Chapter 3

[English text for this chapter is available]

sū uvāca |
evaṃ sthānāni puṇyāni yāniyānīha vai bhuvi |
nirīkṣaṃstatra tatrāhaṃ nārado vīrasattama || 1 ||
[Analyze grammar]

vicaranmedinīṃ sarvāṃ prāpto'hamāśramaṃ bhṛgoḥ |
yatra revānadī puṇyā saptakalpasmarā varā || 2 ||
[Analyze grammar]

mahāpuṇyā pavitrā ca sarvatīrthamayī śubhā |
punāni kīrtanenaiva darśanena viśeṣataḥ || 3 ||
[Analyze grammar]

tatrāvagāhanātpārtha mucyate jaṃturaṃhasā |
yathā sā piṅgalā nāḍī dehamadhye vyavasthitā || 4 ||
[Analyze grammar]

iyaṃ brahmāṃḍapiṇḍasya sthāne tasminprakīrtitā |
tatrāste śuklatīrthākhyaṃ revāyāṃ pāpanāśanam || 5 ||
[Analyze grammar]

yatra vai snānamātreṇa brahmahatyā praṇaśyati |
tasyāpi sannidhau pārtha revāyā uttare taṭe || 6 ||
[Analyze grammar]

nānāvṛkṣasamākīrṇaṃ latāgulmopaśobhitam |
nānāpuṣpaphalo petaṃ kadalīkhaṃḍamaṃḍitam || 7 ||
[Analyze grammar]

anekāśvāpadākīrṇaṃ vihagairanunāditam |
sugaṃdhapuṣpaśobhāḍhyaṃ mayūraravanāditam || 8 ||
[Analyze grammar]

bhramaraiḥ sarvamutsṛjya nilīnaṃ rāvasaṃyutam |
yathā saṃsāramutsṛjya bhaktena harapādayoḥ || 9 ||
[Analyze grammar]

kokilā madhuraiḥ svānairnādayaṃti tathā munīn |
yathā kathāmṛtākhyānairbrāhmaṇā bhavabhīrukān || 10 ||
[Analyze grammar]

yatra vṛkṣā hlādayaṃti phalaiḥ puṣpaiśca patrakaiḥ |
chāyābhirapi kāṣṭhaiśca lokāniva haravratāḥ || 11 ||
[Analyze grammar]

putraputreti vāśaṃte yatra putrapriyāḥ khagāḥ |
yathā śivapriyāḥ śaivā nityaṃ śivaśiveti ca || 12 ||
[Analyze grammar]

evaṃvidhaṃ munestasya bhṛgorāśramamaṃḍalam |
vipraistraividyasaṃyuktaiḥ sarvataḥ samalaṃkṛtam || 13 ||
[Analyze grammar]

ṛgyajuḥ sāmanirghopairārūritadigantaram |
rudrabhaktena dhīreṇa yathaiva bhuvanatrayam || 14 ||
[Analyze grammar]

tatrāhaṃ pārtha saṃprāpto yatrāste munisattamaḥ |
bhṛguḥ paramadharmātmātapasā dyotitaprabhaḥ || 15 ||
[Analyze grammar]

āgacchaṃtaṃ tu māṃ dṛṣṭvā dīnaṃ ca muditaṃ tathā |
abhyutthaānaṃ kṛtaṃ sarvairviprairbhṛgupurogamaiḥ || 16 ||
[Analyze grammar]

kṛtvā susvāgataṃ dattvā arghādyaṃ bhṛguṇā saha |
āsaneṣūpaviṣṭāste munīṃdrā grāhitā mayā || 17 ||
[Analyze grammar]

viśrāṃtaṃ tu tato jñātvā bhṛgurmāmapyuvācaha |
kva gaṃtavyaṃ muniśreṣṭha kasmādiha samāgataḥ || 18 ||
[Analyze grammar]

āgamanakāraṇaṃ sarvaṃ samācakṣva parisphuṭam |
tatastaṃ ciṃtayāviṣṭo bhṛguṃ pārthāhamabruvam || 19 ||
[Analyze grammar]

śrūyatāmabhidhāsyāmi yadarthamahāmāgataḥ |
mayā paryaṭitā sarvā samudrāṃtā ca medinī || 20 ||
[Analyze grammar]

dvijānāṃ bhūmidānārthaṃ mārgamāṇaḥ padepade |
nirdoṣāṃ ca pavitrāṃ ca tīrtheṣvapi samanvitām || 21 ||
[Analyze grammar]

ramyāṃ manoramāṃ bhūmiṃ na paśyāmi kathaṃcana |
bhṛguruvāca |
viprāṇāṃ sthāpanārthāya mayāpi bhramatā purā || 22 ||
[Analyze grammar]

pṛthvī sāgaraparyaṃtā dṛṣṭā sarvā tadānagha |
mahīnāma nadī puṇyā sarvatīrthamayī śubhā || 23 ||
[Analyze grammar]

divyā manoramā saumyā mahāpāpapraṇāśinī |
nadīrūpeṇa tatraiva pṛthvī sā nātra saṃśayaḥ || 24 ||
[Analyze grammar]

pṛthivyāṃ yāni tīrthāni dṛṣṭādṛṣṭāni nārada |
tāni sarvāṇi tatraiva nivasaṃti mahījale || 25 ||
[Analyze grammar]

sā samudreṇa saṃprāptā puṇyatoyā mahānadī |
saṃjātastatra devarṣe mahīsāgarasaṃgamaḥ || 26 ||
[Analyze grammar]

staṃbhākhyaṃ tatra tīrthaṃ tu triṣu lokeṣu viśrutam |
tatra ye manujāḥ snānaṃ prakurvaṃti vipaścitaḥ || 27 ||
[Analyze grammar]

sarvapāpavinirmuktā nopasarpaṃti vai yamam |
tatrādbhutaṃ hi dṛṣṭaṃ me purā snātuṃ gatena vai || 28 ||
[Analyze grammar]

tadahaṃ kīrtayiṣyāmi mune śrṛṇu mahādbhutam |
yāvatsnātuṃ vrajāmyasminmahīsāgarasaṃgame || 29 ||
[Analyze grammar]

tīre sthitaṃ prapaśyāmi munīṃdraṃ pāvakopamam |
prāṃśuṃ vṛddhaṃ cāsthiśeṣaṃ tapolakṣmyā vibhūṣitam || 30 ||
[Analyze grammar]

bhujāvūrdhvau tataḥ kṛtvā prarudaṃtaṃ muhurmuhuḥ |
taṃ tathā duḥkhitaṃ dṛṣṭvā duḥkhito'hamathābhavam || 31 ||
[Analyze grammar]

satāṃ lakṣaṇametaddhi yaddṛṣṭvā duḥkhitaṃ janam |
śatasaṃkhya tasya bhavettathāhaṃ vilalāpa ha || 32 ||
[Analyze grammar]

ahiṃsā satyamasteyaṃ mānuṣye sati durlabham |
tatastamupasaṃgamya paryapṛcchamahaṃ tadā || 33 ||
[Analyze grammar]

kimarthaṃ rodiśi mune śoke kiṃ kāraṇaṃ tava |
suguhyamapi cedbūhi jijñāsā mahatī hi me || 34 ||
[Analyze grammar]

munistato māmavadadbhṛgo nirbhāgyavānaham |
tena rodimi mā pṛccha durbhāgyaṃ cālapeddhi kaḥ || 35 ||
[Analyze grammar]

tamahaṃ vismayāviṣṭaḥ punarevedamabruvam |
durlabhaṃ bhārate janma tatrāpi ca manuṣyatā || 36 ||
[Analyze grammar]

manuṣyatve brāhmaṇatvaṃ munitvaṃ tatra durlabham |
tatrāpi ca tapaḥsiddhiḥ prāpyaitatpaṃcakaṃ param || 37 ||
[Analyze grammar]

kimarthaṃ rodiṣi mune vismayo'tra mahānmama |
evaṃ saṃpṛcchate mahyametasminneva cāṃtare || 38 ||
[Analyze grammar]

subhadronāma nāmnā ca munistatrābhyupāyayau |
sa hi meruṃ parityajya jñātvā tīrthasya sāratām || 39 ||
[Analyze grammar]

kṛtāśramaḥ pūjayati sadā staṃbheśvaraṃ muniḥ |
so'pyevaṃ māmi vāpṛcchanmuniṃ rodanakāraṇam || 40 ||
[Analyze grammar]

athāhācamya sa muniḥ śrūyatāṃ kāraṇaṃ munī |
ahaṃ hi devaśarmākhyo muniḥ saṃyatavāṅmanāḥ || 41 ||
[Analyze grammar]

nivasāmi kṛtasthāno gaṃgāsāgarasaṃgame |
tatra darśetarpayāmi sadaiva ca pitṝnaham || 42 ||
[Analyze grammar]

śrāddhāṃte te ca pratyakṣā hyāśiṣo me vadaṃti ca |
tataḥ kadācitpitaraḥ prahṛṣṭā māmathābravan || 43 ||
[Analyze grammar]

vayaṃ sadātra cāyāmo devaśarmaṃstavāṃtike |
sthāne'smākaṃ kadācittvaṃ na cāyāsi kutaḥ sutaḥ || 44 ||
[Analyze grammar]

sthānaṃ didṛkṣustaccāhaṃ na śakto'smi nivoditum |
tataḥ paramamityuktvā gatavānpitṛbhiḥ saha || 45 ||
[Analyze grammar]

pitṝṇāṃ maṃdiraṃ puṇyaṃ bhaumalokasamāsthitam |
tatratatra sthitaścāhaṃ tejomaṇḍaladurdṛśān || 46 ||
[Analyze grammar]

dṛṣṭvāgrataḥ pūjayāḍhyānapṛcchaṃ svānpitṝniti |
ke hyamī samupāyāṃti bhṛśaṃ tṛptā bhṛśārcitāḥ |
bhṛśaṃpramuditā naiva tathā yūyaṃ yathā hyamī || 47 ||
[Analyze grammar]

pitara ūcuḥ |
bhadraṃ te pitaraḥ puṇyāḥ subhadrasya mahāmuneḥ |
tarpitāstena muninā mahīsāgarasaṃgame || 48 ||
[Analyze grammar]

sarvatīrthamayī yatra nilīnā hyudadhau mahī |
tatra darśe tarpayati subhadrastānamūnsuta || 49 ||
[Analyze grammar]

ityākarṇya vacasteṣāṃ lajjito'haṃ bhṛśaṃtadā |
vismitaśca praṇamyaitānpitṝnsvaṃ sthānamāgataḥ || 50 ||
[Analyze grammar]

yathā tathā ciṃtitaṃ ca tatra yāsyāmyahaṃ śphuṭam |
puṇyo yatrāpi vikhyāto mahīsāgarasaṃgamaḥ || 51 ||
[Analyze grammar]

kṛtāśramaśca tatraiva tarpayiṣye nijānpitṝn |
darśedarśe yathā cāsau stutyanāmā subhadrakaḥ || 52 ||
[Analyze grammar]

kiṃ tena nanu jātena kulāṃgāreṇa pāpinā |
yasmiñjīvatyavi nijāḥ pitaro'nyaspṛhākarāḥ || 53 ||
[Analyze grammar]

iti saṃciṃtya mudito ruciṃ bhāryāmathābravum |
ruce tvayā samāyukto mahīsāgagarasaṃgamam || 54 ||
[Analyze grammar]

gatvā sthāsyāmi tatraiva śīghraṃ tvaṃ sammukhībhava |
pativratāsi śuddhāsikulīnāsi yaśasvini |
tasmādetanmama śubhe kartumarhasi ciṃtitam || 55 ||
[Analyze grammar]

ruciruvāca |
hatā tasya janirnābhūtkathaṃ pāpa durātmanā || 56 ||
[Analyze grammar]

śmaśānastaṃbha yenāhaṃ dattā tubhyaṃ kṛtaṃtvāya |
iha kaṃdaphalāhārairyatkiṃ tena na pūryate || 57 ||
[Analyze grammar]

netumicchasi māṃ tatra yatra kṣārodakaṃ sadā |
tvameva tatra saṃyāhi naṃdaṃtu tava pūrvajāḥ || 58 ||
[Analyze grammar]

gaccha vā tiṣṭha vā vṛddha vasa vā kākavacciram |
tathā bruvantyāṃ tasyāṃ tu karṇāvasmi pidhāya ca || 59 ||
[Analyze grammar]

vipulaṃ śiṣyamādiśya gṛha eko'tra āgataḥ |
so'haṃ snātvātra saṃtarpya pitṝñchraddhāparāyaṇaḥ || 60 ||
[Analyze grammar]

ciṃtāṃ suvipulāṃ prāpto narake duṣkṛtī yathā |
yadi tiṣṭhāmi cātraiva ardhadehadharo hyaham || 61 ||
[Analyze grammar]

naro hi gṛhiṇīhīno ardhadeha iti smṛtaḥ |
yathātmanā vinā dehe kāryaṃ kiṃcinna sidhyati || 62 ||
[Analyze grammar]

anayorhi phalaṃ grāhyaṃ sāratā nātra kācana |
ardhadehī ca manujastvasaṃspṛśyaḥ satāṃmataḥ || 63 ||
[Analyze grammar]

anayorhiphalaṃ grāhyaṃ sāratā nātra kācana |
ardhadehī ca manujastvasaṃspṛśyaḥ satāṃmataḥ || 64 ||
[Analyze grammar]

auttānapādiraspṛśya uttamo hi suraiḥ kṛtaḥ |
atha cettatra saṃyāmi na mahīsāgarastataḥ || 65 ||
[Analyze grammar]

yāmi vā tatkathaṃ pādau calato me kathaṃcana |
etasminme mano viddhaṃ khidyate'jñānasaṃkaṭe || 66 ||
[Analyze grammar]

ato'hamatimuhyāmi bhṛśaṃ śocāmi rodimi |
itiśrutvā vacastasya bhṛśaṃ romāṃcapūritam || 67 ||
[Analyze grammar]

sādhusādhvityathovāca taṃ subhadro'pyahaṃ tathā |
daṇḍavacca praṇamito mahīsāgarasaṅgamam || 68 ||
[Analyze grammar]

cintayāvaśca manasi pratīkāraṃ munerubhau |
yo hi mānuṣyamāsādya jalabudbudabhaṃguram || 69 ||
[Analyze grammar]

parārthāya bhavatyeṣa puruṣo'nye purīṣakāḥ |
tataḥ saṃciṃtya prāhedaṃ subhadro munisattamam || 70 ||
[Analyze grammar]

mā mune parikhidyasva devaśarmansthiro bhava |
ahaṃ te nāśayiṣyāmi śokaṃ sūryastamo yathā || 71 ||
[Analyze grammar]

gamiṣyāmyāśramaṃ tvaṃ ca nātrāpi parihāsyate |
śrṛṇu tatkāraṇaṃ tubhyaṃ tarpayiṣye pitṝnaham || 72 ||
[Analyze grammar]

devaśarmovāca |
evaṃ te vadamānasya āyurastu śataṃ samāḥ |
yadaśakyaṃ mahatkarma kartumicchasi matkṛte || 73 ||
[Analyze grammar]

harṣasthāne viṣādaśca punarmāṃ bādhate śrṛṇu |
api vākyaṃ śubhaṃ santo na gṛhṇanti mudhā mune || 74 ||
[Analyze grammar]

kathametanmahatkarma kārayāmi mudhāvada |
punaḥ kiṃcitpravakṣyāmi yathā me niṣkṛtirbhavet || 75 ||
[Analyze grammar]

śāpito'si mayā prāṇairyathā vacmi tathā kuru |
ahaṃ sadā kariṣyāmi darśe coddiśyate pitṝn || 76 ||
[Analyze grammar]

śrāddhaṃ gaṃgārṇave cātra matpitṝṇāṃ tvamācara |
ahaṃ caivāpi tapasaḥ saṃcitasyāpi janmanā |
caturbhāgaṃ pradāsyāmi evamevaitadācara || 77 ||
[Analyze grammar]

subhadra uvāca |
yadyevaṃ tava saṃtoṣastvevamastu munīśvara |
sādhūnāṃ ca yathā harṣastathā kāryaṃ vijānatā || 78 ||
[Analyze grammar]

bhṛguruvāca |
devaśarmā tato hṛṣṭo dattvā puṇyaṃ trivācikam |
caturthāśaṃ yayau dhāma svaṃ subhadro'pi ca sthitaḥ || 79 ||
[Analyze grammar]

evaṃvidho nāradāsau mahī sāgarasaṃgamaḥ |
yamanusmarato mahyaṃ romāṃco'dyāpi vartate || 80 ||
[Analyze grammar]

nārada uvāca |
iti śrutvā phālgunāhaṃ harṣagadgadayā girā |
mṛtomṛta ivā vocaṃ sādhusādhviti taṃbhṛgum || 81 ||
[Analyze grammar]

yūyaṃ vayaṃ gamiṣyāmo mahītīraṃ suśobhanam |
āvāmīkṣāvahe sarvaṃ sthānakaṃ tadanuttamam || 82 ||
[Analyze grammar]

mama caivaṃ vacaḥ śrutvā bhṛguḥ saha mayayayau |
samastaṃ tu mahāpuṇyaṃ mahīkūlaṃ nirīkṣitam || 83 ||
[Analyze grammar]

taddṛṣṭvā cātihṛṣṭohamāsaṃ romāṃcakaṃcukaḥ |
abravaṃ muniśārdūlaṃ harṣagadgadayā girā || 84 ||
[Analyze grammar]

tvatprasādātkariṣyāmi bhṛgo sthānamanuttamam |
svasthānaṃ gamyatāṃ brahmannataḥ kṛtyaṃ viciṃtaye || 85 ||
[Analyze grammar]

evaṃ bhṛguṃ cāsmivisarjayitvā kallolakolāhalakautukītaṭe |
athopaviśyedamaciṃtayaṃ tadā kiṃ kṛtyamātmānamivaikayogī || 86 ||
[Analyze grammar]