Chapter 13

[English text for this chapter is available]

sūta uvāca |
daśārṇādhipatestasya vajrabāhormahābhujaḥ |
babhūva śatrurbalavānrājā magadharāṭ tataḥ || 1 ||
[Analyze grammar]

sa vai hemaratho nāma bāhuśālī raṇotkaṭaḥ |
balena mahatāvṛtya daśārṇaṃ nyarudhadbalī || 2 ||
[Analyze grammar]

camūpāstasya durdharṣāḥ prāpya deśaṃ daśārṇakam |
vyaluṃpanvasuratnāni gṛhāṇi dadahuḥ pare || 3 ||
[Analyze grammar]

keciddhanāni jagṛhuḥ kecidbālānstriyo'pare |
godhanānyapare'gṛhṇankeciddhānyaparicchadān |
kecidārāmasasyāni gṛhodyānānyanāśayat || 4 ||
[Analyze grammar]

evaṃ vināśya tadrājyaṃ strīgodhanajighṛkṣavaḥ |
āvṛtya tasya nagarīṃ vajrabāhostu māgadhaḥ || 5 ||
[Analyze grammar]

evaṃ paryākulaṃ vīkṣya rājā nagarameva ca |
yuddhāya nirjagāmāśu vajrabāhuḥ sasai nikaḥ || 6 ||
[Analyze grammar]

vajrabāhuśca bhūpālastathā maṃtripuraḥsarāḥ |
yuyudhurmāgadhaiḥ sārdhaṃ nijaghnuḥ śatruvāhinīm || 7 ||
[Analyze grammar]

vajrabāhurmaheṣvāso daṃśito rathamāsthitaḥ |
vikiranbāṇavarṣāṇi cakāra kadanaṃ mahat || 8 ||
[Analyze grammar]

daśārṇarājaṃ yudhyaṃtaṃ dṛṣṭvā yuddhe suduḥsaham |
tameva tarasā vavruḥ sarve māgadhasainikāḥ || 9 ||
[Analyze grammar]

kṛtvā tu suciraṃ yuddhaṃ māgadhā dṛḍhavikramāḥ |
tatsainyaṃ nāśayāmāsurlebhire ca jayaśriyam || 10 ||
[Analyze grammar]

kecittasya rathaṃ jaghnuḥ kecittaddhanurācchinam |
sūtaṃ tasya jaghānaikastvaparaḥ khaḍgamācchinat || 11 ||
[Analyze grammar]

saṃchinnakhaḍgadhanvānaṃ virathaṃ hatasārathim |
balādgṛhītvā balino babaṃdhurnṛpatiṃ ruṣā || 12 ||
[Analyze grammar]

tasya maṃtrigaṇaṃ sarvaṃ tatsainyaṃ ca vijitya te |
māgadhāstasya nagarīṃ viviśurjayakāśinaḥ || 13 ||
[Analyze grammar]

aśvānnarāngajānuṣṭrānpaśūṃścaiva dhanāni ca |
jagṛhuryuvatīḥ sarvāścārvaṃgīścaiva kanyakāḥ || 14 ||
[Analyze grammar]

rājño babaṃdhurmahiṣīrdāsīścaiva sahasraśaḥ |
kośaṃ ca ratnasaṃpūrṇaṃ jahruste'pyātatāyinaḥ || 15 ||
[Analyze grammar]

evaṃ vināśya nagarīṃ hṛtvā strīgodhanādikam |
vajrabāhuṃ balādbaddhvā rathe sthāpya viniryayuḥ || 16 ||
[Analyze grammar]

evaṃ kolāhale jāte rāṣṭranāśe ca dāruṇe |
rājaputro'tha bhadrāyustadvārtāmaśṛṇodbalī || 17 ||
[Analyze grammar]

pitaraṃ śatrunirbaddhaṃ pitṛpatnīstathā hṛtāḥ |
naṣṭaṃ daśārṇarāṣṭraṃ ca śrutvā cukrośa siṃhavat || 18 ||
[Analyze grammar]

sa khaḍgaśaṃkhāvādāya vaiśyaputrasahāyavān |
daṃśito hayamāruhya kumāro vijigīṣayā || 19 ||
[Analyze grammar]

javenāgatya taṃ deśaṃ māgadhairabhipūritam |
dahyamānaṃ kraṃdamānaṃ hṛtastrīsutagodhanam || 20 ||
[Analyze grammar]

dṛṣṭvā rājajanaṃ sarvaṃ rājyaṃ śūnyaṃ bhayākulam |
krodhādhmātamanāstūrṇaṃ praviśya ripuvāhinīm |
ākarṇākṛṣṭakodaṃḍo vavarṣa śarasaṃtatīḥ || 21 ||
[Analyze grammar]

te hanyamānā ripavo rājaputreṇa sāyakaiḥ |
tamabhidrutya vegena śarairvivyadhurulbaṇaiḥ || 22 ||
[Analyze grammar]

hanyamāno'strapūgena ripubhiryuddhadurmadaiḥ |
na cacāla raṇe dhīraḥ śivavarmābhirakṣitaḥ || 23 ||
[Analyze grammar]

so'strakarṣaṃ prasahyāśu praviśya gajalīlayā |
jaghānāśu rathānnāgānpadātīnapi bhūriśaḥ || 24 ||
[Analyze grammar]

tatraikaṃ rathinaṃ hatvā sasūtaṃ nṛpanaṃdanaḥ |
tameva rathamāsthāya vaiśyanaṃdanasārathiḥ |
vicacāra raṇe dhīraḥ siṃho mṛgakulaṃ yathā || 25 ||
[Analyze grammar]

atha sarve susaṃrabdhāḥ śūrāḥ prodyatakārmukāḥ |
abhisasrustamevaikaṃ camūpā balaśālinaḥ || 26 ||
[Analyze grammar]

teṣāmāpatatāmagre khaḍgamudyamya dāruṇam |
abhyudyayau mahāvīrāndarśayanniva pauruṣam || 27 ||
[Analyze grammar]

karālāṃtakajihvābhaṃ tasya khaḍgaṃ mahojjvalam |
dṛṣṭvaiva sahasā mamruśca mūpāstatprabhāvataḥ || 28 ||
[Analyze grammar]

yeye paśyaṃti taṃ khaḍgaṃ prasphuraṃtaṃ raṇāṃgaṇe |
te sarve nidhanaṃ jagmurvajraṃ prāpyeva kīṭakaḥ || 29 ||
[Analyze grammar]

athāsau sarvasainyānāṃ vināśāya mahābhujaḥ |
śaṃkhaṃ dadhmau mahārāvaṃ pūrayanniva rodasī || 30 ||
[Analyze grammar]

tena śaṃkhaninādena viṣāktenaiva bhūyasā |
śrutamātreṇa ripavo mūrcchitāḥ patitā bhuvi || 31 ||
[Analyze grammar]

ye'śvapṛṣṭhe rathe ye ca ye ca daṃtiṣu saṃsthitāḥ |
te visaṃjñāḥ kṣaṇātpetuḥ śaṃkhanādahataujasaḥ || 32 ||
[Analyze grammar]

tānbhūmau patitānsarvānnaṣṭasaṃjñā nnirāyudhān |
vigaṇayya śavaprāyānanāvadhīddharmaśāstravit || 33 ||
[Analyze grammar]

ātmanaḥ pitaraṃ baddhaṃ mocayitvā raṇājire |
tatpatnīḥ śatruvaśagāḥ sarvāḥ sadyo vyamocayat || 34 ||
[Analyze grammar]

patnīśca maṃtrimukhyānāṃ tathānyeṣāṃ puraukasām |
striyo bālāṃśca kanyāśca godhanādīnyanekaśaḥ || 35 ||
[Analyze grammar]

mocayitvā ripubhayāttamāśvāsayadākulaḥ |
athārisainyeṣu caraṃsteṣāṃ jagrāha yoṣitaḥ || 36 ||
[Analyze grammar]

marunmanojavānaśvānmātaṃgāngirisannibhān |
syaṃdanāni ca raukmāṇi dāsīśca rucirānanāḥ || 37 ||
[Analyze grammar]

yugmam |
sarvamāhṛtya vegena gṛhītvā taddhanaṃ bahu |
māgadheśaṃ hemarathaṃ nirbabaṃdha parājitam || 38 ||
[Analyze grammar]

tanmaṃtriṇaśca bhūpāṃśca tatra mukhyāṃśca nāyakān |
gṛhītvā tarasā baddhvā purīṃ prāveśayaddrutam || 39 ||
[Analyze grammar]

pūrvaṃ ye samare bhagnā vivṛttāḥ sarvatodiśam |
te maṃtrimukhyā viśvastā nāyakāśca samāyayuḥ || 40 ||
[Analyze grammar]

kumāravikramaṃ dṛṣṭvā sarve vismitamānasāḥ |
taṃ menire suraśreṣṭhaṃ kāraṇādāgataṃ bhuvam || 41 ||
[Analyze grammar]

aho naḥ sumahābhāgyamaho nastapasaḥ phalam |
kenāpyanena vīreṇa mṛtāḥ saṃjīvitāḥ khalu || 42 ||
[Analyze grammar]

eṣa kiṃ yogasiddho vā tapaḥsiddho 'thavā'maraḥ |
amānuṣamida karma yadanena kṛtaṃ mahat || 43 ||
[Analyze grammar]

nūnamasya bhavenmātā sā gaurīti śivaḥ pitā |
akṣauhiṇīnāṃ navakaṃ jigāyānaṃtaśaktidhṛk || 44 ||
[Analyze grammar]

ityāścaryayutairhṛṣṭaiḥ praśaṃsadbhiḥ parasparam |
pṛṣṭo'mātyajanenāsāvātmānaṃ prāha tattvataḥ || 45 ||
[Analyze grammar]

samāgataṃ svapitaraṃ vismayāhlādaviplutam |
muṃcaṃtamānaṃdajalaṃ vavaṃde premavihvalaḥ || 46 ||
[Analyze grammar]

sa rājā nijaputreṇa praṇayādabhivaṃditaḥ |
āśliṣya gāḍhaṃ tarasā babhāṣe premakātaraḥ || 47 ||
[Analyze grammar]

kastvaṃ devo manuṣyo vā gandharvo vā mahāmate |
kā mātā janakaḥ ko vā ko deśastava nāma kim || 48 ||
[Analyze grammar]

kasmānna śatrubhirbaddhānmṛtāniva hataujasaḥ |
kāruṇyādiha saṃprāpya sapatnīkānmumoca yaḥ || 49 ||
[Analyze grammar]

kuto labdhamidaṃ śauryaṃ dhairyaṃ tejo balonnatiḥ |
jigīṣasīva lokāṃstrīnsadevāsuramānuṣān || 50 ||
[Analyze grammar]

api janmasahasreṇa tavānṛṇyaṃ mahaujasaḥ |
kartuṃ nāhaṃ samarthosmi sahaibhirdārabāṃdhavaiḥ || 51 ||
[Analyze grammar]

imānputrānimāḥ patnīridaṃ rājyamidaṃ puram |
sarvaṃ vihāya maccittaṃ tvayyeva premabaṃdhanam || 52 ||
[Analyze grammar]

sarvaṃ kathaya me tāta matprāṇaparirakṣaka |
etāsāṃ mama patnīnāṃ tvadadhīnaṃ hi jīvitam || 53 ||
[Analyze grammar]

sūta uvāca |
iti pṛṣṭaḥ sa bhadrāyuḥ svapitrā tamabhāṣata |
eṣa vaiśyasuto rājansunayo nāma matsakhā || 54 ||
[Analyze grammar]

ahamasya gṛhe ramye vasāmi sahamātṛkaḥ |
bhadrāyurnāma madvṛttaṃ paścādvijñāpayāmi te || 55 ||
[Analyze grammar]

puraṃ praviśya bhadraṃ te sadāraḥ sasuhṛjjanaḥ |
tyaktvā bhayamarātibhyo viharasva yathāsukham || 56 ||
[Analyze grammar]

naitānmuṃca ripūṃstāvadyāvadāgamanaṃ mama |
ahamadya gamiṣyāmi śīghramātmaniveśanam || 57 ||
[Analyze grammar]

ityuktvā nṛpamāmaṃtrya bhadrāyurnṛpanaṃdanaḥ |
ājagāma svabhavanaṃ mātre sarvaṃ nyavedayat || 58 ||
[Analyze grammar]

sāpi hṛṣṭā svatanayaṃ parirebhe'śrulocanā |
sa ca vaiśyapatiḥ premṇā pariṣvajyābhyapūjayat || 59 ||
[Analyze grammar]

vajrabāhuśca rājeṃdraḥ praviṣṭo nijamaṃdiram |
strīputrāmātya sahitaḥ praharṣamatulaṃ yayau || 60 ||
[Analyze grammar]

tasyāṃ niśāyāṃ vyuṣṭāyāmṛṣabho yogināṃ varaḥ |
caṃdrāṃgadaṃ samāgatya sīmaṃtinyāḥ patiṃ nṛpam || 61 ||
[Analyze grammar]

bhadrāyuṣaḥ samutpattiṃ tasya karmāpyamānuṣam |
āvedya rahasi premṇā tvatsutāṃ kīrtimālinīm || 62 ||
[Analyze grammar]

bhadrāyuṣe prayaccheti bodhayitvā ca naiṣadham |
ṛṣabho nirjagāmātha deśakālārthatattvavit || 63 ||
[Analyze grammar]

viśeṣakam |
atha caṃdrāṃgado rājā muhūrtte maṃgalocite |
bhadrāyuṣaṃ samāhūya prāyacchatkīrttimālinīm || 64 ||
[Analyze grammar]

kṛtodvāhaḥ sa rājeṃdratanayaḥ saha bhāryayā |
hemāsanasthaḥ śuśubhe rohiṇyeva niśākaraḥ || 65 ||
[Analyze grammar]

vajrabāhuṃ tatpitaraṃ samāhūya sa naiṣadhaḥ |
puraṃ praveśya sāmātyaḥ pratyudgamyābhyapūjayat || 66 ||
[Analyze grammar]

tatrāpaśyatkṛtodvāhaṃ bhadrāyuṣamariṃdamam |
pādayoḥ patitaṃ premṇā harṣāttaṃ pariṣasvaje || 67 ||
[Analyze grammar]

eṣa me prāṇado vīra eṣa śatruniṣūdanaḥ |
athāpyajñātavaṃśo'yaṃ mayānaṃtaparākramaḥ || 68 ||
[Analyze grammar]

eṣa te nṛpa jāmātā caṃdrāṃgada mahābalaḥ |
asya vaṃśamathotpattiṃ śrotumicchāmi tattvataḥ || 69 ||
[Analyze grammar]

itthaṃ daśārṇarājena prārthito niṣadhādhipaḥ |
vivikta upasaṃgamya prahasannidamabravīt || 70 ||
[Analyze grammar]

eṣa te tanayo rājañchaiśave rogapīḍitaḥ |
tvayā vane parityaktaḥ saha mātrā rujārtayā || 71 ||
[Analyze grammar]

paribhramaṃtī vipine sā nārī śiśunāmunā |
daivādvaiśyagṛhaṃ prāptā tena vaiśyena rakṣitā || 72 ||
[Analyze grammar]

athāsau bahurogārto mṛtastava kumārakaḥ |
kenāpi yogirājena mṛtaḥ saṃjīvitaḥ punaḥ || 73 ||
[Analyze grammar]

ṛṣabhākhyasya tasyaiva prabhāvācchivayoginaḥ |
rūpaṃ ca devasadṛśaṃ prāptau mātṛkumārakau || 74 ||
[Analyze grammar]

tena dattena khaḍgena śaṃkhena ripughātinā |
jigāya samare śatrūñchivavarmābhirakṣitaḥ || 75 ||
[Analyze grammar]

dviṣaṭsahasranāgānāṃ balameko bibhartyasau |
sarvavidyāsu niṣṇāto mama jāmātṛtāṃ gataḥ || 76 ||
[Analyze grammar]

ata enaṃ samādāya mātaraṃ cāsya suvratām |
gacchasva nagarīṃ rājanprāpsyasi śreya uttamam || 77 ||
[Analyze grammar]

iti caṃdrāṃgadaḥ sarvamākhyāyāṃtargṛhe sthitām |
tasyāgra patnīmāhūya darśayāmāsa bhūṣitām || 78 ||
[Analyze grammar]

ityādi sarvamākarṇya dṛṣṭvā ca sa mahīpatiḥ |
vrīḍito nitarāṃ mauḍhyātsvakṛtaṃ karma garhayan || 79 ||
[Analyze grammar]

prāptaśca paramānandaṃ tayordarśanakautukāt |
pulakāṃkitasarvāṃgastāvubhau pariṣasvaje || 80 ||
[Analyze grammar]

yugmam |
evaṃ niṣadharājena pūjitaścābhinanditaḥ |
sa bhojayitvā taṃ samyaksvayaṃ ca saha maṃtribhiḥ || 81 ||
[Analyze grammar]

tāmātmanogramahiṣīṃ putraṃ tamapi tāṃ snuṣām |
ādāya saparīvāro vajrabāhuḥ purīṃ yayau || 82 ||
[Analyze grammar]

sa saṃbhrameṇa mahatā bhadrāyuḥ pitṛmaṃdiram |
saṃprāpya paramānaṃdaṃ cakre sarvapuraukasām || 83 ||
[Analyze grammar]

kālena divamārūḍhe pitari prāptayauvanaḥ |
bhadrāyuḥ pṛthivīṃ sarvāṃ śaśāsādbhutavikramaḥ || 84 ||
[Analyze grammar]

māgadheśaṃ hemarathaṃ mocayāmāsa baṃdhanāt |
saṃdhāya maitrīṃ paramāṃ brahmarṣīṇāṃ ca sannidhau || 85 ||
[Analyze grammar]

itthaṃ trilokamahitāṃ śivayogipūjāṃ kṛtvā purātanabhave'pi sa rājasūnuḥ |
nistīrya duḥsahavipadgaṇamāptarājyaścaṃdrāṃgadasya sutayā saha sādhu reme || 86 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṃḍe bhadrāyuvivāhakathanaṃ nāma trayodaśo'dhyāyaḥ || 13 ||
[Analyze grammar]