Chapter 40

[English text for this chapter is available]

|śrīsūta uvāca |
athātaḥ saṃpravakṣyāmi munayo lokapāvanam |
gāyatryā ca sarasvatyā māhātmyaṃ muktidaṃ nṛṇām || 1 ||
[Analyze grammar]

śṛṇvatāṃ paṭhatāṃ caiva mahāpātakanāśanam |
mahāpuṇyapradaṃ puṃsā narakakleśanāśanam || 2 ||
[Analyze grammar]

gāyatryāṃ ca sarasvatyāṃ ye snāṃti manujā mudā |
na teṣāṃ garbhavāsaḥ syātkiṃ tu muktirbhaveddhruvam || 3 ||
[Analyze grammar]

sarasvatyāśca gāyatryā gandhamādanaparvate |
brahmapatnyoḥ sannidhānāttannāmnā kathite ime || 4 ||
[Analyze grammar]

ṛṣaya ūcuḥ |
gāyatryāśca sarasvatyā gandhamādanaparvate |
kimarthaṃ saṃnidhānaṃ vai sūtābhūttadvadasva naḥ || 5 ||
[Analyze grammar]

sūta uvāca |
prajāpatiḥ purā viprāḥ svāṃ vai duhitaraṃ mudā |
vāṅnāmnīṃ kāmuko bhūtvā spṛhayāmāsa mohanaḥ || 6 ||
[Analyze grammar]

atha prajāpateḥ putrī svasminvai tasya kāmitām |
vilokya lajjitā bhūtvā rohidrūpa dadhāra sā || 7 ||
[Analyze grammar]

brahmāpi hariṇo bhūtvā tayā rantumanāstadā |
gacchatīmanuyātisma hariṇīrūpadhāriṇīm || 8 ||
[Analyze grammar]

taṃ dṛṣṭvā devatāḥ sarvāḥ putrīgamanasādaram |
karotyakāryaṃ brahmāyaṃ putrīgamanalakṣaṇam || 9 ||
[Analyze grammar]

iti nindaṃti taṃ viprāḥ sraṣṭāraṃ jagatāṃ patim |
niṣiddhakṛtyanirataṃ taṃ dṛṣṭvā parameṣṭhinam || 10 ||
[Analyze grammar]

haraḥ pinākamādāya vyādharūpadharaḥ prabhuḥ |
ākarṇapūrṇa kṛṣṭena pinākadhanuṣā śaram || 11 ||
[Analyze grammar]

saṃyojya vedhasaṃ tena vivyādha niśitena saḥ |
tripurāṃtaka bāṇena viddho'sau nyapatadbhuvi || 12 ||
[Analyze grammar]

tasya dehādathotthāya mahajjyotirmahāprabham |
ākāśe mṛgaśīrṣākhyaṃ nakṣatramabhavattadā || 13 ||
[Analyze grammar]

ārdrānakṣatrarūpī sanharo'pyanujagāma tam |
pīḍayanmṛgaśīrṣākhyaṃ nakṣatraṃ brahmarūpiṇam || 14 ||
[Analyze grammar]

adhunāpi mṛgavyādharūpeṇa tripurāṃtakaḥ |
aṃbare dṛśyate spaṣṭaṃ mṛgaśīrṣāṃtike dvijāḥ || 15 ||
[Analyze grammar]

evaṃ vinihate tasmiñcchaṃbhunā parameṣṭhini |
anaṃtaraṃ tu gāyatrīsarasvatyau śucārpite || 16 ||
[Analyze grammar]

bhartṛhīne muniśreṣṭhā bhartṛjīvanakāṃkṣayā |
kiṃ kariṣyāvahe hyāvāmityanyoyaṃ vicārya tu || 17 ||
[Analyze grammar]

svapatiprāṇasiddhyarthaṃ gāyatrī ca sarasvatī |
sarvotkṛṣṭaṃ śivasthānaṃ gandhamādanaparvatam || 18 ||
[Analyze grammar]

sarvābhīṣṭapradaṃ puṃsāṃ tapaḥ kartuṃ samudyate |
jagmaturniyamopetaṃ tapaḥ kartuṃ śivaṃ prati || 19 ||
[Analyze grammar]

snānārthamātmano viprā gāyatrī ca sarasvatī |
tīrthadvayaṃ svanāmnā vai cakratuḥ pāpanāśanam || 20 ||
[Analyze grammar]

tatra triṣavaṇasnānaṃ pratyahaṃ cakraturmudā |
bahukālamanāhāre kāmakrodhādivarjite || 21 ||
[Analyze grammar]

atyugraniyamo pete śivadhyānaparāyaṇe |
paṃcākṣaramahāmantrajapaikaniyate śubhe || 22 ||
[Analyze grammar]

svapaterjīvanārthaṃ vai gāyatrī ca sarasvatī |
mahādevaṃ samuddiśya tapa evaṃ pracakratuḥ || 23 ||
[Analyze grammar]

tayoratha tapastuṣṭo mahādevo maheśvaraḥ |
sannidhatte mahāmūrtistapasāṃ phaladitsayā || 24 ||
[Analyze grammar]

tataḥ sannihitaṃ śaṃbhuṃ pārvatīramaṇaṃ śivam |
gaṇeśakārttikeyābhyāṃ pārśvayoḥ parisevitama || 25 ||
[Analyze grammar]

dṛṣṭvā saṃtuṣṭacitte te gāyatrī ca sarasvatī |
stotraistuṣṭuvatuḥ stutyaṃ mahādevaṃ ghṛṇā nidhim || 26 ||
[Analyze grammar]

gāyatrīsarasvatyāvūcatuḥ |
namo durvārasaṃsāradhvāṃtadhvaṃsaikahetave |
jvalajjvālāvalībhīmakālakūṭaviṣādine || 27 ||
[Analyze grammar]

jaganmohana paṃcāstradehanāthaikahetave |
jagadaṃtakarakrūra yamāṃtaka namo'stu te || 28 ||
[Analyze grammar]

gaṃgātaraṃgasaṃpṛktajaṭāmaṇḍaladhāriṇe |
namastestu virūpākṣa bāla śītāṃśudhāriṇe || 29 ||
[Analyze grammar]

pinākabhīmaṭaṃkāratrāsitatripuraukase |
namaste vividhākārajagatsraṣṭṛśiraśchide || 30 ||
[Analyze grammar]

śāṃtāmalakṛpādṛṣṭisaṃrakṣitamṛ kaṇḍuja |
namaste girijānātha rakṣāvāṃ śaraṇāgate || 31 ||
[Analyze grammar]

mahādeva jagannātha tripurāṃtaka śaṃkara |
vāmadeva mahādeva rakṣāvāṃ śaraṇāgate || 32 ||
[Analyze grammar]

iti tābhyāṃ stutaḥ śambhurdevadevo maheśvaraḥ |
abravītprītisaṃyukto gāyatrīṃ ca sarasvatīm || 33 ||
[Analyze grammar]

mahādeva uvāca |
bhoḥ sarasvati gāyatri prīto'smi yuvayoraham |
varaṃ varayataṃ matto yadvā manasi vartate || 34 ||
[Analyze grammar]

ityukte te tu gāyatrīsarasvatyau hareṇa vai |
abrūtāṃ pārvatīkāṃtaṃ mahādevaṃ ghṛṇānidhim || 35 ||
[Analyze grammar]

gāyatrīsarasvatyāvūcatuḥ |
bhagannāvayordeva bharttāraṃ caturānanam |
saprāṇaṃ kuru sarveśa kṛpayā karuṇākara || 36 ||
[Analyze grammar]

tvamāvayoḥ pitā deva tavāpyāvāṃ sute ubhe |
rakṣāvāṃ patidānena tasmāttvaṃ tripurāṃtaka || 37 ||
[Analyze grammar]

sa evaṃ prārthitaḥ śambhustābhyāṃ brāhmaṇapuṃgavāḥ |
evamastviti saṃprocya gāyatrīṃ ca sarasvatīm || 38 ||
[Analyze grammar]

tadeva vedhasaḥ kāyaṃ śirasā yoktumutsukaḥ |
tatraiva vedhasaḥ kāyaṃ śirobhiḥ sahasuvratāḥ || 39 ||
[Analyze grammar]

bhūtairānāyayāmāsa naṃdibhṛṃgimukhaistadā |
śirāṃsi tānyanekāni kāyena saha śaṃkaraḥ || 40 ||
[Analyze grammar]

kṣaṇātsaṃdhārayāmāsa vāṇīgāyatrisaṃnidhau |
saṃdhito'tha hareṇāsau caturvaktro jagatpatiḥ || 41 ||
[Analyze grammar]

uttasthau tatkṣaṇādeva suptotthita iva dvijāḥ |
tataḥ prajāpatirdṛṣṭvā śaṃkaraṃ śaśibhūṣaṇam |
tuṣṭāva vāgbhiragryābhirbhāryābhyāṃ ca samanvitaḥ || 42 ||
[Analyze grammar]

brahmovāca |
namaste devadeveśa karuṇākara śaṃkara || 43 ||
[Analyze grammar]

pāhi māṃ karuṇāsiṃdho niṣiddhācaraṇātprabho |
mama tvatkṛpayā śaṃbho niṣiddhācaraṇe kvacit || 44 ||
[Analyze grammar]

mā pravṛttirbhavedbhūyo rakṣa māṃ tvaṃ tathā sadā |
tathaivāstviti saṃprāha brahmāṇaṃ girijāpatiḥ || 45 ||
[Analyze grammar]

itaḥ paraṃ pramādaṃ tvaṃ mā kuruṣva vidhe punaḥ |
utpathaṃ pratipannānāṃ puṃsāṃ śāstāsmi sarvadā || 46 ||
[Analyze grammar]

evamuktvā caturvaktraṃ mahādevo dvijottamāḥ |
sarasvatīṃ ca gāyatrīṃ provāca prīṇayangirā || 47 ||
[Analyze grammar]

mahādeva uvāca |
yuvayormatprasādena he gāyatri sarasvati |
ayaṃ bhartā samāyātaḥ saprāṇaścaturānanaḥ || 48 ||
[Analyze grammar]

sahānena brahmalokaṃ yātaṃ mā bhūdvilaṃbatā |
yuvayoḥ saṃnidhānena sadā kuṃḍadvaye'tra vai || 49 ||
[Analyze grammar]

bhaviṣyati nṛṇāṃ muktiḥ snānātsāyujyarūpiṇī |
yuṣmannāmnā ca gāyatrīsara svatyāviti dvayam || 50 ||
[Analyze grammar]

idaṃ tīrthaṃ sarvaloke khyātiṃ yāsyati śāśvatīm |
sarveṣāmapi tīrthānāmidaṃ tīrthadvayaṃ sadā || 51 ||
[Analyze grammar]

śuddhipradaṃ tathā bhūyānmahāpātakanāśanam |
mahāśāṃtikaraṃ puṃsāṃ sarvābhīṣṭapradāyakam || 52 ||
[Analyze grammar]

mama prasādajananaṃ viṣṇuprītikaraṃ tathā |
etattīrthadvayasamaṃ na bhūtaṃ na bhaviṣyati || 53 ||
[Analyze grammar]

atra snānāddhi sarveṣāṃ sarvābhīṣṭaṃ bhaviṣyati |
idaṃ kuṃḍadvayaṃ loke bhavatībhyāṃ kṛtaṃ mahat || 54 ||
[Analyze grammar]

yuṣmannāmnā prasiddhaṃ ca bhaviṣyati vimuktidam |
gāyatryupāstirahitā vedābhyāsavivarjitāḥ || 55 ||
[Analyze grammar]

aupāsanavihīnāśca paṃcayajñavivarjitāḥ |
yuṣmatkuṃḍadvaye snānāttatta tphalamavāpnuyuḥ || 56 ||
[Analyze grammar]

anye ca ye pātakino nityānuṣṭhānavarjitāḥ |
snātvā kuṃḍadvaye tatra śuddhāḥ syurdvijasattamāḥ || 57 ||
[Analyze grammar]

sarasvatīṃ ca gāya trīmevamuktvā maheśvaraḥ |
kṣaṇādaṃtaradhāttatra sarveṣāmeva paśyatām || 58 ||
[Analyze grammar]

patiṃ labdhvā'tha gāyatrīsarasvatyau mudānvite |
tena sākaṃ brahmalokaṃ jagma turdvijasattamāḥ || 59 ||
[Analyze grammar]

śrīsūta uvāca |
evaṃ vaḥ kathitaṃ viprā gaṃdhamādanaparvate |
saṃnidhānaṃ sarasvatyā gāyatryāśca sahetukam || 60 ||
[Analyze grammar]

yaḥ śṛṇotīmamadhyāyaṃ paṭhate vā sabhaktikam |
etattīrthadvayasnānaphalamāpnotyasaṃśayaḥ || 61 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhi tāyāṃ tṛtīye brahmakhaṇḍe setumāhātmye gāyatrīsarasvatītīrthapraśaṃsāyāṃ gaṃdhamādane gāyatrīsarasvatīsannidhānakathanaṃ nāma catvāriṃśo'dhyāyaḥ || 40 ||
[Analyze grammar]