Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 17

< Previous

Next >

[English text for this chapter is available]

sanatkumāra uvāca |
daśāśvamedhike snātvā dṛṣṭvā devaṃ maheśvaram |
daśānāmaśvamedhānāṃ phalaṃ prāpnoti māna vaḥ || 1 ||
[Analyze grammar]

manunā mānavendreṇa rājñā caiva yayātinā |
raghuṇośanasā caiva lomaśena maharṣiṇā || 2 ||
[Analyze grammar]

atriṇā bhṛguṇā vyāsa dattātreyeṇa dhīmatā |
purūravasā puṇyena nahuṣeṇa nalena ca || 3 ||
[Analyze grammar]

atra snānena saṃprāptaṃ daśāśvamedhikaṃ phalam |
saṃprāpte dvāparasyāṃte rājñā bāṣkalinā tathā || 4 ||
[Analyze grammar]

daśānāmaśvamedhānāṃ phala prāptaṃ dvijottama |
kṛṣṇavarṇaṃ tathā liṃgaṃ pūjitaṃ bhaktitaḥ sadā || 5 ||
[Analyze grammar]

dṛṣṭvā spṛṣṭvā ca taṃ devaṃ prāguktaṃ labhate phalam |
caitre māsi sitāṣṭamyāṃ devaṃ saṃpūjya bhaktitaḥ || 6 ||
[Analyze grammar]

aśvaṃ dadyācca viprāya surūpaṃ ca guṇānvitam |
yāvaṃti tasya romāṇi gaṇyaṃte saṃkhyayā dvija || 7 ||
[Analyze grammar]

tāvadvarṣasahasrāṇi śivaloke mahīyate |
śivalokātparibhraṣṭaḥ sārvabhaumo bhavedbhuvi || 8 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe'vantīkṣetramāhātmye daśāśvamedhamāhātmyavarṇanaṃnāma saptadaśo'dhyāyaḥ || 17 ||
[Analyze grammar]