Chapter 70

[English text for this chapter is available]

īśvara uvāca |
śṛṇu saptatikaṃ devaṃ durddhareśvaramīśvaram |
yasya darśanato devi naraḥ pāpaiḥ pramucyate || 1 ||
[Analyze grammar]

durddharṣonāma rājābhūnnepālaviṣaye purā |
puṇyaketuryaśasvī ca satyasaṃdho dṛḍhavrataḥ || 2 ||
[Analyze grammar]

tisrastasyābhavanbhāryāstattulyāḥ sumanoharāḥ |
viharanta vanodyāne vasante pṛthivīpatiḥ || 3 ||
[Analyze grammar]

kadā mṛgarasāviṣṭo devādvai vātaraṃhasā |
turageṇohitaḥ prāpa vanaṃ rucirapādapam || 4 ||
[Analyze grammar]

gajeṃdramṛgaśārdūlasiṃhasaṃbarasaṃkulam |
ṛkṣavānaravārāhagaṇḍakādivirājitam || 5 ||
[Analyze grammar]

tasminvane suvistīrṇaṃ kadalīkhaṃḍamaṃḍitam |
haṃsakāraṃḍavākīrṇaṃ cakravākopaśobhitam || 6 ||
[Analyze grammar]

dadarśa darpaṇasvacchaṃ saro nīrajarājitam |
snātasiddha vadhūvṛndakucakuṃkumapiṃjaram || 7 ||
[Analyze grammar]

dadarśa kanyāṃ tatraiva kānanasyeva devatām |
sa tāṃ dṛṣṭvā sucārvaṃgīṃ manmathena prapīḍitaḥ || 8 ||
[Analyze grammar]

citranyasta iva kṣipramabhūdvismayaniścalaḥ |
sā bhujaṃgīva saṃkṛṣṭā mantreṇevāṃtikaṃ yayau || 9 ||
[Analyze grammar]

kandarpakoṭisadṛśaṃ viśrāntaṃ nṛpamabravīt |
sutāṃ māṃ viddhi rājendra kalpasya prāṇavallabhām || 10 ||
[Analyze grammar]

taporatasya śāṃtasya sarvadā brahmacāriṇaḥ |
madarthe prārthyatāṃ vipra sa māṃ tubhyaṃ pradāsyati || 11 ||
[Analyze grammar]

iti tasyā vacaḥ śrutvā manmathenākulīkṛtaḥ |
lajjāṃ tyaktvā sa bhūpālo yayāce vijane ca tām || 12 ||
[Analyze grammar]

mama prāṇavyayaḥ subhrūstvāṃ vinā samupasthitaḥ |
kāryākāryavicāro hi kasya jīvitaśāṃtaye || 13 ||
[Analyze grammar]

tyajyate prāptamamṛtaṃ yadetadbuddhilāghavam |
ko jānīte pare loke kasya kiṃ nu bhaviṣyati || 14 ||
[Analyze grammar]

bhaja māmanavadyāṃgi tavetadvadanāmṛtam |
na pāyayasi cenmahyaṃ mṛtaṃ jānīhi me priye || 15 ||
[Analyze grammar]

svayaṃ pibāmi cedviddhi paralokagataṃ hi mām |
śrutveti cakitā tanvī provāca vinayānvitā || 16 ||
[Analyze grammar]

bhraṣṭāyāṃ mayi tātasya vinaṣṭe kanyakāphale |
kulaṃ patati naḥ sarvaṃ tasmādetadvici ntyatām || 17 ||
[Analyze grammar]

yadi te paramaṃ prema mamopari mahīpate |
madarthe prārthyatāṃ vipra sa māṃ nṛnaṃ pradāsyati || 18 ||
[Analyze grammar]

tasyāstadvacanaṃ śrutvā nānyathā me bhaviṣyati |
jñātvā kanyāṃ dvijasyaiva kalpasya brahmacāriṇaḥ || 19 ||
[Analyze grammar]

gatvā yayāce praṇataḥ sthitaṃ nijatapovane |
munīndraścaṃdravadanāṃ sa cāsmai tāṃ dadau mudā || 20 ||
[Analyze grammar]

tatraiva saṃgato rājā manmathena vaśīkṛtaḥ |
reme ramaṇakairyogairna sasmāra nijaṃ puram || 21 ||
[Analyze grammar]

kadalīkhaṇḍakuñjeṣu ramyāsu vanarājiṣu |
bahulāmrakadaṃbeṣu rājā bheje navāṃ vadhūm |
siṣeve cāru surataṃ sa vidagdho'timugdhayā || 22 ||
[Analyze grammar]

evaṃ hi vasatastasya durddharṣasya varā nane |
ājagāma sudurddharṣo rākṣaso'tibhayaṃkaraḥ || 23 ||
[Analyze grammar]

jvalito vikaṭākāro daṃṣṭrotkaṭakaṭānanaḥ |
taṃ nṛpaṃ mohayitvā tu tarasā taralekṣaṇām |
jahāra manmathāviṣṭo rūpayauvanaśālinīm || 24 ||
[Analyze grammar]

rājā ca tāṃ hṛtāṃ dṛṣṭvā viyogaviṣamūrchitaḥ |
smṛtvāsmṛtvā sucārvaṃgīṃ vilalāpākulendriyaḥ || 25 ||
[Analyze grammar]

hā priye premapīyūṣe praṇayāmṛtadīrghike |
hā sundari viśālākṣi vakva gatā māṃ vihāya vai || 26 ||
[Analyze grammar]

punarindumivānaṃdaṃ kadā drakṣyāmi te mukham |
iti pralāpamakarotsmaraṃstāṃ cāruhāsinīm |
unmatta iva babhrāma tatra tatra smarāturaḥ || 27 ||
[Analyze grammar]

evaṃ vilapatastasya durdarṣasya nṛpasya tu |
ājagāma tamuddeśaṃ kalpo brāhmaṇasattamaḥ |
dadarśa nṛpatiṃ tatra bhramaṃtaṃ bhramaraṃ yathā || 28 ||
[Analyze grammar]

jñātvā jāmātaraṃ samyaksamāśvāsya vaco'bravīt |
ehi durddharṣa rājendra gahanā karmaṇo gatiḥ |
kva gato hi mahīpāla nepālaviṣayastava || 29 ||
[Analyze grammar]

kulīnā rūpavatyaśca tisro bhāryāḥ kva vai gatāḥ |
kva te rājyaṃ gataṃ bhūpa kutra putrī gatā mama || 30 ||
[Analyze grammar]

sarvaṃ vinaśvaraṃ loke gandharvanagaropamam |
anityaṃ jīvitaṃ bhūpa rājyaṃ vai budbudopamam || 31 ||
[Analyze grammar]

evamāśvāsito rājā kalpena ca punaḥpunaḥ |
sasmāra tāṃ sucārvaṃgī manmathena prapīḍitaḥ || 32 ||
[Analyze grammar]

brūhi me bhagavansamyagyadi te'sti dayā mayi |
kathaṃ rājyaṃ svakīyaṃ syātkathaṃ me suhṛdāgamaḥ || 33 ||
[Analyze grammar]

tisro bhāryāḥ kathaṃ vipra paśyāmi pṛthivītale |
lāvaṇyāmṛtaśālinyastava putryā dvijottama |
kathaṃ samāgamo bhūyo bhaviṣyati mayā saha || 34 ||
[Analyze grammar]

iti tasya vacaḥ śrutvā vipreṇoktaṃ varānane |
gaccha bhūpāla nepālaṃ mahākālaṃ tato vraja || 35 ||
[Analyze grammar]

tasminkṣetre tīrthavare liṃgaṃ sarvārthasādhakam |
vidyate yatra sūryeṇa tapastaptaṃ suduṣkaram || 36 ||
[Analyze grammar]

śiprāyāstu taṭe ramye puṇye brahmeśapaścime |
tasya darśanamātreṇa tavābhīṣṭaṃ bhaviṣyati || 37 ||
[Analyze grammar]

kalpasya vacanaṃ śrutvā satvaro nṛpasattamaḥ |
nepālaṃ ca tato gatvā samāśvāsya suhṛjjanam || 38 ||
[Analyze grammar]

sāṃtaḥpuraparīvāro mahākālavanaṃ gataḥ |
sarvadā sarvasiddhīnāmāśrayaṃ viṣayaṃ śriyaḥ || 39 ||
[Analyze grammar]

tatra snātvā jale puṇye śiprāyāścāśusiddhide |
sūryeṇārādhitaṃ liṃgaṃ dadarśa nṛpasattamaḥ || 40 ||
[Analyze grammar]

pūjayāmāsa ratnaiśca divyairvastraiḥ subhūṣaṇaiḥ |
karpūreṇa sugandhena liṃgapūjā kṛtā tadā || 41 ||
[Analyze grammar]

muktāphalaiḥ sutāraiśca jaladhārābhireva ca |
bhaktyā nanartta tasyāgre saṃstuvanvividhaiḥ stavaiḥ || 42 ||
[Analyze grammar]

śuśrāva śrotrapīyūṣaṃ gītaṃ devagṛhe śubhe |
tacchrutvā kautukāviṣṭo dhvaniṃ śrutvā manoramām |
priyāmapaśyattatrasthāṃ lāvaṇyalalanāvadhim || 43 ||
[Analyze grammar]

tāṃ dṛṣṭvā vismayotphullalocanastanmayo'bhavat |
kṣipraṃ taddarśanenaiva smareṇa taralīkṛtaḥ || 44 ||
[Analyze grammar]

jñātvā me saiva patnīyaṃ dṛṣṭā devaprasādataḥ |
sāpi lāvaṇyanalinī rājahaṃsaṃ vilokya tam || 45 ||
[Analyze grammar]

kṣipraṃ pulikitā tasyā virarāja kucasthalī |
etasminnaṃtare devi vāṇī liṃgātsamutthitā || 46 ||
[Analyze grammar]

viśvāvasoḥ siddhapateḥ sutaiṣā prāṇavallabhā |
kalpena pālitā samyastvadarthaṃ nṛpasattama || 47 ||
[Analyze grammar]

ānītā te mayā patnī hatvā taṃ rākṣasādhi pam |
gṛhāṇa ca mayā dattāṃ bhuṃkṣva rājyamakaṇṭakam || 48 ||
[Analyze grammar]

ityukto'sau gato devi labdhvā bhāryāṃ priyāṃ tadā |
sāṃtaḥpuraparīvāro liṃgasyāsya prabhāvataḥ || 49 ||
[Analyze grammar]

ārādhito nareṃdreṇa durddharṣeṇa mahātmanā |
tadāprabhṛti devo'yaṃ durddharṣeśvarasaṃjñakaḥ |
triṣu lokeṣu vikhyāto vāṃchitārthaphala pradaḥ || 50 ||
[Analyze grammar]

ye paśyaṃti viśālākṣi durddharṣeśvarasaṃjñakam |
te durddharṣā bhaviṣyaṃti śatrūṇāṃ samare sadā || 51 ||
[Analyze grammar]

saṃkrāṃtau ravivāre ca grahaṇe caṃdra sūryayoḥ |
gatvārcayaṃti ye devi devaṃ durddharṣamīśvaram |
te prayāṃti vimānena madīyaṃ sthānamuttamam || 52 ||
[Analyze grammar]

pāpācārāśca ye jīvā duṣkarmaniratā narāḥ |
mucyaṃte pātakātsadyo durddhaṣeṃśvaradarśanāt || 53 ||
[Analyze grammar]

darśanātsparśanātsadyo nāmasaṃkīrtanādapi |
brahmahatyāsahasraṃ hi tatkṣaṇādeva naśyati || 54 ||
[Analyze grammar]

kṛtaghno niṃdako duṣṭaḥ pāpakarmā durātmavān |
paradārarataścauro brahmaghno gurutalpagaḥ |
mucyate sarvapāpebhyo durddharṣeśvaradarśanāt || 55 ||
[Analyze grammar]

ayane viṣuve caiva saṃprāpte somaparvaṇi |
ye paśyaṃti ca durddharṣaṃ snātvā śiprājale śubhe |
gaṃgāyāstriguṇaṃ puṇyaṃ jāyate nātra saṃśayaḥ || 56 ||
[Analyze grammar]

tatra yaddīyate dānaṃ tasya saṃkhyā na vidyate |
pitarastoṣitāstena ātmā vai toṣitastataḥ || 57 ||
[Analyze grammar]

kalpakoṭisahasraṃ tu matpure pūjito vaset |
yadā yāti ca bhūloke tadāsau bhūpatirbhavet || 58 ||
[Analyze grammar]

adhṛṣyaḥ śatruvargeṇa phalaṃ prāpnoti cākṣayam |
padaṃ yattridaśairvaṃdyaṃ punarāvṛttivarjitam || 59 ||
[Analyze grammar]

eṣa te kathito devi prabhāvaḥ pāpanāśanaḥ |
durddharṣeśvaradevasya prayāgeśamataḥ śṛṇu || 60 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ pañcama āvaṃtyakhaṇḍe caturaśītiliṃgamāhātmya umāmaheśvarasaṃvāde durddharṣeśvaramāhātmyavarṇanaṃnāma saptatitamo'dhyāyaḥ || 70 ||
[Analyze grammar]