Chapter 69

[English text for this chapter is available]

īśvara uvāca ||
ekonasaptatiṃ devi śṛṇu pārvati yatnataḥ |
yasya darśanamātreṇa saṃgamo jāyate sadā || 1 ||
[Analyze grammar]

kaliṃgaviṣaye devi subāhurnāma pārthivaḥ |
babhūva bhuvi vikhyāto yajvā paramadhārmikaḥ || 2 ||
[Analyze grammar]

tasya patnī viśālākṣī duhitā dṛḍhadhanvanaḥ |
kāṃcīpuranivāsasya kṣātravrataratasya ca || 3 ||
[Analyze grammar]

parasparānurāgatvātparā prītirabhūttayoḥ |
tasya rājñaḥ śiro'rttistu madhyāhne jāyate sadā || 4 ||
[Analyze grammar]

āyurvedavidāṃ mukhyaiḥ śarīrasya cikitsakaiḥ |
taiḥ praṇītāḥ priye yogā vyathāvṛddhirdinedine || 5 ||
[Analyze grammar]

evaṃ bahutare kāle gate devi mahīpatim |
pratyuvāca viśālākṣī bhartturduḥkhena pīḍitā || 6 ||
[Analyze grammar]

kathameṣā śiroroge jarā te pṛthivīpate |
vaidyāśca bahavo deva nānāśāstraviśāradāḥ |
prayataṃte'sya nāśāya tathāpyeṣa na śāmyati || 7 ||
[Analyze grammar]

evaṃ sa priyayā proktaḥ subāhuḥ pṛthivīpatiḥ |
pratyuvāca priyāṃ bhāryāṃ premṇā praṇayavatsalām || 8 ||
[Analyze grammar]

sukhaduḥkhāśrayaṃ devi śarīraṃ sarvadehinām |
pūrvakarmānusāreṇa sukhaṃ duḥkhaṃ ca jāyate || 9 ||
[Analyze grammar]

iti saṃbodhitā rājñī tena rājñā varānane |
punaḥ provāca hārddena tamevārthaṃ suduḥkhitā || 10 ||
[Analyze grammar]

yadā sā vāritātyarthaṃ pṛcchatyeva punaḥpunaḥ |
tadā rājā prahasyaiva tāṃ ca rājñīmuvāca ha || 11 ||
[Analyze grammar]

yadi tvaṃ śrotukāmāsi rogasyāsya samudbhavam |
kāraṇaṃ tattvato devi nākhyāsyāmyahamatra vai || 12 ||
[Analyze grammar]

mahākālavanaṃ gatvā siddhagaṃdharvasevitam |
tatra te kathayiṣyāmi yadi kautūhalaṃ tava || 13 ||
[Analyze grammar]

śvaḥ prabhāte gamiṣyāmi tvayā sārddhaṃ śucismite |
iti tasya vacaḥ śrutvā sā rājñī vismitā sthitā |
utsukā gamanārthāya mahākālavanaṃ śubham || 14 ||
[Analyze grammar]

atha sā rajanī vṛttā prabhāte nṛpasattamaḥ |
pratasthe bhāryayā sārddhaṃ sainyena mahatā vṛtaḥ || 15 ||
[Analyze grammar]

ājagāma krameṇaiva mahākālavanaṃ śubham |
āvāsaṃ vidadhe dhīmācchiprātīre nṛpastadā || 16 ||
[Analyze grammar]

pātālavāhinī tatra gaṃgā tripathagāminī |
dvitīyā nīlagaṃgā ca śiprayā saha saṃgatā || 17 ||
[Analyze grammar]

tāsāṃ ca saṃgamastatra talliṃgaṃ saṃgameśvaram |
pūjitaṃ gaṃgayā sārddhaṃ śiprayā nīlagaṃgayā || 18 ||
[Analyze grammar]

atha prāpte subāhau ca sā rājñī vismayānvitā |
papraccha praṇayopetā kathyatāmatra kāraṇam |
yattvayoktaṃ purā deva kathayiṣyāmi tatra vai || 19 ||
[Analyze grammar]

evamuktaḥ subāhustu priyayā pṛthivīpatiḥ |
pratyuvāca priyāṃ premṇā prahasya ca punaḥpunaḥ || 20 ||
[Analyze grammar]

sukhaṃ svapihi bhadrāṃgi śrāṃtā vayamaniṃdite |
prabhāte kathayiṣyāmi śirorogasya kāraṇam || 21 ||
[Analyze grammar]

atha sā rajanī vṛttā prabhāte nṛpasattamaḥ |
kathayāmāsa māhātmyaṃ devasya parameṣṭhinaḥ || 22 ||
[Analyze grammar]

ahamāsaṃ kuśūdrastu sarvadā vedaniṃdakaḥ |
viśvāsaghātako nityaṃ tvamapyevaṃ tathāvidhā || 23 ||
[Analyze grammar]

putro jātastu duḥśīlo devabrāhmaṇavaṃcakaḥ |
kurūpaḥ karkaśo duṣṭaḥ prakṛtyā pāpapūruṣaḥ || 24 ||
[Analyze grammar]

atha dīrgheṇa kālena dvādaśābdaṃ bhayāvahā |
anāvṛṣṭistu saṃjātā sarvaprāṇibhayaṃkarī || 25 ||
[Analyze grammar]

viyogastu tvayā prāpto mayā sārddhaṃ sutena ca |
tato'haṃ duḥkhasaṃtapto vairāgyaṃ paramaṃ gataḥ || 26 ||
[Analyze grammar]

icchatā nidhanaṃ sadyo mayā proktamidaṃ vacaḥ |
mama puṇyavihīnasya pāpadhyānaratasya ca || 27 ||
[Analyze grammar]

sutena bhāryayā sārddhaṃ saṃgamo durlabhaḥ punaḥ |
kathaṃ svapiti pāpiṣṭhaḥ kṛtvā pāpaṃ sudāruṇam || 28 ||
[Analyze grammar]

kuṭuṃbārthe karotyevamekākī nistaratyasau |
dharma eva paro baṃdhurdharma eva parā gatiḥ |
dharmeṇa sādhyate sarvaṃ tasmāddharmaṃ samāśrayet || 29 ||
[Analyze grammar]

iti ciṃtayato'tyarthaṃ mama prāṇā gatāḥ priye |
vividhā yātanā prāptā mayā narakakoṭiṣu || 30 ||
[Analyze grammar]

aṃtakāle'pi dharmasya praśaṃsā yā mayā kṛtā |
matsyo'haṃ tena puṇyena jātaḥ śiprājale śubhe || 31 ||
[Analyze grammar]

tvaṃ ca śyenī tato jātā tasminneva vanottame |
prāvṛṭkāle'tha saṃprāpte āśleṣānugate ravau || 32 ||
[Analyze grammar]

nadītrayarayeṇaiva niḥsṛto'haṃ jalāttataḥ |
tvayā śirasi saṃprāpto nakhairviddho'smi suṃdari || 33 ||
[Analyze grammar]

ānīto'haṃ tvayā devi saṃgameśvarasaṃnidhau |
kaivartairnidhanaṃ prāptaṃ tvayā sārddhaṃ varānane || 34 ||
[Analyze grammar]

mriyamāṇena me dṛṣṭo devo'sau saṃgameśvaraḥ |
śiprayā snāpito'tyarthaṃ gaṃgayā nīlagaṃgayā || 35 ||
[Analyze grammar]

tasya darśana mātreṇa jāto'haṃ pṛthivīpatiḥ |
kaliṃgaviṣaye devi sarvabhūpālavaṃditaḥ || 36 ||
[Analyze grammar]

sutā tvaṃ vallabhā jātā kāṃcīpuranivāsinaḥ |
kṣātravrataratasyaiva subhagā dṛḍhadhanvanaḥ || 37 ||
[Analyze grammar]

āvāṃ rājatvamāpannau tasya liṃgasya darśanāt |
tvayā kararuhairviddho mārito laguḍaiśca taiḥ || 38 ||
[Analyze grammar]

madhyāhne kadanaṃ smṛtvā tato me śirasi vyathā |
smarāmi jātimātmīyāmasya devasya darśanāt || 39 ||
[Analyze grammar]

etatte kathitaṃ devi pṛṣṭo'haṃ yattvayā purā |
gaccha suṃdari bhadraṃ te yatra te varttate manaḥ || 40 ||
[Analyze grammar]

sthātavyaṃ ca mayātraiva sevyo'sau saṃgameśvaraḥ || 41 ||
[Analyze grammar]

tataḥ sā niravadyāṃgī nīlotpalavilocanā |
karuṇaṃ susvaraṃ kṛtvā bharttāra midamabravīt || 42 ||
[Analyze grammar]

mayāpi saṃsmṛtaṃ deva pūrvajanmani ceṣṭitam |
asya liṃgasya māhātmyāttiryagyonigatāvapi || 43 ||
[Analyze grammar]

prāptāvāvāṃ manuṣyatvaṃ nirmaleṣu kuleṣu ca |
prāptā śrīratulā loke prāptaṃ rājyamakaṃṭakam || 44 ||
[Analyze grammar]

prāptā bhāryā priyāhaṃ te tvaṃ ca prāpto mayā nṛpa |
khyātoyaṃ triṣu lokeṣu nāmataḥ saṃgameśvaraḥ || 45 ||
[Analyze grammar]

asya devasya māhātmyādviyogo na bhaviṣyati |
yathā kṛṣṇasya lakṣmyā ca pārvatyā ca śivasya ca || 46 ||
[Analyze grammar]

punaḥ praṇamya praṇatā sahasā manmathākulā |
bharttā subāhurme bhūyādanyasminniha janmani || 47 ||
[Analyze grammar]

tava devaprasādena yadi tvaṃ saṃgameśvaraḥ |
tato vilokya sonmeṣaṃ kusumeṣutaraṃgitām |
kāṃtāṃ pibanniva dṛśā prāha tāṃ taralekṣaṇām || 48 ||
[Analyze grammar]

sahajenābhijanyena guṇaiḥ kāṃtyā vibhūṣitā |
mayā prāptā viśālākṣi prāptaṃ majjanmanaḥ phalam || 49 ||
[Analyze grammar]

tatastāṃ bhayasaṃtrastāṃ kaṃpitādharapallavām |
gṛhītvā ca kare kāṃtāṃ jagāmāṃtaḥpuraṃ nijam || 50 ||
[Analyze grammar]

vadankaṃdarpasarpeṇa daṣṭo'haṃ daivato'dhunā |
cacāra tatra niḥsāraṃ saṃsāraṃ kalayandhiyā || 51 ||
[Analyze grammar]

pure mama varārohe ciraṃ reme tayā saha |
evaṃ rājā priyāṃ prāpya nivedya ca nijāṃ kathām || 52 ||
[Analyze grammar]

bheje rājyaṃ tayā sārddhaṃ vistāritamahotsavaḥ |
aśāśvatamidaṃ jñātvā arthibhyo'pi dadau dhanam || 53 ||
[Analyze grammar]

apūrvatyāginā tena trailokyaṃ vismayaṃ yayau |
rājyaṃ kṛtvā ciraṃ kālaṃ sabhāryo nṛpasattamaḥ || 54 ||
[Analyze grammar]

bhuktvā ca vipulānbhogāṃstasmiṃlliṃge layaṃ gataḥ |
ato devi suvikhyāto devo'sau saṃgameśvaraḥ || 55 ||
[Analyze grammar]

yaḥ paśyetparayā bhaktyā talliṃgaṃ saṃgameśvaram |
na viyogo bhavettasya putrabhrātṛpriyādibhiḥ || 56 ||
[Analyze grammar]

niyamena tu yaḥ paśyettalliṃgaṃ saṃgameśvaram |
rājasūyasahasrasya phalaṃ tasyādhikaṃ bhavet || 57 ||
[Analyze grammar]

gāṃgaṃ ca saphalaṃ puṇyaṃ yāmunaṃ nāmardaṃ tathā || |
jāyate cāṃdrabhāgaṃ ca saṃgameśvaradarśanāt || 58 ||
[Analyze grammar]

yaḥ paśyecchrāvaṇe māsi talliṃgaṃ saṃgameśvaram |
kārtikasvāmino yātrā kṛtā tena na saṃśayaḥ || 59 ||
[Analyze grammar]

māsi cāśvayuje devaṃ yaḥ paśyetsaṃgameśvaram |
kṛtaṃ tena sahasraṃ tu vājapeyaṃ varānane || 60 ||
[Analyze grammar]

yaḥ paśyetkārttike māsi talliṃgaṃ saṃgameśvaram || |
rājasūyasahasraṃ tu kṛtaṃ tena na saṃśayaḥ || 61 ||
[Analyze grammar]

caturo vārṣikānmāsānyaḥ paśyetsaṃgameśvaram |
sa yāti paramaṃ sthānaṃ mamābhīṣṭataraṃ priye || 62 ||
[Analyze grammar]

eṣa te kathito devi prabhāvaḥ pāpanāśanaḥ |
saṃgameśvaradevasya śṛṇu durddharṣamīśvaram || 63 ||
[Analyze grammar]