Chapter 16

[English text for this chapter is available]

sanatkumāra uvāca |
athānyatsaṃ pravakṣyāmi tīrthānāṃ tīrthamuttamam |
sthāpitaṃ paramaṃ tīrthaṃ svanāmnā munisattama || 1 ||
[Analyze grammar]

ekadā samaye vyāsa kapālakṣālanāya vai |
śīrṣodakaṃ gṛhītvā tu kapālena maheśvaraḥ || 2 ||
[Analyze grammar]

prakṣālya cākṣipadbhūmau tatra tīrthamanuttamam |
nāmnā gandhavatī puṇyā nadī trailokyaviśrutā || 3 ||
[Analyze grammar]

brahmaṇo rudhireṇāśu pari pūrṇābhavatkṣaṇāt |
tasyāṃ snānaṃ sadā śastaṃ svayaṃ devena bhāṣitam || 4 ||
[Analyze grammar]

śrāddhaṃ ca tarpaṇaṃ kṛtvā tatsarvaṃ cākṣayaṃ bhavet |
vāyubhūtāstu pitarastasyāstī re tu dakṣiṇe || 5 ||
[Analyze grammar]

tiṣṭhaṃti muniśārdūla ciṃtayaṃti svagotrajam |
āgamiṣyati putro'dya naptā vā saṃtatāviha || 6 ||
[Analyze grammar]

saṃyāvaṃ pāyasaṃ vāpi śyāmākaṃ sanivārakam |
sakṛtkṣaudratilairyuktaṃ piṇḍaṃ dāsyati vai kadā || 7 ||
[Analyze grammar]

tena piṃḍapradānena tṛptirbhavati cākṣayā |
yastu snātvā ca vai piṃḍaṃ dadyādvai caṃdraṃ parvaṇi || 6 ||
[Analyze grammar]

pitarau dvādaśābdāni tṛptiṃ yāsyaṃti tasya vai |
ye'trāgatya suvidvāṃso mānavā vā tathā dvijāḥ || 9 ||
[Analyze grammar]

pitṝnsaṃtarpayiṣyaṃti svargasteṣāṃ sadā'kṣayaḥ |
tatra yaddīyate dānaṃ truṭimātraṃ tu kāṃcanam || 10 ||
[Analyze grammar]

akṣayaṃ tasya tatproktaṃ brahmaṇā vai svayaṃbhuvā |
gaṃgādvāre prayāge ca kurukṣetre'tha puṣkare || 11 ||
[Analyze grammar]

vārāṇasyāṃ gayāyāṃ ca sā na tṛptirbhaviṣyati |
tuṣṭāśca pitaro nṛṇāṃ dāsyaṃti kāṃkṣitānvarān || 12 ||
[Analyze grammar]

yo yamuddiśya vaikāmamiha śrāddhaṃ kariṣyati |
tasya tajjāyate sarvaṃ mṛtasya paramā gatiḥ || 13 ||
[Analyze grammar]

navamī aṣṭamī caiva amāvāsyātha pūrṇimā |
sarvāṇyetāni vai vyāsa raveḥ saṃkrama eva ca || 14 ||
[Analyze grammar]

brahmeṃdra rudradevāṃśca sūryāgnibrahmadaivatān |
viśvedevānsagandharvānyakṣāśca manujānpaśūn || 15 ||
[Analyze grammar]

sarīsṛpānpitṛgaṇānyaccānyadbhuvi saṃsthitam |
śrāddhaṃ vai śraddhayā kurvanprīṇayatyakhilaṃ jagat || 16 ||
[Analyze grammar]

māsimāsyasite pakṣe paṃcadaśyāṃ dvijottama |
indukṣaye yadā maitraṃ viśākhāṃ caiva rohiṇīm || 17 ||
[Analyze grammar]

śrāddhe pitṛgaṇāstṛptiṃ prayāṃti pitaro'rjitām |
vāsavājaikapādarkṣe pitṝṇāṃ tṛptimicchatā || 18 ||
[Analyze grammar]

bhaktyā śrāddhaṃ prakartavyaṃ pita rastena tarpitāḥ |
api dhanyāḥ kule jātā asmākaṃ matiśālinaḥ || 19 ||
[Analyze grammar]

ye kurvaṃti ca vai śrāddhaṃ piṃḍānye nirvapaṃti ca |
tena piṃḍapradānena tṛptirno bhavitā'kṣayā || 20 ||
[Analyze grammar]

ihaitya vai puṇyajaleṣu samyaksnātvā narastāṃstu labheta kāmān |
yānprāpya ca pretagaṇaiḥ sametaḥ sa modate devavṛ to'tha siddhaḥ || 21 ||
[Analyze grammar]

cittaṃ ca vittaṃ ca nṛṇāṃ ca śuddhaṃ śastaśca kālaḥ kathito vidhiśca |
pātraṃ yathoktaṃ paramā ca bhaktirnṛṇāṃ prayacchaṃti hi vāṃchitāni || 22 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe'vantīkṣetramāhātmye nīlagandhavatīprabhāvavarṇanaṃnāma ṣoḍaśo'dhyāyaḥ || 16 ||
[Analyze grammar]