Chapter 41

[English text for this chapter is available]

śrīsūta uvāca |
athātaḥ saṃpravakṣyāmi gāyatrīṃ ca sarasvatīm |
lakṣyīkṛtya kathāmekāṃ pavitrāṃ dvijasattamāḥ || 1 ||
[Analyze grammar]

kaśyapākhyo dvijaḥ pūrvamasmiṃstīrthadvaye śubhe |
snātvātimahataḥ pāpādvimukto narakapradāt || 2 ||
[Analyze grammar]

ṛṣaya ūcuḥ |
mune kaśyapanāmāsāvakarotkiṃ hi pātakam |
snātvā tīrthadvayepyatra yasmānmukto'bhavatkṣaṇāt || 3 ||
[Analyze grammar]

etannaḥ śraddadhānānāṃ brūhi sūta kṛpābalāt |
tvadvaco'mṛtatṛptānāṃ na pipāsāpi vidyate || 4 ||
[Analyze grammar]

śrīsūta uvāca |
gāyatryāśca sarasvatyā māhātmyapratipādakam |
itihāsaṃ pravakṣyāmi śṛṇvatāṃ pāpanāśanam || 5 ||
[Analyze grammar]

abhimanyusuto rājā parīkṣinnāma nāmataḥ |
adhyāste hāstinapuraṃ pālayandharmato mahīm || 6 ||
[Analyze grammar]

sa rājā jātu vipine cacāra mṛgayā rataḥ |
ṣaṣṭivarṣavayā bhūpaḥ kṣuttṛṣṇāparipīḍitaḥ || 7 ||
[Analyze grammar]

naṣṭamekaṃ sa vipine mārgayanmṛgamādarāt |
dhyānārūḍhaṃ muniṃ dṛṣṭvā prāha taṃ cīravāsasam || 8 ||
[Analyze grammar]

mayā bāṇena vipine mṛgo viddho'dhunā mune |
dṛṣṭaḥ sa kiṃ tvayā vidvanvidruto bhayakātaraḥ || 9 ||
[Analyze grammar]

samādhiniṣṭho maunitvānna kiṃ cidapi so'bravīt |
tato dhanuraṭanyā'sau skaṃdhe tasya mahāmuneḥ || 10 ||
[Analyze grammar]

nidhāya mṛtasarpaṃ tu kupitaḥ svapuraṃ yayau |
munestasya sutaḥ kaścicchṛṃgīnāma babhūva vai || 11 ||
[Analyze grammar]

sakhā tasya kṛśākhyo'bhūcchṛṃgiṇo dvijasattamāḥ |
sakhāyaṃ śṛṅgiṇaṃ prāha kṛśākhyaḥ sa sakhā tataḥ || 12 ||
[Analyze grammar]

pitā tava mṛtaṃ sarpaṃ skaṃdhena vahate'dhunā |
mā bhūddarpastava sakhe mā kṛthāstvaṃ madaṃ vṛthā || 13 ||
[Analyze grammar]

so'vadatkupitaḥ śṛṃgī ditsuśśāpaṃ nṛpāya vai |
mattāte śavasarpaṃ yo nyastavānmūḍhacetanaḥ || 14 ||
[Analyze grammar]

sa saptarātrānmriyatāṃ saṃdaṣṭastakṣakāhinā |
śaśāpaivaṃ munisutaḥ saubhadreyaṃ parīkṣitam || 15 ||
[Analyze grammar]

śamīkākhyaḥ pitā tasya śrutvā śaptaṃ sutena tam |
nṛpaṃ provāca tanayaṃ śṛṃgiṇaṃ munipuṃgavaḥ || 16 ||
[Analyze grammar]

rakṣakaṃ sarvalokānāṃ nṛpaṃ kiṃ śaptavānasi |
arājake vayaṃ loke sthāsyāmaḥ kathamaṃjasā || 17 ||
[Analyze grammar]

krodhena pātakamabhūnna tvayā prāpyate sukham |
yaḥ samutpāditaṃ kopaṃ kṣamayaiva nirasyati || 18 ||
[Analyze grammar]

iha loke paratrāsāvatyaṃtaṃ sukhamedhate |
kṣamāyuktā hi puruṣā labhaṃte śreya uttamam || 19 ||
[Analyze grammar]

tataḥ śamīkaḥ svaṃ śiṣyaṃ prāha gauramukhābhidham |
bho gau mukha gatvā tvaṃ vada bhūpaṃ parīkṣitam || 20 ||
[Analyze grammar]

imaṃ śāpaṃ matsutoktaṃ takṣakāhividaṃśanam |
punarāyāhi śīghraṃ tvaṃ matsamīpe mahāmate || 21 ||
[Analyze grammar]

evamuktaḥ śamīkena yayau gauramukho nṛpam |
sametya cābravīdbhūpaṃ saubhadreyaṃ parīkṣitam || 22 ||
[Analyze grammar]

dṛṣṭvā sarpaṃ pituḥ skandhe tvayā vinihitaṃ mṛtam |
śamīkasya sutaḥ śṛṃgī śaśāpa tvāṃ ruṣānvitaḥ || 23 ||
[Analyze grammar]

etaddinātsaptame'hni takṣakeṇa mahāhinā |
daṣṭo viṣāgninā dagdho bhūyādāśvabhimanyujaḥ || 24 ||
[Analyze grammar]

evaṃ śaśāpa tvāṃ rājañchṛṃgī tasya muneḥ sutaḥ |
etadvaktuṃ pitā tasya prāhiṇonmāṃ tvadaṃtikam || 25 ||
[Analyze grammar]

itīrayitvā taṃ bhūpamāśu gauramukho yayau |
gate gauramukhe paścādrājā śokaparāyaṇaḥ || 26 ||
[Analyze grammar]

abhraṃlihamathottuṃgamekastaṃbhaṃ suvistṛtam |
madhyegaṃgaṃ vyatanuta maṃḍapaṃ nṛpapuṃgavaḥ || 27 ||
[Analyze grammar]

mahāgāruḍamaṃtrajñairauṣadhajñaiścikitsakaiḥ |
takṣakasya viṣaṃ haṃtuṃ yatnaṃ kurvansamāhitaḥ || 28 ||
[Analyze grammar]

anekadevabrahmarṣirājarṣipravarānvitaḥ |
āste tasminnṛpastuṃge maṃḍape viṣṇubhaktimān || 29 ||
[Analyze grammar]

tasminnavasare vipraḥ kāśyapo māṃtrikottamaḥ |
rājānaṃ rakṣituṃ prāyāttakṣakasya mahāviṣāt || 30 ||
[Analyze grammar]

saptame'hani vipreṃdro daridro dhanakāmukaḥ |
atrāṃtare takṣako'pi viprarūpī samāyayau || 31 ||
[Analyze grammar]

madhyemārgaṃ vilokyātha kaśyapaṃ pratyabhāṣata |
brāhmaṇa tvaṃ kutra yāsi vada me'dya mahāmune || 32 ||
[Analyze grammar]

iti pṛṣṭastadāvādītkāśyapastakṣakaṃ dvijāḥ |
parīkṣitaṃ mahārājaṃ takṣako'dya viṣāgninā || 33 ||
[Analyze grammar]

dakṣyate taṃ śamayituṃ tatsamīpamupaimyaham |
ityuktavaṃtaṃ taṃ vipraṃ takṣakaḥ punarabravīt || 34 ||
[Analyze grammar]

takṣakohaṃ dvijaśreṣṭha mayā daṣṭaścikitsitum |
na śakyo 'bdaśatenāpi mahāmaṃtrāyutairapi || 35 ||
[Analyze grammar]

cikitsituṃ cenmaddaṣṭaṃ śaktirasti tavādhunā |
anekayojanocchrāyamimaṃ vaṭataruṃ tvaham || 36 ||
[Analyze grammar]

daśāmyujjīvayainaṃ tvaṃ samartho'sti tato bhavān |
itīrayitvā taṃ vṛkṣamadaśattakṣakastadā || 37 ||
[Analyze grammar]

abhavadbhasmasātso'pi vṛkṣo'tyaṃtaṃ samūrcchitaḥ |
pūrvameva naraḥ kaścittaṃ vṛkṣamadhirūḍhavān || 38 ||
[Analyze grammar]

takṣakasya viṣolkābhiḥ so'pi dagdho'bhavattadā |
taṃ naraṃ na vijijñāte tau ca kāśyapatakṣakau || 39 ||
[Analyze grammar]

kāśyapaḥ pratijajñe'tha takṣakasyāpi śṛṇvataḥ |
tanmaṃtraśaktiṃ paśyaṃtu sarve viprā hi no'dhunā || 40 ||
[Analyze grammar]

itīrayitvā taṃ vṛkṣaṃ bhasmībhūtaṃ viṣāgninā |
ajīvayanmantraśaktyā kāśyapo māṃtrikottamaḥ || 41 ||
[Analyze grammar]

naro'pi tena vṛkṣeṇa sākamujjīvito'bhavat |
athābravīttakṣakastaṃ kāśyapaṃ maṃtrakovidam || 42 ||
[Analyze grammar]

yathā na munivāṅmithyā bhavedevaṃ kuru dvija |
yatte rājā dhanaṃ dadyāttatopi dviguṇaṃ dhanam || 43 ||
[Analyze grammar]

dadāmyahaṃ nivartasva śīghrameva dvijottama |
ityuktvānarghyaratnāni tasmai dattvā sa takṣakaḥ || 44 ||
[Analyze grammar]

nyavartayatkāśyapaṃ taṃ brāhmaṇaṃ maṃtrako vidam |
alpāyuṣaṃ nṛpaṃ matvā jñānadṛṣṭyā sa kāśyapaḥ || 45 ||
[Analyze grammar]

svāśramaṃ prayayau tūṣṇīṃ labdharatnaśca takṣakāt |
so'bravīttakṣakaḥ sarvānsarpānāhūya tatkṣaṇe || 46 ||
[Analyze grammar]

yūyaṃ taṃ nṛpatiṃ prāpya munīnāṃ veṣadhāriṇaḥ |
upahāraphalānyāśu prayacchata parīkṣite || 47 ||
[Analyze grammar]

tathetyuktvā sarvasarpā dadū rājñe phalānyamī |
takṣakopi tadā tatra kasmiṃścidbadarīphale || 48 ||
[Analyze grammar]

kṛmiveṣadharo bhūtvā vyatiṣṭhaddaṃśituṃ nṛpam |
atha rājā pradattāni sarpairbrāhmaṇarūpakaiḥ || 49 ||
[Analyze grammar]

parīkṣinmaṃtravṛddhebhyo dattvā sarvaphalānyapi |
kautūhalena jagrāha sthūlamekaṃ phalaṃ kare || 50 ||
[Analyze grammar]

asminnavasare sūryo'pyastācalamagāhata |
mithyā ṛṣivaco mā bhūditi tatratyamānavāḥ || 51 ||
[Analyze grammar]

anyoyamavadantsarve brāhmaṇāśca nṛpāstathā |
evaṃ vadatsu sarveṣu phale tasminnadṛśyata || 52 ||
[Analyze grammar]

phale raktakṛmiḥ sarve rājñā cāpi parīkṣitā |
ayaṃ kiṃ māṃ daśedadya kṛmirityuktavā nnṛpaḥ || 53 ||
[Analyze grammar]

nidadhe tatphalaṃ karṇe sakṛmi dvijasattamāḥ |
takṣako'sminsthitaḥ pūrvaṃ kṛmirūpī phale tadā || 54 ||
[Analyze grammar]

nirgatya tatphalādāśu nṛpade hamaveṣṭayat |
takṣakāveṣṭite bhūpe pārśvasthā dudruvurbhayāt || 55 ||
[Analyze grammar]

anaṃtaraṃ nṛpo viprāstakṣakasya viṣāgninā |
dagdho'bhūdbhasmasādāśu saprāsādo balīyasā || 56 ||
[Analyze grammar]

kṛtvordhvadaihikaṃ tasya nṛpasya sapurohitāḥ |
maṃtriṇastatsutaṃ rājye janamejayanāmakam || 57 ||
[Analyze grammar]

rājānamabhyaṣiṃcanvai gajadrakṣa ṇavāṃchayā |
takṣakādrakṣituṃ bhūpamāyātaḥ kāśyapābhidhaḥ || 58 ||
[Analyze grammar]

yo brāhmaṇo muniśreṣṭhāḥ sa sarvairniṃdito janaiḥ |
babhrāma sakalāndeśāñchiṣṭaiḥ sarvaiśca dūṣitaḥ || 59 ||
[Analyze grammar]

avasthānaṃ na lebhe'sau grāme vāpyāśrame'pi vā |
yānyāndeśānasau yātastatratatramahājanaiḥ || 60 ||
[Analyze grammar]

tattaddeśānnirastaḥ sa śākalyaṃ śaraṇaṃ yayau |
praṇamya śākalyamuniṃ kāśyapo nindito janaiḥ |
idaṃ vijñāpayāmāsa śākalyāya mahātmane || 61 ||
[Analyze grammar]

kāśyapa uvāca |
bhagavansarvadharmajña śākalya harivallabha || 62 ||
[Analyze grammar]

munayo brāhmaṇāścānye māṃ niṃdaṃti suhṛjjanāḥ |
nāsyāhaṃ kāraṇaṃ jāne kiṃ māṃ niṃdaṃti mānavāḥ || 63 ||
[Analyze grammar]

brahmahatyā surāpānaṃ gurustrīgamanaṃ tathā |
steyaṃ saṃsargadoṣo vā mayā nācaritaḥ kvacit || 64 ||
[Analyze grammar]

anyānyapi hi pāpāni na kṛtāni mayā mune |
tathāpi niṃdaṃti janā vṛthā māṃ bāṃdhavādayaḥ || 65 ||
[Analyze grammar]

jānāsi cettvaṃ śākalya mayā doṣaṃ kṛtaṃ vada |
ukto'tha kāśyapenaivaṃ śākalyākhyo mahāmuniḥ |
kṣaṇaṃ dhyātvā babhāṣe taṃ kāśyapaṃ dvijasattamāḥ || 66 ||
[Analyze grammar]

śākalya uvāca |
parīkṣitaṃ mahārājaṃ takṣakādrakṣituṃ bhavān || 67 ||
[Analyze grammar]

ayāsīdardhamārge tu takṣakeṇa nivāritaḥ |
cikitsituṃ samartho'pi viṣarogādipīḍitam || 68 ||
[Analyze grammar]

yo na rakṣati lobhena tamāhurbrahmaghātakam |
krodhātkāmādbhayāllobhānmātsaryānmohato'pi vā || 69 ||
[Analyze grammar]

yo na rakṣati vipreṃdra viṣarogāturaṃ naram |
brahmahā sa surāpī ca steyī ca gurutalpagaḥ || 70 ||
[Analyze grammar]

saṃsargadoṣaduṣṭaśca nāpi tasya hi niṣkṛtiḥ |
kanyāvikrayiṇaścāpi hayavikrayiṇastathā || 71 ||
[Analyze grammar]

kṛtaghna syāpi śāstreṣu prāyaścittaṃ hi vidyate |
viṣarogāturaṃ yastu samarthopi na rakṣati || 72 ||
[Analyze grammar]

na tasya niṣkṛtiḥ proktā prāyaścittāyutairapi |
na tena saha paṃktau ca bhuṃjīta sukṛtī janaḥ || 73 ||
[Analyze grammar]

na tena saha bhāṣeta na paśyettaṃ naraṃ kvacit |
tatsaṃbhāṣaṇamātreṇa mahāpātakabhāgbhavet || 74 ||
[Analyze grammar]

parīkṣitsa mahārājaḥ puṇyaślokaśca dhārmikaḥ |
viṣṇubhakto mahāyogī cāturvarṇyasya rakṣitā || 75 ||
[Analyze grammar]

vyāsaputrāddharikathāṃ śrutavānbhaktipūrvakam |
arakṣitvā nṛpaṃ taṃ tvaṃ vacasā takṣakasya yat || 76 ||
[Analyze grammar]

nivṛttastena vipreṃdrairbāṃdhavairapi dūṣyase |
sa parīkṣinmahārājo yadyapi kṣa ṇajīvitaḥ || 77 ||
[Analyze grammar]

tathāpi yāvanmaraṇaṃ budhaiḥ kāryaṃ cikitsanam |
yāvatkaṇṭhagatāḥ prāṇā mumūrṣormānavasya hi || 78 ||
[Analyze grammar]

tāvaccikitsā kartavyā kālasya kuṭilā gatiḥ |
iti prāhuḥ purā ślokaṃ bhiṣagvaidyābdhipāragāḥ || 79 ||
[Analyze grammar]

ataścikitsāśakto'pi yasmādakṛtabheṣajaḥ |
ardhamārge nivṛttastvaṃ tena taṃ hatavānasi |
śākalyenaivamuditaḥ kāśyapaḥ pratyabhāṣata || 80 ||
[Analyze grammar]

kāśyapa uvāca |
mamaitaddoṣaśāṃtyarthamupāyaṃ vada suvrata || 81 ||
[Analyze grammar]

yena māṃ pratigṛhṇīyurbāṃdhavāḥ sasuhṛjjanāḥ || 82 ||
[Analyze grammar]

kṛpāṃ mayi kuruṣva tvaṃ śākalya harivallabha |
kāśyapenaivamuktastu śākalyopi munīśvaraḥ |
kṣaṇaṃ dhyātvā jagādaivaṃ kāśyapaṃ kṛpayā tadā || 83 ||
[Analyze grammar]

śākalya uvāca |
asya pāpasya śātyarthamupāyaṃ pravadāmi te || 84 ||
[Analyze grammar]

tatkarttavyaṃ tvayā śīghraṃ vilaṃbaṃ mā kṛthā dvija |
dakṣiṇāṃbunidhau setau gaṃdhamādanaparvate || 85 ||
[Analyze grammar]

asti tīrthadvayaṃ viprā gāyatrī ca sarasvatī |
tatra tvaṃ snānamātreṇa śuddho bhūyāśca tatkṣaṇe || 86 ||
[Analyze grammar]

gāyatryā ca sarasvatyā jalavāta spṛśo naraḥ |
vidhūya sarvapāpāni svargaṃ yāsyaṃti nirmalāḥ || 87 ||
[Analyze grammar]

tadyāhi śīghra vipra tvaṃ gāyatrīṃ ca sarasvatīm |
ityuktaḥ kāśyapastena śākalyena dvijottamāḥ || 88 ||
[Analyze grammar]

natvā muniṃ ca śākalyaṃ tamāpṛcchya munīśvaram |
tena caivābhyanujñātaḥ prayayau gandhamādanam || 89 ||
[Analyze grammar]

tatra gatvā ca gāyatrīsarasvatyau ca kāśyapaḥ |
natvā tīrthadvayaṃ bhaktyā daṇḍapāṇiṃ ca bhairavam || 90 ||
[Analyze grammar]

saṃkalpapūrvaṃ tattīrthe sasnau niyamasaṃyutaḥ |
tīrthadvaye snānamātrānmuktapāpo'tha kāśyapaḥ || 91 ||
[Analyze grammar]

tīrthadvayasya tīre'sau kiṃcitkālaṃ tu tasthivān |
tasminkāle ca gāyatrīsarasvatyau munīśvarāḥ || 92 ||
[Analyze grammar]

prādurbabhūvaturmūrte sarvābharaṇabhūṣite |
devyau te sa namaskṛtya kāśyapo bhaktipūrvakam || 93 ||
[Analyze grammar]

ke yuvāṃ rūpasaṃpanne sarvālaṃkārasaṃyute |
iti papraccha dṛṣṭvā te kāśyapo hṛṣṭamānasaḥ |
tena pṛṣṭe ca gāyatrīsarasvatyau tamūcatuḥ || 94 ||
[Analyze grammar]

gāyatrīsarasvatyāvūcatuḥ |
kāśyapāvāṃ hi gāyatrīsarasvatyau vidhipriye || 95 ||
[Analyze grammar]

etattīrthasvarūpeṇa nityaṃ vartāvahe tvataḥ |
atra tīrthadvaye snānādāvāṃ tuṣṭe tavādhunā || 96 ||
[Analyze grammar]

varaṃ matto vṛṇīṣva tvaṃ yadiṣṭaṃ kāśyapa dvija |
snāṃti tīrthadvaye ye'tra dāsyāvastadabhīpsitam || 97 ||
[Analyze grammar]

śrutvā vacastadgāyatrīsarasvatyoḥ sa kāśyapaḥ |
tuṣṭāva vāgbhiragryābhiste devyau vedhasaḥ priye || 98 ||
[Analyze grammar]

kāśyapa uvāca |
caturānanagehinyau jagaddhātryau namāmyaham |
vidyāsvarūpe gāyatrī sarasvatyau śubhe ubhe || 99 ||
[Analyze grammar]

sṛṣṭisthityaṃtakāriṇyau jagato vedamātarau |
havyakavyasvarūpe ca caṃdrādityavilocane || 100 ||
[Analyze grammar]

sarvadevādhipe vāṇī gāyatryau satataṃ bhaje |
girijā kamalā cāpi yuvāmeva jagaddhite || 1 ||
[Analyze grammar]

yuṣmaddarśanamātreṇa jagatsṛṣṭyādikalpanam |
yuṣmannimeṣātsatataṃ jagatāṃ pralayo bhavet || 2 ||
[Analyze grammar]

unmeṣātsṛṣṭirabhavadbhogāyatri sarasvati |
yuvayordarśanādadya kṛtārtho'bhavamāśu vai || 3 ||
[Analyze grammar]

māmadya pātakānmuktaṃ snānāttīrtha dvaye'tra tu |
svīkurvaṃtu muniśreṣṭhā brāhmaṇā bāṃdhavāstathā || 4 ||
[Analyze grammar]

itaḥ paraṃ pāpakṛtye mā me buddhiḥ pravartatām |
dharme pravartatāṃ nityamayameva varo mama || 5 ||
[Analyze grammar]

dīyatāṃ bho mahādevyau nānyamicchāmyahaṃ varam |
iti te prārthite tena kāśyapena dvijottamāḥ || 6 ||
[Analyze grammar]

sarasvatī ca gāyatrī dve devyau brahmaṇaḥ priye |
kāśyapaṃ procatuḥ prīte jananyau jagatāṃ sadā || 7 ||
[Analyze grammar]

kāśyapaitadvaraṃ sarvaṃ prārthitaṃ yattvayā'dhunā |
anugrahādāvayostadacireṇa tavāstu hi || 8 ||
[Analyze grammar]

ityuktvā taṃ tu gāyatrīsarasvatyau kṣaṇena vai |
tirodhānaṃ gate viprāstasmiṃstīrthadvaye tadā || 9 ||
[Analyze grammar]

kāśyapo'pi kṛtārthaḥ sansva deśaṃ prati niryayau |
bāṃdhavā brāhmaṇāḥ sarve kāśyapaṃ gatakilbiṣam || 110 ||
[Analyze grammar]

pratyagṛhṇaṃśca gāyatrīsarasvatyornimajjanāt |
evaṃ vaḥ kathitaṃ viprā kāśyapasya vimokṣaṇam || 11 ||
[Analyze grammar]

pātakebhyo hi gāyatrīsarastyornimajanāt |
paṭhate tvimamadhyāyaṃ śṛṇute vā samāhitaḥ || 12 ||
[Analyze grammar]

yo gāyatryāṃ sarasvatyāṃ sa snātaphalamaśnute || 113 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye gāyatrīsarasvatītīrthapraśaṃsāyāṃ kāśyapapāpaśāṃtivarṇanaṃnāmaikacatvāriṃśo'dhyāyaḥ || 41 ||
[Analyze grammar]