Chapter 42

[English text for this chapter is available]

śrīsūta uvāca |
athātaḥ sarvatīrthānāṃ vaibhavaṃ pravadāmyaham |
setumadhyaniviṣṭānāmanuktānāṃ munīśvarāḥ || 1 ||
[Analyze grammar]

asti tīrthaṃ mahāpuṇyaṃ nāmnā tu ṛṇamocanam |
ṛṇāni trīṇi naśyaṃti narāṇāmatra majjanāt || 2 ||
[Analyze grammar]

dvijasya jāyamānasya ṛṇāni trīṇi saṃti hi |
ṛṣīṇāṃ devatānāṃ ca pitṝṇāṃ ca dvijottamāḥ || 3 ||
[Analyze grammar]

brahmacaryānanuṣṭhānādṛṣīṇāmṛṇavānbhavet |
yajñādīnāmakaraṇāddevānāṃ ca ṛṇī bhavet || 4 ||
[Analyze grammar]

putrānutpādanāccaiva pitṛṇāmṛṇavānbhavet |
vināpi brahmacaryeṇa vinā yāgaṃ vinā sutam || 5 ||
[Analyze grammar]

ṛṇamokṣābhidhe tīrthe snānamātreṇa mānavāḥ |
ṛṣidevapitṝṇāṃ tu ṛṇebhyo muktimāpnuyuḥ || 6 ||
[Analyze grammar]

brahmacaryeṇa yajñena tathā putrodbhavena ca |
naiva tuṣyanti ṛṣayo devāḥ pitṛgaṇāstathā || 7 ||
[Analyze grammar]

ṛṇamokṣe yathā snānādatulāṃ tuṣṭimāpnuyuḥ |
kiṃ cātra majjanāttīrthe daridrā adhamarṇinaḥ || 8 ||
[Analyze grammar]

muktā ṛṇebhyaḥ sarvebhyo dhaninaḥ syurna saṃśayaḥ |
yadatra majjanātpuṃsāmṛṇamuktiḥ prajāyate || 9 ||
[Analyze grammar]

tasmāduktamidaṃ tīrthamṛṇamocanasaṃjñayā |
ato'tra ṛṇibhiḥ sarvaiḥ snātavyaṃ tadvimuktaye || 10 ||
[Analyze grammar]

etattīrthasamaṃ tīrthaṃ na bhūtaṃ na bhaviṣyati |
pāṃḍavaiḥ kṛtamapyatra tīrthamastyaparaṃ mahat || 11 ||
[Analyze grammar]

yatreṣṭaṃ dharmaputrādyaiḥ pāṃḍavaiḥ paṃcabhiḥ purā |
tadetattīrthamuddiśya bhuktimukti phalapradam || 12 ||
[Analyze grammar]

daśakoṭisahasrāṇi tīrthānyanuttamāni hi |
paṃcapāṃḍavatīrthesminsānnidhyaṃ kurvate sadā || 13 ||
[Analyze grammar]

āditpā vasavo rudrāḥ sādhyāśca samarudgaṇāḥ |
pāṃḍavānāṃ mahātīrthe nityaṃ sannihitāstathā || 14 ||
[Analyze grammar]

atrābhiṣekaṃ yaḥ kuryātpitṛdevāṃśca tarpayet |
sarvapāpavinirmukto brahma loke sa pūjyate || 15 ||
[Analyze grammar]

apyekaṃ bhojayedviprametattīrthataṭe'male |
tenāsau karmaṇā tvatra paratrāpi ca modate || 16 ||
[Analyze grammar]

brāhmaṇaḥ kṣatriyo vaiśyaḥ śūdro vāpyanya eva vā |
asmiṃstīrthavare snātvā viyoniṃ na prayāti vai || 17 ||
[Analyze grammar]

pāṃḍavānāṃ mahātīrthe puṇyayogeṣu yo naraḥ |
snāyātsa manuja śreṣṭho narakaṃ naiva paśyati || 18 ||
[Analyze grammar]

pāṃḍavānāṃ mahātīrthaṃ sāyaṃ prātaśca yaḥ smaret |
sa snātaḥ sarvatīrtheṣu gaṃgādiṣu na saṃśayaḥ || 19 ||
[Analyze grammar]

iṃdrādidevatā bhiśca yatreṣṭaṃ daityaśāṃtaye |
tadanyaddevatīrthākhyaṃ vidyate gaṃdhamādane || 20 ||
[Analyze grammar]

devatīrthe naraḥ snātvā sarvapāpavimocitaḥ |
prāpnuyādakṣayāṃllokānsarva kāmasamanvitān || 21 ||
[Analyze grammar]

janmaprabhṛti yatpāpaṃ striyā vā puruṣeṇa vā |
kṛtaṃ taddevakuṃḍesminsnānātsadyo vinaśyati || 22 ||
[Analyze grammar]

yathā surāṇāṃ sarveṣā mādirvai madhusūdanaḥ |
tathādiḥ sarvatīrthānāṃ devakuṃḍamanuttamam || 23 ||
[Analyze grammar]

yastu varṣaśataṃ pūrṇamagnihotramupāsate |
yastveko devakuṃḍesminkadācitsnāna mācaret || 24 ||
[Analyze grammar]

samameva tayoḥ puṇyaṃ nātra saṃdehakāraṇam |
durlabhaṃ devatīrthesmindānaṃ vāsaśca durlabhaḥ || 25 ||
[Analyze grammar]

devatīrthābhigamanaṃ snānaṃ cāpya tidurlabham |
devatīrthaṃ samāsādya devarṣipitṛsevitam || 26 ||
[Analyze grammar]

aśvamedhamavāpnoti viṣṇulokaṃ ca gacchati |
dvidinaṃ tridinaṃ cāpi paṃca vātha ṣaḍeva vā || 27 ||
[Analyze grammar]

uṣitvā devakuṃḍasthatīre narakanāśane |
na mātṛyonimāpnoti siddhiṃ cāpnotyanuttamām || 28 ||
[Analyze grammar]

trirātrasnānato hyatra vājapeyaphalaṃ bhavet |
devatīrthasmṛteḥ sadyaḥ pāpebhyo mucyate naraḥ || 29 ||
[Analyze grammar]

arcayitvā pitṝndevānetattīrthataṭe naraḥ |
sarvakāmasamṛddhiḥ syātsarvayajñaphalaṃ labhet || 30 ||
[Analyze grammar]

etattīrthasamaṃ puṇyaṃ na bhūtaṃ na bhaviṣyati |
tasmādavaśyaṃ snātavyaṃ devatīrthe mumukṣubhiḥ || 31 ||
[Analyze grammar]

aihikāmuṣmikaphalaprāptikāmaiśca mānavaiḥ |
devatīrthasya māhātmyaṃ saṃkṣipya kathitaṃ dvijāḥ || 32 ||
[Analyze grammar]

vistareṇāsya māhātmyaṃ mayā vaktuṃ na pāryyate |
sugrīvatīrthaṃ vakṣyāmi rāmasetau vimuktide || 33 ||
[Analyze grammar]

atra snātvā naro bhaktyā sūryalokaṃ samaśnute |
sugrīvatīrthe snānena hayamedhaphalaṃ bhavet || 34 ||
[Analyze grammar]

brahmahatyādi pāpānāṃ niṣkṛtiścāpi jāyate |
sugrīvatīrthagamanādgosahasraphalaṃ labhet || 35 ||
[Analyze grammar]

smaraṇāttasya vedānāṃ pārāyaṇaphalaṃ labhet |
dinopavāsamātreṇa tasya tīrthasya tīrataḥ || 36 ||
[Analyze grammar]

mahāpāta kanāśaḥ syātprāyaścittaṃ vinā dvijāḥ |
tatrābhiṣekaṃ kurvāṇaḥ pitṛdevāṃśca tarpayet || 37 ||
[Analyze grammar]

āptoryāmasya yajñasya phalamaṣṭaguṇaṃ bhavet |
sugrīvatīrthasnānena naramedhaphalaṃ labheta || 39 ||
[Analyze grammar]

sugrīvatīrthasnānena naro jātismaro bhavet |
sugrīvatīrthaṃ bho viprāḥ prayātābhīṣṭasiddhaye || 39 ||
[Analyze grammar]

sugrīvatīrthamā hātmyamevaṃ vaḥ kathitaṃ dvijāḥ || |
vaibhavaṃ nalatīrthasya tvidānīṃ prabravīmi vaḥ || 40 ||
[Analyze grammar]

nalatīrthe naraḥ snānātsvargalokaṃ samaśnute |
nalatīrthe sakṛtsanānātsarvapāpāvimocitaḥ || 41 ||
[Analyze grammar]

agniṣṭomātirātrādiphalamāpnotyanuttamam |
trirātramuṣitastasmiṃstarpayanpitṛdevatāḥ || 42 ||
[Analyze grammar]

sūryavadbhāsate viprā vājimedhaphalaṃ labhet |
nīlatīrthaṃ pravakṣyāmi mahāpātakanāśanam || 43 ||
[Analyze grammar]

agniputreṇa nīlena kṛtaṃ setau vimuktidam |
nīlatīrthe naraḥ snānātsarvapāpavimocitaḥ || 44 ||
[Analyze grammar]

bahuvarṇyasya yāgasya phalaṃ śataguṇaṃ labhet |
nīlatīrthe naraḥ snātvā sarvā bhīṣṭapradāyini || 45 ||
[Analyze grammar]

agnilokamavāpnoti sarvakāmasamṛddhimān |
gavākṣeṇa kṛtaṃ tīrthaṃ gaṃdhamādanaparvate || 46 ||
[Analyze grammar]

vidyate snānamātreṇa narakaṃ naiva yāti saḥ |
agadena kṛtaṃ tīrthamasti setau vimuktide || 47 ||
[Analyze grammar]

atra snānena manujo deveṃdratvaṃ samaśnute || |
gajena gavayenātra śarabheṇa mahaujasā || 48 ||
[Analyze grammar]

kumudena hareṇāpi panasena balīyasā |
kṛtāni yāni tīrthāni tathā'nyaiḥ sarvavānaraiḥ || 49 ||
[Analyze grammar]

rāmasetau mahāpuṇye gandhamādanaparvate |
teṣu tīrtheṣu yaḥ snāti so'mṛtatvaṃ samaśnute || 50 ||
[Analyze grammar]

vibhīṣaṇakṛtaṃ tīrthamasti pāpavimocanam |
mahāduḥkhapraśamanaṃ mahāroganibarhaṇam || 51 ||
[Analyze grammar]

mahāpātakasaṃghānāmanalopamamuttamam |
kuṃbhīpākādinarakakleśanāśanakāraṇam || 52 ||
[Analyze grammar]

duḥsvapra nāśanaṃ dhanyaṃ mahādāridryabādhanam |
tatra yo manujaḥ snāyāttasya nāstīha pātakam || 53 ||
[Analyze grammar]

sa vaikuṃṭhamavāpnoti punarāvṛttivarjitam |
vibhīṣaṇasya sacivaiḥ kṛtaṃ tīrthacatuṣṭayam || 54 ||
[Analyze grammar]

tatra snānena manujaḥ sarvapāpaiḥ pramucyate |
sarayūśca nadī viprā gaṃdhamādanaparvate || 55 ||
[Analyze grammar]

rāmanāthaṃ mahādevaṃ sevituṃ vartate sadā |
tatra snātvā narāḥ sarve sarvapātakavarjitāḥ || 56 ||
[Analyze grammar]

sarvayajñatapastīrthasevāphalamavāpnuyuḥ |
daśakoṭisahasrāṇi tīrthāni dvijasattamāḥ || 57 ||
[Analyze grammar]

vasaṃtyasminmahāpuṇye gandhamādanaparvate |
gaṃgādyāḥ saritaḥ sarvāstathā vai saptasāgarāḥ || 58 ||
[Analyze grammar]

ṛṣyāśramāṇi puṇyāni tathā puṇyavanāni ca |
anuttamāni kṣetrāṇi hīraśaṃkarayostathā || 59 ||
[Analyze grammar]

sānnidhyaṃ kurvate nityaṃ gandhamādanaparvate |
upavītāṃtaraṃ tīrthaṃ proktavāṃścaturānanaḥ || 60 ||
[Analyze grammar]

trayastriṃśatkoṭyo'tra devāḥ pitṛgaṇaiḥ saha |
sarvaiśca munibhiḥ sārddhaṃ yakṣaiḥ siddhaiśca kinnaraiḥ |
vasaṃti setau devasya rāmaca ndrasya cājñayā || 61 ||
[Analyze grammar]

śrīsūta uvāca |
evamuktaṃ dvijaśreṣṭhā tīrthānāṃ vaibhavaṃ mayā || 62 ||
[Analyze grammar]

idaṃ paṭhanvā śṛṇvanvā duḥkhasaṃghādvimucyate |
kaivalyaṃ ca samāpnoti punarāvṛttivarjitam || 63 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye sakalatīrthapraśaṃsāyāmṛṇamocanāditīrthamāhātmyavarṇanaṃ nāma dvicatvāriṃśo'dhyāyaḥ || 42 ||
[Analyze grammar]