Chapter 59

[English text for this chapter is available]

| sanatkumāra uvāca |
tataḥ suragaṇāḥ sarve dhūtapāpā samāhitāḥ |
punaryogabalaṃ prāpya svādhikāraṃ yayuḥ purā || 1 ||
[Analyze grammar]

evaṃ vyāsa gayātīrthaṃ kumudvatyāṃ suniścita m |
gayāyāṃ yāni tīrthāni puṇyānyāyatanāni ca || 2 ||
[Analyze grammar]

tattīrtheṣu naraḥ snātvā tattattīrthaphalaṃ bhavet |
tathaiva ca gayākṣetraṃ gayāśrāddha phalapradam || 3 ||
[Analyze grammar]

phalguśca saritāṃ śreṣṭhā tathaiva phaladāyinī |
ādigayā buddhagayā tathā viṣṇupadī smṛtā || 4 ||
[Analyze grammar]

gayākoṣṭhastathā prokto gadādharapadāni ca |
vedikā ṣoḍaśī proktā tathaiva cākṣayo vaṭaḥ || 5 ||
[Analyze grammar]

pretamuktikarī nityaṃ śilā coktā tathaiva ca |
acchodā nimnagā proktā pitṝṇāṃ cāśramottamaḥ || 6 ||
[Analyze grammar]

devānāṃ dānavānāṃ ca yakṣakinnararakṣasām |
pannagānāṃ ca sarveṣāṃ tathaivāśrama uttamaḥ || 7 ||
[Analyze grammar]

etatsthāneṣu sarveṣu snānadānādikāḥ kriyāḥ |
śrāddhaṃ ca vidhivaddeyaṃ tattattīrthaphalaṃ labhet || 8 ||
[Analyze grammar]

gayāyāṃ pitṛrūpeṇa svayameva janārdanaḥ |
taṃ dhyātvā puṃḍarīkākṣaṃ mucyate ca ṛṇatrayāt || 9 ||
[Analyze grammar]

evaṃ vyāsa gayātīrthaṃ purāvantyāṃ pratiṣṭhitam |
paścāttu kaikaṭe jātaṃ yatra saṃnihito'suraḥ || 10 ||
[Analyze grammar]

tadārabhya dvijaśreṣṭha gayā tatra pratiṣṭhitā |
gadādharapadāghātairmahāsuro nipātitaḥ || 11 ||
[Analyze grammar]

tatpade ca mahimānaṃ janārdanasamarpitam || 12 ||
[Analyze grammar]

paṃcakrośaṃ gayākṣetraṃ krośamekaṃ gayāśiraḥ |
yatra tatra kariṣyāmi pitṝṇāṃ dattamakṣayam |
sarvadā sarvakāleṣu gayāśrāddhaṃ vidhīyate || 13 ||
[Analyze grammar]

saṃvatsare paraṃ vyāsa dinamekaṃ pratiṣṭhitam |
kanyāsthe ca divā nāthe hastanakṣatrasaṃyute |
mahālayeti tatproktaṃ pitṝṇāṃ dattamakṣayam || 14 ||
[Analyze grammar]

sarvadā sarvakāleṣu gayāśrāddhaṃ vidhīyate || 15 ||
[Analyze grammar]

saṃvatsare paraṃ vyāsa dinamekaṃ pratiṣṭhitam |
anvaṣṭakāyāṃ kurvaṃti mātṝṇāṃ śrāddhamuttamam || 16 ||
[Analyze grammar]

akṣayyā jāyate tṛptiḥ pitṝṇāṃ kalpasaṃkhyayā |
evaṃ vyāsa purī ramyā snānadā nādikarmasu || 17 ||
[Analyze grammar]

bhūyastu saṃpravakṣyāmi māhātmyaṃ paramādbhutam |
tacchṛṇuṣva mayā khyātaṃ pavitraṃ pāpanāśanam || 18 ||
[Analyze grammar]

saptarṣīṇāṃ ca yā bhāryā ṛṣipatnyaḥ pativratāḥ |
svāhādoṣaparibhraṣṭā dūṣitāḥ pāvakena ca || 19 ||
[Analyze grammar]

ṛṣibhiśca parityaktā babhramuśca vanādvanam |
evaṃ bahutithe kāle nārado devadarśanaḥ || 20 ||
[Analyze grammar]

tāsāṃ ca priyamanvicchansamāyāto vanāṃtare |
tābhiśca satkṛto nityaṃ samāsīno dhṛtavrataḥ || 21 ||
[Analyze grammar]

uvāca ślakṣṇayā vācā deśakālocitaṃ vacaḥ |
kimidaṃ vikṛtaṃ jātaṃ bhavatīnāṃ parābhavaḥ || 22 ||
[Analyze grammar]

kasmācca ṛṣibhistyaktā lokamātaraḥ pativratāḥ || 23 ||
[Analyze grammar]

ṛṣipatnya ūcuḥ |
na jānīmo vayaṃ tāta yena doṣeṇa tāpasaiḥ |
vimuktāḥ sāgnikaiḥ kṣipraṃ kārtikeyaprasaṃgataḥ || 24 ||
[Analyze grammar]

lokāpavādajaṃ kiṃcijjātaṃ diṣṭavaśādadham |
kiṃ kurmo vā kva gacchāmaḥ kiṃ tapaḥ kā ca devatā || 25 ||
[Analyze grammar]

yasyārādhanapuṇyena patisāṃnidhyamāpnuyuḥ |
etanniścitya bho brahmanbrūhi tvaṃ vedatattvataḥ || 26 ||
[Analyze grammar]

iti pṛṣṭastadā tābhirṛṣipatnībhirnāradaḥ |
uvāca suciraṃ dhyātvā tāsāṃ sa śarmahetave || 27 ||
[Analyze grammar]

nārada uvāca |
śrūyatāṃ bhostapaḥśreṣṭhā bhavatīnāṃ ca kāraṇam |
mahākālavane ramye gayātīrthamanuttamam || 28 ||
[Analyze grammar]

tatraiva cākṣayo nāma nyagrodhaḥ śākhināṃ varaḥ |
tatrāgamanamātreṇa dhūtadoṣā bhaviṣyatha || 29 ||
[Analyze grammar]

sarvadoṣaharaṃ tīrthaṃ sarvakāmavarapradam |
sarvasaukhyakaraṃ puṇyaṃ tatra gacchata mā ciram || 30 ||
[Analyze grammar]

nāradasya vacaḥ śrutvā ṛṣipantyaḥ sucoditāḥ |
mahākālavane vyāsa icchaṃtyaḥ priyamātmanaḥ || 31 ||
[Analyze grammar]

ājagmustadvanaṃ tatra yatra tīrthaṃ gayābhidham |
tatra gatvā śucībhūya snānadānādikāḥ kriyāḥ || 32 ||
[Analyze grammar]

kṛtāstābhiśca puṇyābhirnabhasyasyāsitetare |
pañcamyāmṛṣisaṃjñāyāṃ tābhiḥ sucaritaṃ vratam || 33 ||
[Analyze grammar]

upoṣya caikarātraṃ tu jāgaraṃ caiva yogataḥ |
kṛtamātre vrate vyāsa dhūtapāpā babhuḥ kṣaṇāt || 34 ||
[Analyze grammar]

bhartṛkopaparibhraṣṭāḥ sadyaḥ prāptā gṛhāśramam |
ṛṣibhiḥ sāgnikaṃ dattaṃ pūrvavadṛṣisattama || 35 ||
[Analyze grammar]

tadāprabhṛti lokesminpaṃcamī ṛṣisaṃjñitā |
ye narāścātha nāryo yāstāṃ kurvanti tu bhaktiḥ || 36 ||
[Analyze grammar]

nīvārāhārakaṃ kṛtvā śucībhūya samāhitāḥ |
na teṣāṃ jāyate kiṃcidāpadduḥkhaṃ kadācana |
durbhagatvaṃ ca nārīṇāṃ na viyogaśca mātṛbhiḥ || 38 ||
[Analyze grammar]

putrato dhanato vāpi kadācitsaṃbhaviṣyati |
evaṃ vyāsa samākhyātaṃ yattvayā paripṛcchitam || 39 ||
[Analyze grammar]

avaṃtyāmīdṛśaṃ tīrthaṃ vartate bhuvi sattama |
tādṛśaṃ puṇyadaṃ kiṃcinnāsti brahmāṃḍagolake || 40 ||
[Analyze grammar]

asmiṃstīrthe naraḥ kaścinmahā dānāni ceccaret |
akṣayāṇi bhavaṃtyasya viṣṇuloke mahīyate || 41 ||
[Analyze grammar]

yo vai niyamavānbhūtvā kathāmetāṃ śṛṇoti vā |
paṭhecca satataṃ vyāsa haya medhaphalaṃ labhet || 42 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ paṃcama āvaṃtyakhaṇḍe'vantīkṣetramāhātmye gayātīrthamāhātmya varṇanaṃnāmaikonaṣaṣṭitamo'dhyāyaḥ || 59 ||
[Analyze grammar]