Chapter 68

[English text for this chapter is available]

| īśvara uvāca |
aṣṭaṣaṣṭikasaṃkhyākaṃ piśācākhyamatheśvaram |
śṛṇu devi prayatnena darśanātpāpanāśanam || 1 ||
[Analyze grammar]

ādau kaliyuge devi śūdro bahudhano'bhavat |
somo nāma suvikhyāto nāstiko vedaniṃdakaḥ || 2 ||
[Analyze grammar]

abrahmaṇyo nṛśaṃsaśca kadaryo nirapatrapaḥ |
viśvāsaghātakaścaiva parasvaharaṇe rataḥ || 3 ||
[Analyze grammar]

trivargahaṃtā cānyeṣāmātmakāmānuvarttakaḥ |
sa kadācinmṛto devi kaṣṭena parameṇa ca || 4 ||
[Analyze grammar]

marudeśe piśāco'bhūnnagno dīno bhayāvahaḥ |
nāśakṛtsa piśācānāṃ svapakṣocchedakārakaḥ || 5 ||
[Analyze grammar]

bahavo mardditāstena piśācā balavattarāḥ || 6 ||
[Analyze grammar]

atha tenaiva mārgeṇa kadācicchākaṭāyanaḥ |
svādhyāyanirato vidvānvāggmī śamaparāyaṇaḥ || 7 ||
[Analyze grammar]

udayādityasaṃkāśo vibhāvasusamadyutiḥ |
śakaṭena sadā yāti sa paśyanparvatātmaje || 8 ||
[Analyze grammar]

gato dadarśa taṃ raudraṃ piśācaṃ ca bhayāvaham |
sa piśācaḥ kṣudhāviṣṭo bhoktukāmo'bhyadhāvata || 9 ||
[Analyze grammar]

dṛṣṭvā taṃ śakaṭārūḍhaṃ brāhmaṇaṃ śākaṭāyanam |
śakaṭasya dhvaniṃ śrutvā rūpaṃ dṛṣṭvā dvijasya ca || 10 ||
[Analyze grammar]

tathārūpaḥ piśācastu karṇābhyāṃ badhirīkṛtaḥ |
ātmatrāṇaparo bhūtvā naṣṭaḥ kaṣṭena pārvati |
taṃ dhāvaṃtaṃ samālokya piśācaṃ brāhmaṇo'bravīt || 11 ||
[Analyze grammar]

piśāca trastarūpo'si tvaritaścaiva lakṣyase |
kva dhāvasi samācakṣva kutaste bhayamāgatam || 12 ||
[Analyze grammar]

piśāca uvāca |
śakaṭasyāsya mahato ghoṣaṃ śrutvā bhayaṃkaram |
karṇābhyāṃ badhiro jāto visaṃjñastava darśanāt || 13 ||
[Analyze grammar]

brāhmaṇa uvāca |
piśācānāṃ baliṣṭhāśca śrūyaṃte brahmarākṣasāḥ |
sa tvaṃ māṃ bhoktukāmo'si vikhyāto brahmarākṣasaḥ || 14 ||
[Analyze grammar]

piśāca uvāca |
piśācānāṃ samartho'smi naṣṭo'haṃ tava darśanāt |
duḥkhaṃ hi mṛtyuḥ sarveṣāṃ jīvitaṃ ca sudurllabham |
ato bhītaḥ palāyāmi jīvahetoḥ sukhārthataḥ || 15 ||
[Analyze grammar]

brāhmaṇa uvāca |
kutaḥ piśāca saukhyaṃ te maraṇaṃ śreya eva te |
paiśācī kutsitā yoniḥ pāpināmeva jāyate || 16 ||
[Analyze grammar]

piśāca uvāca |
sarvatra hi gato jīvo bhavatyeva sukhāśrayaḥ |
tasmājjīvitumicchāmi prasīda brahmarākṣasa || 17 ||
[Analyze grammar]

brāhmaṇa uvāca |
nāhaṃ tvāṃ bhoktukāmo'smi brāhmaṇo'haṃ na rākṣasaḥ |
sarvabhūtahitārthāya vicarāmi mahītale || 18 ||
[Analyze grammar]

sarveṣāmeva jaṃtūnāṃ maitro brāhmaṇa ucyate |
mā kuruṣva bhayaṃ matto mitrabhāvagato hyaham || 19 ||
[Analyze grammar]

tasya tadvacanaṃ śrutvā piśācaḥ svasthamānasaḥ |
praṇamya pratyuvācedaṃ brāhmaṇaṃ śākaṭāyanam || 20 ||
[Analyze grammar]

yadi te sarvabhūtānāṃ dattā hyabhayadakṣiṇā |
karmaṇā manasā vācā mitrabhāvaṃ gato yadi || 21 ||
[Analyze grammar]

pṛcchāmi tvāṃ mahābhāga saṃśayo hṛdaye sthitaḥ |
śrutvānukaṃpayā samyaktanme vyākhyātumarhasi || 22 ||
[Analyze grammar]

kena karmavipākena paiśācaṃ yāti mānavaḥ |
piśācatvātkathaṃ muktiḥ prāpyate pāpakarmabhiḥ || 23 ||
[Analyze grammar]

iti tasya vacaḥ śrutvā piśācasya varānane |
mamatvenāvṛtastasmai prāvocacchākaṭāyanaḥ || 24 ||
[Analyze grammar]

apahṛtya ca viprasvaṃ devasvaṃ ca viśeṣataḥ |
tena pāpena pāpiṣṭhāḥ piśācatvaṃ prayāṃti ca || 25 ||
[Analyze grammar]

pitaraṃ mātaraṃ caiva striyaṃ bālaṃ dvijaṃ tathā |
vaṃcayitvā haratyarthaṃ sa piśāco bhavennaraḥ || 26 ||
[Analyze grammar]

rājadravyaṃ gṛhītvā tu na yajenna dadāti yaḥ |
ātmānameva puṣṇāti piśācatvaṃ sa gacchati || 27 ||
[Analyze grammar]

viśvāsaghātakā ye ca paradāraratāśca ye |
prāpnuvaṃti piśācatvaṃ tathā ye vedaniṃdakāḥ || 28 ||
[Analyze grammar]

niṃdaṃti ye purāṇāni dharmaśāstrāṇi sarvadā |
te bhavaṃti piśācāśca ye sadā piśunā narāḥ || 29 ||
[Analyze grammar]

iti te kathitaṃ sarvaṃ vedaprāmāṇyato'dhunā |
idānīṃ kathayiṣyāmi yastvaṃ jātosi tacchṛṇu || 30 ||
[Analyze grammar]

somako nāma śūdrastvaṃ paramarmaprakāśakaḥ |
viśvāsaghātako jāto devabrāhmaṇadūṣakaḥ || 31 ||
[Analyze grammar]

nāstiko bhinnamaryādo janmanyatrāpi saptame |
sakulaṃ pātayitvātra narake dāruṇe bhṛśam || 32 ||
[Analyze grammar]

piśācayoniṃ saṃprāptaḥ punaḥ prāpsyasi rauravam |
mahārauravasaṃjñaṃ tu krakacaṃ kālasūtrakam |
yaṃtrapīḍanakaṃ raudraṃ mathanaṃ kumbhavālukam || 33 ||
[Analyze grammar]

ityevaṃ vadatastasya brāhmaṇasya yaśasvini |
sasmāra prāktanaṃ janma satsaṃgātkutsitaṃ svakam || 34 ||
[Analyze grammar]

duḥkhābhibhūto niśceṣṭo dhigdhigityasakṛdbruvan |
patito bhūtale devi idaṃ vākyamathābravīt || 35 ||
[Analyze grammar]

aho kenāpi puṇyena bhavatā saha darśanam |
jātaṃ mamālpapuṇyasya dīnasya kṛpaṇasya ca || 36 ||
[Analyze grammar]

nāsti dharmasamaṃ mitraṃ nāsti dharmasamā gatiḥ |
nāsti dharmasamṃ trāṇaṃ sa ca nāsti mama prabho || 37 ||
[Analyze grammar]

magno'haṃ duḥkhajaladhau magno'haṃ pāpakardame |
bhrāṃto'hamaṃdhatamasi tatastvāṃ śaraṇaṃ gataḥ || 38 ||
[Analyze grammar]

namaste'stu mahābhāga kiṃ karomi praśādhi mām |
tattapobalanirdiṣṭamidaṃ prāptaṃ mayā'dhunā || 39 ||
[Analyze grammar]

evaṃ nigadatastasya piśācasya varānane |
kathayāmāsa māhātmyaṃ sa vipraḥ śākaṭāyanaḥ || 40 ||
[Analyze grammar]

pṛthivyāṃ yāni tīrthāni āsamudragatāni vai |
kṣetrāṇi yāni saṃtīha teṣāṃ kṣetraṃ supuṇyadam || 41 ||
[Analyze grammar]

mahākālavanaṃ kṣetraṃ pralaye'pyakṣayaṃ gatam |
liṃgaṃ tatra mahākṣetre piśācatvavināśanam || 42 ||
[Analyze grammar]

ḍhuṃḍheśvarasya devasya dakṣiṇe tridaśārcitam |
paiśācaṃ vidyate bhūyaḥ piśācayonināśanam |
tasya darśanamātreṇa piśācatvātpramokṣyase || 43 ||
[Analyze grammar]

tasya tadvacanaṃ śrutvā sa piśāco varānane |
ājagāma tvarāyukto namaskṛtya dvijaṃ tadā || 44 ||
[Analyze grammar]

mahākālavane puṇye samīhitaphalaprade |
dadarśa tatra talliṃgaṃ snātvā śiprājale śubhe || 45 ||
[Analyze grammar]

darśanāttasya liṃgasya sa piśāco varānane |
tatkṣaṇāddivyadehastu divyābharaṇabhūṣitaḥ || 46 ||
[Analyze grammar]

divyaṃ vimānamārūḍho gato loke sanātane |
uddhṛtya sakalaṃ gotraṃ mātṛkaṃ paitṛkaṃ tathā || 47 ||
[Analyze grammar]

dṛṣṭvā tanmahadāścaryaṃ māhātmyātiśayaṃ śriye |
proktaṃ devairvimānasthaiḥ siddhairākāśagaistathā || 48 ||
[Analyze grammar]

piśācopi gataḥ svargamasya liṃgasya darśanāt |
ato devaḥ sa vikhyāto bhaviṣyati mahītale |
piśāceśvarasaṃjñastu sarvapāpapraṇāśanaḥ || 49 ||
[Analyze grammar]

ye paśyaṃti narā devi piśāceśvarasaṃjñakam |
teṣāṃ hi pitaraḥ sadyo ye cāpi niraye sthitāḥ |
piśācatvādvimucyaṃte svargaṃ yāṃti na saṃśayaḥ || 50 ||
[Analyze grammar]

aśvamedhasya yajñasya samyagiṣṭasya yatphalam |
tatphalaṃ labhate so'pi piśāceśvaradarśanāt || 51 ||
[Analyze grammar]

gayāyāṃ piṃḍadānena yatpuṇyaṃ samudāhṛtam |
tatpuṇyamadhikaṃ jñeyaṃ piśāceśvaradarśanāt || 52 ||
[Analyze grammar]

ye paśyaṃti caturdaśyāṃ piśāceśvarasaṃjñakam |
pretatvaṃ ca piśācatvaṃ kule teṣāṃ na jāyate || 53 ||
[Analyze grammar]

na viyoniṃ naro yāti narakaṃ ca na paśyati |
prasaṃgenāpi yaḥ paśyetpiśāceśvarasaṃjñakam || 54 ||
[Analyze grammar]

sarvaiśvaryasamāyuktaḥ sarvabandhusamanvitaḥ |
modate pitṛloke sa piśāceśvaradarśanāt || 55 ||
[Analyze grammar]

kīrtanānmucyate pāpāddṛṣṭvā svargaṃ ca gacchati |
sparśanādasya liṃgasya punātyāsaptamaṃ kulam || 56 ||
[Analyze grammar]

tadaiva sa naro muktaḥ saṃsāranigaḍādibhiḥ |
yadaiva vīkṣate liṃgaṃ piśāceśvarasaṃjñakam || 57 ||
[Analyze grammar]

yajñānāṃ tapasāṃ caiva dānānāṃ caiva yatphalam |
tatphalaṃ koṭiguṇitaṃ jāyate tasya darśanāt || 58 ||
[Analyze grammar]

yadi paśyeccaturdaśyāṃ vaiśākhe kārttike tathā |
tasya puṇyamasaṃkhyātaṃ jāyate nātra saṃśayaḥ || 59 ||
[Analyze grammar]

eṣa te kathito devi prabhāvaḥ pāpanāśanaḥ |
piśāceśvaradevasya śrūyatāṃ saṃgameśvaram || 60 ||
[Analyze grammar]