Chapter 2

[English text for this chapter is available]

sūta uvāca |
tato dvijauḥ parivṛtaṃ nāradaṃ devapūjitam |
abhigamyopajagrāha sarvānatha sa pāṇḍavaḥ || 1 ||
[Analyze grammar]

tatastaṃ nāradaḥ prāha jayārātidhanaṃjaya |
dharme bhavati te buddhirdeveṣu brāhmaṇeṣu ca || 2 ||
[Analyze grammar]

kaccidetāṃ mahāyātrāṃ vīra dvādaśavāraṣikīm |
ācarankhidyase naivamatha vā kupyase na ca || 3 ||
[Analyze grammar]

munīnāmapi cetāṃsi tīrthayātrāsu pāṃḍava |
khidyaṃti parikṛpyaṃti śreyasāṃ vighnamūlataḥ || 4 ||
[Analyze grammar]

kaccinnaitena doṣeṇa samāśliṣṭo'si pāṃḍava |
atra cāṃgirasā gītāṃ gāthāmetāṃ hi śuśruma || 5 ||
[Analyze grammar]

yasya hastau ca pādau ca manaścaiva susaṃyatam |
nirvikārāḥ kriyāḥ sarvāḥ sa tīrthaphalamaśnute || 6 ||
[Analyze grammar]

tadidaṃ hṛdi dhāryaṃ te kiṃ vā tvaṃ tāta manyase |
bhrātā yudhiṣṭhiro yasya sakhā yasya sa keśavaḥ || 7 ||
[Analyze grammar]

punaretatsamucitaṃ yadvipraiḥ śikṣaṇaṃ nṛṇām |
vayaṃ hi dharmaguravaḥ sthāpitāstena viṣṇunā || 8 ||
[Analyze grammar]

viṣṇunā cātra śrṛṇumo gītāṃ gāthāṃ dvijānprati || 9 ||
[Analyze grammar]

yasyāmalāmṛtayaśaḥśravaṇāvagāhaḥ sadyaḥ punāti jagadā śvapacādvikuṃṭhaḥ |
sohaṃ bhavadbhirupalabdha sutīrthakīrtiśchadyāṃ svabāhumapi yaḥ pratikūlavartī || 10 ||
[Analyze grammar]

priyaṃ ca pārtha te brūmo yeṣāṃ kuśalakāmukaḥ |
sarve kuśalinaste ca yādavāḥ pāṃḍavāstathā || 11 ||
[Analyze grammar]

adhunā bhīmasenena kurūṇāmupatāpakaḥ |
śāsanāddhṛtarāṣṭrasya vīravarmā nṛpo hataḥ || 12 ||
[Analyze grammar]

sa hi rājñāmajeyo'bhūdyathāpūrvaṃ balirbalī |
kaṃṭakaṃ kaṃṭakeneva dhṛtarāṣṭro jigāya tam || 13 ||
[Analyze grammar]

ityādināradaproktāṃ vācamākarṇya phālgunaḥ |
atīva muditaḥ prāha teṣāmakuśalaṃ kutaḥ || 14 ||
[Analyze grammar]

ye brāhmaṇamate nityaṃ ye ca brāhmaṇapūjakāḥ |
ahaṃ ca śaktyā niyatastīrthāni vicarannanu || 15 ||
[Analyze grammar]

āgatastīrthametaddhi pramodo'tīva me hṛdi |
tīrthānāṃ darśanaṃ dhanyamavagāhastato'dhikaḥ || 16 ||
[Analyze grammar]

māhātmyaśravaṇaṃ tasmādaurvopi munirabravīt |
tadahaṃ śrotumicchāmi tīrthasyāsya guṇānmune || 17 ||
[Analyze grammar]

etenaiva śrāvyametadyattvayāṃgīkṛtaṃ mune |
tvaṃ hi trilokīṃ vicaranvetsi sarvāṃ hi sāratām || 18 ||
[Analyze grammar]

tadetatsarvatīrthebhyo'dhikaṃ manye tvadā hṛtam || 19 ||
[Analyze grammar]

nārada uvāca |
ucitaṃ tava pārthaitadyatpṛcchasi guṇinguṇān |
guṇināmeva yujyante śrotuṃ dharmodbhavā guṇāḥ |
sādhūnāṃ dharmaśravaṇaiḥ kīrtanairyāti cānvaham || 20 ||
[Analyze grammar]

pāpānāmasadālāpairāyuryāti yathānvaham |
tadahaṃ kīrtayiṣyāmi tīrthasyāsya guṇānbahūn || 21 ||
[Analyze grammar]

yathā śrutvā vijānāsi yuktamaṃgīkṛtaṃ mayā |
purāhaṃ vicaranpārtha trilokīṃ kapilānugaḥ || 22 ||
[Analyze grammar]

gatavānbrahmaṇo lokaṃ tatrāpaśyaṃ pitāmaham |
sa hi rājarṣidevarṣimūrtāmūrtaiḥ susaṃvṛtaḥ || 23 ||
[Analyze grammar]

vibhāti vimalo brahmā nakṣatrairuḍurāḍiva |
tamahaṃ praṇipatyātha cakṣuṣā kṛtasvāgataḥ || 24 ||
[Analyze grammar]

uviṣṭaḥ pramuditaḥ kapilena sahaiva ca |
etasminnaṃtare tatra vārtikāḥ samupāgatāḥ || 25 ||
[Analyze grammar]

prahīyaṃte hi te nityaṃ jagaddraṣṭuṃ hi brahmaṇā |
kṛtapraṇāmānatha tānsamāsīnānpitāmahaḥ || 26 ||
[Analyze grammar]

cakṣuṣāmṛtakalpena plāvayanniva cābravīt |
kutra kutra vicīrṇaṃ vo dṛṣṭaṃ śrutamathāpi vā || 27 ||
[Analyze grammar]

kiṃcidevādbhutaṃ brūta śravaṇādyena puṇyatā |
evamukte bhagavatā teṣāṃ yaḥ pravaro mataḥ || 28 ||
[Analyze grammar]

suśravānāma brahmāṇaṃ praṇipatyedamūcivān |
prabhoragre ca vijñaptiryathā dīpo ravestathā || 29 ||
[Analyze grammar]

tathāpi khalu vācyaṃ me parārthaṃ preritena te |
muniḥ kātyāyanonāma śrutvā dharmānpunarbahūn || 30 ||
[Analyze grammar]

sārajijñāsayā tasthāvekāṃguṣṭhaḥ śataṃ samāḥ |
tataḥ provāca taṃ divyā vāṇī kātyāyana śrṛṇu || 31 ||
[Analyze grammar]

puṇye sarasvatītīre pṛccha sārasvataṃ munim |
sa te sāraṃ dharmasādhyaṃ dharmajño'bhivadiṣyati || 32 ||
[Analyze grammar]

iti śrutvā munivaro muniśreṣṭhamupetya tam |
praṇamya śirasā bhūmau papracchedaṃ hṛdi sthitam || 33 ||
[Analyze grammar]

satyaṃ kecitpraśaṃsaṃtitapaḥ śaucaṃ tathā pare |
sāṃkhyaṃ kecitpraśaṃsaṃti yogamanye pracakṣate || 34 ||
[Analyze grammar]

kṣamāṃ kecitpraśaṃsaṃti tathaiva bhṛśamārjjavam |
kecinmaunaṃ praśaṃsaṃti kecidāhuḥ paraṃ śrutam || 35 ||
[Analyze grammar]

samyagjñānaṃ praśaṃsaṃti kecidvairāgyamuttamam |
agniṣṭomādikarmāṇi tathā kecitparaṃ viduḥ || 36 ||
[Analyze grammar]

ātmajñānaṃ paraṃ kecitsamaloṣṭāśmakāṃcanam |
itthaṃ vyavasthite loke kṛtyākṛtyavidhau janāḥ || 37 ||
[Analyze grammar]

vyāmohameva gacchaṃti kiṃ śreya iti vādinaḥ |
yadeteṣu paraṃ kṛtyam nuṣṭheyaṃ mahātmabhiḥ || 38 ||
[Analyze grammar]

vaktumarhasi dharmajña mama sarvārthasādhakam || 39 ||
[Analyze grammar]

sārasvata uvāca |
yanmāṃ sarasvatī prāha sāraṃ vakṣyāmi tacchṛṇu |
chāyākāraṃ jagatsarvamutpattikṣayadharmi ca |
vārāṃganānetrabhaṃgasvadvadbhaṃgurameva tat || 40 ||
[Analyze grammar]

dhanāyuryauvanaṃ bhogāñjalacaṃdravadasthirān |
buddhyā samyakparāmṛśya sthāṇudānaṃ samāśrayet || 41 ||
[Analyze grammar]

dānavānpuruṣaḥ pāpaṃ nālaṃ kartumiti śrutiḥ |
sthāṇubhakto janmamṛtyū nāpnotīti śruti stathā || 42 ||
[Analyze grammar]

sāvarṇinā ca gāthe dve kīrtite śrṛṇu ye purā |
vṛṣo hi bhagavāndharmo vṛṣabho yasya vāhanam || 43 ||
[Analyze grammar]

pūjyate sa mahādevaḥ sa dharmaḥ para ucyate |
duḥkhāvarte tamoghore dharmādharmajale tathā || 44 ||
[Analyze grammar]

krodhapaṃke madagrāhe lobhabudbadasaṃkaṭe |
mānagaṃbhīrapātāle sattvayānavibhūṣite || 45 ||
[Analyze grammar]

majjaṃtaṃ tārayatyeko haraḥ saṃsārasāgarāt |
dānaṃ vṛttaṃ vrataṃ vācaḥ kīrtidharmau tathāyuṣaḥ || 46 ||
[Analyze grammar]

paropakaraṇaṃ kāyādasārātsāramuddharet |
dharme rāgaḥ śrutau ciṃtā dāne vyasanamuttamam || 47 ||
[Analyze grammar]

iṃdriyārtheṣu vairāgyaṃ saṃprāptaṃ janmanaḥ phalam |
deśe'sminbhārate janma prāpya mānuṣyamadhruvam || 48 ||
[Analyze grammar]

na kuryādātmanaḥ śreyastenātmā vaṃcataściram |
devāsurāṇāṃ sarveṣāṃ mānuṣyamatidurlabham || 49 ||
[Analyze grammar]

tatsaṃprāpya tathā kuryānna gacchennarakaṃ yathā |
sarvasya mūlaṃ mānuṣyaṃ tathā sarvārthasādhakam || 50 ||
[Analyze grammar]

yadi lābhe na yatnaste mūlaṃ rakṣa prayatnataḥ |
mahatā puṇyamūlyena krīyate kāyanaustvayā || 51 ||
[Analyze grammar]

gaṃtuṃ duḥkhodadheḥ pāraṃ tara yāvanna bhidyate |
avikāriśarīratvaṃ duṣprāpyaṃ vai tataḥ || 52 ||
[Analyze grammar]

nāpakrāmati saṃsārādātmahā sa narādhamaḥ |
tapastapyanti yatayo juhvate cātra yajvinaḥ |
dānāni cātra dīyaṃte paralokārthamādarāt || 53 ||
[Analyze grammar]

kātyāyana uvāca |
dānasya tapaso vāpi bhagavankiṃ ca duṣkaram |
kiṃ vā mahatphalaṃ pretya sārasvata bravīhi tat || 54 ||
[Analyze grammar]

sārasvata uvāca |
na dānādduṣkarataraṃ pṛthivyāmasti kiṃcana |
mune pratyakṣamevaitaddṛśyate lokasākṣikam || 55 ||
[Analyze grammar]

parityajya priyānprāṇāndhanārthe hi mahābhayam |
praviśaṃti mahālobhātsamudramaṭavīṃ girim || 56 ||
[Analyze grammar]

sevāmanye prapadyaṃte śvavṛttiriti yā smṛtā |
hiṃsāprāyāṃ bahukleśāṃ kṛṣiṃ caiva tathā pare || 57 ||
[Analyze grammar]

tasya duḥkhārjitasyeha prāṇebhyopi garīyasaḥ |
āyāsaśatalabdhasya parityāgaḥ suduṣkaraḥ || 58 ||
[Analyze grammar]

yaddadāti yadaśnāti tadeva dhanino dhanam |
anye mṛtasya krīḍaṃti dārairapi dhanairapi || 59 ||
[Analyze grammar]

ahanyahani yācaṃtamahaṃ manye guruṃ yathā |
mārjanaṃ darpaṇasyeva yaḥ karoti dinedine || 60 ||
[Analyze grammar]

dīyamānaṃ hi nāpaiti bhūya evābhivardhate |
kūpa utsicyamāno hi bhavecchuddho bahūdakaḥ || 61 ||
[Analyze grammar]

ekajanmasukhasyārthe sahasrāṇi vilāpayet |
prājño janmasahasreṣu saṃcinotyekajanmani || 62 ||
[Analyze grammar]

mūrkho hi na dadātyarthāniha dāridryaśaṃkayā |
prājñastu visṛjatyarthānamutra tasya śaṃkayā || 63 ||
[Analyze grammar]

kiṃ dhanena kariṣyaṃti dehino bhaṃgurāśrayāḥ |
yadarthaṃ dhanamicchaṃti taccharīramaśāśvatam || 64 ||
[Analyze grammar]

akṣaradvayamabhyastaṃ nāstināstīti yatpurā |
tadidaṃ dehidehiti viparītamupasthitam || 65 ||
[Analyze grammar]

bodhayaṃti ca yāvaṃto dehīti kṛpaṇaṃ janāḥ |
avastheyamadānasya mā bhūdevaṃ bhavānapi || 66 ||
[Analyze grammar]

dāturevopakārāya vadatyarthīti dehi me |
yasmāddātā prayātyūrdhvamadhastiṣṭhetpratigrahī || 67 ||
[Analyze grammar]

daridrā vyādhitā mūrkhāḥ parapreṣyakarāḥ sadā |
adattadānājjāyaṃte duḥkhasyaiva hi bhājanāḥ || 68 ||
[Analyze grammar]

dhanavaṃtamadātāraṃ daridraṃ vā'tapasvinam |
ubhāvaṃbhasi moktavyau kaṃṭhe baddhā mahāśilām || 69 ||
[Analyze grammar]

śateṣu jāyate śūraḥ sahasreṣu ca paṃḍitaḥ |
vaktā śatasahasreṣu dātā jāyeta vā na vā || 70 ||
[Analyze grammar]

gobhirvipraiśca vedaiśca satībhiḥ satyavādibhiḥ |
alubdhairdānaśīlaiśca saptabhirdhāryate mahī || 71 ||
[Analyze grammar]

śibirauśīnaroṅgāni sutaṃ ca priyamaurasam |
brāhmaṇārthamupākṛtya nākapṛṣṭhamito gataḥ || 72 ||
[Analyze grammar]

pratarddanaḥ kāśipati pradāya nayane svake |
brāhmaṇāyātulāṃ kīrtimiha cāmutra cāśnute || 73 ||
[Analyze grammar]

nimī rāṣṭraṃ ca vaideho jāmadagnyo vasuṃdharām |
brāhmaṇebhyo dadau cāpi gayaścorvīṃ sapattanām || 74 ||
[Analyze grammar]

avarṣati ca parjanye sarvabhūtanivāsakṛt |
vasiṣṭho jīvayāmāsa prajāpatiriva prajāḥ || 75 ||
[Analyze grammar]

brahmadattaśca pāṃcālyo rājā buddhimatāṃ varaḥ |
nidhiṃ śaṃkhaṃ dvijāgryebhyo dattvā svargamavāptavān || 76 ||
[Analyze grammar]

sahasrajicca rājarṣiḥ prāṇāniṣṭānmahāyaśāḥ |
brāhmaṇārthe parityajya gato lokānanuttamān || 77 ||
[Analyze grammar]

ete cānye ca bahavaḥ sthāṇordānena bhaktitaḥ |
rudralokaṃ gatā nityaṃ śāntātmāno jitendriyāḥ || 78 ||
[Analyze grammar]

eṣāṃ pratiṣṭhitā kīrtiryāvatsthāsyati medinī |
iti saṃciṃtya sārārthī sthāṇudānaparo bhava || 79 ||
[Analyze grammar]

so'pi moha parityajya tathā kātyāyano'bhavat || 80 ||
[Analyze grammar]

nārada uvāca |
evaṃ suśravasā proktāṃ kathāmākarṇya padmabhūḥ |
harṣāśrusaṃyuto'tīva praśaśaṃsa muhurmuhuḥ || 81 ||
[Analyze grammar]

sādhu te vyāhṛtaṃ vatsa evametanna cānyathā |
satyaṃ sārasvataḥ prāha satyā caivaṃ tathā śrutiḥ || 82 ||
[Analyze grammar]

dānaṃ yajñānāṃ varūthaṃ dakṣiṇā loke dātāraṃsarvabhūtānyupajīvaṃti dānenārātīraṃpānudaṃta dānena dviṣaṃto mitrā bhavaṃti dāne sarvaṃ pratiṣṭhitaṃ tasmāddānaṃ paramaṃ vadaṃtīti || 83 ||
[Analyze grammar]

saṃsārasāgare ghore dharmādharmormisaṃkule |
dānaṃ tatra niṣeveta tacca nauriva nirmitam || 84 ||
[Analyze grammar]

iti saṃciṃtya ca mayā puṣkare sthāpitā dvijāḥ |
gaṅgāyamunayormadhye madhyadeśe dvijāḥ sṛte || 85 ||
[Analyze grammar]

sthāpitāḥ śrīharibhyāṃ tu śrīgauryā vedavittamāḥ |
rudreṇa nāgarāścaiva pārvatyā śaktipūrbhavāḥ || 86 ||
[Analyze grammar]

śrīmāle ca tathā lakṣmyā hyevamādisurottamaiḥ |
nānāgrahārāḥ saṃdattā lokoddharaṇakāṃkṣayā || 87 ||
[Analyze grammar]

na hi dānaphale kāṃkṣā kācinna'sti surottamāḥ |
sādhusaṃrakṣaṇārthaṃ hi dānaṃ naḥ parikīrtitam || 88 ||
[Analyze grammar]

brāhmaṇāśca kṛtasthānā nānādharmopadeśanaiḥ |
samuddharaṃti varṇāṃstrīṃstataḥ pūjyatamā dvijāḥ || 89 ||
[Analyze grammar]

dānaṃ caturvidhaṃ dānamutsargaḥ kalpitaṃ tathā |
saṃśrutaṃ ceti vividhaṃ tatkramātparikīrtitam || 90 ||
[Analyze grammar]

vāpīkūpataḍāgānāṃ vṛkṣavidyāsuraukasām |
maṭhaprapāgṛhakṣetradānamutsarga ityasau || 91 ||
[Analyze grammar]

upajīvannimānyaśca puṇyaṃ ko'pi carennaraḥ |
ṣaṣṭhamaṃśaṃ sa labhate yāvadyo visṛjeddvijaḥ || 92 ||
[Analyze grammar]

tadeṣāmeva sarveṣāṃ viprasaṃsthāpanaṃ param |
devasaṃsthāpanaṃ caiva dharmastanmūla eva yat || 93 ||
[Analyze grammar]

devatāyatanaṃ yāvadyāvacca brāhmaṇagṛham |
tāvaddātuḥ pūrvajānāṃ puṇyāṃśaścopatiṣṭhati || 94 ||
[Analyze grammar]

etatsvalpaṃ hi vāṇijyaṃ punarbahuphalapradam |
jīrṇoddhāre ca dviguṇametadeva prakīrtitam || 95 ||
[Analyze grammar]

tasmādidaṃ tvahamapibravīmi surasattamāḥ |
nāsti dānasamaṃ kiṃcitsatyaṃ sārasvato jagau || 96 ||
[Analyze grammar]

nārada uvāca |
iti sārasvataproktāṃ tathā padmabhuveritām |
sādhusādhvityamodaṃta surāścāhaṃ suvismitāḥ || 97 ||
[Analyze grammar]

tataḥ sabhāvisargāṃte suramye merumūrdhani |
upaviśya śilāpṛṣṭhe ahametadaciṃtayam || 98 ||
[Analyze grammar]

satyamāha viraṃcistu sa kimarthaṃ tu jīvati |
yenaikamapi taddhṛttaṃ naiva yena kṛtārthatā || 99 ||
[Analyze grammar]

tadahaṃ dānapuṇyaṃ hi kariṣyāmi kathaṃ sphuṭam |
kaupīnadaṇḍātmadhano dhanaṃ svalpaṃ hi nāsti me || 100 ||
[Analyze grammar]

anarhate yaddadāti na dadāti tathārhate |
arhānarhaparijñānāddānadharmo hi duṣkaraḥ || 101 ||
[Analyze grammar]

deśekāle ca pātre ca śuddhena manasā tathā |
nyāyārjitaṃ ca yo dadyādyauvane sa tadaśnute || 102 ||
[Analyze grammar]

tamovṛtastu yo dadyātkrodhāttathaiva ca |
bhuṃkte dāna phalaṃ taddhi garbhastho nātra saṃśayaḥ || 103 ||
[Analyze grammar]

bālatve'pi ca so'śrāti yaddattaṃ dambhakāraṇāt |
dattamanyāyato vittaṃ vai cārthakāraṇam || 104 ||
[Analyze grammar]

vṛddhatve hi samaśrāti naro vai nātra bhaviṣyati |
tasmāddeśe ca kāle ca supātre vidhinā naraḥ |
śubhārjitaṃ prayuñjīta śraddhayā śāṭhyavarjitaḥ || 105 ||
[Analyze grammar]

tadetannirdhanatvācca kathaṃ nāma bhaviṣyati |
satyamāhuḥ purā vākyaṃ purāṇamunayo'malāḥ || 106 ||
[Analyze grammar]

nādhanasyāstyayaṃ loko na paraśca kathaṃcana |
abhiśastaṃ prapaśyaṃti daridraṃ pārśvataḥ sthitam || 107 ||
[Analyze grammar]

dāridryaṃ pātakaṃ loke kastacchaṃsitumarhati |
patitaḥ śocyate sarvairnirdhanaścāpi śocyate || 108 ||
[Analyze grammar]

yaḥ kṛśāśvaḥ kṛśadhanaḥ kṛśabhṛtyaḥ kṛśātithiḥ |
sa vai proktaḥ kṛśonāma na śarīrakṛśaḥ kṛśaṛ || 109 ||
[Analyze grammar]

arthavānduṣkulīno'pi loke pūjyatamo naraḥ |
śaśinastulyavaṃśo'pi nirdhanaḥ paribhūyate || 110 ||
[Analyze grammar]

jñānavṛddhāstapovṛddhā ye ca vṛddhā bahuśrutāḥ |
te sarve dhanavṛddhasya dvāri tiṣṭhanti kiṃkarāḥ || 111 ||
[Analyze grammar]

yadyapyayaṃ tribhuvane artho'smākaṃ parāgnahi |
tathāpyanyaprārthito hi tasyaiva phalado bhavet || 112 ||
[Analyze grammar]

athavaitatpurā sarvaṃ ciṃtayiṣyāmi susphuṭam |
vilokayāmi pūrvaṃ tu kiṃcidyogyaṃ hi sthānakam || 113 ||
[Analyze grammar]

sa ciṃtayitveti bahuprakāraṃ deśāṃśca grāmānnagarāṇi cāśramān |
bahūnahaṃ paryaṭannāptavānhi sthānaṃ hitaṃ sthāpaye yatra viprān || 114 ||
[Analyze grammar]