Chapter 9

[English text for this chapter is available]

gautama uvāca |
bhagavannaruṇādrīśa nāmadheyāni te bhṛśam |
viśeṣācchrotumicchāmi sthāne'sminsurapūjite || 1 ||
[Analyze grammar]

maheśvara uvāca |
nāmāni śṛṇu me brahmanmukhyāni dvijasattama |
durlabhānyalpapuṇyānāṃ kāmadāni sadā bhuvi || 2 ||
[Analyze grammar]

śoṇādrīśo'ruṇādrīśo devādhīśo janapriyaḥ |
prapannarakṣako dhīraḥ śivasevakavardhakaḥ || 3 ||
[Analyze grammar]

akṣipeyāmṛteśānaḥ strīpuṃbhāvapradāyakaḥ |
bhaktavijñaptisaṃdhātā dīnabaṃdivimocakaḥ || 4 ||
[Analyze grammar]

mukharāṃghripatiḥ śrīmānmṛḍo mṛgamadeśvaraḥ |
bhaktaprekṣaṇakṛtsākṣī bhaktadoṣanivarttakaḥ || 5 ||
[Analyze grammar]

jñānasaṃbaṃdhanāthaśca śrīhalāhalasuṃdakaḥ |
āhavaiśvaryadātā ca smartṛsarvāghanāśanaḥ || 6 ||
[Analyze grammar]

vyatyastanṛtyaddhṛjadhṛksakāṃtirnaṭaneśvaraḥ |
sāmapriyaḥ kalidhvaṃsī vedamūrtirniraṃjanaḥ || 7 ||
[Analyze grammar]

jagannātho mahādevastrinetrastripurāṃtakaḥ |
bhaktāparādhasoḍhā ca yogīśo bhoganāyakaḥ || 8 ||
[Analyze grammar]

bālamūrttiḥ kṣamārūpī dharmarakṣo vṛṣadhvajaḥ |
haro girīśvaro bhargaścaṃdrarekhāvataṃsakaḥ || 9 ||
[Analyze grammar]

smarāṃtakoṃ'dhakaripuḥ siddharājo digaṃbaraḥ |
āgamapriya īśāno bhasmarudrākṣalāṃchanaḥ || 10 ||
[Analyze grammar]

śrīpatiḥ śaṃkaraḥ sraṣṭā sarvavidyeśvaro'naghaḥ |
gaṃgādharaḥ kratudhvaṃso vimalo nāgabhūṣaṇaḥ || 11 ||
[Analyze grammar]

aruṇo bahurūpaśca virūpākṣo'kṣarākṛtiḥ |
anādiraṃtarahitaḥ śivakāmaḥ svayaṃprabhuḥ || 12 ||
[Analyze grammar]

saccidānaṃdarūpaśca sarvātmā jīvadhārakaḥ |
strīsaṃgavāmasubhago vidhirvihitasuṃdaraḥ || 13 ||
[Analyze grammar]

jñānaprado muktidaśca bhaktavāṃchitadāyakaḥ |
āścaryavaibhavaḥ kāmī niravadyo nidhipradaḥ || 14 ||
[Analyze grammar]

śūlī paśupatiḥ śaṃbhuḥ svayaṃbhurgiriśo mṛḍaḥ |
etāni mama mukhyāni nāmānyatra mahāmune || 15 ||
[Analyze grammar]

anyāni divyanāmāni purāṇoktāni saṃsmara |
pradakṣiṇena māṃ nityaṃ viśeṣāttvaṃ samarcaya || 16 ||
[Analyze grammar]

pradakṣiṇapriyo yasmādahaṃ śoṇācalākṛtiḥ |
ityājñapto mahādevamarcayannaruṇācalam |
avimuṃcannihāvāsaṃ kṛtavānahamadrije || 17 ||
[Analyze grammar]

gauryuvāca |
bhagavansarvadharmajña gautamāryya munīśvara |
pradakṣiṇasya māhātmyaṃ brūhi me śoṇabhūbhṛtaḥ || 18 ||
[Analyze grammar]

kasminkāle kathaṃ kāryaṃ kairvā pūrvaṃ pradakṣiṇam |
kṛtaṃ śoṇādrināthasya prāptamiṣṭaṃ paraṃ padam || 19 ||
[Analyze grammar]

brahmovāca |
iti pṛṣṭo muniḥ prāha gautamaḥ śailakanyakām |
śrūyatāṃ devi māhātmyamādiśanme maheśvaraḥ || 20 ||
[Analyze grammar]

mahādeva uvāca |
ahaṃ hi śoṇaśailātmā prakāśo vasudhātale || 21 ||
[Analyze grammar]

parito māṃ surāḥ sarve vartaṃte munibhiḥ saha || 22 ||
[Analyze grammar]

yāni kāni ca pāpāni janmāṃtarakṛtāni ca |
tāni tāni vinaśyaṃti pradakṣiṇapade pade || 23 ||
[Analyze grammar]

aśvamedhasahasrāṇi vājapeyāyutāni ca |
siddhyaṃti sarvatīrthāni pradakṣiṇapade pade || 24 ||
[Analyze grammar]

api prahīṇasya samastalakṣaṇaiḥ kriyāvihīnasya nikṛṣṭajanmanaḥ |
pradakṣiṇīkṛtya śaśāṃkaśekharaṃ prayāsyataḥ kasya na siddhiragrataḥ || 25 ||
[Analyze grammar]

samasta tīrthābhigameṣu puṇyaṃ samastayajñāgamadharmajātam |
avāpyate śoṇamahīdharasya pradakṣiṇāprakramaṇena satyam || 26 ||
[Analyze grammar]

padenaikena bhūlokaṃ dvitīyenāṃtarikṣakam |
tṛtīyena divaṃ martyo jayatyasya pradakṣiṇe || 27 ||
[Analyze grammar]

ekena mānasaṃ pāpaṃ dvitīyena tu vācikam |
kāyikaṃ tu tṛtīyena padena kṣīyate nṛṇām || 28 ||
[Analyze grammar]

pātakāni ca sarvāṇi padenaikena mārjayet |
dvitīyena tapaḥ sarvaṃ prāpnotyasya pradakṣiṇāt || 29 ||
[Analyze grammar]

parṇaśālā maharṣīṇāṃ siddhānāṃ ca sahasraśaḥ |
surāṇāṃ ca tathā'vāsā vidyaṃtetra sahasraśaḥ || 30 ||
[Analyze grammar]

atra siddhaḥ punarnityaṃ vasāmyagre surārcitaḥ |
mamāṃtare guhā divyā dhyātavyā bhogasaṃyutā || 31 ||
[Analyze grammar]

agnistaṃbhamayaṃ rūpamaruṇādiriti śrutam |
dhyāyaṃlliṃgaṃ mama bṛhatmandaṃ kuryātpradakṣiṇam || 32 ||
[Analyze grammar]

aṣṭamūrtimayaṃ liṃgamidaṃ yaistaijasaṃ bhṛśam |
dhyātvā pradakṣiṇaṃ kurvanpātakāni vinirdahet || 33 ||
[Analyze grammar]

na punaḥ saṃbhavastasya yaḥ karoti pradakṣiṇām |
śoṇācalākṛternityaṃ nityatvaṃ dhruvamaśnute || 34 ||
[Analyze grammar]

asya pādarajaḥsparśātpūyate sakalā mahī |
padamekaṃ tu dhatte yaḥ śoṇādrīśapradakṣiṇe || 35 ||
[Analyze grammar]

namaskurvanpratidiśaṃ dhyāyanstauti kṛtāṃjaliḥ |
asaṃsṛṣṭakaraḥ kaiścinmaṃdaṃ kuryātpradakṣiṇam || 36 ||
[Analyze grammar]

āsannaprasavā nārī yathā gacchedanākulam |
tathā pradakṣiṇaṃ kuryādaśṛṇvaṃśca padadhvanim || 37 ||
[Analyze grammar]

snāto viśuddhaveṣaḥ sanbhasmarudrākṣabhūṣitaḥ |
śivasmaraṇasaṃsṛṣṭo maṃdaṃ dadyātpadaṃ budhaḥ || 38 ||
[Analyze grammar]

manūnāṃ caratāmagre devānāṃ ca sahasraśaḥ |
adṛśyānāṃ ca siddhānāṃ nānyeṣāṃ vāyurūpiṇām || 39 ||
[Analyze grammar]

saṃghaṭṭamatisaṃmardaṃ mārgarodhaṃ viciṃtayan |
anukūlena bhaktaḥ sañchanairdadyātpadaṃ budhaḥ || 40 ||
[Analyze grammar]

athavā śivanāmāni saṃkīrtya varagītibhiḥ |
śivanṛtyaṃ ca racayanbhaktaiḥ sārddhaṃ parikramet || 41 ||
[Analyze grammar]

māhātmyaṃ mama vā śṛṇvannananyamatirādarāt |
śanaiḥ pradakṣiṇaṃ kuryādānandarasanirbharaḥ || 42 ||
[Analyze grammar]

dānaiśca vividhaiḥ puṇyairupakāraistathārthinām |
yathāmati dayāpūrṇa āstikaḥ parito vrajet || 43 ||
[Analyze grammar]

kṛte tvagnimayaṃ liṃgaṃ tretāyāṃ maṇiparvatam |
dvāpare ciṃtayeddhaimaṃ kalau marakatācalam || 44 ||
[Analyze grammar]

athavā sphāṭikaṃ rūpamaruṇaṃ tu svayaṃprabham |
dhyāyanvimuktaḥ sakalaiḥ pāpaiḥ śivapuraṃ vrajet || 45 ||
[Analyze grammar]

avāṅmanasagamyatvādaprameyatayā svayam |
agnitvācca paraṃ liṃgamanāsādyācalābhidham || 46 ||
[Analyze grammar]

dhyātvā pradakṣiṇaṃ karturabhigamyo'hamaṃjasā |
tasya pādarajo nṛṇāmajarāmarakāraṇām || 47 ||
[Analyze grammar]

rūpamekaṃ tu dhatte yaḥ śoṇādrīśapradakṣiṇe |
vāhanāni suraughāṇāṃ prārthayaṃte parasparam || 48 ||
[Analyze grammar]

kurvatāṃ caraṇaṃ voḍhumaruṇādripradakṣiṇām |
chāyāpradānaṃ kurvaṃti kalpakādyāḥ suradrumāḥ || 49 ||
[Analyze grammar]

kurvatāṃ bhuvi marttyānāmaruṇādripradakṣiṇām |
devagandharvakādyānāṃ sahasreṇa samāvṛtāḥ || 50 ||
[Analyze grammar]

sevaṃte te gaṇākīrṇā vimānaśatakoṭayaḥ |
mama pradakṣiṇaṃ bhūmau kurvatāṃ pādapāṃsubhiḥ || 51 ||
[Analyze grammar]

pāvitā mahatī vīthī dṛṣṭā śivapadapradā |
aṃgapradakṣiṇaṃ kurvankṣaṇātsvargyatanurbhavet || 52 ||
[Analyze grammar]

prāpto vajraśarīratvaṃ na dhṛṣyeta mahītale |
vyomayānotsukā devāḥ siddhāśca paramarṣayaḥ || 53 ||
[Analyze grammar]

adṛśyāḥ saṃcaraṃtyatra paśyaṃte mama saṃnidhim |
vinayaṃ mama bhaktiṃ ca pradakṣiṇaparikrame || 54 ||
[Analyze grammar]

dṛṣṭvā harṣasamāyuktā marttyebhyo dadate varam |
atra devāstrayastriṃśatpurā kṛtvā pradakṣiṇām || 55 ||
[Analyze grammar]

pratyahaṃ mārgamāsīnāḥ pratyekaṃ koṭitāṃ gatāḥ |
ādityādyā grahāḥ sarve purā kṛtvā pradakṣiṇām || 56 ||
[Analyze grammar]

saṃpūrṇajagatībhāge sarve grahapatāṃ gatāḥ |
yaḥ karoti naro bhūmau sūryavāre pradakṣiṇām || 57 ||
[Analyze grammar]

sa sūryamaḍalaṃ bhittvā muktaḥ śivapuraṃ vrajet |
somavāre naraḥ kurvannaruṇādripradakṣiṇām || 58 ||
[Analyze grammar]

ajarāmaratāṃ prāpto nāsaumyo bhavati kṣitau |
bhaumavāre naraḥ kurvannaruṇādripradakṣiṇām || 59 ||
[Analyze grammar]

ānṛṇyamakhilaṃ prāpya sārvabhaumo bhaveddhruvam |
budhavāre naraḥ kurvañchoṇādrīśapradakṣiṇām || 60 ||
[Analyze grammar]

sarvajñatāmanuprāptaḥ sa vācāṃ patitāmiyāt |
guruvāre naraḥ kurvansarvadevanamaskṛtaḥ || 61 ||
[Analyze grammar]

pradakṣiṇena śoṇādreḥ sa tu lokagururbhavet |
bhṛguvāre naraḥ kurvannaruṇādripradakṣiṇām || 62 ||
[Analyze grammar]

saṃprāpya mahatīṃ lakṣmīṃ labhate vaiṣṇavaṃ padam |
mandavāre naraḥ kṛtvā śoṇādrīśapradakṣiṇām || 63 ||
[Analyze grammar]

vimukto grahapīḍābhiḥ sa viśvavijayī bhavet |
nakṣatrāṇi ca sarvāṇi purā taddaivataiḥ saha || 64 ||
[Analyze grammar]

mama pradakṣiṇāṃ kartuḥ puṇyāni sahasā vrajet |
tithayaḥ karaṇānīha yogāśca mama saṃmatāḥ || 65 ||
[Analyze grammar]

abhīṣṭaphaladā jātāḥ kurvatāṃ matpradakṣiṇām |
muhūrtā vividhā horāḥ saumyāśca satatodayāḥ || 66 ||
[Analyze grammar]

matpradakṣiṇakartṛṇāṃ jāyaṃte satataṃ śubhāḥ |
 pracchinatti prakāro'ghaṃ dakāro vāṃchitapradaḥ || 67 ||
[Analyze grammar]

kṣikārātkṣīyate karma ṇakāro muktidāyakaḥ |
durbalāḥ kārśyasaṃyuktā ādhivyādhivijṛṃbhitāḥ || 68 ||
[Analyze grammar]

mama pradakṣiṇaṃ kṛtvā mucyaṃte sarvaduṣkṛtaiḥ |
mama pradakṣiṇaṃ karturbhaktyā pādena saṃtatam || 69 ||
[Analyze grammar]

kṣaṇena sādhvāṃ paśyāmi trailokyasya pradakṣiṇām |
lokeśāśca digīśāśca ye cānye kāraṇeśvarāḥ || 70 ||
[Analyze grammar]

mama pradakṣiṇāṃ kṛtvā sthirā rājye purā'bhavan |
ahaṃ ca gaṇasaṃyuktaḥ sarvadevarṣisaṃyutaḥ || 71 ||
[Analyze grammar]

uttarāyaṇasaṃyoge karomi svapradakṣiṇām |
madrūpaṃ taijasaṃ liṃgamaruṇādririti śrutam || 72 ||
[Analyze grammar]

trailokyasya hitārthāya kariṣyāmi pradakṣiṇām |
āgatā ca parāṃte ca gaurī tapa ihādbhutam || 73 ||
[Analyze grammar]

kartuṃ pradakṣiṇaṃ kṛtvā māmeṣyatyanaghā punaḥ |
kārtike māsi nakṣatre kṛttikākhye mahātapāḥ || 74 ||
[Analyze grammar]

mama pradakṣiṇāṃ gaurī pradoṣe racayiṣyati |
narāṇāmalpapuṇyānāṃ durlabhaṃ tatpradakṣiṇam || 75 ||
[Analyze grammar]

jyotirligasya dṛṣṭasya devī prārthanayā tathā |
mayā sametā devī sā prāptā'pītakucābhidhā || 76 ||
[Analyze grammar]

āśvāsyati surānsarvānuttarāyaṇasaṃgame |
devagandharvayakṣāṇāṃ siddhānāmapi rakṣasām || 77 ||
[Analyze grammar]

sarveṣāṃ devayonīnāṃ bhavitā tatra saṃgamaḥ |
ye tadā māṃ samāgatya pūjayaṃti tapodhikāḥ || 78 ||
[Analyze grammar]

sarvajanmakṛtāghaugha prāyaścittaṃ vrajaṃti te |
durllabhaṃ taddinaṃ puṃsāmuttarāyaṇasaṃgame || 79 ||
[Analyze grammar]

tadā madrūpamabhyarcya kṛtārthāḥ santu mānavāḥ |
pradakṣiṇaṃ tu me divyaṃ kurvaṃti ca mahībhujaḥ || 80 ||
[Analyze grammar]

teṣāṃ purogataḥ sākṣādahaṃ jeṣyāmi vidviṣaḥ |
rājā yasya tu deśasya yo yo rājā tapodhikaḥ || 81 ||
[Analyze grammar]

sa kārayedvipramukhyaiḥ śrotriyairme pradakṣiṇām |
maṃḍalaṃ maṃḍalārddhaṃ vā saṃkalpavidhipūrvakam || 62 ||
[Analyze grammar]

tasya tasya sthiraṃ rājyaṃ śatrūṇāṃ ca parāhatim |
kariṣyāmi mune nityamahameva puraḥsthitaḥ || 83 ||
[Analyze grammar]

na vāhanena kurvīta mama jātu pradakṣiṇām |
dharmalubdhamanā jānañchivācārapariplutim || 84 ||
[Analyze grammar]

dharmaketuḥ purā rājā yamalokādupāgataḥ |
mama pradakṣiṇāṃ karttuṃ turageṇābhyarocayat || 85 ||
[Analyze grammar]

kṣaṇena turago jāto gaṇanāthaḥ surārcitaḥ |
pratipede padaṃ śaivaṃ vimucya dharaṇīpatim || 86 ||
[Analyze grammar]

vīkṣya taṃ vāhanaṃ bhūyo gaṇanāthavapurddharam |
pādapradakṣiṇāṃ kṛtvā svayaṃ ca gaṇapo'bhavat || 87 ||
[Analyze grammar]

tadāprabhṛti śakrādyāḥ surā viṣṇusamanvitāḥ |
pādābhyāmeva kurvaṃti mama sarve pradakṣiṇām || 88 ||
[Analyze grammar]

svargānnipātitaḥ ko'pi siddhaḥ kāle tapaḥkṣayāt |
pradakṣiṇāṃ tataḥ kṛtvā punarlabdhapado'bhavat || 89 ||
[Analyze grammar]

skhalitaṃ pādajaṃ raktaṃ mama kartuḥ pradakṣiṇam |
mārjyate tasya devendra maulimaṃdārakesaraiḥ || 90 ||
[Analyze grammar]

pradakṣiṇamahāvīthī śilāśakalaghaṭṭitam |
padaṃ saṃdhāryate puṃsāṃ śrīpayodharakuṃkumaiḥ || 91 ||
[Analyze grammar]

maṇiparvataśṛṃgeṣu kalpadrumavanāṃtare |
saṃcaraṃti sadā martyā mama kṛtvā pradakṣiṇam || 92 ||
[Analyze grammar]

gauryuvāca |
upacārapravṛttānāṃ phalaṃ me śaṃsa suvrata |
yairvai janaḥ kṛtārthaḥ syādyathāśakti kṛtādaraḥ || 93 ||
[Analyze grammar]

muniruvāca |
upacāraphalaṃ devi śṛṇu vakṣyāmyahaṃ tava |
yanmahyaṃ kṛpayā pūrvamuktavānparameśvaraḥ || 94 ||
[Analyze grammar]

lūtī taṃtukajālāni saṃsṛjya kvacideva me |
jātismaro mahīdhre'sminsoṃ'śukairmāṃ vyaveṣṭayat || 95 ||
[Analyze grammar]

gajaḥ kaścitṛṣākrāṃto vimucya ca madhu kvacit |
vanapallavamutkīrya mukto'bhūdgaṇanāyakaḥ || 96 ||
[Analyze grammar]

kṛmayo viluṭhanto me pārśve duritavarjitāḥ |
siddhaveṣāḥ punaḥ sarve mama lokaṃ vrajaṃti te || 97 ||
[Analyze grammar]

avyucchinnapradīpārciḥ kṣaṇamapyādadhāti yaḥ |
svayaṃprakāśaḥ sa bhavanmama sārūpyamaśnute || 98 ||
[Analyze grammar]

hārītaḥ kopi saṃprāptaḥ śākhānīḍo mamāṃtike |
khadyoto dīpavannaktaṃ tāvanmuktiṃ samāgataḥ || 99 ||
[Analyze grammar]

gāvaḥ prasravaṇaiḥ siktā vatsasmaraṇasaṃbhavaiḥ |
matpārśve muktimāpustā mama lokaṃ samāśrayan || 100 ||
[Analyze grammar]

kākaḥ pakṣajavātena baligrahaṇalolupaḥ |
mārjayanmatpurobhāgaṃ muktiṃ prāpadyata kṣaṇāt || 101 ||
[Analyze grammar]

mūṣako madguhābhāgaṃ maṇisaṃghavikarṣaṇaiḥ |
prakāśayanvitimiraṃ mama rūpamapadyata || 102 ||
[Analyze grammar]

chāyāvṛkṣatvamāsthātuṃ munayastridaśā api |
prārthayaṃtyeva matpārśve na punaḥsaṃbhavecchayā || 103 ||
[Analyze grammar]

gopuraṃ śikharaṃ śālāṃ maṇḍapaṃ vāpikāmapi |
kurvatāṃ matpurobhāge sidhyaṃtīṣṭārthasaṃpadaḥ || 104 ||
[Analyze grammar]

sadā marttyairanāsādyamagniliṃgamidaṃ mama |
anāsādyācaleśākhyaṃ pūjyatāṃ vasudhātale || 105 ||
[Analyze grammar]

vīkṣaṇasparśanadhyānaiḥ svabhūtaṃ nikhilaṃ jagat |
poṣayaṃtī parā śaktiḥ pūjyā'pītakucābhidhā || 106 ||
[Analyze grammar]

sarvalokaikajananī saṃprāptā nityayauvanam |
yauvanaprārthibhiḥ sevyā sadā'pītakucābhidhā || 107 ||
[Analyze grammar]

kṣaṇāttasya purobhāge vasatāṃ prāṇināmiha |
paratra vātra duṣprāpyamiṣṭavastu na vidyate || 108 ||
[Analyze grammar]

aprameyaguṇādhāramapekṣitavarapradam |
aśeṣabhoganilayaṃ śoṇādrīśaṃ samarcaya || 109 ||
[Analyze grammar]

labdhakāmā punaḥ śambhumāśrayiṣyasi suvrate |
tapaścaraṇamapyetattava lokahitāvaham || 110 ||
[Analyze grammar]

na kevalaṃ tava tapaḥ svavāṃchitaphalapradam |
tapasyatāmṛṣīṇāṃ ca kṣemāyaiva bhaviṣyati || 111 ||
[Analyze grammar]

kāraṇāṃtaramāśaṃkya tapaḥ kurvaṃti devatāḥ |
rahasyaṃ devatānāṃ tu phalenaivānumīyate || 112 ||
[Analyze grammar]

vayaṃ ca sahasaṃvāsāstava vratanirīkṣaṇāt |
kṛtārthāḥ syāma deveśi tapasā naḥ kṛtārthatā || 113 ||
[Analyze grammar]

iti tasya munervākyamarthagarbhaṃ niśamya sā |
gaurī kautukasaṃyuktā praśaśaṃsa mahāmunim || 114 ||
[Analyze grammar]

tapaḥ kimanyatkartavyaṃ labdhaṃ tava tu darśanam |
aruṇādrirayaṃ dṛṣṭaḥ śrutaṃ māhātmyamasya ca || 115 ||
[Analyze grammar]

aho bhūmestu vaicitryaṃ yato dṛṣṭā divo'dhikā |
yatraiva taijasaṃ liṃgaṃ devatānāṃ varapradaḥ || 116 ||
[Analyze grammar]

śivaḥ prasādasiddho me darśitaṃ sthānamātmanaḥ |
atraiva śivamārādhya vaśīkuryāṃ jagadgurum || 117 ||
[Analyze grammar]

avinābhūtamaikyaṃ me devena bhavatātsadā |
tvayā kṛtena sāhyena bhaveyaṃ śivanāyikā || 118 ||
[Analyze grammar]

iti gautamasaṃnidhau tadānīṃ kṛtasaṃvittapa ādareṇa kartum |
abhajadrucirāṃ ca parṇaśālāṃ muninā cānumatā tatheti bhaktyā || 119 ||
[Analyze grammar]

sukumāratanuḥ saroruhākṣī ghanatuṃgastanakalpitottarīyā |
jaṭilā harinīlaratnakāṃtirgirijā rājati dehavattapaḥśrīḥ || 120 ||
[Analyze grammar]

niyamairbahubhistapoviśeṣaiḥ kratuṣu prāptavicitrayogabaṃdhaiḥ |
nigamāgamadṛṣṭadharmamārgaṃ sakalaṃ sā tu kṛtārthatāmanaiṣīt || 121 ||
[Analyze grammar]

tapasā vividhenatapyamānā na kadācitparikhedamāpa tanvī |
hariratnamayī ca kāpi vallī nitarāṃ dīptimatī babhūva bālā || 122 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye pūrvārdhe'ruṇeśvarapradakṣiṇāmāhātmyavarṇanaṃnāma navamo'dhyāyaḥ || 9 ||
[Analyze grammar]