Chapter 26

[English text for this chapter is available]

skaṃda uvāca |
śṛṇuṣva maitrāvaruṇe purākalpe rathaṃtare |
itihāsa ihāsīdyaḥ pīṭhe virajasaṃjñite || 1 ||
[Analyze grammar]

trilocanasya prāsāde maṇimāṇikyanirmite |
nānābhaṃgi gavākṣāḍhye ratnasānāvivāyate || 2 ||
[Analyze grammar]

kadācidapi kalpāṃte dyo loke bhraṃśati kṣaye |
prottaṃbhanaṃ staṃbha iva datto viśvakṛtā svayam || 3 ||
[Analyze grammar]

maruttaraṃgitāgrābhiḥ patākābhiritastataḥ |
sannivārayatīvetthamaghaughānviśato mune || 4 ||
[Analyze grammar]

dedīpyamāna sauvarṇa kalaśena virājite |
pārvaṇena śaśāṃkena khedādiva samāśrite || 5 ||
[Analyze grammar]

tatra pārāvatadvaṃdvaṃ vasetsvairaṃ kṛtālayam |
prātaḥsāyaṃ ca madhyāhne kurvannityaṃ pradakṣiṇam || 6 ||
[Analyze grammar]

uḍḍīyamānaṃ paritaḥ pakṣavāteritastataḥ |
rajaḥprāsādasaṃlagnaṃ dūrīkurvaddinedine || 7 ||
[Analyze grammar]

trilocaneti satataṃ nāma bhaktairudāhṛtam |
triviṣṭapeti ca tathā tayoḥ karṇātithī bhavet || 8 ||
[Analyze grammar]

caturvidhāni vādyāni śaṃbhuprītikarāṇyalam |
tayoḥ karṇaguhāṃ prāpya pratiśabdaṃ pratanvate || 9 ||
[Analyze grammar]

maṃgalārārtikajyotistrisaṃdhyaṃ pakṣiṇostayoḥ |
netrāṃta nirviśannityaṃ bhaktaceṣṭāṃ pradarśayet || 10 ||
[Analyze grammar]

prāṇayātrāṃ vihāyāpi kadācitsthiramānasau |
noḍḍīyavāṃchitaṃ yātaḥ paśyaṃtau kautukaṃ khagau || 11 ||
[Analyze grammar]

tatra bhaktajanākīrṇaṃ prāsādaṃ parito mune |
taṃḍulādi caraṃtau tau kurvāte ca pradakṣiṇam || 12 ||
[Analyze grammar]

devadakṣiṇadigbhāge catuḥsrotasvinī jalam |
tṛṣārtau dhayato vipra snātau jātu cidaṃḍajau || 13 ||
[Analyze grammar]

tayoritthaṃ vicaratostrilocanasamīpataḥ |
agādbahutithaḥ kālo dvijayoḥ sādhuceṣṭayoḥ || 14 ||
[Analyze grammar]

atha devālayaskaṃdhe gavākṣāṃtargatau ca tau |
śyenena kenaciddṛṣṭau krūradṛṣṭyā sukhasthitau || 15 ||
[Analyze grammar]

tacca pārāvatadvaṃdvaṃ śyenaḥ parijighṛkṣukaḥ |
avatīryāṃbarādāśu praviṣṭonyaśivālaye || 16 ||
[Analyze grammar]

tato vilokayāmāsa tadāgamavinirgamau |
kena mārgeṇa viśato durgametau patattriṇau || 17 ||
[Analyze grammar]

kenādhvanā ca niryātaḥ kva kāle kurutaśca kim |
kathaṃ yugapade tau me grāhyau svairaṃ bhaviṣyataḥ || 18 ||
[Analyze grammar]

madhye durgapraviṣṭau ca mamavaśyāvimau na yat |
ekadṛṣṭiḥ kṣaṇaṃ tasthau śyena itthaṃ viciṃtayan || 19 ||
[Analyze grammar]

aho durgabalaṃ prājñāḥ śaṃsaṃtyeveti hetutaḥ |
durbalopyākalayituṃ sahasārirna śakyate || 20 ||
[Analyze grammar]

kariṇāṃ tu sahasreṇa varāśvānāṃ na lakṣataḥ |
tatkarmasiddhirnṛpaterdurgeṇaikena yadbhavet || 21 ||
[Analyze grammar]

durgastho nābhibhūyeta vipakṣaḥ kenacitkvacit |
svataṃtraṃ yadi durgaṃ syādamarmajñaprakāśitam || 22 ||
[Analyze grammar]

iti durgabalaṃ śaṃsañśyeno roṣāruṇekṣaṇaḥ |
asādhvasau kalaravau vīkṣya yāto nabhoṃgaṇam || 23 ||
[Analyze grammar]

atha pārāvatīdakṣā vipakṣaṃ prekṣya pakṣiṇam |
mahābalaṃ durgabalā prāha pārāvataṃ patim || 24 ||
[Analyze grammar]

kalaravyuvāca |
priya pārāvata prājña sarvakāmi sukhārava |
tava dṛgviṣayaṃ prāptaḥ śyenoya prabalo ripuḥ || 25 ||
[Analyze grammar]

sāvajñaṃ vākyamākarṇya pārāvatyāḥ sa tatpatiḥ |
pārāvatīmuvācedaṃ kā ciṃteti tava priye || 26 ||
[Analyze grammar]

pārāvata uvāca |
kati nāma na saṃtīha subhage vyomacāriṇaḥ |
kati devālayeṣveṣu khagā nopaviśaṃti hi || 27 ||
[Analyze grammar]

kati caiva na paśyaṃti nau sukhasthāviha priye |
tebhyo yadīha bhetavyaṃ kuto nau tatsukhaṃ priye || 28 ||
[Analyze grammar]

ramasva tvaṃ mayā sārdhaṃ tyaja ciṃtāmimāṃ śubhe |
asya śyenavarākasya gaṇanāpi na me hṛdi || 29 ||
[Analyze grammar]

itthaṃ pārāvatavacaḥ śrutvā pārāvatī tataḥ |
maunamālaṃbya saṃtasthe patyuḥ pādārpitekṣaṇā || 30 ||
[Analyze grammar]

hitavartmopadiśyāpi priya priyacikīrṣayā |
sādhvyā joṣaṃ samāstheyaṃ kāryaṃ patyurvacaḥ sadā || 31 ||
[Analyze grammar]

anyedyurapyathāyātaḥ śyeno paśyatsa daṃpatī |
aparicchinnayā dṛṣṭyā yathā mṛtyurgatāyuṣam || 32 ||
[Analyze grammar]

atha maṃḍalagatyā sa prāsādaṃ parito bhraman |
nirīkṣya tadgatāyātau yāto gaganamārgataḥ || 33 ||
[Analyze grammar]

gate'tha nabhasi śyene punaḥ pārāvatāṃganā |
provāca preyasī nātha dṛṣṭo duṣṭastvayā'hitaḥ || 34 ||
[Analyze grammar]

tasyā vākyaṃ samākarṇya punaḥ kalaravobravīt |
kiṃ kariṣyatyasau mugdhe mama vyomavihāriṇaḥ || 35 ||
[Analyze grammar]

durgaṃ ca svargatulyaṃ me yatra nāstyarito bhayam |
ayaṃ na tā gatīrvetti yā vedāhaṃ nabhoṃgaṇe || 36 ||
[Analyze grammar]

praḍīnoḍḍīna saṃḍīna kāṃḍavyāḍakapāṭikāḥ || |
sraṃsanī maṃḍalavatī gatayoṣṭāvudāhṛtāḥ || 37 ||
[Analyze grammar]

yathaitāsviha kauśalyaṃ mayi pārāvati priye |
gatiṣu kvāpi kasyāpi pakṣiṇo na tathāṃbare || 38 ||
[Analyze grammar]

sukhena tiṣṭha kā ciṃtā mayi jīvati te priye |
iti tadvacanaṃ śrutvā sāsthitā mūkavatsatī || 39 ||
[Analyze grammar]

aparedyurapi śyenastatra bhāraśilātale |
kiyadaṃtaramāsādyopaviṣṭo'tiprahṛṣṭavat || 40 ||
[Analyze grammar]

āyāmaṃ tatra saṃsthitvā tatkulāyaṃ vilokya ca |
punarvinirgataḥ śyenaḥ sāpi bhītābravītpunaḥ || 41 ||
[Analyze grammar]

priyasthānamidaṃ tyājyaṃ duṣṭadṛṣṭividūṣitam |
asau krūroti nikaṭamupaviṣṭo'tihṛṣṭavat || 42 ||
[Analyze grammar]

sāvajñaṃ sa punaḥ prāha kiṃ kariṣyatyasau priye |
mṛgākṣīṇāṃ svabhāvoyaṃ prāyaśo bhīruvṛttayaḥ || 43 ||
[Analyze grammar]

itaredyurapi prāptaḥ sa ca śyeno mahābalaḥ |
tayorabhimukhaṃ tatra sthito yāma dvayāvadhi || 44 ||
[Analyze grammar]

punarvilokya tadvartma śīghraṃ yāto yathāgatam |
gatetha śakunau tasminsā babhāṣe vihaṃgamī || 45 ||
[Analyze grammar]

nātha sthānāṃtaraṃ yāvo mṛtyurnau nikaṭotra yat |
punarduṣṭe praṇaṣṭesminnāvāṃ syāvaḥ sukhaṃ priya || 46 ||
[Analyze grammar]

priya yasya sapakṣasya gatiḥ sarvatra siddhidā |
sa kiṃ svadeśarāgeṇa nāśaṃ prāpnoti buddhimān || 47 ||
[Analyze grammar]

sopasargaṃ nijaṃ deśaṃ tyaktvā yonyatra na vrajet |
sa paṃgurnāśamāpnoti kūlasthita iva drumaḥ || 48 ||
[Analyze grammar]

priyoditaṃ niśamyeti sa bhavitrī daśārditaḥ |
sarīḍhaṃ punarapyāha priye mā bhaiḥ khagāttataḥ || 49 ||
[Analyze grammar]

athāparasminnahani sa śyenaḥ prātareva hi |
taddvāradeśamāsādya sāyaṃ yāvatsthito balaḥ || 50 ||
[Analyze grammar]

astācalasya śikharaṃ yāte bhānau gate khage |
kulāyādbāhyamāgatyovāca pārāvatī patim || 51 ||
[Analyze grammar]

nātha nirgamanasyāyaṃ kālaḥ kālo'tidūrataḥ |
yāvattāvadviniryāhi tyaktvā māmapi sanmate || 52 ||
[Analyze grammar]

tvayi jīvati duṣprāpyaṃ na kiṃcijjagatītale |
punardārāḥ punarmitraṃ punarvasu punargṛham || 53 ||
[Analyze grammar]

yadyātmā rakṣitaḥ puṃsā dārairapi dhanairapi |
tadā sarvaṃ hariścaṃdrabhūpeneveha labhyate || 54 ||
[Analyze grammar]

ayamātmā priyo baṃdhurayamātmā mahaddhanam |
dhamārthakāmamokṣāṇāmayamātmārjakaḥ paraḥ || 55 ||
[Analyze grammar]

yāvadātmani vai kṣemaṃ tāvatkṣemaṃ jagattraye |
sopi kṣemaḥ sumatinā yaśasā saha vāṃchyate || 96 ||
[Analyze grammar]

yaśohīnaṃ tu yatkṣemaṃ tatkṣemānnidhanaṃ varam |
tadyaśaḥ prāpyate puṃbhirnītimārgapravartane || 57 ||
[Analyze grammar]

ato nītipathaṃ śrutvā nātha sthānādito vraja |
na gamiṣyasi cetprātastato me saṃsmariṣyasi || 58 ||
[Analyze grammar]

ityuktopi sa vai patnyā pārāvatyā sumedhayā |
na niryayau pratisthānādbhavitryā prativāritaḥ || 59 ||
[Analyze grammar]

athoṣasi samāgatya śyenena balinā tadā |
tannirgamādhvā saṃruddhaḥ kiṃcidbhakṣyavatā mune || 60 ||
[Analyze grammar]

dināni katicittatra sthitvā śyeno mahāmatiḥ |
pārāvatamuvācedaṃ dhiktvāṃ pauruṣavarjitam || 61 ||
[Analyze grammar]

kiṃvā yudhyasva durbuddhe kiṃvā niryāhi me girā |
kṣudhākṣīṇo mṛtaḥ paścānnirayaṃ yāsyasi dhruvam || 62 ||
[Analyze grammar]

dvau bhavaṃtāvahaṃ caikaścalau jayaparājayau |
sthānārthaṃ yudhyataḥ sattvātsvargo vā durgameva vā || 63 ||
[Analyze grammar]

purupārthaṃ samālaṃbya ye yataṃte mahādhiyaḥ |
vidhireva hi sāhāyyaṃ kuryāttatsattvacoditaḥ || 64 ||
[Analyze grammar]

itthaṃ sa śyenasaṃproktaḥ patnyāpyutsāhitaḥ khagaḥ |
ayudhyattena śyenena svadurgadvāramāśritaḥ || 65 ||
[Analyze grammar]

kṣudhitastṛṣitaḥ sotha śyenena balinā dhṛtaḥ |
caraṇena dṛḍhenāśu caṃcvā sāpi dhṛtā khagī || 66 ||
[Analyze grammar]

tāvādāyoḍḍayāṃcakre śyeno vyomani satvaram |
ciṃtayadbhakṣaṇasthānamanyapakṣivivarjitam || 67 ||
[Analyze grammar]

atha patnyā kalaravaḥ proktastatra sumedhayā |
vacovamānitaṃ nātha tvayā me strīti buddhitaḥ || 68 ||
[Analyze grammar]

ato'vasthāmimāṃ prāptaḥ kiṃ kuryāmabalāyataḥ |
adhunāpi vacaścaikaṃ karoṣi yadi me priya || 65 ||
[Analyze grammar]

tadā hitaṃ te vakṣyāmi kuru caivāvicāritam |
mamaikavākyakaraṇātstrījito na bhavipyasi || 70 ||
[Analyze grammar]

yāvadāsyagatāsmyasya yāvatkhastho na bhūmigaḥ |
tāvadātmavimuktyaivamareḥ pādaṃ dṛḍhaṃ daśa || 71 ||
[Analyze grammar]

iti patnīvacaḥ śrutvā tathā sa kṛtavānkhagaḥ |
sapīḍito dṛḍhaṃ pāde śyenaścītkṛtavānbahu || 72 ||
[Analyze grammar]

tena cītkaraṇenātha muktā sā mukhasaṃpuṭāt |
pādāṃguli ślathatvena sopi pārāvato'patat || 73 ||
[Analyze grammar]

vipadyapi ca na prājñaiḥ saṃtyā jyaḥ kvacidudyamaḥ |
kva caṃcupuṭastasya kva ca tatpādapīḍanam || 74 ||
[Analyze grammar]

kva ca dvayostathābhūtā darermokṣaṇamadbhutam |
durbalepyudyamavati phalaṃ bhāgyaṃ yato'rpayet || 75 ||
[Analyze grammar]

tasmādbhāgyānusāreṇa phalatyeva sadodyamaḥ |
praśaṃsaṃtyudyamaṃ cāto vipadyapi manīṣiṇaḥ || 76 ||
[Analyze grammar]

atha tau kālayogena vipannau sarayūtaṭe |
muktipuryāmayodhyāyāmeko vidyādharo'bhavat || 77 ||
[Analyze grammar]

mṛtānāṃ yatra jaṃtūnāṃ kāśīprāptirbhaveddhruvam |
maṃdāradāmatanayo nāmnā parimalālayaḥ || 78 ||
[Analyze grammar]

anekavidyānilayaḥ kalākauśalabhājanam |
kaumāraṃ vaya āsādya śivabhaktiparobhavat || 79 ||
[Analyze grammar]

niyamaṃ cātijagrāha vijiteṃdriyamānasaḥ |
ekapatnīvrataṃ nityaṃ cariṣyāmīti niścitam || 80 ||
[Analyze grammar]

parayoṣitsamāsaktirāyuḥ kīrti balaṃ sukham |
haretsvarga gatiṃ cāpi tasmāttāṃ varjayetsudhīḥ || 81 ||
[Analyze grammar]

aparaṃ cāpi niyamaṃ sa śuciṣmānsamādade |
gatajanmāṃtarābhyāsāttrilocanasamāśrayāt || 82 ||
[Analyze grammar]

samastapuṇyanilayaṃ samastārthaprakāśakam |
samastakāmajanakaṃ parānaṃdaikakāraṇam || 83 ||
[Analyze grammar]

yāvaccharīramarujaṃ yāvanneṃdriyaviplavaḥ |
tāvattrilocanaṃ kāśyāmanarcyāśnāmi nāṇvapi || 84 ||
[Analyze grammar]

itthaṃ māṃdāradāmiḥ sa nityaṃ parimalālayaḥ |
kāśyāṃ triviṣṭapaṃ draṣṭuṃ samāgacchetprayatnavān || 85 ||
[Analyze grammar]

pārāvatyapi sā jātā ratnadīpasya maṃdire |
nāgarājasya pātāle nāmnā ratnāvalīti ca || 86 ||
[Analyze grammar]

samastanāgakanyānāṃ rūpaśīlakalāguṇaiḥ |
ekaiva ratnabhūtāsīdratnadīporagātmajā || 87 ||
[Analyze grammar]

tasyā sakhīdvayaṃ cāsīdekā nāmnā prabhāvatī |
kalāvatī tathānyā ca nityaṃ tadanuge ubhe || 88 ||
[Analyze grammar]

svadehādanapāyinyau chāyākāṃtī yathā tayā |
te dve sakhyāvabhūtāṃhi ratnāvalyā ghaṭodbhava || 89 ||
[Analyze grammar]

sā tu bālye vyatikrāṃte kiṃcidudrinnayauvanā |
śivabhaktaṃ svapitaraṃ dṛṣṭvā niyamamagrahīt || 90 ||
[Analyze grammar]

pitastrilocanaṃ kāśyāmarcayitvā dinedine |
ābhyāṃ sakhībhyāṃ sahitā maunaṃ tyakṣyāmi nānyathā || 91 ||
[Analyze grammar]

evaṃ nāgakumārī sā sakhīdvayasamanvitā |
trilocanaṃ samabhyarcya gṛhānaharahovrajet || 92 ||
[Analyze grammar]

dinedine sā pratyagraiḥ kusumairiṣṭagaṃdhibhiḥ |
suvicitrāṇi mālyāni pariguṃphyārcayedvibhum || 93 ||
[Analyze grammar]

tisropi gītaṃ gāyaṃti lasadgāṃdhārasuṃdaram |
rāsamaṃḍalabhedena lāsyaṃ tisropi kurvate || 94 ||
[Analyze grammar]

vīṇāveṇumṛdaṃgāṃśca layatālavicakṣaṇāḥ |
vādayaṃti mudā yuktāstisropīśvarasannidhau || 95 ||
[Analyze grammar]

itthamārādhayaṃtīśaṃ tisro nāgakumārikāḥ |
vicitragaṃdhamālābhiḥ saṃmārjanavilepanaiḥ || 96 ||
[Analyze grammar]

ekadā mādhave māsi tṛtīyāyāmupoṣitāḥ |
rātrau jāgaraṇaṃ kṛtvā nṛtyagītakathādibhiḥ || 97 ||
[Analyze grammar]

prātaścaturthīṃ snātvātha tīrthaṃ pailipile śubhe |
trilocanaṃ samarcyātha prasuptā raṃgamaṃḍape || 98 ||
[Analyze grammar]

suptāsu tāsu bālāsu trinetraḥ śaśibhūṣaṇaḥ |
śuddhakarpūragaurāṃgo jaṭāmukuṭamaṃḍalaḥ || 99 ||
[Analyze grammar]

tamālanīlasugrīvaḥ sphuratphaṇivibhūṣaṇaḥ |
vāmārdhavilasacchaktirnāgayajñopavītavān || 100 ||
[Analyze grammar]

tasmādeva viniṣkramya liṃgātpannagamekhalāt |
uvāca ca tato bālā vibhuruttiṣṭhateti saḥ || 1 ||
[Analyze grammar]

utthāya tā vinirmārjya locane śrutisaṃgate |
aṃgamoṭanavatyaśca jṛṃbhābhiḥ kvaṇitānanāḥ || 2 ||
[Analyze grammar]

yāvatpaśyaṃti purataḥ saṃbhramāpannamānasāḥ |
atarkitāgamastāvattābhirdṛṣṭastrilocanaḥ || 3 ||
[Analyze grammar]

vavaṃduratha tā bālā jñātvā lakṣmabhirīśvaram |
tuṣṭvuśca prahṛṣṭāsyāḥ sannakaṃṭhyotigadgadam || 4 ||
[Analyze grammar]

jayaśaṃbho jayeśāna jaya sarvaga sarvada |
jaya tripurasaṃhartarjayāṃdhakaniṣūdana || 5 ||
[Analyze grammar]

jaya jālaṃdharahara jaya kaṃdarpadarpahṛt |
jaya trailokyajanaka jaya trailokyavardhana || 6 ||
[Analyze grammar]

jaya trailokyanilaya jaya trailokyavaṃdita |
jaya bhaktajanādhīna jaya pramathanāyaka || 7 ||
[Analyze grammar]

jaya tripathagāpāthaḥ prakṣālitajaṭātaṭa |
jaya caṃdrakalājyotirvidyotitajagattraya || 8 ||
[Analyze grammar]

jaya sarpaphaṇāratna prabhābhāsitavigraha |
jayādrirājatanayā tapaḥkrītārdhadehaka || 9 ||
[Analyze grammar]

jaya śmaśānanilaya jaya vārāṇasīpriya |
jayānaṃdavanādhyāsi prāṇinirvāṇadāyaka || 110 ||
[Analyze grammar]

jaya viśvapate śarva śarvarīparivarjita |
jaya nṛtyapriyeśogra jaya gītaviśārada || 11 ||
[Analyze grammar]

jaya praṇavasadvāsa jaya dhāma mahānidhe |
jaya śūlinvirūpākṣa jaya praṇatasarvada || 12 ||
[Analyze grammar]

vidhiḥ sarvavidhijñopi na tvāṃ stotuṃ vicakṣaṇaḥ |
vāco vācaspaternātha tvatstutau parikuṃṭhitāḥ || 13 ||
[Analyze grammar]

vidaṃti vedāḥ sarvajña na tvāṃ nātha yathārthataḥ |
manatīha mano na tvāmanaṃtaṃ cādivarjitam || 14 ||
[Analyze grammar]

namastubhyaṃ namastubhyaṃ namastubhyaṃ namonamaḥ |
trilocana namastubhyaṃ triviṣṭapa namostu te || 15 ||
[Analyze grammar]

ityuktvā daṃḍavadbhūmau praṇipetuḥ kumārikāḥ |
athotthāpya kumārīstāḥ provāca śaśibhūṣaṇaḥ || 16 ||
[Analyze grammar]

suto maṃdāradāmnaśca nāmnā parimalālayaḥ |
patirvidyādharavaro bhavatīnāṃ bhaviṣyati || 17 ||
[Analyze grammar]

ciraṃ vidyādhare loke bhogānbhuktvā samaṃtataḥ |
tato nirvedamāpannāḥ kāśīsiddhimavāpsyatha || 18 ||
[Analyze grammar]

yūyaṃ tisropi me bhaktāḥ sa ca vidyādharo yuvā |
catvāropyeta evātra pratimokṣamavāpsyatha || 19 ||
[Analyze grammar]

janmāṃtarepi me sevā bhavatībhiśca tena ca |
vihitā tena vo janma nirmalaṃ bhaktibhāvitam || 120 ||
[Analyze grammar]

etacca bhavatī stotraṃ yaḥ paṭhiṣyati me puraḥ |
tasya kāmaṃ pradāsyāmi bhavatīnāmiva sphuṭam || 21 ||
[Analyze grammar]

tyajetkṣapākṛtaṃ pāpaṃ śuciḥ prātaḥ paṭhannaraḥ |
divākṛtamalaṃ haṃti sāyaṃ paṭhanataḥ sphuṭam || 22 ||
[Analyze grammar]

ityuktavati deveśe tāḥ kanyā hṛṣṭamānasāḥ |
praṇamya procurīśānaṃ prabaddhakarasaṃpuṭāḥ || 23 ||
[Analyze grammar]

nāgakanyā ūcuḥ |
pṛcchāmo brūhi no nātha karuṇākara śaṃkara |
janmāṃtare kathaṃ sevā caturbhirbhavataḥ kṛtā || 24 ||
[Analyze grammar]

bhavaprāgbhava vṛttāṃtaṃ tasyāpi sukṛtātmanaḥ |
asmākamapi cākhyāhi kṛpāṃ kuru kṛpānidhe || 25 ||
[Analyze grammar]

iti śrutvā praṇayato bālodīritamīśitā |
provāca tāsāṃ tasyāpi bhavāṃtaraviceṣṭitam || 26 ||
[Analyze grammar]

īśvara uvāva |
śṛṇudhvaṃ nāgatanayāstisropi hi samāhitāḥ |
prāgbhave bhavatīnāṃ ca tasyāpi kathayāmyaham || 97 ||
[Analyze grammar]

eṣā ratnāvalī pūrvamāsītpārāvatī khagī |
sa ca vidyādharavaraḥ patirasyāḥ khagobhavat || 28 ||
[Analyze grammar]

prāsādetra mamaitābhyāmuṣitaṃ suciraṃ sukham |
rajaḥprāsādasaṃlagnaṃ nunnaṃ pakṣānilaiḥ punaḥ || 29 ||
[Analyze grammar]

upariṣṭādadhastācca kṛtā bahvyaḥ pradakṣiṇāḥ |
vyomnā saṃcaramāṇābhyāṃ saṃcaradbhyāṃ mamājire || 130 ||
[Analyze grammar]

snātaṃ caturnade tīrthe pītaṃ tatrāṃbu cāsakṛt |
ābhyāṃ kalaravābhyāṃ ca kṛtaḥ kalaravo mude || 31 ||
[Analyze grammar]

etābhyāṃ sthiracetobhyāṃ muditābhyāmatīva hi |
dṛṣṭāni kautukānyatra mama bhaktaiḥ kṛtāni vai || 32 ||
[Analyze grammar]

amūbhyāṃ bahuśo dṛṣṭā mama maṃgaladīpikāḥ |
pītaṃ śrutipuṭābhyāṃ ca mama nāmākṣarāmṛtam || 33 ||
[Analyze grammar]

tiryagyoniprabhāvena na mṛtau mama sannidhau |
mṛtaṃ puryāmayodhyāyāṃ kāśīprāptikṛti dhruvam || 34 ||
[Analyze grammar]

ayodhyānidhanādeṣā ratnadīpasutābhavat |
patiḥ pārāvato'syāḥ sa jāto vidyādharāṃgajaḥ || 35 ||
[Analyze grammar]

eṣā prabhāvatī nāgī nāgarājasya padminaḥ |
iha janmani kanyāsītpūrvaṃ janma bravīmi vaḥ || 36 ||
[Analyze grammar]

triśikhasyorageṃdrasya sutā ceyaṃ kalāvatī |
etasyā api vṛttāṃtaṃ niśāmayata vacmyaham || 37 ||
[Analyze grammar]

bhavāṃtare tṛtīye'taḥ kanye cārāyaṇasya ha |
āstāṃ maharṣeḥ śīlāḍhye premavatyau parasparam || 38 ||
[Analyze grammar]

pitrā cārāyaṇenāpi tābhyāṃ saṃpreritena te |
āmuṣyāyaṇa putrāya datte nārāyaṇāya hi || 39 ||
[Analyze grammar]

aprāptayauvanaḥ sotha samidāharaṇāya vai |
gato vidhivaśāddaṣṭo daṃdaśūkena kānane || 140 ||
[Analyze grammar]

bhavānīgautamī nāmnyo te tu cārāyaṇāṃgaje |
vaidhavya duḥkhamāpanne dainyagraste babhūvatuḥ || 41 ||
[Analyze grammar]

ataeva prayatnena pariṇetā vivarjayet |
devatāsaridāhvānāṃ kanyā pāṇigrahe sudhīḥ || 42 ||
[Analyze grammar]

atharṣeḥ kasyaciddaivādāśrame paramādbhute |
raṃbhāphalānyadattāni mohājjagṛhatustadā || 43 ||
[Analyze grammar]

kṛtvā māsopavāsādi vratāni brāhmaṇāṃgaje |
avāpya nidhanaṃ kālācchākhāmṛgyau babhūvatuḥ || 44 ||
[Analyze grammar]

phalacauryavipākena vānarītvaṃ tayorabhūt |
śīlarakṣaṇadharmeṇa kāśyāṃ janimavāpatuḥ || 45 ||
[Analyze grammar]

sa ca nārāyaṇo vipraḥ pitṛśuśrūṣaṇavrataḥ |
daṣṭopi daṃdaśūkena kāśyāṃ pārāvatobhavat || 46 ||
[Analyze grammar]

evaṃ bhavāṃtarecāsīdetayoḥ patireṣa kaḥ |
tisṛṇāṃ bhavatīnāṃ ca bhāvī bhartādhunāpi hi || 47 ||
[Analyze grammar]

prāsādasyāsya pārśve tu nyagrodhastu mahānabhūt |
tasmiñśākhini śākhāḍhye śākhāmṛgyau babhūvatuḥ || 48 ||
[Analyze grammar]

catuḥsrotasvinī tīrthe krīḍayā ca mamajjatuḥ |
papatuścāpi pānīyaṃ tasmiṃstīrthaṃ tṛṣāture || 49 ||
[Analyze grammar]

jātisvabhāvacāpalyātkrīḍaṃtyau ca pradakṣiṇam |
cakraturbahukṛtvaśca liṃgaṃ dadṛśaturbahu || 150 ||
[Analyze grammar]

vicaraṃtyāviti svairaṃ tatra nyagrodha sannidhau |
kenacidyogiveṣeṇa pāśena ca niyaṃtrite || 51 ||
[Analyze grammar]

bhikṣārthaṃ śikṣite tena tadutplutyādi nartanam |
atha te kvāpi markaṭyau kāladharmavaśaṃgate || 52 ||
[Analyze grammar]

kāśīvāsaja puṇyena trailocanyānusevayā |
prādakṣiṇyādirūpiṇyā jāte nāgasute iti || 53 ||
[Analyze grammar]

adhunā taṃ patiṃ prāpya vidyādharakumārakam |
nirviśya svargabhogāṃśca kāśyāṃ nirvṛtimeṣyatha || 54 ||
[Analyze grammar]

yadalpamapi vai kāśyāṃ kṛtaṃ karma śubhāvaham |
tasya mokṣaḥ parīpāko niścitaṃ madanugrahāt || 55 ||
[Analyze grammar]

trilokyā api sarvasyāḥ śreṣṭhā vārāṇasī purī |
tatopi liṃgamoṃkāraṃ tatopyatra trilocanam || 56 ||
[Analyze grammar]

tiṣṭhamānotra liṃgehaṃ bhaktamuktiṃ diśāmyaham |
tataḥ sarvaprayatnena kāśyāṃ pūjyastrilocanaḥ || 57 ||
[Analyze grammar]

ityuktvā devadeveśastatprāsādāṃtaraṃ viśat |
avācyarūpamāsādya sthūlaṃ tribhuvanādapi || 58 ||
[Analyze grammar]

tāśca svaṃ svaṃ padaṃ prāpya tadvṛttāṃtamaśeṣataḥ |
svamātṛpurataścoktvā kṛtakṛtyā ivābhavan || 59 ||
[Analyze grammar]

ekadā mādhave māsi mahāyātrā samāgatā |
vidyādharāstathā nāgā militāḥ saparicchadāḥ || 160 ||
[Analyze grammar]

virajaske mahākṣetre trilocanasamīpataḥ |
devasya varadānācca pṛṣṭvānyonyaṃ kulāvalīm || 61 ||
[Analyze grammar]

vidyādharāya tā nāgaiḥ kanyāstisropi kalpitāḥ |
maṃdāradāmā saṃtuṣṭaḥ prāpya tacca snuṣātrayam || 62 ||
[Analyze grammar]

ratnadīpaśca nāgeṃdraḥ padmī ca bhujageśvaraḥ |
triśikhopi phaṇīṃdraśca hṛṣṭā ete trayopi ca || 63 ||
[Analyze grammar]

jāmātaraṃ samāsādya śubhaṃ parimalālayam |
anyonyaṃ svajanāste tu mudā vikasitekṣaṇāḥ || 64 ||
[Analyze grammar]

vivāhotsava mākalpya svaṃ svaṃ bhuvanamāviśan |
trilocanasya liṃgasya varṇayaṃtotigauravam || 65 ||
[Analyze grammar]

sa ca vidyādharaḥ śrīmānnāgībhirvipulaṃ sukham |
bhuktvā vārāṇasīṃ prāpya saṃsevyātha trilocanam || 66 ||
[Analyze grammar]

gāyangītaṃ sumadhuraṃ nāgībhiḥ sahitaḥ kṛtī |
ātmānaṃ cātisaṃsmṛtya madhye liṃgaṃ layaṃ gataḥ || 67 ||
[Analyze grammar]

skaṃda uvāca |
trilocanasya mahimā kalau devena gopitaḥ |
atolpasattvā manujā na talliṃgamupāsate || 68 ||
[Analyze grammar]

trilocanakathāmetāṃ śrutvā pāpānvitopyaho |
vipāpmā jāyate martyo labhate ca parāṃ gatim || 169 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍa uttarārdhe trilocanaprabhāvonāma ṣaṭsaptatitamo'dhyāyaḥ || 76 ||
[Analyze grammar]