Chapter 2

[English text for this chapter is available]

śrīrudrauvāca |
śṛṇu guheśvaraṃ liṃgaṃ dvitīyaṃ pāpanāśanam |
yasya darśanamātreṇa jāyate siddhiruttamā || 1 ||
[Analyze grammar]

purā rāthaṃtare kalpe devadāruvane śubhe |
ṛṣirmaṃkaṇakonāma vedavedāṃgapāragaḥ |
yogābhyāsarato nityaṃ śāṃtidāṃtisamāsthitiḥ || 2 ||
[Analyze grammar]

siddhikāmastapastepe kathaṃ siddho bhavāmyaham |
raktamayavikāroyaṃ kathaṃ yāsyati saṃkṣayam || 3 ||
[Analyze grammar]

iti saṃciṃtya hṛdaye prārabdhaṃ tapa uttamam |
bahūnyabdasahasrāṇi tasyātītāni pārvati || 4 ||
[Analyze grammar]

kasmiṃścidatha kāle tu viddhasya parvatātmaje |
karācchākaraso jātaḥ kuśāgreṇa tadaiva hi || 5 ||
[Analyze grammar]

sa ca dṛṣṭvā tadāścaryaṃ vismayaṃ paramaṃ gataḥ |
mene siddhiṃ parāṃ prāptāṃ sagarvo vākyamabravīt || 6 ||
[Analyze grammar]

aho tapaḥprabhāvo'yaṃ prāptā siddhirmayādya vai |
mattulyo nāsti vai vipro yena siddhiḥ samāgatā || 7 ||
[Analyze grammar]

śarīraṃ kutsitaṃ cedaṃ malamūtreṇa saṃyutam |
mantrasnāyuvasāpṛktamāṃsaśoṇitapūritam |
harṣeṇa mahatā yuktaḥ sa nanartta dvijastathā || 8 ||
[Analyze grammar]

etasminnṛtyati vipre jagatsthāvara jaṃgamam |
anṛtyadrāgasaṃyuktaṃ prabhāvāttasya vai muneḥ || 9 ||
[Analyze grammar]

na svādhyāyo vaṣaṭkāraḥ karmakāṃḍo na ca kvacit || 10 ||
[Analyze grammar]

etasminnaṃtare devā brahmaviṣṇu puraḥsarāḥ |
māmūcurvismitāḥ sarve nātha nṛtyaṃ tadā kuru || 11 ||
[Analyze grammar]

ṛṣau maṃkaṇake deva nṛtyati nṛtyati sarvataḥ |
sadevāsuramānuṣyaṃ sarvaṃ lokatrayaṃ vibho || 12 ||
[Analyze grammar]

calitāḥ parvatāḥ sthānātkṣubhitā meghapaṃktayaḥ |
śikharāṇi viśīryaṃte dharaṇī pīḍitā bhṛśam || 13 ||
[Analyze grammar]

srotomātrā mahānadyo grahā unmārgataḥ sthitāḥ || 14 ||
[Analyze grammar]

trailokyaṃ vyākulībhūtaṃ yāvannāyāti saṃkṣayam |
tāvannivārayasvainaṃ nānyaḥ śakto vinā tvayā || 15 ||
[Analyze grammar]

teṣāṃ tadvacanaṃ śrutvā tridaśānāṃ yaśasvini |
pratijñātaṃ mayātyarthaṃ gatvā tasya samīpataḥ || 16 ||
[Analyze grammar]

dvijarūpaṃ samāsthāya mayā pṛṣṭo dvijottamaḥ |
kimarthaṃ nṛtyasi brahmankasmātte harṣa āgataḥ || 17 ||
[Analyze grammar]

viruddhamṛṣidharmāṇāṃ kāmarāgeṇa narttanam |
gītaṃ ca narttanaṃ caiva yuvatījanavallabham || 18 ||
[Analyze grammar]

brāhmaṇasya tapo bhraṃśaḥ sadācārasya sattama |
iti matvā dvijaśreṣṭha kimarthaṃ nṛtyase bhṛśam || 19 ||
[Analyze grammar]

ṛṣiruvāca |
kiṃ na paśyasi bho brahmankarācchākarasaṃ cyutam |
ataeva hi me nṛtyaṃ siddho'haṃ nātra saṃśayaḥ || 20 ||
[Analyze grammar]

tasya tadvacanaṃ śrutvā hāso'tīva mayā kṛtaḥ |
aṃguṣṭhastāḍitaḥ svīyoṃgulyagreṇa ca pārvati || 21 ||
[Analyze grammar]

tato vinirgataṃ bhasma tatkṣaṇāddhimapāṃḍuram |
hāsenokto viśālākṣi sagarvo brāhmaṇo mayā || 22 ||
[Analyze grammar]

paśya meṃ'guṣṭhato brahmanbhūri bhasma vinirgatam |
na nṛtyehaṃ na me harṣastathāpi munissama || 23 ||
[Analyze grammar]

taddṛṣṭvā mahadāścaryaṃ lajjito dvijasattamaḥ |
dhairyaṃ ca tādṛśaṃ dṛṣṭvā vismayaṃ paramaṃ gataḥ || 24 ||
[Analyze grammar]

abravītprāṃjalirbhūtvā vismitenāṃtarātmanā |
nānyaṃ devamahaṃ manye tvāṃ muktvā vṛṣabhadhvajam || 25 ||
[Analyze grammar]

nānyasya vidyate śakti rīdṛśī bhuvanatraye |
tasmātkṣamasva deveśa mayājñānādanuṣṭhitam || 26 ||
[Analyze grammar]

tapaḥkṣayakaraṃ karma viruddhaṃ narttanaṃ satām |
bahukālārjitaṃ puṇyaṃ tapasā duṣka reṇa tu |
tadgataṃ sahasā deva madīyaṃ narttanena su || 27 ||
[Analyze grammar]

tasya tadvacanaṃ śrutvā mayokto dvijasattamaḥ |
varaṃ varaya bhadraṃ te tuṣṭo'haṃ dvijasattama || 28 ||
[Analyze grammar]

jñānenānena vipreṃdra kaṃ te kāmaṃ karomyaham || 29 ||
[Analyze grammar]

ṛṣiruvāca |
yadi deva prasannastvaṃ śaraṇāgatavatsala |
yathā na syāttapohānistathā nītirvidhīyatām || 30 ||
[Analyze grammar]

mayā proktaṃ prasannena tasya viprasya pārvati |
tapaste varddhatāṃ vipra mahākālavanaṃ vraja || 31 ||
[Analyze grammar]

tatrāste sarvadā puṇyā saptakalpodbhavā guhā |
piśāceśvaradevasya uttareṇa vyavasthitā || 32 ||
[Analyze grammar]

tatra drakṣyasi yalliṃgaṃ saptakalpodbhavaṃ śubham |
tasya darśanamātreṇa tapaste vṛddhimeṣyati || 33 ||
[Analyze grammar]

kāma krodhodbhavaṃ pāpaṃ lobhamohasamanvitam |
īrṣyāmatsarajaṃ caiva nāśaṃ yāti ca kilbiṣam || 34 ||
[Analyze grammar]

madīyaṃ vacanaṃ śrutvā sa vipro vedapāragaḥ |
śrutvā ca niyamaṃ devi maduktaṃ sa tato dvijaḥ || 35 ||
[Analyze grammar]

niḥsṛto niyato bhūtvā namaskṛtya punaḥpunaḥ |
ājagāma guhā yatra mahākālavanottame || 36 ||
[Analyze grammar]

dadarśa tatra talliṃgaṃ tapaso varddhanaṃ param |
dvādaśādityasaṃkāśo jāto vai liṃgadarśanāt || 37 ||
[Analyze grammar]

etasminnaṃtare devi devairuktaṃ nabhastale |
gopyaṃ liṃgaṃ guhotthaṃ tu dṛṣṭaṃ maṃkaṇakena tu || 38 ||
[Analyze grammar]

siddhiḥ prāptā dvijenaiva darśanena sudurlabhā |
tasmādguheśvaro devi bhaviṣyati mahītale || 39 ||
[Analyze grammar]

bhaktyā paramayopetā ye drakṣyaṃti guheśvaram |
na teṣāṃ jāyate vighno dharmasya tapasastathā || 40 ||
[Analyze grammar]

aṣṭamyāṃ vā caturdaśyāṃ darśanaṃ yaḥ kariṣyati |
brahmalokaṃ gamiṣyaṃti pitarastasya dehinaḥ || 41 ||
[Analyze grammar]

atrāgatya prayatnena darśanaṃ yaḥ kariṣyati |
uddhariṣyati cātmānaṃ puruṣānekaviṃśatim || 42 ||
[Analyze grammar]

kṛtvā pāpasahasrāṇi darśanaṃ yaḥ kariṣyati |
sa yāti paramaṃ sthānaṃ yatra devo maheśvaraḥ || 43 ||
[Analyze grammar]

brahmahatyā surāpānaṃ steyaṃ gurvaṃganāgamaḥ |
darśanāttasyaliṃgasya sarvaṃ yāsyati saṃkṣayam || 44 ||
[Analyze grammar]

yatkiṃcidaśubhaṃ karma janmakoṭiśatārjitam |
kṣayaṃ yāsyati tatsarvaṃ sparśamātreṇa nānyathā || 45 ||
[Analyze grammar]

mahāpātakayuktā hi dehino ye mahītale |
te'pi liṃgaṃ samāsādya mucyaṃte sarvapātakaiḥ || 46 ||
[Analyze grammar]

ityuktvā sa dvijo devi divyo maṃkaṇako muniḥ |
kṛtvāśramapadaṃ puṇyaṃ tatraiva tapasi sthitaḥ || 47 ||
[Analyze grammar]

eṣa vai kathito devi prabhāvaḥ pāpanāśanaḥ |
śravaṇātkīrttanādvāpi sarvapāpaiḥ pramucyate || 48 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṃḍe caturaśītiliṅgamāhātmye guheśvaramāhātmyavarṇanaṃnāma dvitīyo'dhyāyaḥ || 2 ||
[Analyze grammar]