Chapter 25

[English text for this chapter is available]

agastya uvāca |
śrutvoṃkārakathāmetāṃ mahāpātakanāśinīm |
na tṛptosmi viśākhātha brūhi traiviṣṭapīṃ kathām || 1 ||
[Analyze grammar]

kathaṃ ca kathitā devyai devadevena ṣaṇmukha |
āvirbhūtirmahābuddhe puṇyā trailocanī parā || 2 ||
[Analyze grammar]

skaṃda uvāca |
ākarṇaya mune vacmi kathāṃ śramanivāriṇīm |
yathā devena kathitāṃ triviṣṭapasamudbhavām || 3 ||
[Analyze grammar]

virajākhyaṃ hi tatpīṭhaṃ tatra liṃgaṃ triviṣṭapam |
tatpīṭhadarśanādeva virajā jāyate naraḥ || 4 ||
[Analyze grammar]

tisrastu saṃgatāstatra srotasvinyo ghaṭodbhava |
tisraḥ kalmaṣahāriṇyo dakṣiṇe hi trilocanāt || 5 ||
[Analyze grammar]

srotomūrtidharāḥ sākṣālliṃgasnapanahetave |
sarasvatyatha kāliṃdī narmadā cātiśarmadā || 6 ||
[Analyze grammar]

tisropi hi trisaṃdhyaṃ tāḥ saritaḥ kuṃbhapāṇayaḥ |
snapayaṃti mahādhāma liṃgaṃ traiviṣṭapaṃ mahat || 7 ||
[Analyze grammar]

liṃgāni paritastābhiḥ svanāmnāsthāpi tānyapi |
teṣāṃ saṃdarśanātpuṃsāṃ tāsāṃ snānaphalaṃ bhavet || 8 ||
[Analyze grammar]

sarasvatīśvaraṃ liṃgaṃ dakṣiṇena triviṣṭapāt |
sārasvataṃ padaṃ dadyāddṛṣṭaṃ spṛṣṭaṃ ca jāḍyahṛt || 9 ||
[Analyze grammar]

yamuneśaṃ pratīcyāṃ ca narairbhaktyā samarcitam |
api kilbiṣavadbhiśca yamalokanivāraṇam || 10 ||
[Analyze grammar]

dṛṣṭaṃ trilocanātprācyāṃ narmadeśaṃ suśarmadam |
talliṃgārcanato nṛṇāṃ garbhavāso niṣidhyate || 11 ||
[Analyze grammar]

snātvā pilipilā tīrthe triviṣṭapasamīpataḥ |
dṛṣṭvā trilocanaṃ liṃgaṃ kiṃ bhūyaḥ pariśocati || 12 ||
[Analyze grammar]

triviṣṭapasya liṃgasya smaraṇādapi mānavaḥ |
triviṣṭapa patirbhūyānnātra kāryā vicāraṇā || 13 ||
[Analyze grammar]

triviṣṭapasya draṣṭāraḥ sraṣṭāraḥ syurna saṃśayaḥ |
kṛtakṛtyāsta evātra ta evātra mahādhiyaḥ || 14 ||
[Analyze grammar]

ānaṃdakānane liṃgaṃ praṇataṃ yaistriviṣṭapam |
trilocanasya nāmāpi yaiḥ śrutaṃ śuddhabuddhibhiḥ || 15 ||
[Analyze grammar]

saptajanmārjitātpāpātte pūtā nātra saṃśayaḥ |
pṛthivyāṃ yāni liṃgāni teṣu dṛṣṭeṣu yatphalam || 16 ||
[Analyze grammar]

tatsyātriviṣṭape dṛṣṭe kāśyāṃ manye tatodhikam |
kāśyāṃ triviṣṭape dṛṣṭe dṛṣṭaṃ sarvaṃ triviṣṭapam || 17 ||
[Analyze grammar]

kṣaṇānnirdhūta pāposau na punargarbhabhāgbhaveta |
sa snātaḥ sarvatīrtheṣu sarvāvabhṛthavānsa ca || 18 ||
[Analyze grammar]

yo vai pilipilā tīrthe snātvottaravahāṃbhasi |
sarittrayaṃ mahāpuṇyaṃ yatra sākṣādvasetsadā || 19 ||
[Analyze grammar]

tatra śrāddhādikaṃ kṛtvā gayāyāṃ kiṃ kariṣyati |
snātvā pilipilā tīrthe kṛtvā vai piṃḍapātanam || 20 ||
[Analyze grammar]

dṛṣṭvā triviṣṭapaṃ liṃgaṃ koṭitīrthaphalaṃ labhet |
yadanyatrārjitaṃ pāpaṃ tatkāśī darśanādvrajet || 21 ||
[Analyze grammar]

kāśyāṃ tu yatkṛtaṃ pāpaṃ tatpaiśācapadapradam |
pramādātpātakaṃ kṛtvā śaṃbhorānaṃdakānane || 22 ||
[Analyze grammar]

dṛṣṭvā triviṣṭapaṃ liṃgaṃ tatpāpamapi hāsyati |
sarvasminnapi bhūpṛṣṭhe śreṣṭhamānaṃdakānanam || 23 ||
[Analyze grammar]

tatrāpi sarvatīrthāni tatopyoṃkārabhūmikā |
oṃkārādapi salliṃgānmokṣavartma prakāśakāt || 24 ||
[Analyze grammar]

atiśreṣṭhataraṃ liṃgaṃ śreyorūpaṃ trilocanam || 25 ||
[Analyze grammar]

tejasviṣu yathā bhānurdṛśyeṣu ca yathā śaśī |
tathā liṃgeṣu sarveṣu paraṃ liṃgaṃ trilocanam || 26 ||
[Analyze grammar]

trilocanārcakānāṃ sā padavī na davīyasī |
paraṃ nirvāṇapadmāyā mahāsaukhyaikaśevadheḥ || 27 ||
[Analyze grammar]

sakṛttrilocanārcāto yacchreyaḥ samupārjyate |
na tadā janmasaṃpūṃjya liṃgānyanyāni labhyate || 28 ||
[Analyze grammar]

kāśyāṃ trilocanaṃ liṃgaṃ yercayaṃti mahādhiyaḥ |
tercyāstribhuvanaukobhirmamaprītimabhīpsubhiḥ || 29 ||
[Analyze grammar]

kṛtvāpi sarvasaṃnyāsaṃ kṛtvā pāśupatavratam |
niyamebhyaḥ skhalitvāpi kuto bibhyati mānavāḥ || 30 ||
[Analyze grammar]

vidyamāne mahāliṃge mahāpāpaughahāriṇi |
triviṣṭape puṇyarāśau mokṣanikṣepasadmani || 31 ||
[Analyze grammar]

samabhyarcya mahāliṃgaṃ sakṛdeva trilocanam ||' |
mucyate kaluṣaiḥ sarvairapijanmaśatārjitaiḥ || 32 ||
[Analyze grammar]

brahmahāpi surāpo vā steyī vā gurutalpagaḥ |
tatsaṃyogyapi vā varṣaṃ mahāpāpī prakīrtitaḥ || 33 ||
[Analyze grammar]

paradārarataścāpi parahiṃsā ratopi vā |
parāpavādaśīlopi tathā visraṃbhaghātakaḥ || 34 ||
[Analyze grammar]

kṛtaghnopi bhrūṇahāpi vṛṣalīpatireva vā |
mātāpitṛgurutyāgī vahnido garadopi vā || 35 ||
[Analyze grammar]

goghnaḥ strīghnopi śūdraghnaḥ kanyādūṣayitāpi ca |
krūro vā piśuno vāpi nijadharmaparāṅmukhaḥ || 36 ||
[Analyze grammar]

niṃdako nāstiko vāpi kūṭasākṣyapravādakaḥ |
abhakṣyabhakṣako vāpi tathā'vikreya vikrayī || 37 ||
[Analyze grammar]

ityādi pāpaśīlopi muktvaikaṃ śivaniṃdakama |
pāpānniṣkṛtimāpnoti natvā liṃgaṃ trilocanam || 38 ||
[Analyze grammar]

śivaniṃdārato mūḍhaḥ śivaśāstraviniṃdakaḥ |
tasya no niṣkṛtirdṛṣṭā kvāpi śāstrepi kenacit || 39 ||
[Analyze grammar]

ātmaghātī sa vijñeyaḥ sadā trailokyaghātakaḥ |
śivaniṃdāṃ vidhatte yaḥ sa nābhāṣyo'dhamādhamaḥ || 40 ||
[Analyze grammar]

śivaniṃdāratā ye ca śivabhaktajaneṣvapi |
te yāṃti narake ghore yāvaccaṃdradivākarau || 41 ||
[Analyze grammar]

śaivāḥ pūjyāḥ prayatnena kāśyā mokṣamabhīpsubhiḥ |
teṣvarciteṣvapi śivaḥ prīto bhavatyasaṃśayaḥ || 42 ||
[Analyze grammar]

sarveṣāmiha pāpānāṃ prāyaścittacikīrṣayā |
niḥśaṃkaireva vaktavyaṃ pramāṇajñairidaṃ vacaḥ || 43 ||
[Analyze grammar]

puraścaraṇakāmaścedbhītosi yadi pāpataḥ |
manyase yadi naḥ satyaṃ vākyaśāstrapramāṇataḥ || 44 ||
[Analyze grammar]

tataḥ sarvaṃ parityajya kṛtvā manasi niścayam |
ānaṃdakānanaṃ yāhi yatra viśveśvaraḥ svayam || 45 ||
[Analyze grammar]

yatra kṣetrapraviṣṭānāṃ narāṇāṃ niścitātmanām |
na bādhate'ghanicayaḥ prāpyeta ca parovṛṣaḥ || 46 ||
[Analyze grammar]

tatrādyāpi mahātīrthaṃ trisrotasyatinirmale |
puṇye pilipilānāmni trisaritparisevite || 47 ||
[Analyze grammar]

trilocanākṣivikṣepa parikṣipta mahainasi |
snātvā gṛhyoktavidhinā tarpaṇīyānpratarpya ca || 48 ||
[Analyze grammar]

dattvā deyaṃ yathāśakti vittaśāṭhyavivarjitaḥ |
dṛṣṭvā triviṣṭapaṃ liṃgaṃ samabhyarcyātibhaktitaḥ || 49 ||
[Analyze grammar]

gaṃdhādyairvividhairmālyaiḥ paṃcāmṛtapuraḥsaraiḥ |
dhūpairdīpaiḥ sanaivedyairvāsobhirbahubhūṣaṇaiḥ || 50 ||
[Analyze grammar]

pūjopakaraṇairdravyairghaṃṭādarpaṇacāmaraiḥ |
citradhvajapatākābhirnṛtyavādyasugāyanaiḥ || 51 ||
[Analyze grammar]

japaiḥ pradakṣiṇābhiśca namaskārairmudāyutaiḥ |
paricārakasaṃtoṣaiḥ kṛtveti paripūjanam || 52 ||
[Analyze grammar]

brāhmaṇānvācayetpaścānniṣpāpohamiti bruvan |
evaṃ kurvannaraḥ prājño nirenā jāyate kṣaṇāt || 53 ||
[Analyze grammar]

tataḥ paṃcanade snātvā maṇikarṇī hrade tataḥ |
tato viśveśamabhyarcya prāpnoti sukṛtaṃ mahat || 54 ||
[Analyze grammar]

prāyaścittamidaṃ proktaṃ mahāpāpaviśodhanam |
nāstike na pravaktavyaṃ kāśīmāhātmya niṃdake || 55 ||
[Analyze grammar]

dadacca dravyalobhena prāyaścittamidaṃ śubham |
dātā narakamāpnoti satyaṃsatyaṃ ghaṭodbhava || 55 ||
[Analyze grammar]

kṣamāṃ pradakṣiṇīkṛnya yatphalaṃ samyagāpyate |
pradoṣe tatphalaṃ kāśyāṃ saptakṛtvastrilocane || 57 ||
[Analyze grammar]

bhujaṃgamekhalaṃ liṃgaṃ kāśyāṃ dṛṣṭvā triviṣṭapam |
janmāṃtarepi muktaḥ syādanyatra maraṇe sati || 58 ||
[Analyze grammar]

anyatra sarvaliṃgeṣu puṇyakālo viśiṣyate |
triviṣṭape puṇyakālaḥ sadā rātridivaṃ nṛṇām || 59 ||
[Analyze grammar]

liṃgānyoṃkāramukhyāni sarvapāpaprakṛṃtyalam |
paraṃ trailocanī śaktiḥ kācidanyaiva pārvati || 60 ||
[Analyze grammar]

yataḥ sarveṣu liṃgeṣu liṃgametadanuttamam |
tatkāraṇaṃ śṛṇva parṇe karṇe kuru vadāmyaham || 61 ||
[Analyze grammar]

purā me yogayuktasya liṃgametadbhuvastalāt |
udbhidya saptapātālaṃ niragātpurato mahat || 62 ||
[Analyze grammar]

asmiṃllige purā gauri suguptaṃ tiṣṭhatā mayā |
tubhyaṃ netratrayaṃ dattaṃ niraikṣiṣṭhāstathottamam || 63 ||
[Analyze grammar]

tadā prabhṛti deveśi liṃgametattrilocanama |
viṣṭapatritayāṃtasthairgīyate jñānadṛṣṭidam || 54 ||
[Analyze grammar]

trilocanasya ye bhaktāstepi sarve trilocanāḥ |
mama pāriṣadāste tu jīvanmuktā'sta eva hi || 65 ||
[Analyze grammar]

trilocanasya liṃgasya mahimānaṃ na kaścana |
samyagvetti maheśāni mayaiva parigopitam || 66 ||
[Analyze grammar]

śuklarādhatṛtīyāyāṃ snātvā pailipile hrade |
upoṣaṇaparā bhaktyā rātrau jāgaraṇānvitāḥ || 67 ||
[Analyze grammar]

trilocanaṃ pūjayitvā prātaḥ snātvāpi tatra vai |
punarliṃgaṃ samabhyarcya dattvā dharmaghaṭānapi || 68 ||
[Analyze grammar]

sānnānsadakṣiṇāndevi pitṝnuddiśya harṣitāḥ |
vidhāya pāraṇaṃ paścācchivabhaktajanaiḥ saha || 69 ||
[Analyze grammar]

visṛjya pārthivaṃ dehaṃ tena puṇyena noditāḥ |
bhavaṃti devi niyataṃ gaṇā mama purogamāḥ || 70 ||
[Analyze grammar]

tāvaddhamaṃti saṃsāre devā martyā mahoragāḥ |
gauri yāvanna paśyaṃti kāśyāṃ liṃgaṃ trilocanam || 71 ||
[Analyze grammar]

sakṛttriviṣṭapaṃ dṛṣṭvā snātvā pailipile hrade |
na jātuḥ mātustanapo jāyate jaṃturatra hi || 72 ||
[Analyze grammar]

pratimāsaṃ sadāṣṭamyāṃ caturdaśyāṃ ca bhāmini |
āyāṃti sarvatīrthāni draṣṭuṃ devaṃ triviṣṭapam || 73 ||
[Analyze grammar]

triviṣṭapāddakṣiṇataḥ snātaḥ pailipileṃ'bhasi |
tatra saṃdhyāmupāsyaikāṃ rājasūyaphalaṃ labhet || 74 ||
[Analyze grammar]

pādodakākhyastatraiva kūpaḥ pāpavināśakaḥ |
prāśya tasyodakaṃ martyo na martyo jāyate punaḥ || 75 ||
[Analyze grammar]

tasya liṃgasya pārśve tu saṃti liṃgānyanekaśaḥ |
kaivalyadāni tānyatra darśanātsparśanādapi || 76 ||
[Analyze grammar]

tatra śāṃtanavaṃ liṃgaṃ gaṃgātīre pratiṣṭhitam |
taddṛṣṭvā śāṃtimāpnoti naraḥ saṃsāratāpitaḥ || 77 ||
[Analyze grammar]

taddakṣiṇe mahāliṃgaṃ mune bhīṣmeśa saṃjñitam |
kaliḥ kālaśca kāmaśca bādhaṃte na tadīkṣaṇāt || 78 ||
[Analyze grammar]

tatpratīcyāṃ mahāliṃgaṃ droṇeśa iti kīrtitam |
yalliṃgapūjanāddroṇo jyotīrūpaṃ punardadhau || 79 ||
[Analyze grammar]

aśvatthāmeśvaraṃ liṃgaṃ tadagre cātipuṇyadam |
yadarcanavaśāddrauṇirna bibhetyapi kālataḥ || 80 ||
[Analyze grammar]

droṇeśādvāyu digbhāge vālakhilyeśvaraṃ param |
talliṃgaṃ śraddhayā dṛṣṭvā sarvakratuphalaṃ labhet || 81 ||
[Analyze grammar]

tadvāme liṃgamālokya vālmīkeśvarasaṃjñitam |
tasya saṃdarśanādeva viśoko jāyate naraḥ || 82 ||
[Analyze grammar]

anyaccātraiva yadvṛttaṃ tadbravīmi ghaṭodbhava |
triviṣṭapasya māhātmyaṃ devyai devena bhāṣitam || 83 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍa uttarārdhe paṃcasaptatitamo'dhyāyaḥ || 75 ||
[Analyze grammar]