Chapter 10

[English text for this chapter is available]

brahmovāca |
atha devā mahīṃ hitvā mahiṣāsurapīḍitāḥ |
natvā gaurīṃ tapasyaṃtīṃ jagmuḥ śaraṇamākulāḥ || 1 ||
[Analyze grammar]

atha tānabhayaṃ dehi devīti bhayavihvalān |
amarānvīkṣya sā devī kiṃ kāryamiti cābhyadhāt || 2 ||
[Analyze grammar]

tato vijñāpayāmāsurdaityeṃdrādbhayamātmanām |
devyai baddhāṃjalipuṭā devā iṃdrapurogamāḥ || 3 ||
[Analyze grammar]

devā ūcuḥ |
apsarobhiḥ parivṛtaḥ sukhaṃ krīḍati naṃdane |
airāvatamukhānsarvāndiṅnāgānnijamaṃdire || 4 ||
[Analyze grammar]

āvasayanvinodārthamaṃganābhiḥ sahāgatān |
uccaiḥśravaḥpurogānāmupabhogaṃ karotyasau || 5 ||
[Analyze grammar]

maṃdurāsvasya ramyāsu dṛśyaṃte lakṣakoṭayaḥ |
hutāśavāhanaṃ meṣaṃ putrārohārthamīpsati || 6 ||
[Analyze grammar]

yāmyaṃ mahiṣamānīya śakaṭe so'bhyavāhayat |
siddhīrākṛṣya sakalā gṛhakarmaṇi cādiśat || 7 ||
[Analyze grammar]

apsaraḥsaṃghamakhilamātmasevārthamānayat |
anyatkimapi yadvastu ratnabhūtaṃ jagattraye || 8 ||
[Analyze grammar]

anāhṛtaṃ punarhartuṃ na viśrāmyati kopavān |
vayaṃ ca sevakā bhūtvā nityaṃ bhītisamanvitāḥ || 9 ||
[Analyze grammar]

pūjayaṃtaśca tasyājñāṃ nānyāṃ vīkṣāmahe gatim |
śaraṇāgatasaṃtrāṇaṃ tapaḥphalamudāhṛtam || 10 ||
[Analyze grammar]

durjayo'yaṃ varo daityaḥ sarveṣāṃ balināmapi |
surāṇāmapi daityānāṃ śivāllabdhavarodayaḥ || 11 ||
[Analyze grammar]

asya śṛṃgāhataḥ siṃdhurvyāvarjitamiti bruvan |
ratnopahāradānena nityaṃ tatprītimicchati || 12 ||
[Analyze grammar]

parvatāṃśca samutkṣipya śṛṃgāgreṇa mahoddhataḥ |
krīḍati kṣoditāśeṣadhātudhūlivilepanaiḥ || 13 ||
[Analyze grammar]

na śakyamatulaṃ tasya balamanyadurāsadam |
svayameva vijānīhi hatvā te nijatejasā || 14 ||
[Analyze grammar]

śaṃbhuśaktiḥ parā seyaṃ strīrūpeṇātra dṛśyate |
tvayaivāyaṃ nihaṃtavyaḥ śivāllabdhavaro hyayam || 15 ||
[Analyze grammar]

na jānīmo vayaṃ devi kiṃcicchaṃbhuviceṣṭitam |
kevalaṃ pālanīyāḥ sma jaganmātrā sadā tvayā || 16 ||
[Analyze grammar]

iti teṣāṃ bhayārtānāmākarṇya vacanaṃ śubham |
vyājahāra prasannātmā devī dattvābhayaṃ tadā || 17 ||
[Analyze grammar]

śaraṇāgatasaṃtrāṇaṃ tapasi sthitayā mayā |
karttavyamamarāḥ kālātkṣīṇaḥ śatrurbhaviṣyati || 18 ||
[Analyze grammar]

upāyena samākṛṣya haniṣyāmi mahāsuram |
nirāgasastu hananamadya me na hi yujyate || 19 ||
[Analyze grammar]

dharmage dharmabhettāraḥ śalabhatvaṃ vrajaṃti hi |
devāstadvacanaṃ śrutvā praṇamya girikanyakām || 20 ||
[Analyze grammar]

jagmuryathāgataṃ sarve nirbhayā hṛṣṭacetasaḥ || 21 ||
[Analyze grammar]

gateṣu teṣu deveṣu gaurī kamalalocanā |
babhūva mohinī śaktiḥ kāṃtiyuktā tatodarī || 22 ||
[Analyze grammar]

sā devī dikṣu śaileṣu caturṣvaruṇabhūbhṛtaḥ |
rakṣārthaṃ sthāpitavatī caturo baṭukānvarān || 23 ||
[Analyze grammar]

yadā kailāsaśikharādāgatā śailakanyakā |
anvagacchansevamānāścatasro mātarastadā || 24 ||
[Analyze grammar]

dundubhiḥ satyavatyākhyā tathā cānavamī parā |
sundarīti catasrastāmanvayuḥ paricārikāḥ || 25 ||
[Analyze grammar]

vimuñcatātithiṃ śrāṃtaṃ kṣutpipāsā samanvitam |
aruṇādrimimaṃ draṣṭuṃ nānyamityabravīcca tān || 26 ||
[Analyze grammar]

sīmāśalasthitānvīrāṃstānādiśya balādhikān |
tapaścacārādrikanyā gautamāśramasannidhau || 27 ||
[Analyze grammar]

tasyāṃ tapatyāṃ tanvaṃgyāṃ na tāpaḥ kaścidapyabhūt |
vavarṣa kāle jaladaḥ saphalāścābhavandrumāḥ || 28 ||
[Analyze grammar]

virodhīni ca sattvāni mumucuḥ pūrvamatsaram |
āśramaḥ sarvajantūnāṃ śaraṇyo'bhūdbhayāpahaḥ || 29 ||
[Analyze grammar]

yojanadvayaparyaṃtaṃ sīmāśaileṣu saṃsthitaiḥ |
catubhirvaṭakaiḥ śūrai rakṣitaścāruṇācalaḥ || 30 ||
[Analyze grammar]

nodabhūtkaścana trāso na ca dṛṣṭo bhayodayaḥ |
na vyādhipīḍanaṃ cāsīttatra nārivijṛṃbhaṇam || 31 ||
[Analyze grammar]

kṛtārthā munayaḥ sarve praśaṃsaṃto nagātmajām |
śivalokapadaṃ kecitpratyaśaṃsaṃstathāśramam || 32 ||
[Analyze grammar]

sā ca gaurī tapo ghoraṃ kurvatī ca divāniśam |
na tṛptimāyayau bālā śivasaṃtoṣakārakam || 33 ||
[Analyze grammar]

mahiṣaśca mahāvīryo mṛgayāṃ kartumudyataḥ |
cacāra kānanaṃ sarvaṃ vidūre śoṇabhūbhṛtaḥ || 34 ||
[Analyze grammar]

daityasainyasamāyukto mṛgayūthānyanekaśaḥ |
vaneṣu nighnastarasā vicacārāśu bhakṣayan || 35 ||
[Analyze grammar]

dhanvibhirbalibhirvīrairmṛgāḥ kecidanudrutāḥ |
bhayārttāḥ paridhāvaṃtaḥ prāviśaṃstaṃ tathāśramam || 36 ||
[Analyze grammar]

anuvrajanto ditijā mṛgāṃstānhaṃtumudyatāḥ |
vāritā baṭukairvīrairmā yātātreti satvaraiḥ || 37 ||
[Analyze grammar]

kimatreti tadā pṛṣṭā baṭukā duṣṭadānavaiḥ |
tapasyati varārohā kanyātretyāhuraṃjasā || 38 ||
[Analyze grammar]

na kenacitpraveṣṭavyaṃ balinā munisevitam |
tapaḥsthānamidaṃ devyāḥ śaraṇāgatarakṣakam || 39 ||
[Analyze grammar]

iti teṣāṃ vacaḥ śrutvā balino duṣṭadānavāḥ |
tatheti vinivṛttyāśu karttavyaṃ samaciṃtayan || 40 ||
[Analyze grammar]

māyayā pakṣirūpāste praviśyāśramamādarāt |
ārāmavṛkṣaśākhāsu niṣeduḥ khādihekṣitum || 41 ||
[Analyze grammar]

sā punarllasitāraṇye sarvartukusumānvite |
tapasyantī tadā dṛṣṭā māyā daityasya sainikaiḥ || 42 ||
[Analyze grammar]

rūpalāvaṇyate tasyā niścayaṃ tapasi sthitam |
vīkṣya te vismayopetā gatvā tasmai nyavedayan || 43 ||
[Analyze grammar]

sa smarārto vṛddharūpaḥ praviveśāśramaṃ tadā |
pūjito'syāḥ sakhībhiśca gataśrāṃtiriva sthitaḥ || 44 ||
[Analyze grammar]

vṛddho'pṛcchatkimarthaṃ tu tapo'syā iti tāstathā |
bālā kāṃtaprasādārthaṃ ciramatra tapasyati || 45 ||
[Analyze grammar]

paraṃ sa balavānkāṃto na kadāpi prasīdati |
kāryaṃ vivāhasamaye manorathaṃ yathocitam || 46 ||
[Analyze grammar]

apūrvaprabhuṇā tena navopakaraṇaṃ mahat |
sadyojātakulālena sadyaḥ sṛṣṭairvipācitaiḥ || 47 ||
[Analyze grammar]

bhājanarapi sādyaskairnyastaḥ pakvaiśca śālibhiḥ |
tādṛśaiḥ sādhanaiḥ sarvaistādṛśairdravyasaṃcayaiḥ || 48 ||
[Analyze grammar]

apūrvadṛṣṭavibhavaiḥ kāryaṃ syādupakāraṇam |
siddhe tathopakaraṇe'syāḥ sadyo'stu svayaṃvaraḥ || 49 ||
[Analyze grammar]

iti tāsāṃ vacaḥ śrutvā vihasanmahiṣo'bhyadhāt |
tapaḥphalamahaṃ prāptaḥ satyamasyā iti sthitam |
madīyā sakalāṃ bhūtiṃ śṛṇu bāle tapasvini || 50 ||
[Analyze grammar]

mahiṣo'haṃ mahāvīro daityendraḥ suravaṃditaḥ |
jagattrayamidaṃ sarvaṃ mayaiva parigṛhyate || 51 ||
[Analyze grammar]

ananyavīrasadbhāvo mayyeva bhujaśuṣmaṇā |
kāmarūposmyahaṃ bāle sarvabhogapradāyakaḥ || 52 ||
[Analyze grammar]

bhaja māṃ tava bharttāraṃ prāṇināṃ tapasaḥ phalam |
sarvaṃ saṃpādayiṣyāmi kalpavṛkṣaiḥ samāhṛtaiḥ || 53 ||
[Analyze grammar]

sṛjāmi tapasā cāhaṃ viśvakarmāṇamāditaḥ |
kāmadhenusahasrāṇi sṛjāmi tapasā kṣaṇāt || 54 ||
[Analyze grammar]

navabhirnidhibhiḥ prāptaiḥ pārśvasthairnityadā mama |
apekṣitārthasaṃsiddhiḥ sahasaivopapādyate || 55 ||
[Analyze grammar]

iti tasya vacaḥ śrutvā smṛtadevābhavatkramāt |
visṛjya maunaṃ śanakairvihasaṃtī tamabravīt || 56 ||
[Analyze grammar]

ahaṃ balavato bhāryā bhaviṣyāmi tapaściram |
karomi yadyasi balī balaṃ darśaya me nijam || 57 ||
[Analyze grammar]

viraca strīsvabhāvaṃ svaṃ śrutvā tadvākyamutthitam |
hate koyamiti krodhānnanarda mahiṣāsuraḥ || 58 ||
[Analyze grammar]

jighṛkṣataṃ samāyāṃtaṃ vīkṣya taṃ mahiṣāsuram |
abhūddurāsadā durgā kanyā sā jvalanākṛtiḥ || 59 ||
[Analyze grammar]

mahāmāyāṃ samālokya jvalaṃtī purataḥ sthitām |
svayaṃ sa mahiṣākāro vavṛdhe merusannibhaḥ || 60 ||
[Analyze grammar]

kulabhūdharaśṛṃgāṇi śṛṃgābhyāṃ muhurākṣipan |
ājuhāva nijāṃ senāmāpūritadigaṃtarām || 61 ||
[Analyze grammar]

atha brahmamukhā devāḥ praṇamya vividhāyudhaiḥ |
pūjayāmāsurātmīyairdurgāṃ kālāgnirūpiṇīm || 62 ||
[Analyze grammar]

paṃcahetīrhariḥ prādāddaśa cāpi sadāśivaḥ |
brahmā catasraśca tadā tasyai māyātirohitāḥ || 63 ||
[Analyze grammar]

dikpālāśca surāścānye parvatāśca payodhayaḥ |
svīyairābharaṇaiḥ śastrairadhṛṣyāstāmapūjayan || 64 ||
[Analyze grammar]

māyā sā bahubhirhastairjvaladāyudhasaṃcayaiḥ |
ābaddhakavacā tūrṇaṃ durgābhūtsiṃhavāhanā || 65 ||
[Analyze grammar]

āpūritadiśābhogā tejastatsoḍhumakṣamaḥ |
durgāyā ghoramālokya mahiṣastu palāyitaḥ || 66 ||
[Analyze grammar]

atha tejo nijaṃ ghoraṃ prajvalatsoḍhumakṣamam |
palāyamānamālokya mahiṣaṃ sā vyaciṃtayat || 67 ||
[Analyze grammar]

upāyena nihaṃtavyo duṣṭo'yaṃ mahiṣāsuraḥ |
madapūrvaṃ nivṛtyaṃte mṛgā mṛgayubhirvane || 68 ||
[Analyze grammar]

dūtoktibhiḥ samākṛṣya mṛdvībhirmarmavṛttibhiḥ |
kopamasya samudbhāvya kariṣyebhimukhaṃ kṣaṇāt || 69 ||
[Analyze grammar]

adharmavṛttiyuktānāṃ dharmavākyapariśravāt |
kopaḥ samudbhavetsadyaḥ svajīvakṣayakāraṇam || 70 ||
[Analyze grammar]

athavā dharmabuddhissanyadi śāṃto bhaviṣyati |
tadā hitopadeśena dharmalopo na saṃbhavet || 71 ||
[Analyze grammar]

tapasyadbhiḥ sadā kāryaḥ kopatyāgaḥ phalānvitaḥ |
dharmahānirna soḍhavyā tatkopo hi tapaḥ param || 72 ||
[Analyze grammar]

iti saṃciṃtya sā gaurī nāmnā suraguruṃ munim |
saṃkalpya vānaramukhaṃ prāhiṇodasuraṃ prati || 73 ||
[Analyze grammar]

gaccha tvaṃ māyayā yukto maharṣe vānarānana |
mahiṣaṃ bodhayitvā ca vacanaṃ śīghramāvraja || 74 ||
[Analyze grammar]

maiva tvamaruṇādrīśamupapīḍaya durmate |
atra durmanasāṃ vīryamadṛśyaṃ bhavati kṣaṇāt || 75 ||
[Analyze grammar]

na kalerupatāpo'tra nāsurairapi pīḍanam |
na sāhasaṃ ca śubhadaṃ śivabhaktimatāmapi || 76 ||
[Analyze grammar]

pūrvajanmakṛtaiḥ puṇyairlabdhavīryamahodayaḥ |
mā tvaṃ śoṇācaleśāgnau śalabhatvaṃ bhajāsura || 77 ||
[Analyze grammar]

śivena dattā vibhavāstava pūrvatapobalāt |
dahyeranyatra tarasā dāvavahnau yathā drumāḥ || 78 ||
[Analyze grammar]

atra dharmātmanāṃ vāsaḥ śivabhaktimatāṃ sadā |
parapīḍāprasaktānāṃ bhavedrogaśatāvṛtaḥ || 79 ||
[Analyze grammar]

aiśvaryyamatulaṃ prāpto balamanyaddurāsadam |
kimarthaṃ svalpabuddhiḥ sansvadoṣairnāśameṣyasi || 80 ||
[Analyze grammar]

mayā kanyā punardṛṣṭā viśeṣādabalā matā |
aṃtargatoruṇādrīśa etasmātsā viśiṣyate || 81 ||
[Analyze grammar]

athavā yuktibhedaistvaṃ śāstrairvā śivasaṃmataiḥ |
anigrāhyamanovṛttirātmasainyaṃ samānaya || 82 ||
[Analyze grammar]

yena lokānsamastāṃstvaṃ bādhase balagarvitaḥ |
tatsainyaṃ tava vṛddhaṃ ca kṣaṇāddhakṣyāmi tejasā || 83 ||
[Analyze grammar]

ānīya sakalaṃ sainyamagre sthāpaya sāyudham |
sadyastvātmabalaiḥ sṛṣṭeḥ saṃhariṣyāmi tatkṣaṇāt || 84 ||
[Analyze grammar]

macchastra parikṛttasya sasainyasya tavāyuṣaḥ |
muktiratraiva bhavitā ko jānāti śivehitam || 85 ||
[Analyze grammar]

vāryamāṇo'pi pūrveṇa karmaṇā prerito janaḥ |
avaśaḥ karma kurute bhuṃkte ca sadṛśaṃ phalam || 86 ||
[Analyze grammar]

tvayāpi karuṇāvākyaṃ vaktavyaṃ kila bhūribhiḥ |
akāryavinivṛttyarthaṃ nityadharmānupālane || 87 ||
[Analyze grammar]

iti gauryā samādiṣṭā vācaṃ kapimukho muniḥ |
dūtaḥ sansarvamācaṣṭa mahiṣasyāgrataḥ sthitaḥ || 88 ||
[Analyze grammar]

so'pi sarvaṃ samākarṇya krodhavegasamākulaḥ |
taṃ bhakṣayitumārebhe sopi māyābalādyayau || 89 ||
[Analyze grammar]

atha sainyaṃ nijaṃ sarvaṃ samāhūya durāśayaḥ |
sannaddhaṃ sāyudhaṃ yoddhumādiśallokabhīṣaṇam || 90 ||
[Analyze grammar]

yugāṃtasamayodvelacaturarṇavasaṃnibham |
sainyānāṃ sainyamatulaṃ śoṇādriṃ paryaveṣṭayat || 91 ||
[Analyze grammar]

atha gaurī samālokya daityānāṃ sainyamadbhutam |
sasarja taijasāñśūrānghorānbhūtagaṇānbahūn || 92 ||
[Analyze grammar]

ekapādākṣicaraṇā laṃbakarṇapayodharāḥ |
pāṇipādaśiraḥkukṣivaktrāḥ kecidvinirgatāḥ || 93 ||
[Analyze grammar]

ahaṃ grasāmi sakalamaparyāptamidaṃ mama |
ahameva haniṣyāmi daityasainyamaśeṣataḥ || 94 ||
[Analyze grammar]

kiṃ tvayātra punaḥ kāryaṃ vīkṣya tvaṃ tiṣṭha kevalam |
ahamevātra yotsyāmītyabhāṣaṃta parasparam || 95 ||
[Analyze grammar]

teṣāṃ kathayatāṃ śaṃkhaṃ gaṇānāṃ yoginīgaṇaiḥ |
adhamatsā bhagavatī haṃtuṃ taddaityamaṃḍalam || 96 ||
[Analyze grammar]

ālokya tāṃ tathārūpāmāpataṃstasya sainikāḥ |
darśayaṃtaḥ svavīryāṇi svāminogre dhṛtāyudhāḥ || 97 ||
[Analyze grammar]

vavṛṣuḥ śastravarṣāṇi daityāḥ pratidigantaram |
bāṇaiḥ kārmukanirmuktaistāni sā tu nyavārayat || 98 ||
[Analyze grammar]

rathānāṃ vāraṇeṃdrāṇāṃ hayānāṃ lakṣakoṭibhiḥ |
yuyudhurbhūtavetālā devyā sṛṣṭāstu durjayāḥ || 99 ||
[Analyze grammar]

mātaro vividhākārā ḍākinyo yoginīgaṇāḥ |
sṛṣṭāśca tejasā bhūyaḥ piśācāḥ pretarākṣasāḥ || 100 ||
[Analyze grammar]

devyā sṛṣṭena sainyena durjayena mahāsurāḥ |
bhakṣitāścūrṇitā bhinnā dāritā nihatāḥ kṣaṇāt || 101 ||
[Analyze grammar]

devī ca sāyudhā dṛṣṭā jvalaṃtī nihatāsuraiḥ |
nṛtyadbhūtagaṇairbhuktai raktairmāṃsaiśca toṣitaiḥ || 102 ||
[Analyze grammar]

yadā kailāsaśikharātprāptā karttuṃ tapo bhuvam |
tadā samāgatāḥ kāścinmātṛkā dehaguptaye || 103 ||
[Analyze grammar]

duṃdubhiḥ satyavatyākhyā tathā cāntavatī parā |
suṃdarīti catasrastā anvayuḥ paricārikāḥ || 104 ||
[Analyze grammar]

devyā sṛṣṭā ca cāmuṃḍā daṃṣṭrāvalayabhīpaṇā |
daityakṛttivasā māṃsaraktatṛptā cacāra sā || 105 ||
[Analyze grammar]

asuraṃ kaṃcidākramya naṭanaṃ sā cakāra ha || 106 ||
[Analyze grammar]

atha tāṃ samavekṣya durmado hi jvalayāmāsa ca kopavahninā saḥ |
atitīvravivṛttabhīṣmanetraśrutiśṛṃgāgravibhinnameghajālaḥ || 107 ||
[Analyze grammar]

jvaladagniśikhābhadīrghajihvāparilīḍhonnataśailaśṛṃgabhāgaḥ |
avaniṃ dalayankhurābhighātairasakṛtpāṃsubhirāsvanandigaṃtān || 108 ||
[Analyze grammar]

atigharghara dīrghaghoranādasphuṭadaṃḍabhramamohitāmaro yaḥ |
dhṛtavāladhidaṃḍatāḍyamānapratiśīrṇāmitaśastravarṣasaṃghaḥ || 109 ||
[Analyze grammar]

mṛtaye vyagamadbalitrayāḍhyāṃ mṛgarājasthitibhāsurāṃ bhavānīm || 110 ||
[Analyze grammar]