Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

sūta uvāca |
athātaḥ saṃpravakṣyāmi setuyātrākramaṃ dvijāḥ |
yaṃ śrutvā sarvapāpebhyo mucyate mānavaḥ kṣaṇāt || 1 ||
[Analyze grammar]

snātvācamya viśuddhātmā kṛtanityavidhiḥ sudhīḥ |
rāmanāthasya tuṣṭyarthaṃ prītyarthaṃ rāghavasya ca || 2 ||
[Analyze grammar]

bhojayitvā yathāśakti brāhmaṇānvedapāragān |
bhasmoddhūlitasarvāṃgastripuṃḍrāṃkitamastakaḥ || 3 ||
[Analyze grammar]

gopīcandanalipto vā svabhāle'pyūrdhvapuṃḍrakaḥ |
rudrākṣa mālābharaṇaḥ sapavitrakaraḥ śuciḥ || 4 ||
[Analyze grammar]

setuyātrāṃ kariṣye'hamiti saṃkalpya bhaktitaḥ |
svagṛhātpravrajenmaunī japannaṣṭākṣaraṃ manum || 5 ||
[Analyze grammar]

paṃcākṣaraṃ nāmamaṃtraṃ japenniyatamānasaḥ |
ekavāraṃ haviṣyāśī jitakrodho jiteṃdriyaḥ || 6 ||
[Analyze grammar]

pādukāchatrarahitastāṃbūlaparivarjitaḥ |
tailābhyaṃgavihīnaśca strīsaṃgādivivarjitaḥ || 7 ||
[Analyze grammar]

śaucādyācārasaṃyuktaḥ sandhyopāstiparāyaṇaḥ |
gāyatryupāsti kurvāṇastrisaṃdhyaṃ rāmaciṃtakaḥ || 8 ||
[Analyze grammar]

madhyemārgaṃ paṭhannityaṃ setumāhātmyamādarāt |
paṭhanrāmāyaṇaṃ vāpi purāṇāṃtarameva vā || 9 ||
[Analyze grammar]

vyarthavākyāni saṃtyajya setuṃ gacchedviśuddhaye |
pratigrahaṃ na gṛhṇīyānnācārāṃśca parityajet || 10 ||
[Analyze grammar]

kuryānmārge yathāśakti śivaviṣṇvādipūjanam |
vaiśvadevādikarmāṇi yathāśakti samācaret || 11 ||
[Analyze grammar]

brahmayajñamukhāndharmā nprakuryāccāgnipūjanam |
atithibhyo'nnapānādi saṃpradadyādyathābalam || 12 ||
[Analyze grammar]

dadyādbhikṣāṃ yatibhyo'pi vittaśāṭhyaṃ parityajan |
śivaviṣṇvādi nāmāni stotrāṇi ca paṭhetpathi || 13 ||
[Analyze grammar]

dharmameva sadā kuryānniṣiddhāni parityajet |
ityādiniyamopetaḥ setumūlaṃ tato vrajet || 14 ||
[Analyze grammar]

pāṣāṇaṃ prathamaṃ dadyāttatra gatvā samāhitaḥ |
tatrāvāhya samudraṃ ca praṇamettadanaṃtaram || 15 ||
[Analyze grammar]

arghyaṃ dadyātsamudrāya prārthayettadanaṃtaram |
anujñāṃ ca tataḥ kuryāttataḥ snāyānmahodadhau || 16 ||
[Analyze grammar]

munīnāmatha devānāṃ kapīnāṃ pitṛṇāṃ tathā |
prakuryāttarpaṇaṃ viprā manasā saṃsmaranharim || 17 ||
[Analyze grammar]

pāṣāṇasaṃkhyā |
pāṣāṇasaptakaṃ dadyādekaṃ vā viprapuṃgavāḥ |
pāṣāṇadānātsaphalaṃ snānaṃ bhavati nānyathā || 18 ||
[Analyze grammar]

pāṣāṇadānamaṃtraḥ |
pippalādasamutpanne kṛtye lokabhayaṃkare |
pāṣāṇaṃ te mayā dattamāhārārthaṃ prakalpyatām || 19 ||
[Analyze grammar]

sānnidhyaprārthanāmantraḥ |
viśvārci tvaṃ ghṛtāci tvaṃ viśvayāne viśāṃpate |
sānnidhyaṃ kuru me deva sāgare lavaṇāṃbhasi || 20 ||
[Analyze grammar]

namaskāramantraḥ |
namaste viśvaguptāya namo viṣṇo hyapāṃpate |
namo hiraṇyaśṛṃgāya nadīnāṃ pataye namaḥ |
samudrāya vayūnāya proccārya praṇamettathā || 21 ||
[Analyze grammar]

arghyamantraḥ |
sarvaratnamaya śrīmansarvaratnākarākara |
sarvaratnapradhānastvaṃ gṛhāṇārghyaṃ mahodadhe || 22 ||
[Analyze grammar]

anujñāpanamaṃtraḥ |
aśeṣajagadādhāra śaṃkhacakragadā dhara |
dehi deva mamānujñāṃ yuṣmattīrthaniṣevaṇe || 23 ||
[Analyze grammar]

prārthanāmaṃtraḥ |
prācyāṃ diśi ca sugrīvaṃ dakṣiṇasyāṃ nalaṃ smaret || 24 ||
[Analyze grammar]

pratīcyāṃ maiṃdanāmānamudīcyāṃ dvividaṃ tathā |
rāmaṃ ca lakṣmaṇaṃ caiva sītāmapi yaśasvinīm || 25 ||
[Analyze grammar]

aṃgadaṃ vāyutanayaṃ smarenmadhye vibhīṣaṇam |
pṛthivyāṃ yāni tīrthāni prāviśaṃstvā mahodadhe || 26 ||
[Analyze grammar]

snānasya me phalaṃ dehi sarvasmāttrāhi māṃhasaḥ |
hiraṇyaśṛṃgamityābhyāṃ nābhyāṃ nārāyaṇaṃ smaret || 27 ||
[Analyze grammar]

dhyāyannārāyaṇaṃ devaṃ snānādiṣu ca karmasu |
brahmalokamavāpnoti jāyate neha vai punaḥ || 28 ||
[Analyze grammar]

sarveṣāmapi pāpānāṃ prāyaścittaṃ bhavettataḥ |
prahlādaṃ nāradaṃ vyāsamaṃbarīṣaṃ śukaṃ tathā |
anyāṃśca bhagavadbhaktāṃściṃtayedekamānasaḥ || 29 ||
[Analyze grammar]

snānamantraḥ |
vedādiryo vedavasiṣṭhayoniḥ saritpatiḥ sāgararatnayoniḥ |
agniśca tejaśca ilāṃ ca tejo retodhā viṣṇuramṛtasya nābhiḥ || 30 ||
[Analyze grammar]

idaṃ te anyābhirasamānamadbhiryāḥ kāśca siṃdhuṃ praviśaṃtyāpaḥ |
sarpo jīrṇāmiva tvacaṃ jahāmi pāpaṃ śarīrātsaśirasko'bhyupetya || 31 ||
[Analyze grammar]

samudrāya vayūnāya namaskuryātpunardvijāḥ |
sarvatīrthamayaṃ śuddhaṃ nadīnāṃ patimaṃbudhim || 32 ||
[Analyze grammar]

dvau samudrāviti punaḥ proccārya snānamācaret |
brahmāṃḍodaratīrthāni karaspṛṣṭāni te rave || 33 ||
[Analyze grammar]

tena satyena me setau tīrthaṃ dehi divākara |
prācyāṃ diśi ca sugrīvamityādikramayogataḥ || 34 ||
[Analyze grammar]

smṛtvā bhūyo dvijāḥ setau tṛtīyaṃ snānamācaret |
 devīpattanamārabhya pravrajedyadi mānavaḥ || 35 ||
[Analyze grammar]

tadā tu navapāṣāṇamadhye setau vimuktide |
snānamaṃbunidhau kuryātsvapāpaughāpanuttaye || 36 ||
[Analyze grammar]

darbhaśayyāpadavyā cedgacche tsetuṃ vimuktidam |
tadā tatrodadhāveva snānaṃ kuryādvimuktaye || 37 ||
[Analyze grammar]

tarpaṇavidhiḥ |
pippalādaṃ kaviṃ kaṇvaṃ kṛtāṃtaṃ jīviteśvaram |
manyuṃ ca kālarātriṃ ca vidyāṃ cāhargaṇeśvaram || 38 ||
[Analyze grammar]

vasiṣṭhaṃ vāmadevaṃ ca parāśaramumāpatim |
vālmikiṃ nāradaṃ caiva vālakhilyānmunīṃstathā || 39 ||
[Analyze grammar]

nalaṃ nīlaṃ gavākṣaṃ ca gavayaṃ gandhamādanam |
maiṃdaṃ ca dvividaṃ caiva śarabhaṃ carṣabhaṃ tathā || 40 ||
[Analyze grammar]

sugrīvaṃ ca hanūmaṃtaṃ vegadarśanameva ca |
rāmaṃ ca lakṣmaṇaṃ sītāṃ mahābhāgāṃ yaśasvinīm || 41 ||
[Analyze grammar]

triḥ kṛtvā tarpayedetānmaṃtrānuktvā yathākramam |
vibhośca tattannāmāni caturthyaṃtāni vai dvijāḥ || 42 ||
[Analyze grammar]

devā nṛṣīnpitṝṃścaiva vidhivacca tilodakaiḥ |
dvitīyāṃtāni nāmāni coktvā tarpayeddvijāḥ || 43 ||
[Analyze grammar]

tarpayetsapavitrastu jale sthitvā prasannadhīḥ |
tarpaṇātsarvatīrtheṣu snānasya phalamāpnuyāt || 44 ||
[Analyze grammar]

evametāṃstarpayitvā namaskṛtyottarejjalāt |
ārdravastraṃ parityajya śuṣkavāsaḥsamāvṛtaḥ || 45 ||
[Analyze grammar]

ācamya sapavitraśca vidhivacchrāddhamācaret |
piṃḍānpitṛbhyo dadyācca tilataṇḍulakaistathā || 46 ||
[Analyze grammar]

etacchrāddhamaśaktasya mayā proktaṃ dvijottamāḥ |
dhanāḍhyo'nnena vai śrāddhaṃ ṣaḍrasena samācaret || 47 ||
[Analyze grammar]

gobhūtilahiraṇyādidānaṃ kuryātsamṛddhimān |
rāmacandradhanuṣkoṭāvevameva samācaret || 48 ||
[Analyze grammar]

pāṣāṇadānapūrvāṇi tarpaṇāṃtāni vai dvijāḥ |
setumūle yathaitāni vidhivadvyatanoddvijāḥ || 49 ||
[Analyze grammar]

cakratīrthaṃ tato gatvā tatrāpi snānamācaret |
paśyecca setvadhipatiṃ devaṃ nārāyaṇaṃ harim || 50 ||
[Analyze grammar]

gacchanpaścimamārgeṇa tatratye cakratīrthake |
snātvā darbhaśayaṃ devaṃ prapaśyedbhaktipūrvakam || 51 ||
[Analyze grammar]

kapitīrthaṃ tataḥ prāpya tatrāpi snānamācaret |
sītākuṃḍaṃ tataḥ prāpya tatrāpi snānamācaret || 52 ||
[Analyze grammar]

ṛṇamocanatīrthaṃ tu tataḥ prāpya mahāphalam |
snātvā praṇamya rāmaṃ ca jānakīramaṇaṃ prabhum || 53 ||
[Analyze grammar]

gacchellakṣmaṇatīrthaṃ tu kaṇṭhādupari vāpanam |
kṛtvā snāyācca tatrāpi duṣkṛtānyapi cintayan || 54 ||
[Analyze grammar]

tataḥ snātvā rāmatīrthe tato devālayaṃ vrajet |
snātvā pāpavināśane ca gaṃgāyamunayostathā || 55 ||
[Analyze grammar]

sāvitryāṃ ca sarasvatyāṃ gāyatryāṃ ca dvijottamāḥ |
snātvā ca hanumatkuṇḍe tataḥ snāyānmahāphale |
brahmakuṇḍaṃ tataḥ prāpya snāyādvidhipuraḥsaram || 56 ||
[Analyze grammar]

nāgakuṇḍaṃ tataḥ prāpya sarvapāpavināśanam |
snānaṃ kuryānnaro viprā narakakleśanāśanam |
gaṃgādyāḥ saritaḥ sarvāstīrthāni sakalānyapi || 57 ||
[Analyze grammar]

sarvadā nāgakuṃḍe tu vasaṃti svāghaśāṃtaye |
anaṃtādimahānāgairaṣṭābhiridamuttamam || 58 ||
[Analyze grammar]

kalpitaṃ muktidaṃ tīrthaṃ rāmasetau śivaṃkaram |
agastyakuṇḍaṃ saṃprāpya tataḥ snāyādanuttamam || 59 ||
[Analyze grammar]

athāgnitīrthamāsādya sarvaduṣkarmanāśanam |
snātvā saṃtarpya vidhivacchrāddhaṃ kuryātpitṝnsmaran || 60 ||
[Analyze grammar]

gobhūhiraṇya dhānyādi brāhmaṇebhyaḥ svaśaktitaḥ |
dattvāgnitīrthatīre tu sarvapāpaiḥ pramucyate || 61 ||
[Analyze grammar]

athavā yāni tīrthāni cakratīrthamukhāni vai |
anukrāṃtāni vipreṃdrāḥ sarvapāpaharāṇi tu || 62 ||
[Analyze grammar]

snāyāttadanupūrveṇa snāyādvāpi yathāruci |
snātvaivaṃ sarvatīrtheṣu śrāddhādīni samācaret || 63 ||
[Analyze grammar]

paścādrāmeśvaraṃ prāpya niṣevya parameśvaram |
setumādhavamāgatya tathā rāmaṃ ca lakṣmaṇam || 64 ||
[Analyze grammar]

sītāṃ prabhaṃjanasutaṃ tathānyānkapisattamān |
tatratya sarvatīrtheṣu snātvā niyamapūrvakam || 65 ||
[Analyze grammar]

praṇamya rāmanāthaṃ ca rāmacaṃdraṃ tathāparān |
namaskṛtya dhanuṣkoṭiṃ tataḥ snātuṃ vrajennaraḥ || 66 ||
[Analyze grammar]

tatra pāṣāṇa dānādipūrvoktaniyamaṃ caret |
dhanuṣkoṭau ca dānāni dadyādvittānusārataḥ || 67 ||
[Analyze grammar]

kṣatraṃ gāśca tathānyāni vastrāṇyanyāni cādarāt |
brāhmaṇebhyo vedavidbhyo dadyādvittānusārataḥ || 68 ||
[Analyze grammar]

koṭitīrthaṃ tataḥ prāpya snāyānniyamapūrvakam |
tato rāmeśvaraṃ devaṃ praṇamedvṛṣabhadhvajam || 69 ||
[Analyze grammar]

vibhave sati viprebhyo dadyātsauvarṇadakṣiṇām |
tilāndhānyaṃ ca gāṃ kṣetraṃ vastrāṇyanyāni taṃḍulān || 70 ||
[Analyze grammar]

dadyādvittānusāreṇa vittalobhavivarjitaḥ |
dhūpaṃ dīpaṃ ca naivedyaṃ pūjopakaraṇānica || 71 ||
[Analyze grammar]

rāmeśvarāya devāya dadyādvittānusārataḥ |
stutvā rāmeśvaraṃ devaṃ praṇamya ca sabhaktikam || 72 ||
[Analyze grammar]

anujñāpya tato gacchatsetumādhavasaṃnidhim |
tasmai dattvā ca dhūpādīnanujñāpya ca mādhavam || 73 ||
[Analyze grammar]

pūrvoktaniyamopetaḥ punarāyātsvakaṃ gṛham |
brāhmaṇānbhojayedannaiḥ ṣaḍrasaiḥ paripūritaiḥ || 74 ||
[Analyze grammar]

tenaiva rāmanātho'smai prīto'bhīṣṭaṃ prayacchati |
nārakaṃ cāsya nāstyeva dāridryaṃ ca vinaśyati || 75 ||
[Analyze grammar]

saṃtatirvardhate tasya puruṣasya dvijottamāḥ |
saṃsāramavadhūyāśu sāyujyamapi yāsyati || 76 ||
[Analyze grammar]

atrāgantumaśaktaścecchrutismṛtyāgameṣu yat |
graṃthajātaṃ mahāpuṇyaṃ setumāhātmyasūcakam || 77 ||
[Analyze grammar]

taṃ graṃthaṃ pāṭhayedviprā mahāpātakanāśanam |
idaṃ vā setumāhātmyaṃ paṭhedbhaktipuraḥsaram || 78 ||
[Analyze grammar]

setusnānaphalaṃ puṇyaṃ tenāpnoti na saṃśayaḥ |
aṃdhapaṃgvādiviṣayametatproktaṃ manīṣibhiḥ || 79 ||
[Analyze grammar]

śrīsūta uvāca |
evaṃ vaḥ kathito viprāḥ setuyātrākramo dvijāḥ |
etatpaṭhanvā śṛṇvanvā sarvaduḥkhādvimucyate || 80 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye yātrākramavarṇanaṃnāmaikapaṃcāśattamo'dhyāyaḥ || 51 ||
[Analyze grammar]

Other editions:

Also see the following editions of the Sanskrit text or (alternative) English translations of the Skandapurana Chapter 51

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: