Chapter 50

[English text for this chapter is available]

śrīsūta uvāca |
athātaḥ saṃpravakṣyāmi setumādhavavaibhavam |
śṛṇudhvaṃ munayo bhaktyā puṇyaṃ pāpaharaṃ param || 1 ||
[Analyze grammar]

purā puṇyanidhirnāma rājā somakulodbhavaḥ |
madhurāṃ pālayāmāsa hālāsyeśvarabhūṣitām || 2 ||
[Analyze grammar]

kadācitsa mahīpālaścaturaṃgabalānvitaḥ |
sāṃ'taḥpuraparīvāro madhurāyāṃ nijaṃ sutam || 3 ||
[Analyze grammar]

sthāpayitvā rāmasetuṃ prayayau snānakautukī |
tatra gatvā dhanuṣkoṭau snātvā saṃkalpapūrvakam || 4 ||
[Analyze grammar]

anyeṣvapi ca tīrtheṣu tatratyeṣu nṛpottamaḥ |
sasnau rāmeśvaraṃ devaṃ siṣeve ca sabhaktikam || 5 ||
[Analyze grammar]

evaṃ sa bahukālaṃ vai tatraiva nyavasatsukham |
rāmasetau vasanpuṇye gandhamādanaparvate || 6 ||
[Analyze grammar]

viṣṇuprītikaraṃ yajñaṃ kadācidakaronnṛpaḥ |
yajñāvasāne rājāsau mudāvabhṛthakautukī || 7 ||
[Analyze grammar]

sasnau rāmadhanuṣkoṭau sadāraḥ saparicchadaḥ |
sevitvā rāmanāthaṃ ca sa veśma prayayau dvijāḥ || 8 ||
[Analyze grammar]

evaṃ nivasamāne'sminrājñi puṇyanidhau tadā |
kadāciddhariṇā lakṣmīrvinodakalahākulā || 9 ||
[Analyze grammar]

hariṇā samayaṃ kṛtvā nṛpabhaktiṃ parīkṣitum |
viṣṇunā preṣitā lakṣmīrvaikuṃṭhātkamalālayā || 10 ||
[Analyze grammar]

aṣṭavarṣavayorūpā prayayau gaṃdhamādane |
tatrāgatya dhanuṣkoṭau tasthau sā kamalālayā || 11 ||
[Analyze grammar]

tasminnavasare rājā yayau guṇanidhirdvijāḥ |
snātuṃ rāmadhanuṣkoṭau sadāraḥ sahasainikaḥ || 12 ||
[Analyze grammar]

tatra gatvā sa rājā'yaṃ snātvā niyamapūrvakam |
tulāpuruṣamukhyāni kṛtvā dānāni kṛtsnaśaḥ || 13 ||
[Analyze grammar]

prayātukāmo bhavanaṃ kanyāṃ kāṃciddadarśa saḥ |
atīvarūpasaṃpannāmaṣṭavarṣāṃ śucismitām || 14 ||
[Analyze grammar]

dṛṣṭvā nṛpastāṃ papraccha kanyāṃ cāruvilocanām |
cārusmitāṃ cārudatīṃ biṃboṣṭhīṃ tanumadhyamām || 15 ||
[Analyze grammar]

puṇyanidhiruvāca |
kā tvaṃ kanye sutā kasya kuto vā tvamihāgatā |
atrāgamena kiṃ kāryaṃ tava vatse śucismite || 16 ||
[Analyze grammar]

evaṃ nṛpastāṃ papraccha kanyāmutpalaloca nām |
evaṃ pṛṣṭā tadā kanyā nṛpaṃ tamavadadvijāḥ || 17 ||
[Analyze grammar]

na me mātā pitā nāsti na ca me bāṃdhavāstathā |
anāthāhaṃ mahārāja bhaviṣyāmi ca te sutā || 18 ||
[Analyze grammar]

tvadgṛhe'haṃ nivatsyāmi tāta tvāṃ paśyatīsadā |
haṭhātkṛṣyati yo vā māṃ grahīṣyati kareṇa tam || 19 ||
[Analyze grammar]

yadi śāsiṣyase bhūpa tadāhaṃ tava maṃdire |
vatsyāmi te sutā bhūtvā pitarguṇanidhe ciram || 20 ||
[Analyze grammar]

evamuktastadā prāha kanyāṃ guṇanidhirnṛpaḥ |
ahaṃ sarvaṃ kariṣyāmi tvaduktaṃ kanyake śubhe || 21 ||
[Analyze grammar]

mamāpi duhitā nāsti putro'styekaḥ kulodvahaḥ |
tava yasminrucirbhadre tvāṃ tasmai pradadāmyaham || 22 ||
[Analyze grammar]

āgaccha madgṛhaṃ kanye mama cāṃtaḥpure vasa |
madbhāryāyāḥ sutā bhūtvā yathākāmamaniṃdite || 23 ||
[Analyze grammar]

ityuktā sā nṛpeṇātha kanyā kamalalocanā || |
tathā stviti nṛpaṃ procya tena sākaṃ yayau gṛham || 24 ||
[Analyze grammar]

rājā svabhāryāhaste tāṃ pradadau kanyakāṃ śubhām |
abravīcca svakāṃ bhāryāṃ rājā vindhyāvaliṃ tadā || 25 ||
[Analyze grammar]

āvayoḥ kanyakā ceyaṃ rājñi viṃdhyāvale śubhe |
rakṣemāṃ sarvathā tvaṃ vai puruṣāṃtarataḥ priye || 26 ||
[Analyze grammar]

itīritā nṛpeṇāsau bhāryā viṃdhyā valistadā |
omityuktvātha tāṃ kanyāṃ putrīṃ jagrāha pāṇinā || 27 ||
[Analyze grammar]

poṣitā pālitā rājñā sutavatkanyakā ca sā |
nyavātsītsusukhaṃ rājño bhavane lālitā sadā || 28 ||
[Analyze grammar]

atha viṣṇurjagannātho lakṣmīmanveṣṭumādarāt |
ārūḍhavinatānando vaikuṃṭhānniryayau dvijāḥ || 29 ||
[Analyze grammar]

vinirgatya sa vaikuṃṭhā dvilaṃghitaviyatpathaḥ |
babhrāma ca bahūndeśāllaṃkṣmīṃ tatra na dṛṣṭavān || 30 ||
[Analyze grammar]

rāmasetumathāgacchadgaṃdhamādanaparvate |
anviṣya sarvato rāmasetuṃ babhrāma ceṃdi rām || 31 ||
[Analyze grammar]

etasminneva kāle sā puṣpāvacayakautukāt |
sakhībhiḥ kanyakāyāsīdbhavanodyānapādapān || 32 ||
[Analyze grammar]

puṣpāṇyavacinoti sma sakhībhiḥ saha kānane |
tatrāgatya tato viṣṇurviprarūpadharo dvijāḥ || 33 ||
[Analyze grammar]

gaṃgāṃbho vidadhatskaṃdhe vahañchatraṃ karaṃṇa ca |
gaṃgāsnāyidvijasyeva racayanveṣamātmanaḥ || 34 ||
[Analyze grammar]

dhārayandakṣiṇe pāṇau kuśāgraṃthipavitrakam |
bhasmoddhūlitasarvāṃgastripuṇḍrāvaliśobhitaḥ || 35 ||
[Analyze grammar]

prajapañchivanāmāni dhṛtarudrākṣa mālikaḥ |
sottarīyaḥ śucirviprāḥ samāyāto janārdanaḥ || 36 ||
[Analyze grammar]

tamāgataṃ dvijaṃ dṛṣṭvā stabdhā'tiṣṭhata kanyakā |
apaśyadaṣṭavarṣāṃ tāṃ vallabhāṃ puṣpa hāriṇīm || 37 ||
[Analyze grammar]

dṛṣṭvā sa tvarayā vipraḥ kanyāṃ madhurabhāṣiṇīm |
haṭhātkṛtya kareṇāsau jagrāha garuḍadhvajaḥ || 38 ||
[Analyze grammar]

tadā cukrośa sā kanyā sakhībhiḥ saha kānane |
tamākrośaṃ samākarṇya rājā sa tu samāgataḥ || 39 ||
[Analyze grammar]

prayayau bhavanodyānaṃ vṛtaḥ katipayairbhaṭaiḥ |
gatvā papraccha tāṃ kanyāṃ tatsakhīrapi bhūpatiḥ || 40 ||
[Analyze grammar]

kimarthamadhunā kruṣṭaṃ sakhībhiḥ saha kanyake |
tvayā tu bhavanodyāne tatra kāraṇamucyatām || 41 ||
[Analyze grammar]

kena tvaṃ paribhūtāsi haṭhātkṛṣya sute mama |
iti pṛṣṭā tamācaṣṭa kanyā guṇanidhiṃ nṛpam |
bāṣpapūrṇānanā khinnā ruṣitā bhṛśakātarā || 42 ||
[Analyze grammar]

kanyovāca |
ayaṃ vipro haṭhātkṛtya jagṛhe pāṃḍyanātha mām || 43 ||
[Analyze grammar]

tātātra vṛkṣamūle'sau sa tiṣṭhatyakutobhayaḥ |
tadākarṇya vacastasyā rājā guṇanidhiḥ sudhīḥ || 44 ||
[Analyze grammar]

jagrāha tarasā vipramavidvāṃstadbalaṃ haṭhāt |
rāmanāthālayaṃ nītvā nigṛhya ca haṭhāttadā || 45 ||
[Analyze grammar]

baddhvā nigaḍapāśābhyā mānayanmaṃḍapaṃ ca tam |
ātmaputrīṃ samāśvāsya śuddhāṃtamanayannṛpaḥ || 46 ||
[Analyze grammar]

svayaṃ ca prayayau ramyaṃ bhavanaṃ nṛpapuṃgavaḥ |
tato rātrau svapanrājā svapne vipraṃ dadarśa tam || 47 ||
[Analyze grammar]

śaṃkhacakragadāpadmavanamālāvibhūṣitam |
kaustubhālaṃkṛtoraskaṃ pītāṃbaradharaṃ harim || 48 ||
[Analyze grammar]

kālameghacchaviṃ kāṃtaṃ garuḍopari saṃsthitam |
cārusmitaṃ cārudaṃtaṃ lasanmakarakuṇḍalam || 49 ||
[Analyze grammar]

viṣvaksenaprabhṛtibhiḥ kiṃkarairupasevitam |
śeṣaparyaṃkaśayanaṃ nāradādi munistutam || 50 ||
[Analyze grammar]

dadarśa ca svakāṃ kanyāṃ vikāsikamalasthitām |
dhṛtapaṃkajahastāṃ tāṃ nīlakuñcitamūrdhajām || 51 ||
[Analyze grammar]

viṣṇuvakṣasthalrāvāsāṃ samunnatapayodharām |
diggajairabhiṣiktāṃgīṃ śyāmāṃ pītāṃbarāvṛtām || 52 ||
[Analyze grammar]

svarṇapaṃkajasaṃklṛptamālālaṃkṛtamūrdhajām |
divyābharaṇaśobhāḍhyāṃ cāruhā ravibhūṣitām || 53 ||
[Analyze grammar]

anargharatnasaṃklṛptanāsābharaṇaśobhitām |
suvarṇaniṣkābharaṇāṃ kāṃcīnūpurarājitām || 54 ||
[Analyze grammar]

mahālakṣmīṃ dadarśāsau rājā rātrau svakāṃ sutām |
evaṃ dṛṣṭvā nṛpaḥ svapne vipraṃ taṃ svasutāmapi || 55 ||
[Analyze grammar]

utthitaḥ sahasā talpātkanyāgṛhamavāpa ca |
tathaiva dṛṣṭavānkanyāṃ yathā svapne dadarśa tām || 56 ||
[Analyze grammar]

athodite savitari kanyāmādāya bhūmipaḥ |
rāmanāthālayaṃ prāpa brāhmaṇaṃ nyastavānyataḥ || 57 ||
[Analyze grammar]

sa maṃḍapavare vipraṃ dadarśa harirūpiṇam |
yathā dadarśa svapne taṃ vanamālādicihnitam |
viṣṇuṃ vijñāya tuṣṭāva nṛpatirharimīśvaram || 58 ||
[Analyze grammar]

puṇyanidhiruvāca |
namaste kamalākāṃta prasīda garuḍadhvaja || 59 ||
[Analyze grammar]

śārṅgapāṇe namastubhyamaparādhaṃ kṣamasva me |
namaste puṇḍarīkākṣa cakrapāṇe śriyaḥpate || 60 ||
[Analyze grammar]

kaustubhālaṃkṛtāṃkāya namaḥ śrīvatsalakṣmaṇe |
namaste brahmaputrāya daityasaṃghavidāriṇe || 61 ||
[Analyze grammar]

aśeṣabhuvanāvāsanābhipaṃkajaśāline |
madhukaiṭabhasaṃhartre rāvaṇāṃtakarāya te || 62 ||
[Analyze grammar]

prahrādarakṣiṇe tubhyaṃ dharitrīpataye namaḥ |
nirguṇāyāprameyāya viṣṇave buddhisākṣiṇe || 63 ||
[Analyze grammar]

namaste śrīnivāsāya jaga ddhātre parātmane |
nārāyaṇāya devāya kṛṣṇāya madhuvidviṣe || 64 ||
[Analyze grammar]

namaḥ paṃkajanābhāya namaḥ paṃkajacakṣuṣe |
namaḥ paṃkajahastāyāḥ pataye paṃkajāṃghraye || 65 ||
[Analyze grammar]

bhūyobhūyo jagannātha namaḥ paṃkajamāline |
dayāmūrtte namastubhyamaparādhaṃ kṣamasva me || 66 ||
[Analyze grammar]

mayā nigaḍapāśābhyāṃ yaḥ kṛto madhusūdana |
anayastvatsvarūpamaviditvā kṛtaḥ prabho || 67 ||
[Analyze grammar]

ato madaparādho'yaṃ kṣaṃtavyo madhusūdana |
evaṃ stutvā mahāviṣṇuṃ rājā puṇyanidhirdvijāḥ || 68 ||
[Analyze grammar]

lakṣmīṃ tuṣṭāva jananīṃ sarveṣāṃ prāṇināṃ mudā |
namo devi jagaddhātri viṣṇuvakṣasthalālaye || 69 ||
[Analyze grammar]

namobdhisaṃbhave tubhyaṃ mahālakṣmi haripriye |
siddhyai puṣṭyai svadhāyai ca svāhāyai satataṃ namaḥ || 70 ||
[Analyze grammar]

saṃdhyāyai ca prabhāyai ca dhātryai bhūtyai namonamaḥ |
śraddhāyai caiva medhāyai sarasvatyai namonamaḥ || 71 ||
[Analyze grammar]

yajñavidye mahāvidye guhyavidyetiśobhane |
ātmavidye ca deveśi muktide sarvadehinām || 72 ||
[Analyze grammar]

trayīrūpe jaganmātarjagadrakṣāvidhāyini |
rakṣa māṃ tvaṃ kṛpādṛṣṭyā sṛṣṭisthityaṃtakāriṇi || 73 ||
[Analyze grammar]

bhūyobhūyo namastubhyaṃ brahmamātre maheśvari |
iti stutvā mahālakṣmīṃ prārthayāmāsa mādhavam || 74 ||
[Analyze grammar]

yadajñānānmayā viṣṇo tvayi doṣaḥ kṛto'dhunā |
pāde nigaḍabaṃdhena sa drohaḥ kṣamyatāṃ tvayā || 76 ||
[Analyze grammar]

lokāste śiśavaḥ sarve tvaṃ pitā jagatāṃ hare |
sutā'parādhaḥ pitṛbhiḥ kṣaṃtavyo madhusūdana || 76 ||
[Analyze grammar]

aparādhināṃ ca daityānāṃ svarūpamapi dattavān |
bhavānviṣṇo mamāpīmamaparādhaṃ kṣamasva vai || 77 ||
[Analyze grammar]

jighāṃsayāpi bhagavannāgatāṃ pūtanāṃ purā |
anayastvatpadāṃbhojaṃ tanmāṃ rakṣa kṛpānidhe |
lakṣmīkāṃta kṛpādṛṣṭiṃ mayi pātaya keśava || 78 ||
[Analyze grammar]

śrīsūta uvāca |
iti saṃprārthito viṣṇu rājñā tena dvijottamāḥ |
prāha gaṃbhīrayā vācā nṛpaṃ puṇyanidhiṃ tataḥ || 79 ||
[Analyze grammar]

viṣṇuruvāca |
rājanna bhīstvayā kāryā madbaṃdhananimittajā || 80 ||
[Analyze grammar]

bhaktavaśyatvamadhunā tava pratihitaṃ mayā |
mama prītikaraṃ yajñamakarodyadbhavāniha || 91 ||
[Analyze grammar]

atastvaṃ mama bhaktosi rājanpuṇyanidhe'dhunā |
tenāhaṃ tava vaśyo'smi bhaktipāśena yaṃtritaḥ || 82 ||
[Analyze grammar]

bhaktāparādhaṃ satataṃ kṣamāmyahamariṃ dama |
tvadbhaktiṃ jñātukāmena mayā saṃpreritā tviyam || 83 ||
[Analyze grammar]

lakṣmīrmama priyā rājaṃstvayāsaṃrakṣitā'dhunā |
tenāhaṃ tava tuṣṭo'smi matsvarūpā tviyaṃ sadā || 84 ||
[Analyze grammar]

asyāṃ yo bhaktimāṃlloke sa madbhakto'bhidhīyate |
asyāṃ yo vimukho rājansa maddveṣī smṛtaḥ sadā || 85 ||
[Analyze grammar]

tvamimāṃ bhaktisaṃ yukto yasmātpūjitavānasi |
matpūjāpi kṛtā tasmānmadabhinnā tviyaṃ yataḥ || 86 ||
[Analyze grammar]

atastvayā nāparādhaḥ kṛto mayi nareśvara |
kiṃ tu pūjaiva vihitā tāṃ tvayārcayatā mama || 97 ||
[Analyze grammar]

tvayā madbhāryayā sākaṃ saṃketo'kāri yatpurā |
tatsaṃketābhigutyarthaṃ māṃ yadbaṃdhitavānasi || 88 ||
[Analyze grammar]

tena prītosmi te rājaṃllakṣmīḥ saṃrakṣitā'dhunā |
matsvarūpā ca sā lakṣmīrjaganmātā trayīmayī || 89 ||
[Analyze grammar]

tadrakṣāṃ kurvatā bhūpa tvayā yadbaṃdhanaṃ mama |
tatpriyaṃ mama rājeṃdra mā bhayaṃ kriyatāṃ tvayā || 90 ||
[Analyze grammar]

iyaṃ lakṣmīstava sutā satyameva na saṃśayaḥ |
itīrite'tha hariṇā lakṣmīḥ provāca bhūpatim || 91 ||
[Analyze grammar]

lakṣmīruvāca |
rājanprītāsmi te cāhaṃ rakṣitā yadgṛhe tvayā |
tvadbhaktiśodhanārthaṃ vā ahaṃ viṣṇurubhāvapi || 92 ||
[Analyze grammar]

vinoda kalahavyājādāgatāviha bhūpate |
tava yogena bhaktyā ca tuṣṭāvāvāṃ paraṃtapa || 93 ||
[Analyze grammar]

āvayoḥ kṛpayā rājansukhaṃ te bhavatātsadā |
sarvabhūmaṃḍalaiśvaryaṃ sadā te bhavatu dhruvam || 94 ||
[Analyze grammar]

āvayoḥ pādayugale bhaktirbhavatu te dhruvā |
dehāṃte mama sāyujyaṃ punarāvṛttivarjitam || 95 ||
[Analyze grammar]

nityaṃ bhavatu te rājanmā bhūtte pāpadhīstathā |
sadā dharme bhava dhīrviṣṇubhaktiyutā tava || 96 ||
[Analyze grammar]

evamuktvā nṛpaṃ lakṣmīrviṣṇorvakṣasthalaṃ yayau |
atha viṣṇuruvācedaṃ rājānaṃ dvija puṃgavāḥ || 97 ||
[Analyze grammar]

yathā tvayātra baddhohaṃ nigaḍena nṛpotama |
tadrūpeṇaiva vatsyāmi setumādhavasaṃjñitaḥ || 98 ||
[Analyze grammar]

mayaiva kāritaḥ setustadrakṣārthamahaṃ nṛpa |
bhūtarākṣasasaṃghebhyo bhayānāmupaśāṃtaye || 99 ||
[Analyze grammar]

brahmāpi seturakṣārthaṃ vasatyatradivāniśam |
śaṃkaro rāmanāthākhyo nityaṃ setau vasatyatha || 100 ||
[Analyze grammar]

iṃdrādilokapālāśca vasaṃtyatramudānvitāḥ |
ato'hamatravatsyāmi setumādhavasaṃjñayā || 1 ||
[Analyze grammar]

setusaṃrakṣaṇārthaṃ vai sarvopadravaśāṃtaye |
sarveṣāmiṣṭasiddhyarthaṃ sarvapāpopaśāṃtaye || 2 ||
[Analyze grammar]

tvayā nigaḍabaddhaṃ māṃ sevate ye'tra mānavāḥ |
te yāṃti mama sāyujyaṃ sarvābhīṣṭaṃ tathā nṛpa || 3 ||
[Analyze grammar]

mama lakṣmyāstava tathā caritaṃ ye paṭhaṃti vai |
na te yāsyaṃti dāridryaṃ kiṃ tvaiśvaryaṃ vrajaṃti te || 4 ||
[Analyze grammar]

tvatkṛtaṃ yadidaṃ stotraṃ mama lakṣmyā viśāṃpate |
ye paṭhaṃti ca śṛṇvaṃti likhaṃti ca mudānvitāḥ || 5 ||
[Analyze grammar]

na teṣāṃ punarāvṛttirmama lokātkadācana |
ityuktvā sa haristatra nṛpaṃ puṇyanidhiṃ tadā || 6 ||
[Analyze grammar]

tatraiva pūrṇarūpeṇa saṃni dhatte sma sarvadā |
nṛpaḥ puṇyanidhirviprāḥ setumādhavarūpiṇam || 7 ||
[Analyze grammar]

viṣṇuṃ praṇamya bhaktyā tu mahāpūjāṃ vidhāya ca |
sevitvā rāmanāthaṃ ca svameva bhavanaṃ yayau || 8 ||
[Analyze grammar]

yāvajjīvamasau tatra setau nyavasaduttame |
madhurāyāṃ nijaṃ putraṃ sthāpayāmāsa pālakam || 9 ||
[Analyze grammar]

tatraiva nivasanrājā dehāṃte muktimāptavān |
 viṃdhyāvaliśca tatpatnī tamevānumamāra sā |
pativratā patiprāṇā prayayau sāpi sadgatim || 110 ||
[Analyze grammar]

śrīsūta uvāca |
yetra bhaktiyutā nityaṃ sevaṃte setumādhavam || 11 ||
[Analyze grammar]

na teṣāṃ punarāvṛttiḥ kailāsājjātu jāyate |
setumādhavasevā ye na kurvaṃtyatra mānavāḥ || 12 ||
[Analyze grammar]

na teṣāṃ rāmanāthasya sevā phalavatī bhavet |
gṛhītvā saikataṃ setorgaṃgāyāṃ nikṣipedyadi || 13 ||
[Analyze grammar]

vibhajya mādhavapure vaikuṃṭhe sa vasennaraḥ |
gaṃgāṃ jigamiṣurviprāḥ setumādhavasannidhau || 14 ||
[Analyze grammar]

saṃkalpya gaṃgāṃ nirgacchetsā yātrā saphalā bhavet |
ānīya gaṃgāsalilaṃ rāmeśamabhi ṣicya ca || 15 ||
[Analyze grammar]

setau nikṣipya tadbhāraṃ brahma prāpnotyasaṃśayaḥ |
iti vaḥ kathitaṃ viprāḥ setumādhavavaibhavam || 16 ||
[Analyze grammar]

etatpaṭhanvā śṛṇvanvā vaikuṃṭhe labhate gatim || 117 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīya brahmakhaṇḍe setumāhātmye setumādhavapraśaṃsāyāṃ puṇya nidhicaritakathanaṃnāma paṃcāśattamo'dhyāyaḥ || 50 ||
[Analyze grammar]