Chapter 3

[English text for this chapter is available]

| śrīrudra uvāca |
ḍhuṃḍheśvaraṃ tṛtīyaṃ tu sukhasvargaphalapradam |
sarvapāpaharaṃ ligaṃ nṛṇāṃ duṣkṛtanāśanam || 1 ||
[Analyze grammar]

ḍhuṃḍhaścāsītpurā devi kailāse gaṇanāyakaḥ |
sa ca kāmī durācāro vyasanopahatendriyaḥ || 2 ||
[Analyze grammar]

gato'sau śakralokaṃ tu kautukārthaṃ yadṛcchayā |
yatra nṛtyati sā raṃbhā śakrasyāgre vivṛṇvatī || 3 ||
[Analyze grammar]

bhāvānbahuvidhānramyāndṛṣṭihastādikāñchubhān |
sūcīviddhādikaraṇānpatākādikahastakān |
nṛtyaṃ hastādisaṃyuktaṃ layatālānugaṃ tathā || 4 ||
[Analyze grammar]

śakro'pi tridaśaiḥ sārddhaṃ tanmukhāsaktalocanaḥ |
babhūva hṛṣṭacetā vai hṛṣitāṃgaruhānanaḥ || 5 ||
[Analyze grammar]

etasminnaṃtare devi ḍhuṃḍhastallalitena tu |
kāmarāgavaśenaiva bhāvyarthena ca mohitaḥ || 6 ||
[Analyze grammar]

tena raṃgaratā raṃbhā puṣpagucchena tāḍitā |
sa śapto vāsavenaiva dṛṣṭvā'nyāyaṃ gaṇasya tu || 7 ||
[Analyze grammar]

pata tvaṃ mānuṣaṃ lokaṃ raṃgabhaṃgastvayā kṛtaḥ |
iti śapto gaṇo devi śakreṇāmitatejasā || 8 ||
[Analyze grammar]

patito mānuṣe loke visaṃjño vihvalendriyaḥ |
kādigbhūto hato tsāho vilalāpa punaḥpunaḥ || 9 ||
[Analyze grammar]

aho'nyāyaphalaṃ prāptaṃ mayā mohādanuṣṭhitam |
tasmānnītirvidhātavyā puruṣeṇa vijānatā || 10 ||
[Analyze grammar]

nyāyamārgaṃ samāśritya yena siddhirbhavenmama || 11 ||
[Analyze grammar]

ityuktvā sa tapastepe maheṃdre parvatottame |
śrīśaile malaye viṃdhye pāriyātre yamālaye || 12 ||
[Analyze grammar]

no siddho'sau yadā devi tadā gaṃgāmahattaṭam |
yamunāṃ caṃdrabhāgāṃ ca vitastāṃ narmadāṃ nadīm || 13 ||
[Analyze grammar]

godāvarīṃ bhīmarathīṃ kauśikīṃ śāradāṃ śivām |
carmaṇvatīṃ samāsādya snātvā tyaktakriyo'bhavat || 14 ||
[Analyze grammar]

tīrthaṃ vyarthaṃ tapo vyarthaṃ tīrthayātrāphalaṃ yataḥ |
na prāptaṃ ca mayābhīṣṭamaṭatā karmabhūmiṣu || 15 ||
[Analyze grammar]

etasminnaṃtare devi vāguvācāśarīriṇī |
āśvāsayaṃtī gaṇapaṃ mahākālāyane vraja || 16 ||
[Analyze grammar]

prayāgādyāni tīrthāni pṛthivyāṃ yāni saṃti vai |
sadā siddhikaraṃ teṣāṃ mahākālaṃ viśiṣyate || 17 ||
[Analyze grammar]

tatrāste sumahāpuṇyaṃ liṃgaṃ sarvārthasādhakam |
piśāceśvarasāṃnidhye tamārādhaya satvaram || 18 ||
[Analyze grammar]

prasādāttasya liṃgasya punaryāsyasi śāṃkaram |
lokaṃ tejasvināṃ gamyaṃ durlabhaṃ pāpināṃ sadā || 19 ||
[Analyze grammar]

iti śrutvā tato vāṇīmākāśasthāṃ gaṇastadā |
ājagāma mudā yukto mahākālavanottame || 20 ||
[Analyze grammar]

dadarśa tatra talliṃgaṃ sarvasaṃpatkaraṃ śubham |
pūjayāmāsa deveśaṃ bhaktyā paramayā yutaḥ || 21 ||
[Analyze grammar]

liṃgamadhyāttato vāṇī niḥsṛtā parva tātmaje |
aho tuṣṭosmi te vatsa kiṃ kāmaṃ pradadāmyaham || 22 ||
[Analyze grammar]

ḍhuṃḍha uvāca |
yadi tuṣṭo'si deveśa śaraṇāgatavatsala |
tvatpādapaṃkaje bhūyādbhaktirme'vicalā sadā || 23 ||
[Analyze grammar]

varamenaṃ prayacchāśu yadi tuṣṭo maheśvaraḥ || 24 ||
[Analyze grammar]

ye ca tvāṃ mānavā deva paśyaṃti parameśvara |
pāpātsadyo vinirmuktāste bhavaṃtu mahītale || 25 ||
[Analyze grammar]

ḍhuṃḍhasya bhāṣitaṃ śrutvā liṃgenoktaṃ yaśasvini |
ye ca māṃ pūjayiṣyaṃti śraddhayā parayā punaḥ |
te bhaviṣyaṃti satataṃ sadā pātakavarjitāḥ || 26 ||
[Analyze grammar]

lapsyaṃti te parānkāmānbhaviṣyaṃti gaṇottamāḥ |
pūjyāḥ sarveṣu lokeṣu sarvālaṃkārabhūṣitāḥ || 27 ||
[Analyze grammar]

evaṃ labdhavaro ḍhuṃḍhaḥ prāṃjaliḥ punarabravīt |
mannāmnā prathitaṃ liṃgaṃ saṃbhūyādbhuvane sadā || 28 ||
[Analyze grammar]

evamastviti liṃgena proktaṃ tuṣṭena pārvati |
tadāprabhṛti vikhyāto devo ḍhuṃḍhe śvaraḥ paraḥ || 29 ||
[Analyze grammar]

yasya darśanamātreṇa sadā siddhirbhavennṛṇām || 30 ||
[Analyze grammar]

bhaktyā ye pūjayiṣyaṃti devaṃ ḍhuṃḍheśvaraṃ param |
ājanmaprabhavaṃ pāpaṃ teṣāṃ yāsya ti tatkṣaṇāt || 31 ||
[Analyze grammar]

sa eva sukṛtī loke sa eva mama vallabhaḥ |
yaḥ paśyati naro bhaktyā liṃgaṃ ḍhuṃḍheśvaraṃ param || 32 ||
[Analyze grammar]

rājasūyaśatenaiva yatpuṇyaṃ ca bhaviṣyati |
tato bhaviṣyatyadhikaṃ ḍhuṃḍheśvaranirīkṣaṇāt || 33 ||
[Analyze grammar]

mānasaṃ vācikaṃ vāpi kāyikaṃ guhyasaṃbhavam |
prakāśaṃ vā'prakāśaṃ ca prasaṃgādapi yatkṛ tam |
tatsarvaṃ yāsyati kṣipraṃ ḍhuṃḍheśvarasya darśanāt || 34 ||
[Analyze grammar]

ityuktastu mayā devi sa ḍhuṃḍho gaṇanāyakaḥ |
kṛto liṃgasya māhātmyādgato loke madīyake |
reje ca gaṇapaiḥ sārddhaṃ mamābhīṣṭataro'bhavat || 35 ||
[Analyze grammar]

eṣa te kathito devi prabhāvaḥ pāpanāśanaḥ |
śravaṇātkīrttanādvāpi mama loke mahīyate || 36 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe caturaśītiliṃgamāhātmye ḍhuṃḍheśvaramāhātmyavarṇanaṃnāma tṛtīyo'dhyāyaḥ || 3 ||
[Analyze grammar]