Chapter 14

[English text for this chapter is available]

sūta uvāca |
prāptasiṃhāsano vīro bhadrāyuḥ sa mahīpatiḥ |
praviveśa vanaṃ ramyaṃ kadācidbhāryayā saha || 1 ||
[Analyze grammar]

tasminvikasitāśokaprasūnanavapallave |
protphullamallikākhaṃḍakūjadbhramarasaṃkule || 2 ||
[Analyze grammar]

navakesarasaurabhyabaddharāgijanotsave |
sadyaḥ korakitāśokatamālagahanāṃtare || 3 ||
[Analyze grammar]

prasūnaprakarānamra mādhavīvanamaṃḍape |
pravālakusumoddyotacūtaśākhibhirañcite || 4 ||
[Analyze grammar]

punnāgavanavibhrāṃtapuṃskokilavirāviṇi |
vasantasamaye ramye vijahāra striyā saha || 5 ||
[Analyze grammar]

athāvidūre krośaṃtau dhāvaṃtau dvijadaṃpatī |
anvīyamānau vyāghreṇa dadarśa nṛpasattamaḥ || 6 ||
[Analyze grammar]

pāhi pāhi mahārāja hā rājankaruṇānidhe |
eṣa dhāvati śārdūlo jagdhumāvāṃ mahārayaḥ || 7 ||
[Analyze grammar]

eṣa parvatasaṃkāśaḥ sarvaprāṇibhayaṃkaraḥ |
yāvanna khādati prāpya tāvannau rakṣa bhūpate || 8 ||
[Analyze grammar]

itthamākraṃditaṃ śrutvā sa rājā dhanurādade |
tāvadāgatya śārdūlo madhye jagrāha tāṃ vadhūm || 9 ||
[Analyze grammar]

hā nātha nātha hā kāṃta hā śaṃbho jagataḥ pate |
iti rorūyamāṇāṃ tāṃ yāvajjagrāha bhīṣaṇaḥ || 10 ||
[Analyze grammar]

tāvatsa rājā niśitairbhallairvyāghramatāḍayat |
na ca tairvivyathe kiṃcidgirīṃdra iva vṛṣṭibhiḥ || 11 ||
[Analyze grammar]

sa śārdūlo mahāsattvo rājñostrairakṛtavyathaḥ |
balādākṛṣya tāṃ nārīmapākrāmata satvaraḥ || 12 ||
[Analyze grammar]

vyāghreṇāpahṛtāṃ patnīṃ vīkṣya vipro'tiduḥkhitaḥ |
ruroda hā priye bāle hā kāṃte hā pativrate || 13 ||
[Analyze grammar]

ekaṃ māmiha saṃtyajya kathaṃ lokāṃtaraṃ gatā |
prāṇebhyopi priyāṃ tyaktvā kathaṃ jīvitumutsahe || 14 ||
[Analyze grammar]

rājankva te mahāstrāṇi kva te ślāghyaṃ mahaddhanuḥ |
kva te dvādaśasāhasramahānāgātigaṃ balam || 15 ||
[Analyze grammar]

kiṃ te śaṃkhena khaṅgena kiṃ te maṃtrāstravidyayā |
kiṃ ca tena prayatnena kiṃ prabhāveṇa bhūyasā || 16 ||
[Analyze grammar]

tatsarvaṃ viphalaṃ jātaṃ yaccānyattvayi tiṣṭhati |
yastvaṃ vanaukasaṃ jaṃtuṃ nivārayitumakṣamaḥ || 17 ||
[Analyze grammar]

kṣāttrasyāyaṃ paro dharmaḥ kṣatādyatparirakṣaṇam |
tasmātkulocite dharme naṣṭe tvajjīvitena kim || 18 ||
[Analyze grammar]

ārtānāṃ śaraṇārtānāṃ trāṇaṃ kurvaṃti pārthivāḥ |
prāṇairarthaiśca dharmajñāstadvihīnā mṛtopamāḥ || 19 ||
[Analyze grammar]

dhanināṃ dānahīnānāṃ gārhasthyādbhikṣutā varā |
ārtatrāṇavihīnānāṃ jīvitānmaraṇaṃ varam || 20 ||
[Analyze grammar]

varaṃ viṣādanaṃ rājño varamagnau praveśanam |
anāthānāṃ prapannānāṃ kṛpaṇānāmarakṣaṇāt || 21 ||
[Analyze grammar]

itthaṃ vilapitaṃ tasya svavīryasya ca garhaṇam |
niśamya nṛpatiḥ śokādātmanyevamaciṃtayat || 22 ||
[Analyze grammar]

aho me pauruṣaṃ naṣṭamadya daivaviparyayāt |
adya kīrtiśca me naṣṭā pātakaṃ prāptamutka ṭam || 23 ||
[Analyze grammar]

dharmaḥ kālocito naṣṭo mandabhāgyasya durmateḥ |
nūnaṃ me saṃpado rājyamāyuṣyaṃ kṣayameṣyati || 24 ||
[Analyze grammar]

apuṃsāṃ saṃpado bhogāḥ putradāradhanāni ca |
daivena kṣaṇamudyaṃti kṣaṇādastaṃ vrajaṃti ca || 25 ||
[Analyze grammar]

ata enaṃ dvijanmānaṃ hatadāraṃ śucārditam |
gataśokaṃ kariṣyāmi dattvā prāṇānapi priyān || 26 ||
[Analyze grammar]

iti niścitya manasā bhadrāyurnṛpasattamaḥ |
patitvā pādayostvasya babhāṣe parisāṃtvayan || 27 ||
[Analyze grammar]

kṛpāṃ kuru mayi brahmankṣatrabaṃdhau hataujasi |
śokaṃ tyaja mahābuddhe dāsyāmyarthaṃ tavepsitam || 28 ||
[Analyze grammar]

idaṃ rājyamiyaṃ rājñī mamedaṃ ca kalevaram |
tvadhīnamidaṃ sarvaṃ kiṃ te'bhilaṣitaṃ vada || 29 ||
[Analyze grammar]

brāhmaṇa uvāca |
kimādarśena cāṃdhasya kiṃ gṛhairbhaikṣyajīvinaḥ |
kiṃ pustakena mūrkhasya hyastrīkasya dhanena kim || 30 ||
[Analyze grammar]

ato'haṃ gatapatnīko bhuktabhogo na karhicit |
imāṃ tavāgramahiṣīṃ kāmārthaṃ dīyatāṃ mama || 31 ||
[Analyze grammar]

rājovāca |
brahmankimeṣa dharmaste kimetadguruśāsanam |
asvargyamayaśasyaṃ ca paradārābhimarśanam || 32 ||
[Analyze grammar]

dātāraḥ saṃti vittasya rājyasya gajavājinām |
ātmadehasya vā kvāpi na kalatrasya karhicit || 33 ||
[Analyze grammar]

paradāropabhogena yatpāpaṃ samupārjitam |
na tatkṣālayituṃ śakyaṃ prāyaścittaśatairapi || 34 ||
[Analyze grammar]

brāhmaṇa uvāca |
api brahmavadhaṃ ghoramapi madyaniṣevaṇam |
tapasā nāśayiṣyāmi ki punaḥ pāradārikam |
tasmātprayaccha me bhāryāmimāṃ tvaṃ dhruvamanyathā || 35 ||
[Analyze grammar]

arakṣaṇādbhayārtānāṃ gaṃtāsi nirayaṃ dhruvam |
iti vipragirā bhītaściṃtayāmāsa pārthivaḥ |
arakṣaṇānmahatpāpaṃ patnīdānaṃ tato varam || 36 ||
[Analyze grammar]

ataḥ patnīṃ dvijāgryāya dattvā nirmuktakilviṣaḥ |
sadyo vahniṃ pravekṣyāmi kīrtiśca nihitā bhavet || 37 ||
[Analyze grammar]

iti niścitya manasā samujjvālya hutāśanam |
taṃ brāhmaṇaṃ samāhūya dadau patnīṃ sahodakām || 38 ||
[Analyze grammar]

svayaṃ snātaḥ śucirbhūtvā praṇamya vibudheśvarān |
tamagniṃ dviḥ parikramya śivaṃ dadhyau samāhitaḥ || 39 ||
[Analyze grammar]

tamathāgnau patiṣyaṃtaṃ svapadāsaktacetasam |
pratyadṛśyata viśveśaḥ prādurbhūto jagatpatiḥ || 40 ||
[Analyze grammar]

tamīśvaraṃ paṃcavaktraṃ trinetraṃ pinākinaṃ candrakalāvataṃsam |
ālaṃbitāpiṃgajaṭākalāpaṃ madhyaṃgataṃ bhāskarakoṭitejasam || 41 ||
[Analyze grammar]

mṛṇālagauraṃ gajacarmavāsasaṃ gaṃgātaraṃgo kṣitamaulideśam |
nāgeṃdrahārāvalikaṃkaṇormikākirīṭakoṭyaṃgadakuṃḍalojjvalam || 42 ||
[Analyze grammar]

triśūlakhaṭvāṃgakuṭhāracarmamṛgābhayeṣṭārthapinākahastam |
vṛṣoparisthaṃ śitikaṃṭhamīśaṃ prodbhūtamagre nṛpatirdadarśa || 43 ||
[Analyze grammar]

athāṃbarāddrutaṃ peturdivyāḥ kusumavṛṣṭayaḥ |
praṇedurdevatūryāṇi devāśca nanṛturjaguḥ || 44 ||
[Analyze grammar]

tatrājagmurnāradādyāḥ sanakādyā surarṣayaḥ |
indrādayaśca lokeśāstathābrahmarṣayo'malāḥ || 45 ||
[Analyze grammar]

teṣāṃ madhye samāsīno mahādevaḥ sahomayā |
vavarṣa karuṇāsāraṃ bhaktinamre mahīpatau || 46 ||
[Analyze grammar]

taddarśanānaṃdavijṛṃbhitāśayaḥ pravṛddhabāṣpāṃbupariplutāṃgaḥ |
prahṛṣṭaromā galagadgadākṣaraṃ tuṣṭāva gīrbhirmukulīkṛtāṃjaliḥ || 47 ||
[Analyze grammar]

rājovāca |
natosmyahaṃ devamanāthamavyayaṃ pradhānamavyaktaguṇaṃ mahāṃtam |
akāraṇaṃ kāraṇakāraṇaṃ paraṃ śivaṃ cidānaṃdamayaṃ praśāṃtam || 48 ||
[Analyze grammar]

tvaṃ viśvasākṣī jagato'syakarttā virūḍhadhāmā hṛdi sanniviṣṭaḥ |
ato vicinvaṃti vidhau vipaścito yogairanekaiḥ kṛtacittarodhaiḥ || 49 ||
[Analyze grammar]

ekātmatāṃ bhāvayatāṃ tvameko nānādhiyāṃ yastvamanekarūpaḥ |
atīṃdriyaṃ sākṣyudayāstavibhramaṃ manaḥpathātsaṃhriyate padaṃ te || 50 ||
[Analyze grammar]

taṃ tvāṃ durāpaṃ vacaso dhiyāśca vyapetamohaṃ paramātmarūpam |
guṇaikaniṣṭhāḥ prakṛtau vilīnāḥ kathaṃ vapuḥ stotumalaṃgiro me || 51 ||
[Analyze grammar]

tathāpi bhaktyāśrayatāmupeyustavāṃghripadmaṃ praṇatārtibhaṃjanam |
sughorasaṃsāradavāgnipīḍito bhajāmi nityaṃ bhavabhītiśāṃtaye || 52 ||
[Analyze grammar]

namaste deva devāya mahādevāya śaṃbhave |
namastrimūrtirūpāya sargasthityaṃtakāriṇe || 53 ||
[Analyze grammar]

namo viśvādirūpāya viśvaprathamasākṣiṇe |
namaḥ sanmātratattvāya bodhānaṃdaghanāya ca || 54 ||
[Analyze grammar]

sarvakṣetranivāsāya kṣetrabhinnātmaśaktaye |
aśaktāya namastubhyaṃ śaktābhāsāya bhūyase || 55 ||
[Analyze grammar]

nirābhāsāya nityāya satyajñānāṃtarātmane |
viśuddhāya vidūrāya vimuktāśeṣakarmaṇe || 56 ||
[Analyze grammar]

namo vedāṃtavedyāya vedamūlanivāsine |
namo viviktaceṣṭāya nivṛttaguṇa vṛttaye || 57 ||
[Analyze grammar]

namaḥ kalyāṇavīryāya kalyāṇaphaladāyine |
namo'naṃtāya mahate śāṃtāya śivarūpiṇe || 58 ||
[Analyze grammar]

aghorāya sughorāya ghorāghaugha vidāriṇe |
bhargāya bhavabījānāṃ bhaṃjanāya garīyase |
namo vidhvastamohāya viśadātmaguṇāya ca || 59 ||
[Analyze grammar]

pāhi māṃ jagatāṃ nātha pāhi śaṃkara śāśvata |
pāhi rudra virūpākṣa pāhi mṛtyuṃjayāvyaya || 60 ||
[Analyze grammar]

śambho śaśāṃkakṛtaśekhara śāṃtamūrte gaurīśa gopatiniśāpahutāśanetra |
gaṃgādharāṃdhakavidāraṇa puṇyakīrte bhūteśa bhūdharanivāsa sadā namaste || 61 ||
[Analyze grammar]

sūta uvāca |
evaṃ stutaḥ sa bhagavānrājñā devo maheśvaraḥ |
prasannaḥ saha pārvatyā pratyuvāca dayānidhiḥ || 62 ||
[Analyze grammar]

īśvara uvāca |
rājaṃste parituṣṭo'smi bhaktyā puṇyastavena ca |
ananyacetā yo nityaṃ sadā māṃ paryapūjayaḥ || 63 ||
[Analyze grammar]

tava bhāvaparīkṣārthaṃ dvijo bhūtvāhamāgataḥ |
vyāghreṇa yā parigrastā saiṣā daivī girīṃdrajā || 64 ||
[Analyze grammar]

vyāghro māyāmayo yaste śarairakṣatavigrahaḥ |
dhīratāṃ draṣṭukāmaste patnīṃ yācitavānaham || 65 ||
[Analyze grammar]

asyāśca kīrtimālinyāstava bhaktyā ca mānada |
tuṣṭo'haṃ saṃprayacchāmi varaṃ varaya durlabham || 66 ||
[Analyze grammar]

rājovāca |
eṣa eva varo deva yadbhavānparameśvaraḥ |
bhavatāpaparītasya mama pratyakṣatāṃ gataḥ || 67 ||
[Analyze grammar]

nānyaṃ varaṃ vṛṇe deva bhavato varadarṣabhāt |
ahaṃ ca seyaṃ sā rājñī mama mātā ca matpitā || 68 ||
[Analyze grammar]

vaiśyaḥ padmākaro nāma tatputraḥ sunayābhidhaḥ |
sarvānetānmahādeva sadā tvatpārśvagānkuru || 69 ||
[Analyze grammar]

sūta uvāca |
atha rājñī mahābhāgā praṇatā kīrtimālinī |
bhaktyā prasādya giriśaṃ yayāce varamuttamam || 70 ||
[Analyze grammar]

rājñyuvāca |
caṃdrāṃgado mama pitā mātā sīmaṃtinī ca me |
tayoryāce mahādeva tvatpārśve sannidhiṃ sadā || 71 ||
[Analyze grammar]

evamastviti gaurīśaḥ prasanno bhaktavatsalaḥ |
tayoḥ kāmavaraṃ dattvā kṣaṇādaṃtarhito'bhavat || 72 ||
[Analyze grammar]

sopi rājā suraiḥ sārdhaṃ prasādaṃ prāpya śūlinaḥ |
sahitaḥ kīrtimālinyā bubhuje viṣayānpriyān || 73 ||
[Analyze grammar]

kṛtvā varṣāyutaṃ rājyamavyāhatabalonnatiḥ |
rājyaṃ putreṣu vinyasya bheje śaṃbhoḥ paraṃ padam || 74 ||
[Analyze grammar]

caṃdrāṃgadopi rājeṃdro rājñī sīmaṃtinī ca sā |
bhaktyā saṃpūjya giriśaṃ jagmatuḥ śāṃbhavaṃ padam || 75 ||
[Analyze grammar]

etatpavitramaghanāśakaraṃ vicitraṃ śambhorguṇānukathanaṃ paramaṃ rahasyam |
yaḥ śrāvayedbudhajanānprayataḥ paṭhedvā saṃprāpya bhogavibhavaṃ śiva meti soṃte || 76 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṇḍe bhadrāyuśivaprasādakathanaṃ nāma caturdaśo'dhyāyaḥ || 14 ||
[Analyze grammar]