Chapter 60

[English text for this chapter is available]

| vyāsa uvāca |
puruṣottamaṃ paraṃ tīrthaṃ tvayā proktaṃ purānagha |
māhātmyaṃ tasya tīrthasya vistarādvada me prabho |
etattu śrotumicchāmi tvatto brahmavidāṃ vara || 1 ||
[Analyze grammar]

sanatkumāra uvāca |
śṛṇuṣva bho dvijaśreṣṭha kathāṃ pāpaharāṃ parām || 2 ||
[Analyze grammar]

yasyāḥ śravaṇamātreṇa mahāpāpakṣayo bhavet |
purākalpeṣu vai brahmanvaikuṇṭhe vimale śubhe || 3 ||
[Analyze grammar]

samāsīno ramānāthaḥ pārṣadaiḥ sanakādibhiḥ |
maharṣibhiḥ sadācāraiḥ pitāmahapurogamaiḥ || 4 ||
[Analyze grammar]

ṛdisiddhiguṇopetaistattvaistairmahadādibhiḥ |
gaṇagaṃdharvasaṃghaiśca sevyamānaḥ samaṃ tataḥ || 5 ||
[Analyze grammar]

kinnarodgānasanmānairnṛtyadbhirapsarogaṇaiḥ |
ciṃtāmaṇigṛhodgāralalitāṃgaṇabhūmiṣu || 6 ||
[Analyze grammar]

kalpadrumakṛtacchāya āsīno hi murudviṣaḥ |
dharmavādaratāḥ sarve brahmamārgasuniścitāḥ || 7 ||
[Analyze grammar]

teṣāṃ madhye parā bhāṣā hyapṛcchatkamalāpatim || 8 ||
[Analyze grammar]

lakṣmīruvāca |
puṇyakānāṃ vidhiṃ nātha śrotumicchāmi tattvataḥ |
sarvajñosi mahāprājña vācyatāṃ yadi rocate || 9 ||
[Analyze grammar]

śrībhagavānuvāca |
dānaṃ snānaṃ tapaḥ śrāddhaṃ sadā śastaṃ hi śobhane |
tathāpi vidhinā prāptaṃ tatsarvaṃ cākṣayaṃ bhavet || 10 ||
[Analyze grammar]

deśe kāle parvaṇi ca tīrthe cāyatane pade |
dānaṃ snānaṃ tapaḥ śrāddhaṃ munibhiḥ parikīrtitam || 11 ||
[Analyze grammar]

pūrṇamāsyāmamāvāsyāṃ saṃkrāṃtau grahaṇe tathā |
vaidhṛtau ca vyatīpāte dānavṛddhiḥ parā smṛtā || 12 ||
[Analyze grammar]

gaṃgāyāṃ bhāskarakṣetre kurukṣetre ca puṣkare |
godāvaryāṃ gayāyāṃ ca tīrthe cāmarakaṃṭake || 13 ||
[Analyze grammar]

avaṃtyāṃ ca hutaṃ dattaṃ tatsarvaṃ cākṣayaṃ bhavet |
tasmātsarvaprayatnena parve tīrthaṃ samācaret || 14 ||
[Analyze grammar]

kucailo durbhago mūrkho jaḍo rogasamanvitaḥ |
tīrthaparvaparibhraṣṭo naro bhavati niścitam || 15 ||
[Analyze grammar]

ke yogāḥ sukṛtānāṃ ca kartavyāśca viśeṣataḥ || 16 ||
[Analyze grammar]

śrīkṛṣṇa uvāca |
sādhu pṛṣṭaḥ priye praśraḥ puṇyakānāṃ tvayā'naghe |
malamāse samāyāte ye narā vratavarjitāḥ |
janmajanmani dāridryaṃ teṣāṃ bhavati śobhane || 17 ||
[Analyze grammar]

śrīrukmiṇyuvāca |
kīdṛśo hi malo māsaḥ kena yogena jāyate |
kadā kāle samāyāti etanno vada vistarāt || 18 ||
[Analyze grammar]

śrīkṛṣṇa uvāca |
yuktamuktaṃ tvayā devi praśnaḥ kāle'yamīdṛśaḥ |
devatāpitṛkāryāṇi vidhinā hi malimluce || 19 ||
[Analyze grammar]

kṣauraṃ mauṃjī vivāhaśca vratopavāsakaṃ tathā |
viśeṣeṇa gṛhasthānāṃ varjyaṃ munivarottamaiḥ || 20 ||
[Analyze grammar]

saṃvatsaratrayāṃte ca māso'yamadhigacchati |
asaṃkrame raverasmiṃstasmādadhikamāsakaḥ || 21 ||
[Analyze grammar]

adhimāsādhipatyo'haṃ sadaiva puruṣottamaḥ |
mamābhidhānaṃ tīrthaṃ ca mahākālavane śubham || 22 ||
[Analyze grammar]

puruṣottamākhyaṃ me dhāma sadaivātra prati ṣṭhati |
tasmātsarvaprayatnena gaṃtavyaṃ hi tvayā saha || 23 ||
[Analyze grammar]

mahākālavane tatra yatra tīrthaṃ mamābhidham |
prāṇino ye samāyāṃti majjanārthaṃ priye dhruvam || 24 ||
[Analyze grammar]

teṣāmiha mamādeyaṃ na kadāpi bhaviṣyati |
dhanadhānyakalatrādi putrasaukhyaṃ sadaiva hi || 25 ||
[Analyze grammar]

asaṃkrāṃte'pi saṃprāpte māmuddiśya vrataṃ caret |
adhimāsādhipatyo'haṃ sadā vai puruṣottamaḥ || 26 ||
[Analyze grammar]

snānaṃ dānaṃ japo homaḥ svādhyāyaḥ pitṛtarpaṇam |
devatārcāṃ ca madhyāhne ye kurvaṃti narottamāḥ || 27 ||
[Analyze grammar]

akṣayaṃ ca bhavetsarvaṃ teṣāṃ vai kamale dhuvam |
malamāso gataḥ śūnyo yeṣāṃ devi pramādataḥ || 28 ||
[Analyze grammar]

dāridryaṃ ca sadā teṣāṃ śokarogavivardhanam |
adhimāse samāyāte avaṃtyāṃ vratamācaret || 29 ||
[Analyze grammar]

teṣāṃ dadāmyahaṃ prītyā tvāmeva ca na saṃśayaḥ |
svalpaṃ dānamalaṃ kāryaṃ yatkiṃ cidiha yatkṛtam |
tatsarvaṃ matprasādena hyanaṃtaṃ priyadarśane || 30 ||
[Analyze grammar]

śrīruvāca |
īdṛśo hi tvayā prokto hyadhimāsasya suvrata || 31 ||
[Analyze grammar]

mahimā hyapi lokānāṃ sarvakāmavarapradaḥ |
adhimāsavrataṃ puṇyaṃ kathayasva prasādataḥ || 32 ||
[Analyze grammar]

śrīkṛṣṇa uvāca |
asaṃkrāto yadā māsaḥ prāpyate mānavaiḥ priye |
mahotsavastadā kārya ātmano hitakāṃkṣibhiḥ || 33 ||
[Analyze grammar]

kṛṣṇapakṣe caturdaśyāṃ navamyāṃ vā sureśvari |
aṣṭamyāṃ cātha kartavyaṃ vrataṃ śokavināśanam || 34 ||
[Analyze grammar]

yathālābhopahāreṇa māse cāpi malimluce |
puṇyāhe prātarutthāya kṛtvā paurvāhṇikīṃ kriyām || 35 ||
[Analyze grammar]

gṛhītvā niyamaṃ paścādvāsudevaṃ hṛdi smaran |
upavāsaṃ ca naktaṃ ca ekabhuktaṃ ca mānini || 36 ||
[Analyze grammar]

ekasya niścayaṃ kṛtvā tato viprānnimaṃtrayet |
sapatnīkā nsadācārānkulīnāñjñātisaṃbhavān || 37 ||
[Analyze grammar]

tato madhyāhnasamaye lakṣmīyuktaṃ sanātanam |
sthāpayedavraṇe kuṃbhe vedamaṃtrairdvijātibhiḥ || 38 ||
[Analyze grammar]

pūjayetparayā bhaktyā gotribhiḥ sapitāmaham |
gaṃdhatoyena saṃsthāpya paṃcāmṛtaistathaiva ca || 39 ||
[Analyze grammar]

miṣṭānnairnavabhiścaiva naivedyairdhūpadīpakaiḥ |
ācchādanaiśca vastraiśca pītakauśeyakaistathā || 40 ||
[Analyze grammar]

ghaṃṭāmṛdaṃganirhrādairghoṣadhvanisamanvitaiḥ |
ārārtikaṃ vratī kuryātkarpūrāgarucaṃdanaiḥ || 41 ||
[Analyze grammar]

alābhe tūlmukai ścāpi phalasyānaṃtyahetave |
tāmrapātrasthite toye caṃdanākṣatapuṣpakaiḥ || 42 ||
[Analyze grammar]

arghyaṃ dadyātsapatnīkaḥ prahṛṣṭenāṃtarātmanā |
paṃcaratnaiḥ samāyuktairjā nunī kṛtya bhūtale |
samādāya ca pāṇibhyāṃ sarvabhaktisamanvitaḥ || 43 ||
[Analyze grammar]

arghyamantraḥ |
kṛpāvansarvabhūteṣu jagadānaṃdakāraka |
gṛhāṇārghyamimaṃ deva saṃpūrṇaphalado bhava || 44 ||
[Analyze grammar]

prārthanāmaṃtra |
svayaṃbhuve namastubhyaṃ brahmaṇe'mitatejase |
namostu te śriyānaṃda brahmānaṃda kṛpākara || 45 ||
[Analyze grammar]

evaṃ saṃprārthya goviṃdaṃ pūjayedbrāhmaṇātsvayam |
sapatnīkācchucīnsnātāllaṃkṣmīnārāyaṇau smaran || 46 ||
[Analyze grammar]

pūjayitvā vidhānena bhojayeddhṛtapāyasaiḥ || 47 ||
[Analyze grammar]

bhojayitvā vidhānena sapatnīkaṃ yathocitam |
vidyāvinayasaṃpannaṃ tathā patnyā samanvitam || 48 ||
[Analyze grammar]

pūjayitvā yathāśaktyā vastrālaṃkārakuṃkumaiḥ |
gostanyāmrakapitthaiśca kharjūraiḥ kadalīphalaiḥ || 49 ||
[Analyze grammar]

panasairnārikelaiśca nāraṃgairdāḍimaistathā |
ghṛtapakvānnagodhūmaiḥ śubhaiḥ somālikairvaṭaiḥ || 50 ||
[Analyze grammar]

śarkarāghṛtapūraiśca karṇikaiḥ khaṃḍamaṃḍakaiḥ |
urvārukarkaṭīśākaiḥ śṛṃgaberaiḥ samūlakaiḥ || 51 ||
[Analyze grammar]

anyaiśca vividhaiḥ śākairāmraiḥ pakvaiḥ pṛthakpṛthak |
bhakṣyabhojyalehyapeyakaṃdakāni viśeṣataḥ || 52 ||
[Analyze grammar]

suvāsitāngorasāṃśca pariveṣya mṛdu bruvan |
idaṃ svādu rasaṃ bhojyaṃ bhavadarthe prakalpitam || 53 ||
[Analyze grammar]

yācyatāṃ rocate yacca yanmayā pācitaṃ prabho |
dhanyosmyanugṛhītosmi kṛtaṃ sārthaṃ ca maṃdiram || 54 ||
[Analyze grammar]

visarjayettato viprāndattvā tāṃbūladakṣiṇāḥ |
caturbhirmiṃlitairdevi tāṃbūlaṃ mama vallabham || 55 ||
[Analyze grammar]

yo dadāti dvijaśreṣṭhe sa bhavetsubhago naraḥ |
subhagā ca sadācārā vallabhā svajane sadā || 56 ||
[Analyze grammar]

putrasaubhāgyayuktā ca tāṃbūlairjāyate priye |
patraistu keśavaḥ prītaḥ pūgairīśaḥ sahomayā || 57 ||
[Analyze grammar]

cūrṇakenānalaḥ prītaḥ khadireṇa tu manmathaḥ |
caturbhirviśvarūpo'sau yaḥ puṣṇāti jagattrayam || 58 ||
[Analyze grammar]

paritoṣya sapatnīkānhaste dattvā ca modakān |
ā sīmāṃtamanuvrajya bhuṃjīta saha baṃdhubhiḥ || 59 ||
[Analyze grammar]

asaṃkrāṃte vrataṃ nārī yā karotīha supriye |
dāridryaṃ putraśokaṃ ca vaidhavyaṃ nāpnuyātkvacit || 60 ||
[Analyze grammar]

naro vā yadi vā nārī yaḥ kuryācca malimluce |
sa sarvasukhabhoktā ca bhavennāstyeva saṃśayaḥ || 61 ||
[Analyze grammar]

malimluce prāpya na pūjito yairnārāyaṇo'haṃ parayeha bhaktyā |
kathaṃ bhaveyuḥ sukhaputrasaṃpatsuhṛtsubhāryāḥ suguṇairupetāḥ || 62 ||
[Analyze grammar]