Chapter 58

[English text for this chapter is available]

| vyāsa uvāca |
vicitramidamākhyātaṃ gayāmāhātmyamuttamam |
bhagavanbhavatā sarvaṃ viditaṃ viśvamūrtinā || 1 ||
[Analyze grammar]

tatsarvaṃ śrotumicchāmi śrāddhasya phalamuttamam |
kṣetrasya ca dvijaśreṣṭha vistareṇa tapodhana || 2 ||
[Analyze grammar]

kiyaṃtaḥ pitaro nityaṃ tṛptā yāṃti surālayam |
keṣāṃ ke pitaraḥ proktāḥ kimuddeśyāḥ purā'nagha || 3 ||
[Analyze grammar]

sanatkumāra uvāca |
dhanyo'si kṛtakṛtyo'si yasya te naiṣṭhikī matiḥ |
tathāpi śṛṇu vai vatsa śrāddhasya vidhimuttamam || 4 ||
[Analyze grammar]

śrāddhe prakalpitā lokāḥ śrāddhe dharmaḥ pratiṣṭhitaḥ |
śrāddhe yajñā hi tiṣṭhaṃti sarvakarmaphalapradāḥ || 5 ||
[Analyze grammar]

śraddhayā dīyate kiṃciddaivaṃ brahmāgnitarpaṇam |
śrāddhaṃ tu tadvijānīyātpurā proktaṃ maha rṣiṇā || 6 ||
[Analyze grammar]

manuṣyā ṛṣayaḥ sarve surasiddhāśca rākṣasāḥ |
gaṃdharvāḥ kinnarā nāgā brahmeśānasureśvarāḥ || 7 ||
[Analyze grammar]

trīnpitṝṃśca samuddiśya śrāddhaṃ dadyuḥ samāhitāḥ |
prāpnuvantyakhilānkāmānsarvānvyāsa manogatān || 8 ||
[Analyze grammar]

evaṃ paraṃparāmārgaṃ pravartaṃte sanātanam |
tathāpi pitaro hyete samākhyātatamā bhuvi || 9 ||
[Analyze grammar]

tatsarvaṃ saṃpravakṣyāmi yathā śrutaṃ tathā śṛṇu |
ta ete pitaro devā devāśca pitarastathā || 10 ||
[Analyze grammar]

anyonyaṃ pitaro hyete devāḥ pitṛgaṇaiḥ saha |
mārkaṃḍena purā pṛṣṭaṃ praśnametaddvijottama || 11 ||
[Analyze grammar]

nibodha tvaṃ mataṃ sarvaṃ yaduktaṃ tatsamāhitaḥ |
yāvaṃtaste pitṛgaṇāstasmiṃlloke ca ye gatāḥ || 12 ||
[Analyze grammar]

sanatkumāra uvāca |
saptaite yajatāṃ śreṣṭhāḥ sarve pitṛgaṇāḥ smṛtāḥ |
catvāro mūrtimaṃto vai trayasteṣāṃ ca mūrtayaḥ || 13 ||
[Analyze grammar]

teṣāṃ lokaṃ visargaṃ ca kīrtayiṣyāmi tacchaṇu |
prabhāvaṃ tvaṃ mahattvaṃ ca vistareṇa tapodhana || 14 ||
[Analyze grammar]

dharmamūrtidharāsteṣāṃ tapo ye paramaṃ gatāḥ |
teṣāṃ nāmāni lokāṃśca kīrtayiṣyāmi tacchṛṇu || 15 ||
[Analyze grammar]

lokāḥ sanātanā nāma yatra tiṣṭhaṃti bhāsvarāḥ |
amūrtayaḥ pitṛgaṇāste vai putrāḥ prajāpateḥ || 16 ||
[Analyze grammar]

virājasya dvijaśreṣṭha vairājā iti naḥ śrutam |
yajante tāndevagaṇā vidhidṛṣṭena karmaṇā || 17 ||
[Analyze grammar]

ete vai yogavibhraṣṭā lokānprāpya sanātanān |
punaryugasahasrāṃti jāyaṃte brahmavādinaḥ || 18 ||
[Analyze grammar]

te prāpya tāṃ smṛtiṃ bhūyaḥ sāṃkhyayogamanuttamam |
yāṃti yogagatiṃ siddhāḥ punarāvṛttidurlabhām || 19 ||
[Analyze grammar]

ete syuḥ pitarastāta yogināṃ yogavardhanāḥ |
āpyāyayanti ye pūrvaṃ somaṃ yogabalena vai || 20 ||
[Analyze grammar]

tasmācchrāddhāni deyāni yogināṃ dvijasattama |
eṣa vai prathamaḥ kalpaḥ somapānāmanuttamaḥ || 21 ||
[Analyze grammar]

eteṣāṃ mānasī kanyā menā nāma mahāgireḥ |
patnī himavataḥ śreṣṭhā yasyāṃ maināka ucyate || 22 ||
[Analyze grammar]

mainākasya sutaḥ śrīmānkrauṃco nāma mahāgiriḥ |
agniṣvāttāḥ pitṛgaṇāstatra tiṣṭhaṃti bhāsvarāḥ || 23 ||
[Analyze grammar]

yāmyāṃ barhiṣadaścāsanyamāśca paścimāṃ diśam |
somapāścottarāṃ prāptā diśaṃ dhanadapālitām || 24 ||
[Analyze grammar]

amūrtimaṃtāvākāśe kavyavāḍanalau kṣitau || 25 ||
[Analyze grammar]

yakṣarakṣaḥpiśācāśca yajaṃte bhāvitātmanaḥ |
sādhyā devānyajanti sma viśvedevā ṛṣīṃstathā || 26 ||
[Analyze grammar]

mānavāḥ śrāddhadevaṃ ca ṛṣayo brahma sanātanam |
evaṃ paraṃparāprāptaḥ śrāddhadharmaḥ sanātanaḥ || 27 ||
[Analyze grammar]

devakāryātparaṃ kāryaṃ pitṛkāryaṃ viśiṣyate |
bharadvājātmajāḥ sapta śrāddhadharmaparāya ṇāḥ || 28 ||
[Analyze grammar]

jātismaratvamāpannā nirvāṇapadavīṃ gatāḥ |
gurośca dogdhrīṃ gāṃ hatvā saptaite vai dvijādhamāḥ || 29 ||
[Analyze grammar]

pitṝnuddiśya te sarve bhakṣayaṃtaḥ kṣudhā rditāḥ |
tena puṇyaprabhāvena yogabhraṣṭā divaṃ gatāḥ || 30 ||
[Analyze grammar]

sapta jātismarāste vai yogayuktā babhūvire |
tasmācchrāddhaṃ paraṃ proktaṃ sūribhiḥ paramātmabhiḥ || 31 ||
[Analyze grammar]

śrāddhe pratiṣṭhitā lokāḥ śrāddhe yogaḥ paraṃtapa |
evaṃ te pitaraḥ proktāḥ śrāddhasya ca vidhiṃ śṛṇu || 32 ||
[Analyze grammar]

brahmacaryarato dāṃto na krodhī na ca matsarī |
śaucācāraparo dhīraḥ śāstradṛṣṭirjiteṃdriyaḥ || 33 ||
[Analyze grammar]

evaṃ yaḥ kurute śrāddhaṃ tīrthe caiva viśeṣataḥ |
tato'dhikatarā proktā tṛptirvyāsa kṣaye'hani || 34 ||
[Analyze grammar]

vṛddhiśrāddhe tathā proktā mahālaye śatādhikā |
tato daśaguṇā proktā prayāge dvijasattama || 35 ||
[Analyze grammar]

prayāgāddaśaguṇā tṛptiḥ kurukṣetre ca sattama |
kurukṣetrāttato vyāsa daśādhikā gayā smṛtā || 36 ||
[Analyze grammar]

tato daśādhikā vyāsa mahākālavane śubhe |
avaṃtyāṃ sarvataḥ puṇyaṃ gayātīrthe ca sarvadā || 37 ||
[Analyze grammar]

yeṣāṃ nirayamāpannāḥ pitaro janmajanmani |
teṣāmuddharaṇārthāya tīrthametatsudurlabham || 38 ||
[Analyze grammar]

sakṛtsmaraṇamātreṇa pitṝṇā dattamakṣayam |
ye narā raṇamadhyasthāḥ pitṛvaṃśavivarjitāḥ || 39 ||
[Analyze grammar]

garbhapāte mṛtā ye ca nāmagotracyutāstathā |
svagotre paragotre vā ātmaghātamṛtāḥ pare || 40 ||
[Analyze grammar]

teṣāmuddharaṇārthāya tatra śrāddhaṃ vidhīyatām |
udbaṃdhanamṛtā ye ca viṣaśastrairmṛtāśca ye || 41 ||
[Analyze grammar]

daṣṭribhirvyaṃgato vāpi daurbrāhmaṇye mṛtāśca ye |
teṣāmuddhara ṇārthāya atra śrāddhaṃ vidhīyate || 42 ||
[Analyze grammar]

agnidagdhāśca ye jīvā nāgnidagdhāstathā pare || 43 ||
[Analyze grammar]

vidyuddhātena ye kecinmudgarābhihatāḥ pare |
teṣāmuddharaṇārthāya atra śrāddhaṃ vidhīyate || 44 ||
[Analyze grammar]

raurave cāṃdhatāmisre kālasūtre ca ye gatāḥ |
anekayātanāsaṃsthāḥ pretaloke ca ye gatāḥ || 45 ||
[Analyze grammar]

asipatravane ghore kuṃbhīpāke ca ye gatāḥ |
paśuyonigatā ye ca pakṣikīṭasarīsṛpāḥ |
teṣāmuddharaṇārthāya atra śrāddhaṃ vidhīyate || 46 ||
[Analyze grammar]

udakeṣu mṛtā ye ca nārīsūtīmṛtāstathā || 47 ||
[Analyze grammar]

aśvasūkūrakṛmidaṃṣṭriśvaśṛṃgiśakaṭāhatāḥ |
teṣāmuddharaṇārthāya atra śrāddhaṃ vidhīyate || 48 ||
[Analyze grammar]

bhagnadaṃṣṭrāśca śastrāstrairvyāghrāhigajabhūmipaiḥ |
śalabhairvṛścikairdaṃṣṭricorairye cāpi ghātitāḥ |
teṣāmuddharaṇārthāya atra śrāddhaṃ vidhīyate || 49 ||
[Analyze grammar]

aṣṭaśalyairmṛtā ye ca śaucācāravivarjitāḥ |
viṣūcikāmṛtā ye ca ye cātīsārato mṛtāḥ |
teṣāmuddharaṇārthāya atra śrāddhaṃ vidhīyate || 50 ||
[Analyze grammar]

śākinyādi grahagrastajalamadhye ca ye mṛtāḥ |
aspṛśyasparśasaṃspṛṣṭāḥ pāpā apatyavarjitāḥ |
teṣāmuddharaṇārthāya atra śrāddhaṃ vidhīyate || 51 ||
[Analyze grammar]

janmāṃtarasahasrāṇi bhramaṃti svena karmaṇā |
mānuṣaṃ durlabhaṃ yeṣāṃ tebhyaḥ śrāddhaṃ vidhīyatām || 52 ||
[Analyze grammar]

ye'nyajanmanyabāṃdhavā ye'nyajanmani bāṃdhavāḥ |
ye'nyajanmani saṃbaddhā mitrāmitre tathā pare |
teṣāmuddharaṇārthāya atra śrāddhaṃ vidhīyate || 53 ||
[Analyze grammar]

pitṛvaṃśe mṛtā ye ca mātṛvaṃśe tathaiva ca |
guruśvaśurabaṃdhūnāṃ ye cānye bāṃdhavā mṛtāḥ |
teṣāmuddharaṇārthāya atra śrāddhaṃ vidhīyate || 54 ||
[Analyze grammar]

ye me kule luptarpiḍāḥ putradārādivarjitāḥ |
kriyālopagatā ye ca tebhyaḥ śrāddhaṃ vidhīyate || 55 ||
[Analyze grammar]

paṃgukubjā virūpāśca āmagarbhāśca ye mṛtāḥ |
jñātā'jñātāḥ kule ye ca tebhyaḥ śrāddhaṃ vidhīyate || 56 ||
[Analyze grammar]

ābrahmabhuvanādye ca anyairdurmaraṇairmṛtāḥ |
teṣāmuddharaṇārthāya atra śrāddhaṃ vidhīyate || 57 ||
[Analyze grammar]

tṛṣārtāḥ kṣudhitāścaiva hāpitāścaiva ye mṛtāḥ |
pretayoniṃ gatāścaiva mlecchayoniṃ gatāśca ye |
teṣāmuddharaṇārthāya atra śrāddhaṃ vidhīyate || 58 ||
[Analyze grammar]

evaṃ śrāddhavidhiṃ vyāsa tasmiṃstīrthe samācaret |
ṛṇatrayavinirmukto vāṃchitārthaṃ labheta saḥ |
gayāyāṃ ca samāsādya surā iṃdrapurogamāḥ |
cakruśca vidhivatsarve yaduktaṃ devabhāṣayā || 59 ||
[Analyze grammar]