Chapter 18

[English text for this chapter is available]

sanatkumāra uvāca |
ekānaṃśāṃ namaskṛtya devīṃ trailokyaviśrutām |
pūjāṃ kṛtvā vidhānena sarvasiddhiphalaṃ labhet || 1 ||
[Analyze grammar]

aṇimādiguṇānsarvānguṭikāsiddhimaṃjanam |
khaḍgaṃ ca pāduke caiva vilavāsaṃ rasāyanam |
sarvaṃ tuṣṭā prayaccheta nātra kāryā vicāraṇā || 2 ||
[Analyze grammar]

surāmāṃsopahāraiśca bhakṣyabhojyaiśca pūjitā |
sarvānkāmānnṛṇāṃ devī tuṣṭā dadyācca sarvadā || 3 ||
[Analyze grammar]

mahānavamyāṃ yo devīṃ mahiṣeṇa prapūjayet |
meṣeṇa vā yathālābhaṃ sarvānkāmānavāpnuyā t || 4 ||
[Analyze grammar]

vyāsa uvāca |
kathaṃ devī samutpannā ekānaṃśeti viśrutā |
tatsarvaṃ śrotumicchāmi sarvapāpapraṇāśinī || 5 ||
[Analyze grammar]

sanatkumāra uvāca |
purā kṛtayugasyādau brahmā lokapitāmahaḥ |
niśāṃ sasmāra bhagavānsvāṃ tanūṃ pūrvasaṃbhavām || 6 ||
[Analyze grammar]

tato bhagavatī rātrirupatasthe pitāmaham |
tāṃ vivikte samālokya brahmovāca vibhāvarīm || 7 ||
[Analyze grammar]

brahmovāca |
vibhāvarī mahāmāye vibudhānāmupasthitam |
yatkartavyaṃ tvayā devi śṛṇu cārthasya niścayam || 8 ||
[Analyze grammar]

tārakonāma daityeṃdraḥ suraśatruranirjitaḥ |
tasya bhayena vai devāstrastāḥ sarve divaukasaḥ || 9 ||
[Analyze grammar]

tasmādbhadre maheśo vai janayiṣyati cedvaram |
sutaṃ sa bhavitā tasya tārakasyāṃtakaḥ kila || 10 ||
[Analyze grammar]

śaṃkaramyābhavatpatnī satī dakṣasutā tu yā |
sā pituḥ kupitā bhadre kasmiṃścitkāraṇāṃtare || 11 ||
[Analyze grammar]

bhavitrī himaśailasya duhitā lokapāvanī |
viraheṇa harastasyā matvā śūnyaṃjagattrayam || 12 ||
[Analyze grammar]

atapaddhimaśailasya kaṃdare siddhasevite |
pratīkṣamāṇastajjanma kiṃcitkālaṃ vasiṣyati || 13 ||
[Analyze grammar]

tasmātsutaptatapasorbhavitā yo mahāprabhuḥ |
sa bhaviṣyati daityasya tārakasya nivārakaḥ || 14 ||
[Analyze grammar]

jātamātrā tu sā devī svalpasaṃjñaiva bhāminī |
virahotkaṃṭhitā gāḍhaṃ harasaṃgamalālasā || 15 ||
[Analyze grammar]

tayoḥ sutaptatapasoḥ saṃyogaḥ syātsuyuktayoḥ |
pārvatīharayostasmātsurataṃ śaktikāraṇam || 16 ||
[Analyze grammar]

bhavettatra surāṇāṃ ca kāryārthe vipramācara |
vighnaṃ tvayā vidhātavyaṃ yathā tābhyāṃ tathā śṛṇu || 17 ||
[Analyze grammar]

garbhasthāne'tha tāṃ mātaḥ svena rūpeṇa raṃjaya |
tato rahasi śarvastāṃ bibhradānaṃdapūrvakam || 18 ||
[Analyze grammar]

hāsayiṣyati kālīti tataḥ sā kupitā satī |
prayāsyati tapaḥ kartuṃ tataḥ sā tapasā yutā || 19 ||
[Analyze grammar]

janayiṣyati yaṃ śarvādiṃduvajjyotimaṃḍa lam |
sa bhaviṣyati haṃtā vai surārīṇāṃ na saṃśayaḥ || 20 ||
[Analyze grammar]

tvayāpi dānavā devi haṃtavyā lokadurjayāḥ |
yāvacca na satī dehe saṃkrāṃtaguṇasaṃcayā || 21 ||
[Analyze grammar]

tatsaṃgamena tāvattvaṃ daityānhaṃtuṃ bhaviṣyasi |
evaṃ kṛte tvayā devi tapaḥ kālī kariṣyati || 22 ||
[Analyze grammar]

samāptaniyamā sā ca yadā gaurī bhaviṣyati |
tadā tavāpi sārūpyaṃ śailajā saṃpradāsyati || 23 ||
[Analyze grammar]

tatastavāpi sahajā saikānaṃśā bhaviṣyati |
rūpāṃśena ca saṃyuktā tvamumākhyā bhaviṣyasi || 24 ||
[Analyze grammar]

ekānaṃśeti lokastvāṃ varade pūjayiṣyati |
bhedairbahuvidhākāraiḥ sarvagāṃ kāmasādhanīm || 25 ||
[Analyze grammar]

oṃkāravaktrā gāyatrī tvameva brahmavādinī |
ākrāṃtarucirākārā rājñāṃ cāhavaśālinī || 26 ||
[Analyze grammar]

viśāṃ tvaṃ kamalādevī śūdrāṇāṃ jananī svayam |
jñānināṃ jñeyarūpā tvaṃ tvaṃ gatiḥ sarvadehinām || 27 ||
[Analyze grammar]

tvaṃ ca kīrtimatāṃ kīrtistvaṃ bhūtiḥ sarvadehinām |
ratidā raktacittānāṃ prītistvaṃ snehavartinām || 28 ||
[Analyze grammar]

tvaṃ kāṃtiḥ kṛtabhūṣā ṇāṃ tvaṃ śāṃtirhṛṣṭakarmaṇām |
tvaṃ ca bhrāṃtirabodhānāṃ tvaṃ kīrtiḥ kramayājinām || 29 ||
[Analyze grammar]

mahāvelā samudrāṇāṃ vilāsastvaṃ vilāsinām |
saṃbhūtistvaṃ padārthānāṃ sthitistvaṃ lokaśālinām || 30 ||
[Analyze grammar]

ityanekavidhairdevi rūpairlokeṣu carcitā |
ye tvāṃ paśyaṃti varade pūjayiṣyaṃti cāpi ye |
kāmā nāpsyaṃti te sarve niyataṃ nātra saṃśayaḥ || 31 ||
[Analyze grammar]

ityevaṃ sā samutpannā brahmaṇā saṃstutā satī |
ekānaṃśā mahādevī dhyātavyā sāpi bhaktitaḥ || 32 ||
[Analyze grammar]