaleśo dhanādhyakṣastathā kāyāvarohaṇaḥ || 30 ||
[Analyze grammar]

bilveśvaro gaṇaśreṣṭho durdarśo gaṇa nāyakaḥ |
ete mayā niyuktā vai samarthāḥ kṣetrarakṣaṇe || 31 ||
[Analyze grammar]

pūrvādikramayogena tvatpriyārthaṃ varānane |
niyuktāstvanmatenaiva pūrvasyāṃ diśi piṃgalaḥ || 32 ||
[Analyze grammar]

dakṣiṇasyāṃ diśi tathā priye kāyāvarohaṇaḥ |
bilveśvaraḥ pratīcyāṃ tu durddarśaścottare tathā || 33 ||
[Analyze grammar]

mānavā ye mriyaṃte'tra kṣetramadhye gaṇo ttamāḥ |
teṣāṃ rakṣā parā kāryā bhavadbhirmama śāsanāt || 34 ||
[Analyze grammar]

kathāṃ śṛṇu prayatnena piṃgaleśvarasaṃbhavām |
yasyāḥ śravaṇamātreṇa kṛtakṛtyo naro bhavet || 35 ||
[Analyze grammar]

piṃgalā kanyakā devi kānyakubje babhūva ha |
suśīlā ca suveṣā ca sauṃdaryeṇātinirmitā || 36 ||
[Analyze grammar]

pitā tasyā mahāprājñaḥ sarvaśāstrārthatattva vit |
jñānadhyānarataścaiva svādhyāyapariniṣṭhitaḥ || 37 ||
[Analyze grammar]

piṃgalonāma vipreṃdro bhāryā tasya pativratā |
piṃgākṣī viśrutā loke sā ca paṃcatvamā gatā || 38 ||
[Analyze grammar]

tatastena sa duḥkhena gṛhasthāśramaniḥspṛhaḥ |
tapovanaṃ jagāmātha gṛhītvā tanayāṃ svakām || 39 ||
[Analyze grammar]

ṛṣibhiḥ sevitaṃ puṇyaṃ śākamūla phalāśanaiḥ |
sa tatra munibhiḥ sārddhaṃ dhyānayogaparāyaṇaḥ || 40 ||
[Analyze grammar]

nivāsaṃ kṛtavāndevi piṃgalāyāśca rakṣaṇam |
pālayāmāsa dharmātmā putrikāṃ hṛdayopamām || 41 ||
[Analyze grammar]

tāmeva satataṃ sādhvī manyamāno mahātapāḥ |
na pāṇiṃ grāhayāmāsa mātṛhīneti ciṃtayan || 42 ||
[Analyze grammar]

virakto'pi mahābhāga saṃsārā tsarvadharmmavit |
putrikāṃ prekṣayansamyaksaṃnyāsaṃ nākarodvaśī || 43 ||
[Analyze grammar]

atha saṃrakṣayanbālāṃ mātṛhīnāṃ tapasvinīm |
saṃyuktaḥ kāladharmeṇa sa vipraḥ svarjagāma ha || 44 ||
[Analyze grammar]

tataḥ sā rpigalā dīnā hīnā pitrā suduḥkhitā |
vilalāpāturā devi patitā śokasāgare || 45 ||
[Analyze grammar]

piṃgalovāca |
adya me ca pitā daivātkāladharmamupeyivān |
māṃ tyaktvā gatavāneko dayālurniḥspṛho yathā || 46 ||
[Analyze grammar]

sa samaḥ sarvabhūteṣu mamātyaṃtaṃ hite rataḥ |
māmekāṃ saṃparityajya paralokamito gataḥ || 47 ||
[Analyze grammar]

sā'haṃ paramaduḥkhārtā pitṛśokena vihvalā |
śarīraṃ dhārayāmīdaṃ kṛpaṇaṃ vyarthajīvitam || 48 ||
[Analyze grammar]

brahmajñopi hi tāto me śāṃto dāṃto jiteṃdriyaḥ |
māmeva pālayāmāsa mātṛhīneti ciṃtayan || 49 ||
[Analyze grammar]

yena saṃrakṣitā bālye yenāsmi parivardhitā |
tena pitrā viyuktāhaṃ na jīviṣye kadācana || 50 ||
[Analyze grammar]

nadyāṃ vā nipatiṣyāmi samiddhe vā hutāśane |
parvatādvā patiṣyāmi pitṛhīnā nirāśrayā || 51 ||
[Analyze grammar]

iti śokāturā bālā vilapaṃtī punaḥpunaḥ |
bodhyamānā mahābhāgaiḥ sadārairṛṣisattamaiḥ || 52 ||
[Analyze grammar]

kanyakābhī rudaṃtībhirvayasyābhiḥ samaṃtataḥ |
āliṃgyāliṃgya bahuśaḥ pīḍyamānā suduḥkhitā |
āgatya karuṇāviṣṭo dharmaḥ parahite rataḥ || 53 ||
[Analyze grammar]

sthaviro brāhmaṇo bhūtvā provācedaṃ vacastadā |
alaṃ bāle viśālākṣi rodanairatidāruṇaiḥ |
na bhūyaḥ prāpyate tātastasmānnārhasi śocitum || 54 ||
[Analyze grammar]

anityaṃ yauvanaṃ rūpaṃ jīvitaṃ dravyasaṃcayaḥ |
priyaiḥ saha ca saṃvāsastanna śocanti paṃḍitāḥ || 55 ||
[Analyze grammar]

tvayā vai tatkṛtaṃ karma pūrvajanmani śobhane |
yena pitrā viyogaḥ syādaraṇye munisevite || 56 ||
[Analyze grammar]

tvāṃ vihāya gataḥ kvāpi paśya bāle vidherbalam |
idaṃ kṛtamidaṃ kāryamidamanyatkṛtākṛtam || 57 ||
[Analyze grammar]

evamīhā samāsaktaṃ mṛtyuḥ prakurute vaśe |
tasmādduḥkhaṃ samutsṛjya śrotumarhasi śobhane || 58 ||
[Analyze grammar]

pitṛbhyāṃ ca viyogaśca yenābhūttava karmaṇā |
purā tvaṃ sundarī nāma veśyārūpeṇa sundarī || 59 ||
[Analyze grammar]

nṛtyageyādi nipuṇā vīṇāveṇuvicakṣaṇā |
ādiśca paṇyanārīṇāṃ bhūṣaṇācchādanādibhiḥ || 60 ||
[Analyze grammar]

tāṃ dṛṣṭvā rūpasaṃpannāṃ suveṣāṃ suvibhūṣitām |
brāhmaṇo guṇavānka ścidbabhūva madanāturaḥ || 61 ||
[Analyze grammar]

taṃ viditvā tathābhūtaṃ brāhmaṇaṃ madanāturam |
samāścatasrastena tvaṃ ramitā kāminā tataḥ || 62 ||
[Analyze grammar]

so'tha pāparatirmūḍho brāhmaṇo viṣayātmakaḥ |
hataḥ śūdreṇa kenāpi kāminā tava veśmani || 63 ||
[Analyze grammar]

vihāya bhāryāmaprauḍhāṃ śubhāṃ dvādaśavārṣikīm |
prayāto narakaṃ ghoraṃ śūdrāsaṃparkadūṣitaḥ || 64 ||
[Analyze grammar]

tatastasya pitā vidvānmātātīva ca duḥkhitā |
ārttā putraviyogena śāpo datto bhayāvahaḥ || 65 ||
[Analyze grammar]

mātovāca |
auṣadhādi prayuktaṃ ca vaśīkartuṃ mamātmajam |
yadasmākaṃ viyogāya vaṃcito duṣṭacāriṇi || 66 ||
[Analyze grammar]

yasmācca mama putreṇa sā viyogamakārayat |
tena janmāṃtare dīnā patihīnā bhavatvasau || 67 ||
[Analyze grammar]

pitovāca |
bālye vayasi varttaṃtī mātṛhīnā suduḥkhitā |
bahiṣkṛtā vivāhena pitṛhīnā bhaviṣyasi || 68 ||
[Analyze grammar]

dharmma uvāca |
tasmātpūrvakṛtenaiva karmaṇā varavarṇini |
idaṃ duḥkhamanuprāptā kanyakā bhavatī satī || 69 ||
[Analyze grammar]

piṃgalovāca |
tvayā janmāṃtare vṛttaṃ mama proktaṃ dvijottama |
tasmādbrūhi bhavanpraśnaṃ pṛcchaṃtyā niścayaṃ svakam || 70 ||
[Analyze grammar]

itthaṃ sughorapāpāhaṃ pāpācārā tathā'dhamā |
kathaṃ tu brāhmaṇenāhamutpannā brahmavādinā || 71 ||
[Analyze grammar]

daśasūnāsamaścakrī daśacakrisamo dhvajaḥ |
daśadhvajasamā veśyā daśaveśyāsamo nṛpaḥ || 72 ||
[Analyze grammar]

evaṃ vadaṃti dharmajñā brāhmaṇāḥ saṃśitavratāḥ |
tasmāddvijottamādasmātkathaṃ janmābhavanmama || 73 ||
[Analyze grammar]

brāhmaṇa uvāca |
pāpācāraparāpi tvaṃ brāhmaṇānāṃ kule śubhe |
utpannā tatra vakṣyāmi kāraṇaṃ śṛṇu piṃgale || 74 ||
[Analyze grammar]

brāhmaṇo viṣayāsaktaḥ kaścidbaddho nṛpājñayā |
cauryaṃ karma kṛtaṃ tena veśyālubdhena sundari || 75 ||
[Analyze grammar]

mucyatāṃ ca tvayāpyuktaṃ na cauro naiva pātakam |
yadyanena kṛtaṃ cauryaṃ tanmayaiva kṛtaṃ bhavet || 76 ||
[Analyze grammar]

dadāmi vittamadhikaṃ mucyatāṃ dvijasattamaḥ |
ityuktvā gṛhamānīya tenaiva sahitā punaḥ || 77 ||
[Analyze grammar]

gṛhaṃ ca kalpitaṃ śubhraṃ puṣpadhṛpādivā sitam |
ramitaśca tvayā vipro yathāsukhamanuttamam || 78 ||
[Analyze grammar]

tasya puṇyasya māhātmyādgatā svargamanuttamam |
samutpannā kule putrī brāhmaṇasya viśeṣataḥ || 79 ||
[Analyze grammar]

śāpāccaiva viyogaṃ tvaṃ prāptā putryadhunā param || 80 ||
[Analyze grammar]

piṃgalovāca |
pūrvajanmani veśyāhaṃ jātā duṣkṛtakāriṇī |
paradravyaparā duṣṭā śaucācāravivarjitā |
idānīṃ duḥkhitā jātā pitṛmātṛviyogataḥ || 81 ||
[Analyze grammar]

pāṇigrahaṇadharmeṇa varjitā śāpataḥ prabho |
prasādaṃ kuru me vipra ko bhavānkathayasva me || 82 ||
[Analyze grammar]

kathaṃ janma na me bhūyātkathaṃ muktirbhavenmama |
bhavabandhavinirmuktā kathaṃ yāsyāmi sadgatim || 83 ||
[Analyze grammar]

vipra uvāca |
dharmohaṃ dvijarūpeṇa tvāṃ jijñāsurihāgataḥ |
mamopadeśāttanvaṃgi liṃgasyaikasya darśanāt |
kṣetrasya ca prasādāttvaṃ parāṃ muktimavāpsyasi || 84 ||
[Analyze grammar]

piṃgalovāca |
kasminkṣetre parā muktiḥ kasya liṃgasya darśanāt |
labhyate sahasā dharma etadicchāmi veditum || 85 ||
[Analyze grammar]

dharma uvāca |
asti guptatamaṃ kṣetraṃ mahākālavanaṃ śubham |
sarveṣāmeva jaṃtūnāṃ heturmokṣasya sarvadā || 86 ||
[Analyze grammar]

tasminkṣetravare puṇye sthāne yojanavistṛte |
liṃgaṃ mokṣapradaṃ putri pūrvasyāṃ diśi saṃsthitam |
tasya darśanamātreṇa muktimāpsyasi piṃgale || 87 ||
[Analyze grammar]

tasya tadvacanaṃ śrutvā dharmasya ca yaśasvini |
jagāma piṃgalā tūrṇaṃ yatra talliṃgamuttamam |
dadarśa parayā bhaktyā pasparśa ca punaḥpunaḥ || 88 ||
[Analyze grammar]

darśanāttasya liṃgasya tasmilliṃge layaṃ gatā |
atra cāvasare devāḥ procustatraiva saṃsthitāḥ || 89 ||
[Analyze grammar]

anyajanmani pāpiṣṭhā muktā tvaṃ piṃgalekṣaṇā || 90 ||
[Analyze grammar]

ato lokeṣu vikhyātaḥ piṃgaleśvarasaṃjñakaḥ |
bhaviṣyati na saṃdeho mahāpātakanāśanaḥ || 91 ||
[Analyze grammar]

diśi paśyaṃti ye gatvā pūrvasyāṃ piṃgaleśvaram |
teṣāṃ śatakratustuṣṭaḥ pūjāṃ samyagvidhāsyati || 92 ||
[Analyze grammar]

devā vaśyā bhaviṣyaṃti svargasteṣāṃ na saṃśayaḥ |
bhaviṣyati ca vaśagā nagarī cāmarāvatī || 93 ||
[Analyze grammar]

dharmo dhanena sahitaḥ kule teṣāṃ na naśyati |
loko dharmeṇa caratāṃ vaśagaḥ saṃbha viṣyati |
pitṝṇāmakṣayā tṛptirbhaviṣyati na saṃśayaḥ || 94 ||
[Analyze grammar]

aśvamedhasahasreṇa yatpuṇyaṃ samudāhṛtam |
tatsarvaṃ bhavitā samya kpiṃgaleśvaradarśanāt || 95 ||
[Analyze grammar]

yāni liṃgāni kṣetre'smingopyāni prakaṭāni ca |
pūjitāni bhavaṃtīha piṃgaleśvaradarśanāt || 96 ||
[Analyze grammar]

eṣa te kathito devi prabhāvaḥ pāpanāśanaḥ |
piṃgaleśvaradevasya śṛṇu kāyāvarohaṇam || 97 ||
[Analyze grammar]

Other editions:

Also see the following editions of the Sanskrit text or (alternative) English translations of the Skandapurana Chapter 81

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: