Chapter 79

[English text for this chapter is available]

śrīmahādeva uvāca |
ekonāśītikaṃ viddhi hanumatkeśvaraṃ priye |
yasya darśanamātreṇa samīhitaphalaṃ labhet || 1 ||
[Analyze grammar]

prāptarājyasya rāmasya rākṣasānāṃ vadhe kṛte |
āgatā munayo devi rāghavaṃ pratinaṃditum || 2 ||
[Analyze grammar]

rāmeṇa pūjitāḥ sarve hyagastipramukhā dvijāḥ |
prahṛṣṭamanaso viprā rāmaṃ vacanamabruvan || 3 ||
[Analyze grammar]

diṣṭyā tu nihato rāma rāvaṇaḥ putrapautravān |
diṣṭyā vijayinaṃ tvā'dya paśyāmaḥ saha bhāryayā || 4 ||
[Analyze grammar]

hanūmatā ca sahitaṃ vānareṇa mahātmanā |
diṣṭyā pavanaputreṇa rākṣasāṃtakareṇa ca || 5 ||
[Analyze grammar]

ciraṃ jīvatu dīrghāyurvānaro hanumānsadā |
aṃjanīgarbhasaṃbhūto rudrāṃśo hi dharātale || 6 ||
[Analyze grammar]

ākhaṃḍalo'gnirbhagavānyamo vai niṛtistathā |
varuṇaḥ pavanaścaiva dhanādhyakṣastathā śivaḥ |
brahmaṇā sahitāścaiva dikpālāḥ pātu sarvadā || 7 ||
[Analyze grammar]

śrutvā teṣāṃ tu vacanaṃ munīnāṃ bhāvitātmanām |
vismayaṃ paramaṃ gatvā rāmaḥ prāṃjalirabravīt || 8 ||
[Analyze grammar]

kimarthaṃ lakṣmaṇaṃ tyaktvā vānaro'yaṃ praśaṃsitaḥ |
kīdṛśaḥ kiṃprabhāvo vā kiṃvīryaḥ kiṃparākramaḥ || 9 ||
[Analyze grammar]

athocuḥ satyamevaitatkāraṇaṃ vānarottame |
na tvasya sadṛśo vīrye vidyate bhuvanatraye || 10 ||
[Analyze grammar]

eṣa deva mahāprājño yojanānāṃ śataṃ plutaḥ |
dharṣayitvā purīṃ laṃkāṃ rāvaṇāṃtaḥpuraṃ gataḥ || 11 ||
[Analyze grammar]

prādeśamātrapratimaṃ kṛtaṃ rūpamanena vai |
dṛṣṭā saṃbhāṣitā sītā pṛṣṭā viśvāsitā tathā || 12 ||
[Analyze grammar]

senāgragā maṃtriputrāḥ kiṃkarā rāvaṇātmajāḥ |
hatā hanumatā tatra tāḍitā rāvaṇālaye || 13 ||
[Analyze grammar]

bhūyo bandhavimuktena saṃbhāṣya tu daśānanam |
laṃkā bhasmīkṛtā tena pātakeneva medinī || 14 ||
[Analyze grammar]

na kālasya na śakrasya na viṣṇorvedhaso'pi vā |
śrūyaṃte tāni karmāṇi yādṛśāni hanūmataḥ || 15 ||
[Analyze grammar]

rāma uvāca |
etasya bāhuvīryeṇa laṃkā sītā ca lakṣmaṇaḥ |
prāpto mama jayaścaiva rājyaṃ mitrāṇi bāndhavāḥ || 16 ||
[Analyze grammar]

sakhāyaṃ vānarapatirmuktvainaṃ haripuṃgavam |
pravṛttimapi ko vettuṃ jānakyāḥ śaktimānbhavet || 17 ||
[Analyze grammar]

vālī kimarthametena sugrīvapriyakāmyayā |
tadā vaire samutpanne na dagdhastṛṇavatkatham || 18 ||
[Analyze grammar]

nāyaṃ viditavānmanye hanumānātmano balam |
upekṣitaḥ kliśyimāne kimarthaṃ vānarādhipe || 19 ||
[Analyze grammar]

evaṃ bruvāṇaṃ rāmaṃ tu munayo vākyamabruvan |
satyametadraghuśreṣṭha yadbravīṣi hanūmataḥ || 20 ||
[Analyze grammar]

na bale vidyate tulyo na gatau na matāvapi |
amoghavākyaiḥ śāpastu datto'sya munibhiḥ purā || 21 ||
[Analyze grammar]

na jñātaṃ hi balaṃ yena balinā vālimardane |
bālye'pyanena yatkarma kṛtaṃ nāma mahātmanā || 22 ||
[Analyze grammar]

tanna varṇayituṃ śakyametasya tu balaṃ mahat |
yadi śrotuṃ tavecchāsti niśāmaya vadāmahe || 23 ||
[Analyze grammar]

asau hi jātamātro'pi bālārka iva mūrttimān |
grahītukāmo bālārkaṃ puplāvāṃbaramadhyataḥ || 24 ||
[Analyze grammar]

tūrṇamādhāvato rāma śakreṇa viditātmanā |
hanustenāsya sahasā kuliśenaiva tāḍitaḥ || 25 ||
[Analyze grammar]

tato girau papātaiṣa śakravajrābhitāḍitaḥ |
patatosya mahāvegādvāmo hanurabhajyata |
asmiṃstu patite bāle mṛtakalpe'śanikṣatāt || 26 ||
[Analyze grammar]

tato vāyuḥ samādāya mahā kālavanaṃ gataḥ |
liṃgamārādhayāmāsa putrārthaṃ pavanastadā || 27 ||
[Analyze grammar]

spṛṣṭamātrastu liṃgena samuttasthau plavaṃgamaḥ |
jalasiktaṃ yathā sasyaṃ punarjīvi tamāptavān || 28 ||
[Analyze grammar]

prāṇavaṃtamimaṃ dṛṣṭvā pavano harṣitastadā |
pratyuvāca prasannātmā putramādāya satvaram || 29 ||
[Analyze grammar]

sparśanādasya liṃgasya mama putraḥ samutthitaḥ |
hanumatkeśvaro devo vikhyāto'yaṃ bhaviṣyati || 30 ||
[Analyze grammar]

etasminnaṃtare śakraḥ samāyātaḥ surairvṛtaḥ |
nīlotpalamayīṃ mālāṃ saṃpragṛhyedamabravīt || 31 ||
[Analyze grammar]

matkarotsṛṣṭavajreṇa yasmādasyahanurhataḥ |
tadeṣa kapiśārdūlo hanumāṃstu bhaviṣyati || 32 ||
[Analyze grammar]

varuṇo'sva varaṃ prādānnāsya mṛtyurbhaviṣyati |
yamo daṃḍādavadhyatvamārogyaṃ dhanado dadau || 33 ||
[Analyze grammar]

sūryeṇa ca prabhā dattā pavanena gatirdrutā |
liṃgena ca varo datto devānāṃ saṃnidhau tadā || 34 ||
[Analyze grammar]

āyudhānāṃ hi sarveṣāmavadhyo'yaṃ bhaviṣyati |
ajaraścāmaraścaiva bhaviṣyati na saṃśayaḥ || 35 ||
[Analyze grammar]

amitrabhayado hyeṣa mitrāṇāmabhaya pradaḥ |
ajeyo bhavitā yuddhe liṃgenoktaṃ punaḥpunaḥ || 36 ||
[Analyze grammar]

śatrorbalotsādanāya rāghavaprītaye sadā |
kiyatkālaṃ balaṃ svīyaṃ na smariṣyati śāpataḥ || 37 ||
[Analyze grammar]

hate tu rāvaṇe bhūyo rāmasyānumate sthitaḥ |
vibhīṣaṇaṃ prārthayitvā māmatra sthāpayiṣyati || 38 ||
[Analyze grammar]

tato māṃ tridaśāḥ sarve pūjayiṣyaṃti bhāvitāḥ |
tenaiva nāmnā vikhyātiṃ punaryāsyāmi bhūtale || 39 ||
[Analyze grammar]

atha gaṃdhavahaḥ putraṃ pragṛhya gṛhamānayat |
aṃjanāyai tadācakhyau varalabdhiṃ ca liṃgataḥ || 40 ||
[Analyze grammar]

evaṃ liṃgaprabhāvācca balavānmārutātmajaḥ |
sa jātastriṣulokeṣu rāma tasmātpraśasyate || 41 ||
[Analyze grammar]

parākramotsāhamati pratāpaiḥ sauśīlyamādhuryanayādikaiśca |
gāṃbhīryacāturyasuvīryadhairyairhanūmataḥ ko'bhyadhiko'sti loke || 42 ||
[Analyze grammar]

mameva vikṣobhitasāgarasya lokāndi dhakṣoriva pāvakasya |
prajā jihīrṣoriva cātakasya hanūmataḥ sthāsyati kaḥ purastāt || 43 ||
[Analyze grammar]

etadvai kathita tubhyaṃ yanmāṃ tvaṃ pari pṛcchasi |
hanūmato'sya bālasya karmāṇyadbhutavikrama || 44 ||
[Analyze grammar]

dṛṣṭaḥ sabhājitaścāpi rāma gacchāmahe vayam |
evamuktvā gatāḥ sarve munayo'vaṃtimaṇḍalam |
pūjayāmāsurīśānaṃ hanumatkeśvaraṃ śivam |
samarcayaṃti ye bhaktyā liṃgaṃ tridaśapūjitam |
hanumatkeśvaraṃ devaṃ te kṛtārthāḥ kalau yuge || 46 ||
[Analyze grammar]

vrajaṃtyeva suduṣprāpyaṃ brahmasāyujyamavyayam |
saṃprāpya tu punarjanma labhaṃte mokṣamavyayam || 47 ||
[Analyze grammar]

yaḥ paśyati naro liṃgaṃ hanumatkeśvaraॆ priya |
so'dhikaṃ phalamāpnoti sarvaduḥkhavivarjitaḥ || 48 ||
[Analyze grammar]

sarvalokeṣu tasyaiva gatirna pratihanyate |
divyenaiśvaryayogena yujyate nātra saṃśayaḥ || 49 ||
[Analyze grammar]

bālasūryapratīkāśavimānena suvarcasā |
vṛtaḥ strīṇāṃ sahasraistu svacchadagamanāgamaḥ || 50 ||
[Analyze grammar]

vicaratyavicāreṇa sarvalokāndivaukasām |
spṛhaṇīyatamaḥ puṃsāṃ sarvavarṇottamodhunā || 51 ||
[Analyze grammar]

svargāccyutaḥ prajāyeta kule mahati rūpavān |
dharmajño rudrabhaktaśca sarvavidyārthapāragaḥ || 52 ||
[Analyze grammar]

rājā vā rājatulyo vā darśanādasya jāyate |
sparśanātparamaṃ puṇyaṃ yajanātparamaṃ padam || 53 ||
[Analyze grammar]

eṣa te kathito devi prabhāvaḥ pāpanāśanaḥ |
hanumatkeśvareśasya svapneśvaramatho śṛṇu || 54 ||
[Analyze grammar]