Chapter 49

[English text for this chapter is available]

śrīsūta uvāca |
athātaḥ saṃpravakṣyāmi rāmanāthasya śūlinaḥ |
stotrādhyāyaṃ mahāpuṇyaṃ śṛṇuta śraddhayā dvijāḥ || 1 ||
[Analyze grammar]

rāmaḥ pratiṣṭhite liṃge tuṣṭāva parameśvaram |
lakṣmaṇo jānakī sītā sugrīvādyāḥ kapīśvarāḥ || 2 ||
[Analyze grammar]

brahmaprabhṛtayo devāḥ kumbhajādyā maharṣayaḥ |
astuvanbhaktisaṃyuktāḥ pratyekaṃ rāghaveśvaram || 3 ||
[Analyze grammar]

tadvakṣyāmyānupūrvyeṇa śṛṇutādarapūrvakam |
etacchravaṇamātreṇa muktaḥ syā nmānavo dvijāḥ || 4 ||
[Analyze grammar]

śrīrāma uvāca |
namo mahātmane tubhyaṃ mahāmāyāya śūline |
svapadāṃbujabhaktārtihāriṇe sarpa hāriṇe || 5 ||
[Analyze grammar]

namo devādhidevāya rāmanāthāya sākṣiṇe |
namo vedāṃtavedyāya yogināṃ tattvadāyine || 6 ||
[Analyze grammar]

sarvadānaṃdapūrṇāya viśvanāthāya śaṃbhave |
namo bhaktabhayacchedahetupādābjareṇave || 7 ||
[Analyze grammar]

namaste'khilanāthāya namaḥ sākṣātparātmane |
 namaste'dbhutavīryāya mahāpātakanāśine || 8 ||
[Analyze grammar]

kālakālāya kālāya kālātītāya te namaḥ |
namo'vidyānihaṃtre te namaḥ pāpaharāya ca || 9 ||
[Analyze grammar]

namaḥ saṃsārataptānāṃ tāpanāśaikahetave |
namo madbrahmahatyāvināśine ca viṣāśine || 10 ||
[Analyze grammar]

namaste pārvatīnātha kailāsanilayāvyaya |
gaṃgādhara virūpākṣa māṃ rakṣa sakalāpadaḥ || 11 ||
[Analyze grammar]

tubhyaṃ pinākahastāya namo madanahāriṇe |
bhūyobhūyo namastubhyaṃ sarvāvasthāsu sarvadā || 12 ||
[Analyze grammar]

lakṣmaṇa uvāca |
namaste rāmanāthāya tripuraghnāya śaṃbhave |
pārvatījīviteśāya gaṇeśaskandasūnave || 13 ||
[Analyze grammar]

namaste sūryacadrāgnilocanāya kapardine |
namaḥ śivāya somāya mārkaṃḍeya bhayacchide || 14 ||
[Analyze grammar]

namaḥ sarvaprapaṃcasya sṛṣṭisthityaṃtahetave |
nama ugrāya bhīmāya mahādevāya sākṣiṇe || 15 ||
[Analyze grammar]

sarvajñāya vareṇyāya varadāya varāya te |
śrīkaṇṭhāya namastubhyaṃ paṃcapātakabhedine || 16 ||
[Analyze grammar]

namaste'stu parānaṃdasatyavijñānarūpiṇe |
namaste bhavarogaghna snāyūnāṃ pataye namaḥ || 17 ||
[Analyze grammar]

pataye taskarāṇāṃ te vanānāṃ pataye namaḥ |
gaṇānāṃ pataye tubhyaṃ viśvarūpāyasākṣiṇe || 18 ||
[Analyze grammar]

karmaṇā preritaḥ śambho janiṣye yatrayatra tu |
tatratatra padadvaṃdve bhavato bhaktirastu me || 19 ||
[Analyze grammar]

asanmārge ratirmā bhūdbhavataḥ kṛpayā mama |
vaidikācāramārge ca ratiḥ syādbhavate namaḥ || 20 ||
[Analyze grammar]

sītovāca |
paramakāraṇa śaṃkara dhūrjaṭe girisutāstanakuṃkumaśobhita |
mama patau paridehi matiṃ sadā na viṣamāṃ parapūruṣagocarām || 21 ||
[Analyze grammar]

gaṃgādhara virūpākṣa nīlalohita śaṃkara |
rāmanātha namastubhyaṃ rakṣa mā karuṇākara || 22 ||
[Analyze grammar]

namaste devadeveśa namaste karuṇālaya || |
namaste bhavabhītānāṃ bhavabhītivimardana || 23 ||
[Analyze grammar]

nātha tvadīyacaraṇāṃbujaciṃtanena nirddhūya bhāskarasutādbhayamāśu śambho |
nityatvamāśu gatavānsa mṛkaṃḍuputraḥ kiṃ vā na sidhyati tavāśrayaṇātpareśa || 24 ||
[Analyze grammar]

pareśaparamānaṃda śaraṇāgatapālaka |
pātivratyaṃ mama sadā dehi tubhyaṃ namonamaḥ || 25 ||
[Analyze grammar]

hanūmānuvāca |
devadeva jagannātha rāmanātha kṛpānidhe |
tvatpādāṃbhoruhagatā niścalā bhaktirastu me || 26 ||
[Analyze grammar]

yaṃ vinā na jagatsattā tadbhānamapi no bhavet |
namaḥ sadbhānarūpāya rāmanāthāya śaṃbhave || 27 ||
[Analyze grammar]

aṃgada uvāca |
yasya bhāsā jagadbhānaṃ yatprakāśaṃ vinā jagat |
na bhāsate namastasmai rāmanāthāya śaṃbhave || 28 ||
[Analyze grammar]

jāṃbuvānuvāca |
sarvānaṃdo yadānaṃdo bhāsate paramārthataḥ |
namo rāmeśvarāyāsmai paramānaṃdarūpiṇe || 29 ||
[Analyze grammar]

nīla uvāca |
yaddeśakāladigbhedairabhinnaṃ sarvadā dvayam |
tasmai rāmeśvarāyāsmai namo'bhinnasva rūpiṇe || 30 ||
[Analyze grammar]

nala uvāca |
brahmaviṣṇumaheśānā yadavidyāvijṛṃbhitāḥ |
namo'vidyāvihīnāya tasmai rāmeśvarāya te || 31 ||
[Analyze grammar]

kumuda uvāca |
yastvarūpāparijñānātpradhānaṃ kāraṇatvataḥ |
kalpitaṃ kāraṇāyāsmai rāmanāthāya śaṃbhave || 32 ||
[Analyze grammar]

panasa uvāca |
jāgratsvapnasuṣuptyādiyadavidyāvijṛṃbhitam |
jāgradādivihīnāya namo'smai jñānarūpiṇe || 33 ||
[Analyze grammar]

gaja uvāca |
yatsvarūpāparijñānātkāryāṇāṃ paramā ṇavaḥ |
kalpitāḥ kāraṇatvena tārkikāpasadairvṛthā || 34 ||
[Analyze grammar]

tamahaṃ paramānaṃdaṃ rāmanāthaṃ maheśvaram |
ātmarūpatayā nityamupāse sarvasākṣiṇam || 35 ||
[Analyze grammar]

gavākṣa uvāca |
ajñānapāśabaddhānāṃ paśūnāṃ pāśamocakam |
rāmeśvaraṃ śivaṃ śāṃtamupaimi śaraṇaṃ sadā || 36 ||
[Analyze grammar]

gavaya uvāca |
sādhvastajagadādhāraṃ caṃdracūḍamumāpatim |
rāmanāthaṃ śivaṃ vande saṃsārāmayabheṣajam || 37 ||
[Analyze grammar]

śarabha uvāca |
aṃtaḥkaraṇamātmeti yadajñānādvimohitaiḥ |
bhaṇyate ramanāthaṃ tamātmānaṃ praṇamāmyaham || 38 ||
[Analyze grammar]

gandhamādana uvāca |
rāmanāthamumānāthaṃ gaṇanāthaṃ ca tryaṃbakam |
sarvapātakaśuddhyarthamupāse jagadīśvaram || 39 ||
[Analyze grammar]

sugrīva uvāca |
saṃsārāṃbhodhi madhye māṃ janmamṛtyujale bhaye |
putradāradhanakṣetravīcimālāsamākule || 40 ||
[Analyze grammar]

majjadbrahmāṃḍakhaṃḍe ca patitaṃ nāptapārakam |
krośaṃtamavaśaṃ dīnaṃ viṣayavyā lakātaram || 41 ||
[Analyze grammar]

vyādhinakrasamudvignaṃ tāpatrayajhaṣārtidam |
māṃ rakṣa girijānātha rāmanātha namo'stu te || 42 ||
[Analyze grammar]

vibhīṣaṇa uvāca |
saṃsāravanamadhye māṃ vinaṣṭanijamārgake |
vyādhicaure krodhasiṃhe janmavyāghre layorage || 43 ||
[Analyze grammar]

bālyayauvanavārdhakyamahābhīmāṃdhakūpake |
krodherṣyā lobhavahnau ca viṣayakrūraparvate || 44 ||
[Analyze grammar]

trāsabhūkaṃṭakāḍhye ca sīdaṃtamadhunāṃdhakam |
śobhanāṃ padavīṃ śaṃbho naya rāmeśvarādhunā || 45 ||
[Analyze grammar]

sarve vānarā ūcuḥ |
niṃdyāniṃdyeṣu sarvatra janitvā yoniṣu prabho |
kuṃbhīpākādinarake patitvā ca punastathā || 46 ||
[Analyze grammar]

janitvā ca punaryonau karmaśeṣeṇa kutsite |
saṃsāre patitānasmānrāmanātha dayānidhe || 47 ||
[Analyze grammar]

anāthānvivaśāndīnānkrośataḥ pāhi śaṃkara |
namastestu dayāsiṃdho rāmanātha maheśvara || 48 ||
[Analyze grammar]

brahmovāca |
namaste lokanāthāya rāmanāthāya śaṃbhave |
prasīda mama sarveśa madavidyāṃ vināśaya || 49 ||
[Analyze grammar]

iṃdra uvāca |
yasya śaktirumā devī jaganmātā trayīmayī |
tamahaṃ śaṃkaraṃ vaṃde rāmanāthamumāpatim || 50 ||
[Analyze grammar]

yama uvāca |
putrau gaṇeśvaraskaṃdau vṛṣo yasya ca vāhanam |
taṃ vai rāmeśvaraṃ seve sarvājñānanivṛttaye || 51 ||
[Analyze grammar]

varuṇa uvāca |
yasya pūjāprabhāvena jita mṛtyurmṛkaṃḍujaḥ |
mṛtyuṃjayamupāse'haṃ rāmanāthaṃ hṛdā tu tam || 52 ||
[Analyze grammar]

kubera uvāca |
īśvarāya lasatkarṇakuṃḍalābharaṇāya te |
lākṣāruṇaśarīrāya namo rāmeśvarāya vai || 53 ||
[Analyze grammar]

āditya uvāca |
namaste'stu mahādeva rāmanātha triyaṃbaka |
dakṣādhvaravināśāya namaste pāhi māṃ śiva || 54 ||
[Analyze grammar]

soma uvāca |
namaste bhasmadigdhāya śūline sarpamāline |
rāmanātha dayāṃbhodhe smaśānanilayāya te || 55 ||
[Analyze grammar]

agniruvāca |
indrādyakhiladikpālasaṃsevitapadāṃbuja |
rāmanāthāya śuddhāya namo digvāsase sadā || 56 ||
[Analyze grammar]

vāyuruvāca |
harāya harirūpāya vyāghracarmāṃbarāya ca |
rāmanātha namastubhyaṃ mamābhīṣṭaprado bhava || 57 ||
[Analyze grammar]

bṛhaspatiruvāca |
ahaṃtāsākṣiṇe nityaṃ pratyagadvayavastune |
rāmanātha mamājñānamāśu nāśaya te namaḥ || 58 ||
[Analyze grammar]

śukra uvāca |
vaṃcakānāmalabhyāya mahāmaṃtrārtharūpiṇe |
namo dvaitavihīnāya rāmanāthāya śaṃbhave || 59 ||
[Analyze grammar]

aśvināvūcatuḥ |
ātmarūpatayā nityaṃ yogināṃ bhāsate hṛdi |
ananya bhānavedyāya namaste rāghaveśvara || 60 ||
[Analyze grammar]

agastya uvāca |
ādideva mahādeva viśveśvara śivāvyaya |
rāmanāthāṃbikānātha prasīda vṛṣa bhadhvaja || 61 ||
[Analyze grammar]

aparādhasahasraṃ me kṣamasva vidhuśekhara |
mamāhamiti putrādāvahaṃtāṃ mama mocaya || 62 ||
[Analyze grammar]

sutīkṣṇa uvāca |
kṣetrāṇi ratnāni dhanāni dārā mitrāṇi vastrāṇi gavāśvaputrāḥ |
naivopakārāya hi rāmanātha mahyaṃ prayaccha tvamato viraktim || 63 ||
[Analyze grammar]

viśvāmitra uvāca |
śrutāni śāstrāṇyapi niṣphalāni trayyapyadhītā viphalaiva nūnam |
tvayīśvare cenna bhaveddhi bhaktiḥ śrīrāmanāthe śiva mānuṣasya || 64 ||
[Analyze grammar]

gālava uvāca |
dānāni yajñā niyamāstapāṃsi gaṃgāditīrtheṣu nimajjanāni |
rāmeśvaraṃ tvāṃ na namaṃti ye tu vyarthāni teṣāmiti niścayo'tra || 65 ||
[Analyze grammar]

vasiṣṭha uvāca |
kṛtvāpi pāpānyakhilāni lokastvāmetya rāmeśvara bhaktiyuktaḥ |
nameta cettāni layaṃ vrajeyuryathāṃdhakāro ravitejasā'ddhā || 66 ||
[Analyze grammar]

atriruvāca |
dṛṣṭvā tu rāmeśvaramekadāpi spṛṣṭvā namaskṛtya bhavaṃtamīśam |
punarna garbhaṃ sa naraḥ prayāyātkiṃ tvadvayaṃ te labhataṃ svarūpam || 67 ||
[Analyze grammar]

aṃgirā uvāca |
yo rāmanāthaṃ manujo bhavaṃtamupetya baṃdhūnpraṇamansmareta |
saṃtārayettānapi sarvapāpātkima dbhutaṃ tasya kṛtārthatāyām || 68 ||
[Analyze grammar]

gautama uvāca |
śrīrāmanātheśvara gūḍhamettadrahasyabhūtaṃ paramaṃ viśokam |
tvatpādamūlaṃ bhajatāṃ nṛṇāṃ ye sevāṃ prakurvaṃti hi te'pi dhanyāḥ || 69 ||
[Analyze grammar]

śatānaṃda uvāca |
vedāṃtavijñānarahasyavidbhirvijñeyametaddhi mumukṣubhistu |
śāstrāṇi sarvāṇi vihāya deva tvatsevanaṃ yadraghuvīranātha || 70 ||
[Analyze grammar]

bhṛguruvāca |
rāmanātha tava pādapaṃkajaṃ dvaṃdvaciṃtanavidhūtakalmaṣaḥ |
nirbhayaṃ vrajati satsukhā dvayaṃ suprabhaṃ tvatha amoghaciddhanam || 71 ||
[Analyze grammar]

kutsa uvāca |
rāmanātha tava pādasevanaṃ bhogamokṣavaradaṃ nṛṇāṃ sadā |
rauravādinarakapraṇāśanaṃ kaḥ pumānna bhajate rasagrahaḥ || 72 ||
[Analyze grammar]

kāśyapa uvāca |
rāmanātha tava pādasevināṃ kiṃ vratairuta tapobhiradhvaraiḥ |
vedaśāstra japacintayā ca kiṃ svargasindhupayasāpi kiṃ phalam || 73 ||
[Analyze grammar]

śrīrāmanātha tvamāgatya śīghraṃ mamotkrāṃtikāle bhavānyā ca sākam |
māṃ prāpaya svātmapādāravindaṃ viśokaṃ vimohaṃ sukhaṃ citsvarūpam || 74 ||
[Analyze grammar]

gandharvā ūcuḥ |
rāmanātha tvamasmākaṃ bhajatāṃ bhavasāgare |
apāre duḥkhakallole na tvattonyā gatirhi naḥ || 75 ||
[Analyze grammar]

kinnarā ūcuḥ |
rāmanātha bhavāraṇye vyādhivyāghrabhayānake |
tvāmaṃtareṇa nāsmākaṃ padavīdarśako bhavet || 76 ||
[Analyze grammar]

yakṣā ūcuḥ |
rāmanātheṃdriyārātibādhā no duḥsahā sadā |
tānvijetuṃ sahāyastvamasmākaṃ bhava dhūrjaṭe || 77 ||
[Analyze grammar]

nāgā ūcuḥ |
acintyamahimānaṃ tvā rāmanātha vayaṃ katham |
stotumalpadhiyaḥ śaktā bhaviṣyāmoṃ'bikāpate || 78 ||
[Analyze grammar]

kiṃpuruṣā ūcuḥ |
nānāyonau ca jananaṃ maraṇaṃ cāpyanekaśaḥ |
vināśaya tathā'jñānaṃ rāmanātha namo'stu te || 79 ||
[Analyze grammar]

vidyādharā ūcuḥ |
aṃbikāpataye tubhyamasaṃgāya mahātmane |
namaste rāmanāthāya prasīda vṛṣabhadhvaja || 80 ||
[Analyze grammar]

vasava ūcuḥ |
rāmanāthagaṇeśāya gaṇavṛṃdārcitāṃghraye |
gaṃgādharāya guhyāya namaste pāhi naḥ sadā || 81 ||
[Analyze grammar]

viśvedevā ūcuḥ |
jñaptimātraikaniṣṭhānāṃ muktidāya suyoginām |
rāmanāthāya sāṃbāya namo'smānrakṣa śaṃkara || 82 ||
[Analyze grammar]

maruta ūcuḥ |
paratattvāya tattvānāṃ tattvabhūtāya vastutaḥ |
namaste rāmanāthāya svayaṃbhānāya śaṃbhave || 83 ||
[Analyze grammar]

sādhyā ūcuḥ |
svātiriktavihīnāya jagatsattāpradāyine |
rāmeśvarāya devāya namo'vidyā vibhedine || 84 ||
[Analyze grammar]

sarve devā ūcuḥ |
saccidānaṃdasaṃpūrṇaṃ dvaitavastuvivarjitam |
brahmātmānaṃ svayaṃbhānamādimadhyāṃtavarjitam || 85 ||
[Analyze grammar]

avikriyamasaṃgaṃ ca pariśuddhaṃ sanātanam |
ākāśādiprapaṃcānāṃ sākṣibhūtaṃ parāmṛtam || 86 ||
[Analyze grammar]

pramātītaṃ pramāṇānāmapi bodhapradāyinam |
āvirbhāvatirobhāva saṃkocarahitaṃ sadā || 87 ||
[Analyze grammar]

svasminnadhyastarūpasya prapaṃcasyāsya sākṣiṇam |
nirlepaṃ paramānaṃdaṃ nirastasakalakriyam || 88 ||
[Analyze grammar]

bhūmānaṃdaṃ mahātmānaṃ cidrūpaṃ bhogavarjitam |
rāmanāthaṃ vayaṃ sarve svapātakaviśuddhaye || 89 ||
[Analyze grammar]

cintayāmaḥ sadā citte svātmānaṃdabubhutsavaḥ |
rakṣāsmānkaruṇāsindho rāma nātha namo'stu te || 9 ||
[Analyze grammar]

rāmanāthāya rudrāya namaḥ saṃsārahāriṇe |
brahmaviṣṇvādirūpeṇa vibhinnāya svamāyayā || 91 ||
[Analyze grammar]

vibhīṣaṇasacivā ūcuḥ |
varadāya vareṇyāya trinetrāya triśūline |
yogidhyeyāya nityāya rāmanāthāya te namaḥ || 92 ||
[Analyze grammar]

sūta uvāca |
iti rāmādibhiḥ sarvaiḥ stuto rāmeśvaraḥ śivaḥ |
prāha sarvānsamāhūya rāmādīndvijasattamāḥ || 93 ||
[Analyze grammar]

rāmarāma mahābhāga jānakīramaṇa prabho |
saumitre jānaki śubhe he sugrīva mukhāstathā || 94 ||
[Analyze grammar]

anye brahmamukhā yūyaṃ śṛṇudhvaṃ susamāsthitāḥ |
stotrādhyāyamimaṃ puṇyaṃ yuṣmābhiḥ kṛtamādarāt || 95 ||
[Analyze grammar]

ye paṭhaṃti ca śṛṇvaṃti śrāvayaṃti ca mānavāḥ |
madarcanaphalaṃ teṣāṃ bhaviṣyati na saṃśayaḥ || 96 ||
[Analyze grammar]

rāmacaṃdradhanuṣkoṭisnānapuṇyaṃ ca vai bhavet |
varṣamekaṃ rāmasetau vāsapuṇyaṃ bhaviṣyati || 97 ||
[Analyze grammar]

gandhamādanamadhyasthasarvartīrthābhimajjanāt |
yatpuṇyaṃ tadbhavettena nātra saṃśayakāraṇam || 98 ||
[Analyze grammar]

uktvaivaṃ rāmanātho'pi svātmaliṃge tirodadhe |
stotrādhyāyamimaṃ puṇyaṃ nityaṃ saṃkīrtayannaraḥ || 99 ||
[Analyze grammar]

jarāmaraṇanirmukto janmaduḥkhavivarjitaḥ |
rāmanāthasya sāyujyamuktiṃ prāpnotyasaṃśayaḥ || 100 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye rāmādibhī rāmanāthastotrakathanaṃnāmaikonapaṃcāśattamo'dhyāyaḥ || 49 ||
[Analyze grammar]