Chapter 38

[English text for this chapter is available]

| sanatkumāra uvāca |
nāsti śeṣaṃ yadā raktaṃ pīyamānaṃ ca rakṣasaḥ |
cāmuṃḍāyāstato raktamabhūdāsyaṃ ca bhāsuram || 1 ||
[Analyze grammar]

kṛṣṇaṃ kṛtāṃtakalpāṃtaṃ karāladaśanādharam |
prajvalatyaṃdhake śāṃtaṃ jvalatkesaralocanam || 2 ||
[Analyze grammar]

ghoraghargharanirghoṣasphītaphetkāravisvaram |
tārkṣyapakṣakṛtāpīḍaṃ tīkṣṇadaṃṣṭrākurojjvalam || 3 ||
[Analyze grammar]

tasminmukhe kapālāgraṃ nidhāya ruṣitānanā |
apibadrudhiraṃ caṃḍī caṇḍa dordaṃḍamaṃḍitā || 4 ||
[Analyze grammar]

tayā pibaṃtyā daityeṃdraḥ śarīre kṛśatāṃ gataḥ |
kṣayaṃ ninye'tha saṃkṣīṇakṣudrakṣubhitavīkṣaṇaḥ || 5 ||
[Analyze grammar]

itthaṃ nirvīryadeho'sau babhūvāṃdha kadānavaḥ |
sarvāṃ saṃhṛtya māyāṃ yo balaṃ kṣīṇamathākarot || 6 ||
[Analyze grammar]

tīvraṃ bhayaṃ samāsādya prāṇatrāṇaparāyaṇaḥ |
dṛṣṭvā nānyāṃ gatiṃ loke daityastuṣṭāva śaṃkaram || 7 ||
[Analyze grammar]

kṛtāṃjalipuṭo bhūtvā romāṃcitaśarīrakaḥ |
sāttvikaṃ bhāvamāpannastyaktvā caiva rajastamaḥ || 8 ||
[Analyze grammar]

lokānāṃ kāraṇaṃ devaṃ vibudhādhi patiṃ prabhum |
śaśvadbuddhyānvito bhaktyā nirmalenāṃtarātmanā || 9 ||
[Analyze grammar]

ślāghyaṃ śivaṃ ca tuṣṭāva devaṃ caṃdrārdhaśekharam || 10 ||
[Analyze grammar]

aṃdhaka uvāca |
kṛtsnasya yo'sya jagataḥ sacarācarasya kartā kṛtasya ca tathā sukhaduḥkhadātā |
saṃsāraheturapi yaḥ punaraṃtakāle taṃ śaṃkaraṃ śaraṇadaṃ śaraṇaṃ vrajāmi || 11 ||
[Analyze grammar]

yaṃ yogino vigatamohatamorajaskā bhaktyaikatānamanaso vinivṛttakāmāḥ |
dhyāyaṃti ye'khiladhiyo'mitadivyabhūtiṃ taṃ śaṃkaraṃ śaraṇadaṃ śaraṇaṃ vrajāmi || 12 ||
[Analyze grammar]

yaścaṃdrakhaṃḍamamalaṃ vilasanmayūkhaṃ baddhvā sadā surasaricchirasā bibharti |
yasyārdhadehamabhajadgirirājaputrī taṃ śaṃkaraṃ śaraṇadaṃ śaraṇaṃ vrajāmi || 13 ||
[Analyze grammar]

yaḥ siddhacāraṇaniṣevitapādapadmo gaṃgāṃ mahormiviṣamāṃ gaganātpataṃtīm |
mūrdhnā dadhe srajamiva trijagatpunaṃtīṃ taṃ śaṃkaraṃ śaraṇadaṃ śaraṇaṃ vrajāmi || 14 ||
[Analyze grammar]

kailāsaśailaśikharaṃ pravikaṃpyamānaṃ kailāsaśṛṃgasadṛśena daśānanena |
yaḥ pādapadmaparipīḍanasevyamānastaṃ śaṃkaraṃ śaraṇadaṃ śaraṇaṃ vrajāmi || 15 ||
[Analyze grammar]

dakṣādhvare ca nayane ca tathā bhagasya pūṣṇastathā daśanapaṃktimaśātayadyaḥ |
vyaṣṭaṃbhayatkuliśahastamatheṃdramīśaṃ taṃ śaṃkaraṃ śaraṇadaṃ śaraṇaṃ vrajāmi || 16 ||
[Analyze grammar]

yenāsakṛdditisutāśca danoḥ sutāśca vidyādharoragagaṇāśca varaiḥ samagraiḥ |
saṃyojitā munivarāḥ phalamūlabhakṣāstaṃ śaṃkaraṃ śaraṇadaṃ śaraṇaṃ vrajāmi || 17 ||
[Analyze grammar]

evaṃ kṛtepi viṣayeṣvapi saktabhāvā jñānena ca śrutaguṇairapi tena yuktāḥ |
yaṃ saṃśritāḥ sukhabhujaḥ puruṣā bhavaṃti taṃ śaṃkaraṃ śaraṇadaṃ śaraṇaṃ vrajā mi || 18 ||
[Analyze grammar]

brahmeṃdraviṣṇumarutāṃ ca saṣaṇmukhānāṃ yo'dādvarānsubahuśo bhagavānmaheśaḥ |
sūtaṃ ca mṛtyuvadanātpunarujjahāra taṃ śaṃkaraṃ śaraṇadaṃ śaraṇaṃ vrajāmi || 19 ||
[Analyze grammar]

ārādhitastu tapasā himavannikuṃje dhūmravratena tapasā ca parairagamyaḥ |
saṃjīvanīṃ samadadādbhṛgave mahātmā taṃ śaṃkaraṃ śaraṇadaṃ śaraṇaṃ vrajāmi || 20 ||
[Analyze grammar]

krīḍārthameva bhagavānbhuvanāni sapta nānānadīvihagapādapamaṃḍitāni |
sabrahmakāni sasṛje sukṛtābhidhāni taṃ śaṃkaraṃ śaraṇadaṃ śaraṇaṃ vrajāmi || 21 ||
[Analyze grammar]

yaḥ savyapāṇikamalāgranakhena devastatpaṃcamaṃ prasabhameva karālaraṃdhram |
brāhmyaṃ śirastaraṇipadmanibhaṃ cakarta taṃ śaṃkaraṃ śaraṇadaṃ śaraṇaṃ vrajāmi || 22 ||
[Analyze grammar]

ye tvāṃ surottamaguruṃ puruṣā vimūḍhā jānaṃti nāsya jagataḥ sacarācarasya |
aiśvaryamānavigame'nuśayena paścātte yātanāmanubhavaṃti yathāhameva || 23 ||
[Analyze grammar]

yaḥ paṭhetstutimimāṃ śucikarmā yaḥ śṛṇoti satataṃ śivabhaktaḥ |
viprasaṃsadi sadā śubhakarmā sa prayāti śivaloka makhaṃḍam || 24 ||
[Analyze grammar]

sanatkumāra uvāca |
tasyaivaṃ stuvato devaḥ śūlapāṇirvṛṣadhvajaḥ |
pūrṇe varṣaśatasyāṃte prītaḥ provāca śaṃkaraḥ || 25 ||
[Analyze grammar]

putra tuṣṭo'smi bhadraṃ te jātastvaṃ nirmalo'dhunā |
divyaṃ dadāmi te cakṣuḥ paśya māṃ vigatajvaraḥ || 26 ||
[Analyze grammar]

yacca te manasā vāpi kiṃcicca kāṃkṣitaṃ phalam |
tattatsarvaṃ pradāsyāmi brūhi dānavasattama || 27 ||
[Analyze grammar]

dānava uvāca |
brāhmyaṃ vaiṣṇavameṃdraṃ vā padamāvṛttilakṣaṇam |
viditaṃ mama tatsarvaṃ manāgapi na kāṃkṣaye || 28 ||
[Analyze grammar]

yadi tuṣṭo'si deveśa gāṇapatyaṃ dadasva me |
saviśeṣaṃ viśuddhaṃ ca tadakṣayyaṃ ca sarvadā || 29 ||
[Analyze grammar]

mahādeva uvāca |
amaro jarayā tyaktaḥ sarvaduḥkhavivarjitaḥ |
bhaviṣyasi gaṇādhyakṣaḥ sarvalokanamaskṛtaḥ || 30 ||
[Analyze grammar]

kāmarūpo mahāyogī mahāsattvo mahābalaḥ |
aṇimādiguṇairyuktaḥ priyaśca mama sarvadā || 31 ||
[Analyze grammar]

sanatkumāra uvāca |
tataśca soṃ'dhakaḥ śrīmānvarāṃllabdhvā sudurlabhān |
mahādevagaṇo bhūtvā tatraivāṃtaradhīyata || 32 ||
[Analyze grammar]

gateṃ'dhake tato devyo brahmāṇyādyāḥ samāgatāḥ |
sa devo yatra bhagavānaṃdhakasya varapradaḥ || 33 ||
[Analyze grammar]

tāstaṣṭuvurmahādevamatha tuṣṭo maheśvaraḥ |
cāmuṃḍā ca maheśena samāśvastā śivā'bhavat || 34 ||
[Analyze grammar]

śaṃkaraṃ praṇataṃ dṛṣṭvā tāsāmagre vyavasthitam |
brahmādayo'pi te hṛṣṭāstuṣṭuburvividhaiḥ stavaiḥ || 35 ||
[Analyze grammar]

praśāṃtāstā yadā hṛṣṭāḥ śaṃbhunā rudhirāśanāḥ |
tadā vocadidaṃ vākyaṃ tāsāṃ sthityarthamuttamam || 36 ||
[Analyze grammar]

āvaṃtye viṣaye sarvā yasmājātā mahābalāḥ |
āvaṃtyamātarastasmātkhyātā loke bhaviṣyatha || 37 ||
[Analyze grammar]

avaṃtyāṃ prītisaṃpannāḥ sarvapāpapraṇāśinīḥ |
sthirā vasaṃtyo lokānāṃ varadāśca bhaviṣyatha || 38 ||
[Analyze grammar]

śrāvaṇasya tu māsasya amāvāsyāṃ samāhitāḥ |
ye drakṣyaṃti sadā bhaktyā teṣāṃ lokā mahodayāḥ || 39 ||
[Analyze grammar]

aputro labhate putrāndhanārthī labhate dhanam |
rūpavānsubhago bhogī sarvaśāstraviśāradaḥ || 40 ||
[Analyze grammar]

haṃsayuktena yānena pitṛloke mahīyate |
purīmimāṃ ca rakṣadhvaṃ kalpekalpe krameṇa tu || 41 ||
[Analyze grammar]

evamuktvā tu deveśo gataḥ kailāsa parvatam |
stūyamāno gaṇai raudrairdaityāmaragaṇeśvaraiḥ || 42 ||
[Analyze grammar]

asurasuragaṇānāṃ nāyakasyānukīrtiṃ kathayati kathanīyāṃ śraddhayā yaḥ śṛṇoti |
sakala sukhanidhānaṃ rudralokaṃ sa kāṃtaṃ suragaṇadanunāthairarcitaṃ yātyanaṃtam || 43 ||
[Analyze grammar]