Chapter 10

[English text for this chapter is available]

agastya uvāca |
nirāhāro naro bhūtvā kṣīrāhāro'pi vā punaḥ |
ajitaṃ pūjayedvipra tasya siddhiḥ kare sthitā || 1 ||
[Analyze grammar]

mahotsavastu kartavyo gītavāditrasaṃyutaḥ |
evaṃ yaḥ kurute dhīmānsarvānkāmānavāpnuyāt || 2 ||
[Analyze grammar]

etasmāduttare vidvanvīrasya śubhasūcakam |
sthānaṃ mattagajendrasya vartate niyatavrata || 3 ||
[Analyze grammar]

tadagre sarasi snātvā vasettatra suniścitam |
pūrṇā siddhimavāpnoti yāmavāpya na śocati || 4 ||
[Analyze grammar]

ayodhyārakṣako vīraḥ sarvakāmārthasiddhidaḥ |
navarātriṣu paṃcamyāṃ yātrā sāṃvatsarī bhavet || 5 ||
[Analyze grammar]

gaṃdhapuṣpādidhūpādi naivedyādividhānataḥ |
pūjanīyaḥ prayatnena sarvakāmārthasiddhidaḥ |
yaṃyaṃ kāmamiheccheta taṃtaṃ kāmamavāpnuyāt || 6 ||
[Analyze grammar]

etasmāddkṣiṇebhāge surasānāma rākṣasī |
viṣṇubhaktā sadā vipra vartate siddhidāyikā || 7 ||
[Analyze grammar]

tāṃ saṃpūjya naro bhaktyā sarvānkāmānavāpnuyāt || 8 ||
[Analyze grammar]

laṃkāsthānādihānītā rāmeṇotkṛṣṭakarmaṇā |
ayodhyāyāṃ sthāpitā sā rakṣārthaṃ niyatavrataiḥ || 9 ||
[Analyze grammar]

saṃpūjya vidhivattasyā darśanaṃ kāryamādarāt |
sarvakāmārthasiddhyarthamutsavo'pi śubhapradaḥ |
karttavyaḥ suprayatnena gītavāditrasaṃyutaiḥ || 10 ||
[Analyze grammar]

navarātre tṛtīyāyāṃ yātrā sāṃvatsarī bhavet |
sarvadā sukhasaṃtānasiddhaye paramārthadā |
nānāsaṃgītavāditranṛtyotsavamanoharā || 11 ||
[Analyze grammar]

evaṃ kṛte na saṃdehaḥ sarvadā rakṣito bhavet || 12 ||
[Analyze grammar]

etatpaścimadigbhāge vartate paramo mune |
piṃḍāraka iti khyāto vīraḥ paramapauruṣaḥ |
pūjanīyaḥ prayatnena gaṃdhapuṣpākṣatādibhiḥ || 13 ||
[Analyze grammar]

yasya pūjāvaśānnṝṇāṃ siddhayaḥ karasaṃśritāḥ |
tasya pūjāvidhānena kartavyaṃ pūjanaṃ naraiḥ || 14 ||
[Analyze grammar]

sarayūsalile snātvā piṃḍārakaṃ ca pūjayet |
pāpināṃ mohakarttāraṃ matidaṃ kṛtināṃ sadā || 15 ||
[Analyze grammar]

tasya yātrā vidhātavyā sapuṣyā navarātriṣu |
tatpaścimadiśābhāge vighneśaṃ kila pūjayet || 16 ||
[Analyze grammar]

yasya darśanato nṝṇāṃ vighnaleśo na vidyate |
tasmādvighneśvaraḥ pūjyaḥ sarvakāmaphalapradaḥ || 17 ||
[Analyze grammar]

tasmātsthānata aiśāne rāmajanma pravarttate |
janmasthānamidaṃ proktaṃ mokṣādiphalasādhanam || 18 ||
[Analyze grammar]

vighneśvarātpūrvabhāge vāsiṣṭhāduttare tathā |
laumaśātpaścime bhāge janmasthānaṃ tataḥ smṛtam || 19 ||
[Analyze grammar]

yaddṛṣṭvā ca manuṣyasya garbhavāsajayo bhavet |
vinā dānena tapasā vinā tīrthairvinā makhaiḥ || 20 ||
[Analyze grammar]

navamīdivase prāpte vratadhārī hi mānavaḥ |
snānadānaprabhāveṇa mucyate janmabandhanāt || 21 ||
[Analyze grammar]

kapilāgosahasrāṇi yo dadāti dinedine |
tatphalaṃ samavāpnoti janmabhūmeḥ pradarśanāt || 22 ||
[Analyze grammar]

āśrame vasatāṃ puṃsāṃ tāpasānāṃ ca yatphalam |
rājasūyasahasrāṇi prativarṣāgnihotrataḥ || 23 ||
[Analyze grammar]

niyamasthaṃ naraṃ dṛṣṭvā janmasthāne viśeṣataḥ |
mātāpitrorgurūṇāṃ ca bhaktimudvahatāṃ satām || 24 ||
[Analyze grammar]

tatphalaṃ samavāpnoti janmabhūmeḥ pradarśanāt || 25 ||
[Analyze grammar]

atha sarayūvarṇanam |
pitṝṇāmakṣayā tṛptirgayāśrāddhādhikaṃ phalam || 26 ||
[Analyze grammar]

manvaṃtarasahasraistu kāśīvāseṣu yatphalam |
tatphalaṃ samavāpnoti sarayūdarśane kṛte || 27 ||
[Analyze grammar]

gayāśrāddhaṃ ca ye kṛtvā puruṣottama darśanam |
kurvaṃti tatphalaṃ proktaṃ kalau dāśarathīṃ purīm || 28 ||
[Analyze grammar]

mathurāyāṃ kalpamekaṃ vasate mānavo yadi |
tatphalaṃ samavāpnoti sarayūdarśane kṛte || 29 ||
[Analyze grammar]

puṣkareṣu prayāgeṣu māghe vā kārttike tathā |
tatphalaṃ samavāpnoti sarayūdarśane kṛte || 30 ||
[Analyze grammar]

kalpakoṭisahasrāṇi hyavantīvāsato hi yat |
tatphalaṃ samavāpnoti sarayūdarśane kṛte || 31 ||
[Analyze grammar]

ṣaṣṭivarṣasahasrāṇi bhāgīrathyavagāhajam |
tatphalaṃ nimiṣārddhena kalau dāśarathīṃ purīm || 32 ||
[Analyze grammar]

nimiṣaṃ nimiṣārddhaṃ vā prāṇināṃ rāmacintanam |
saṃsārakāraṇājñānanāśakaṃ jāyate dhuvam || 33 ||
[Analyze grammar]

yatra kutra sthito yastu hyayodhyāṃ manasā smaret |
na tasya punarāvṛttiḥ kalpāṃtaraśatairapi || 34 ||
[Analyze grammar]

jalarūpeṇa brahmaiva sarayūrmokṣadā sadā |
naivātra karmaṇo bhogo rāmarūpo bhavennaraḥ || 35 ||
[Analyze grammar]

paśupakṣimṛgāścaiva ye cānye pāpayonayaḥ |
te'pi muktā divaṃ yāṃti śrīrāmavacanaṃ yathā || 36 ||
[Analyze grammar]

ityuktvā virate tasminmunau kalaśajanmani |
kṛṣṇadvaipāyanavyāsaḥ punarūce tapodhanaḥ || 37 ||
[Analyze grammar]

durlabhā sarvajantūnāṃ kathā vistarataḥ kramāt |
yātrākramo'pi ca mayā śruta āgacchatāṃ nṛṇām || 38 ||
[Analyze grammar]

idānīṃ śrotumicchāmi kṣetrasthānaṃ yathāvidhi |
yātrākramaṃ muniśreṣṭha samyaktvastapodhana || 39 ||
[Analyze grammar]

phalaṃ brūhi krameṇaiva vistarātpṛcchato mama |
yadyasti mayi te vidvankṛpā kāruṇikottama || 40 ||
[Analyze grammar]

yathā śrutvā krameṇaiva yātrāṃ viśvavidāṃ vara |
karomi tvatprasādena tathā kuru yatavrata || 41 ||
[Analyze grammar]

agastya uvāca |
śṛṇu vakṣyāmi tattvena yātrākramamathāditaḥ |
ayodhyāṃ saptatīrthānāṃ yathāvadanupūrvaśaḥ || 42 ||
[Analyze grammar]

manovākkāyaśuddhena nirdoṣeṇāṃtarātmanā |
mānaseṣu sutīrtheṣu snātvā kila jiteṃdriyaḥ |
yaḥ karoti vidhiṃ samyaksa tīrthaphalamaśnute || 43 ||
[Analyze grammar]

vyāsa uvāca |
mānasānyeva tīrthāni kathayasva tapodhana |
yeṣu snātavatāṃ nṝṇāṃ viśuddhirmanaso bhavet || 44 ||
[Analyze grammar]

agastya uvāca |
śṛṇu tīrthāni gadato mānasāni mamānagha |
yeṣu samyaṅnaraḥ snātvā prayāti paramāṃ gatim || 45 ||
[Analyze grammar]

satyatīrthaṃ kṣamātīrthaṃ tīrthamiṃdriyanigrahaḥ |
sarvabhūtadayātīrthaṃ tīrthānāṃ satyavāditā || 46 ||
[Analyze grammar]

jñānatīrthaṃ tapastīrthaṃ kathitaṃ tīrthasaptakam |
sarvabhūtadayātīrthe viśuddhirmanaso bhavet || 47 ||
[Analyze grammar]

na toyapūtadehasya snānamityabhidhīyate |
sa snāto yasya vai puṃsaḥ suviśuddhaṃ mano matam |
bhaumānāmapi tīrthānāṃ puṇyatve kāraṇaṃ śṛṇu || 48 ||
[Analyze grammar]

yathā śarīrasyoddeśāḥ kecinmadhyottamāḥ smṛtāḥ |
tathā pṛthivyāmuddeśāḥ kecitpuṇyatamāḥ smṛtāḥ || 49 ||
[Analyze grammar]

tasmādbhaumeṣu tīrtheṣu mānaseṣu ca saṃvaset |
ubhayeṣu ca yaḥ snāti sa yāti paramāṃ gatim || 50 ||
[Analyze grammar]

tasmāttvamapi vipreṃdra viśuddhenāṃtarātmanā |
yātrāṃ kuru prayatnena yātrā vai noditā mayā |
taṃ tu vakṣyāmi vipreṃdra tīrthayātrāvidhiṃ kramāt || 51 ||
[Analyze grammar]

jāyante ca jaleṣveva mriyaṃte ca jalaukasaḥ |
na ca gacchaṃti te svargamaśuddhamanaso malāḥ || 52 ||
[Analyze grammar]

viṣayeṣvaniśaṃ rāgo manaso mala ucyate |
teṣveva hi na saṃgamya nairmalyaṃ samudāhṛtam || 53 ||
[Analyze grammar]

cittamantargataṃ duṣṭaṃ tīrthasnānaṃ na śudhyati |
śataśo'pi jalairdhaute surābhāṇḍamapāvanam || 54 ||
[Analyze grammar]

dānamijyā tapaḥ śaucaṃ tīrthasevā śrutistathā |
sarvāṇyetāni tīrthāni yadi bhāvena nirmalaḥ || 55 ||
[Analyze grammar]

nigṛhīteṃdriyagrāmo yatraiva vasate naraḥ |
tatra tasya kurukṣetraṃ naimiṣaṃ puṣkaraṃ tathā || 56 ||
[Analyze grammar]

etatte kathitaṃ vipra mānasaṃ tīrthalakṣaṇam |
snāte yasminkriyāḥ sarvāḥ saphalāḥ syuḥ kriyāvatām || 57 ||
[Analyze grammar]

prātarutthāya matimānsaṃgame snānamācaret |
vibhuṃ viṣṇuhariṃ dṛṣṭvā snāyādvai brahmakuṇḍake || 58 ||
[Analyze grammar]

cakratīrthe naraḥ snātvā dṛṣṭvā cakrahariṃ vibhum |
tato dharmahariṃ dṛṣṭvā sarvapāpaiḥ pramucyate || 59 ||
[Analyze grammar]

ekādaśyāmekādaśyāmiyaṃ yātrā śubhāvahā |
prātarutthāya matimānsvargadvārajalaplutaḥ || 60 ||
[Analyze grammar]

vidhāya nityajaṃ karma ayodhyāṃ ca vilokayet |
sarayūṃ tu tato dṛṣṭvā paśyenmattagajaṃ tataḥ || 61 ||
[Analyze grammar]

baṃdīṃ ca śītalāṃ caiva vaṭukaṃ ca vilokayet |
tadagrasarasi snātvā mahāvidyāṃ vilokayet || 62 ||
[Analyze grammar]

piṇḍārakaṃ tato dṛṣṭvā tato bhairavadarśanam |
aṣṭamyāṃ ca caturdaśyāmeṣā yātrā phalapradā || 63 ||
[Analyze grammar]

aṃgārakacaturthyāṃ tu pūrvoktā devatā api |
vighneśaṃ ca tataḥ paśyetsarvakāmārthasiddhaye || 64 ||
[Analyze grammar]

prātarutthāya matimānbrahmakuṇḍajale plutaḥ |
viṣṇuṃ viṣṇuhariṃ dṛṣṭvā manovākkāyaśuddhimān || 65 ||
[Analyze grammar]

maṃtreśvaraṃ tato dṛṣṭvā mahāvidyāṃ vilokayet |
ayodhyāṃ ca tato dṛṣṭvā sarvakāmārthasiddhaye || 66 ||
[Analyze grammar]

svargadvāre naraḥ snātvā sacailo vijiteṃdriyaḥ |
nānāvidhāni pāpāni bahujanmakṛtāni ca |
sacailasnānato yāṃti tasmātsacailamācaret || 67 ||
[Analyze grammar]

eṣā vai gaditā yātrā sarvapāpaharā śubhā || 68 ||
[Analyze grammar]

ya evaṃ kurute yātrāṃ nityaṃ śubhaphalapradām |
na tasya punarāvṛttiḥ kalpakoṭiśatairapi || 69 ||
[Analyze grammar]

tasmāttvamapi vipraṃdra ayodhyāṃ vraja mā ciram |
tatra gatvā krameṇaiva yātrāṃ kuru yateṃdriyaḥ || 70 ||
[Analyze grammar]

ayodhyā paramaṃ sthānamayodhyā paramaṃ mahat |
ayodhyāyāḥ samā kācitpurī naiva pradṛśyate || 71 ||
[Analyze grammar]

ayodhyā paramaṃ sthānaṃ viṣṇucakre pratiṣṭhitam || 72 ||
[Analyze grammar]

ityetatkathitaṃ vipra mayā pṛṣṭaṃ hi yattvayā |
samāśraya mune tāṃ tvamanujānīhi māmataḥ || 73 ||
[Analyze grammar]

sūta uvāca |
ityetaduktvā virate munau kalaśajanmani |
uvāca madhuraṃ vākyaṃ vyāsaḥ sa tapasāṃ nidhiḥ || 74 ||
[Analyze grammar]

vyāsa uvāca |
dhanyo'smyanugṛhīto'smi kṛtakṛtyo'smyahaṃ mune |
satyaṃ śaucaṃ śrutaṃ vipra suśīlaṃ ca kṣamārjavam |
sarvaṃ ca niṣphalaṃ tasya ayodhyāṃ nāgato yadi || 75 ||
[Analyze grammar]

yasminmayi prasannena tvayokto dharmanirṇayaḥ |
idānīmapi gacchāmi hyayodhyāṃ nirmalāṃ purīm |
tvamapi vraja vipreṃdra svamāśramapadaṃ nijam || 76 ||
[Analyze grammar]

sūta uvāca |
ityaivamuktvā kramaśo yātrāvidhimanuttamam |
jagāma tapasāṃ rāśiragastyaḥ kuṃbhasaṃbhavaḥ || 77 ||
[Analyze grammar]

svamāśramapadaṃ dhīro vismayotphullalocanaḥ |
vyāso'pi mahasāṃ rāśirjagāma vijitendriyaḥ || 78 ||
[Analyze grammar]

ayodhyāmāgato vipraḥ sarvakāmārthasiddhaye |
āgatyaitadvidhānena kṛtvā yātrāṃ yathākramam || 79 ||
[Analyze grammar]

dṛṣṭvā mahāścaryakaraṃ kāraṇaṃ tīrthamuttamam |
ānaṃdatuṃdilastatra samyagācamya buddhimān || 80 ||
[Analyze grammar]

tato jagāma vipreṃdraḥ svamāśramapadaṃ muniḥ |
vyāsena kathitaṃ mahyaṃ māhātmyaṃ kramaśastadā || 81 ||
[Analyze grammar]

mayā śrutvā ca māhātmyaṃ yātrāṃ kṛtvā vidhānataḥ |
kurukṣetre samāgatya bhavadagre nirūpitam || 82 ||
[Analyze grammar]

idaṃ māhātmyamatulaṃ yaḥ paṭhetprayato naraḥ |
śraddhayā yaśca śṛṇuyātsa yāti paramāṃ gatim || 83 ||
[Analyze grammar]

tasmādetatprayatnena śrotavyaṃ ca janaiḥ sadā |
dvijapūjā viṣṇupūjā vidhātavyā prayatnataḥ || 84 ||
[Analyze grammar]

dātavyaṃ ca suvarṇādi yathāśaktyā dvijanmane |
putrārthī labhate putrāndharmmārthī dharmamāpnuyāt || 85 ||
[Analyze grammar]

ativipulavidhānairvarṇitaṃ dharmyamādyaṃ kalayati parabhaktyā kṣetramāhātmyametat |
ya iha manujavaryaḥ śrīsanāthaḥ sa samyagvrajati harinivāsaṃ sarvabhogāṃśca bhuktvā || 86 ||
[Analyze grammar]

yaḥ pāṭhakasyāpi kadācideva dadāti vittaṃ ca yathātmaśaktyā |
pātrāṇi vastrāṇi manoharāṇi raupyaṃ suvarṇaṃ ca gavīḥ sa mucyet || 87 ||
[Analyze grammar]