Chapter 4

[English text for this chapter is available]

nārada uvāca |
tatastvahaṃ ciṃtayāmi kathaṃ sthānamidaṃ bhavet |
mamāyattaṃ yato rājñāṃ bhūmireṣā sadā vaśe || 1 ||
[Analyze grammar]

yattvahaṃ dharmavarṇāṇaṃ gatvā yāce ha medinīm |
arpayatyeva sa ca me yācito na punaḥ paraḥ || 2 ||
[Analyze grammar]

tathā hi munibhiḥ proktaṃ dravyaṃ trividhamuttamam |
śuklaṃ madhyaṃ ca śabalamadhamaṃ gṛṣṇamucyate || 3 ||
[Analyze grammar]

śruteḥ saṃpādanācchiṣyātprāptaṃ śuklaṃ ca knyayayā |
tathā kusīdavāṇijyakṛṣiyācitameva ca || 4 ||
[Analyze grammar]

śabalaṃ procyate sadbhirdyūtacauryeṇa sāhasaiḥ |
vyājenopārjitaṃ yacca tatkṛṣṇaṃ samudāhṛtam || 5 ||
[Analyze grammar]

śuklavittena yo dharmaṃ prakuryācchraddhayānvitaḥ |
tīrthaṃ pātraṃ samāsādya devatve tatsamaśnute || 6 ||
[Analyze grammar]

rājasena ca bhāvena vittena śabalena ca |
pradadyāddānamarthibhyo mānuṣyatve tadaśnute || 7 ||
[Analyze grammar]

tamovṛtastu yo dadyātkṛṣṇavittena mānavaḥ |
tiryaktve tatphalaṃ pretya samaśrāti narādhamaḥ || 8 ||
[Analyze grammar]

tattu yācitadravyaṃ me rājasaṃ hi sphuṭaṃ bhavet |
atha brāhmaṇabhāvena nṛpaṃ yāce pratigraham || 9 ||
[Analyze grammar]

tadapyaho cātikaṣṭa hetunā tena me matam |
ayaṃ pratigraho ghoro madhvāsvādo viṣopamaḥ || 10 ||
[Analyze grammar]

pratīgraheṇa saṃyuktaṃ hyamīvamāviśoddvijam |
tasmādahaṃ nivṛttaśca pāpādasmātpratigrahāt || 11 ||
[Analyze grammar]

tataḥ kenāpyupāyena dvayoranyatareṇa tu |
svāyattaṃ sthānaka kurma etatsañciṃtaye muhuḥ || 12 ||
[Analyze grammar]

yathā kubhāryaḥ puruṣaścintāṃtaṃ na prapadyate |
tathaiva vimṛśaṃścāhaṃ ciṃtāṃtaṃ na labhāmyaṇu || 13 ||
[Analyze grammar]

etasminnantare pārtha snātuṃ tatra samāgatāḥ |
bahavo munayaḥ puṇye mahīsāgarasaṃgame || 14 ||
[Analyze grammar]

ahaṃ tānabravaṃ sarvānkuto yūyaṃ samāgatāḥ |
te māmūcuḥ praṇamyātha saurāṣṭraviṣaye mune || 15 ||
[Analyze grammar]

dharmavarmeti nṛpatiryo'sya deśasya bhūpatiḥ |
sa tu dānasya tattvārthī tepe varṣagaṇānbahūn || 16 ||
[Analyze grammar]

tatastaṃ prāha khe vāṇī ślokamekaṃ nṛpa śrṛṇu |
dvihetu ṣaḍadhiṣṭhānaṃ ṣaḍaṃgaṃ ca dvipākayuk || 17 ||
[Analyze grammar]

catuḥprakāraṃ trividhaṃ trināśaṃ dānamucyate |
ityekaṃ ślokamābhāṣya khe vāṇī virarāma ha || 18 ||
[Analyze grammar]

ślokasyārthaṃ nāvabhāṣe pṛcchamānāpi nārada |
tato rājā dharmavarmā paṭahenānvaghoṣayat || 19 ||
[Analyze grammar]

yastu ślokasya caivāsya labdhasya tapasā mayā |
karoti samyagavyākhyānaṃ tasya caitaddadāmyaham || 20 ||
[Analyze grammar]

gavāṃ ca sapta niyutaṃ suvarṇaṃ tāvadeva tu |
saptagrāmānprayacchāmi ślokavyākhyāṃ karoti yaḥ || 21 ||
[Analyze grammar]

paṭaheneti nṛpateḥ śrutvā rājño vaco mahat |
ājagmurbahudeśīyā brāhmaṇāḥ koṭiśo mune || 22 ||
[Analyze grammar]

punardurbodhavinyāsaḥ ślokastairviprapuṃgavaiḥ |
ākhyātuṃ śakyate naiva guḍo mūkairyathā mune || 23 ||
[Analyze grammar]

vayaṃ ca tatra yātāḥ smo dhanalobhena nārada |
durbodhatvānnamaskṛtya ślokaṃ cātra samāgatāḥ || 24 ||
[Analyze grammar]

durvyākhyeyastvayaṃ śloko dhanaṃ labhyaṃ na caiva naḥ |
tīrthayātrāṃ kathaṃ yāmītyevāciṃtyātra cāgatāḥ || 25 ||
[Analyze grammar]

evaṃ phālguna teṣāṃ tu vacaḥ śrutvā mahātmanām |
atīva saṃprahṛṣṭo'haṃ tānvisṛjyetyaciṃtayam || 26 ||
[Analyze grammar]

aho prāpta upāyo me sthānaprāptau na saṃśayaḥ |
ślokaṃ vyākhyāya nṛpaterlapsye sthānaṃ dhanaṃ tathā || 27 ||
[Analyze grammar]

vidyāmūlyena naivaṃ ca yācitaḥ syātpratigrahaḥ |
satyamāha purāṇārṣirvāsudevo jagadguruḥ || 28 ||
[Analyze grammar]

dharmasya yasya śraddhā syānna ca sā naiva pūryate |
pāpasya yasya śraddhāsyānna ca sāpi na pūryate || 29 ||
[Analyze grammar]

evaṃ viciṃtya vidvāṃsaḥ prakurvaṃti yathāruci |
satyametadvibhorvākyaṃ durlabho'pi yathā hi me || 30 ||
[Analyze grammar]

manoratho'yaṃ saphalaḥ saṃbhūtoṃkuritaḥ sphuṭam |
enaṃ ca durvidaṃ ślokamahaṃ jānāmi susphuṭam || 31 ||
[Analyze grammar]

amūrtaiḥ pitṛbhiḥ pūrvameva khyāto hi me purā |
evaṃ harṣānvitaḥ pārtha saṃciṃtyā'haṃ tato muhuḥ || 32 ||
[Analyze grammar]

praṇamya tīrthaṃ calito mahīsāgarasaṃgamam |
vṛddhabrāhmaṇarūpeṇa tatohaṃ yātavānnṛpam || 33 ||
[Analyze grammar]

idaṃ bhaṇitavānasmi ślokavyākhyāṃ nṛpa śrṛṇu |
yatte paṭahavikhyātaṃ dānaṃ ca praguṇīkuru || 34 ||
[Analyze grammar]

evamukte nṛpaḥ prāha procurevaṃ hi koṭiśaḥ |
dvijottamāḥ punarnasyaṃ proktumartho hi śakyate || 35 ||
[Analyze grammar]

ke dvihetū ṣaḍākhyātānyadhiṣṭhānāni kāni ca |
kāni caiva ṣaḍaṃgāni kau dvau pākau tathā smṛtau || 36 ||
[Analyze grammar]

ke ca prakārāścatvāraḥ kiṃsvittattrividhaṃ dvija |
payo nāśāśca ke proktā dānasyaitatsphuṭaṃ vada || 37 ||
[Analyze grammar]

sphuṭānpraśnānimānsapta yadi vakṣyasi brāhmaṇa |
tato gavāṃ saptaniyutaṃ suvarṇaṃ tāvadeva tu || 38 ||
[Analyze grammar]

sapta grāmāṃśca dāsyāmi no cedyāsyasi svaṃ gṛham |
ityuktvā vacanaṃ pārtha saurāṣṭrasvāminaṃ nṛpam || 39 ||
[Analyze grammar]

dharmavarmāṇamastvevaṃ prāvocamavadhāraya |
ślokavyākhyāṃ sphuṭāṃ vakṣye dānahetū ca tau śrṛṇu || 40 ||
[Analyze grammar]

alpatvaṃ vā bahutvaṃ vā dānasyābhyudayāvaham |
śraddhā śaktiśca dānānāṃ vṛddhyakṣayakarehi te || 41 ||
[Analyze grammar]

tatra śraddhāviṣaye ślokā bhavanti |
kāyakleśaiśca bahubhirna caivārathasya rāśibhiḥ || 42 ||
[Analyze grammar]

dharmaḥ saṃprāpyate sūkṣmaḥ śraddhā dharmo'dbhutaṃ tapaḥ |
śraddhā svargaśca mokṣaśca śraddhā sarvamidaṃ jagat || 43 ||
[Analyze grammar]

sarvasvaṃ jīvitaṃ cāpi dadyādaśraddhayā yadi |
nāpnuyātsa phalaṃ kiṃcicchraddadhānastato bhavet || 44 ||
[Analyze grammar]

śraddhayā sādhyate dharmo mahadbhirnārtharāśibhiḥ |
akiṃcanā hi munayaḥ śraddhāvaṃto divaṃ gatāḥ || 45 ||
[Analyze grammar]

trividhā bhavati śraddhā dehināṃ sā svabhāvajā |
sāttvikī rājasī caiva tāmasī ceti tāṃ śrṛṇu || 46 ||
[Analyze grammar]

yajaṃte sāttvikā devānyakṣarakṣāṃsi rājasāḥ |
pretānbhūtapiśācāṃśca yajaṃte tāmasā janāḥ || 47 ||
[Analyze grammar]

tasmācchraddhāvatā pātre dattaṃ nyāyārjitaṃ hi yat |
tenaiva bhagavānrudraḥ svalpakenāpi tuṣyati || 48 ||
[Analyze grammar]

śaktiviṣaye ca ślokā bhavaṃti |
kuṭuṃbabhuktavasanāddeyaṃ yadatiricyate |
madhvāsvādo viṣaṃ paścāddāturdharmo'nyathā bhavet || 49 ||
[Analyze grammar]

śakte parajane dātā svajane duḥkhajīvini |
madhvāpānaviṣādaḥ sa dharmāṇāṃ pratirūpakaḥ || 50 ||
[Analyze grammar]

bhṛtyānāmuparodhena yatkarotyaurdhvadaihikam |
tadbhavatyasukhodakaṃ jīvato'sya mṛtasya ca || 51 ||
[Analyze grammar]

sāmānyaṃ yācitaṃ nyāsamādhirdārāśca darśanam |
anvāhitaṃ ca nikṣepaḥ sarvasvaṃ cānvaye sati || 52 ||
[Analyze grammar]

āpatsvapi na deyāni navavastūni paṃḍitaiḥ |
yo dadāti sa mūḍhātmā prāyāścittīyate naraḥ || 53 ||
[Analyze grammar]

iti te gaditau rājandvau hetū śrūyatāmataḥ |
adhiṣṭhānāni vakṣyāmi ṣaḍeva śrṛṇu tānyapi || 54 ||
[Analyze grammar]

dharmamarthaṃ ca kāmaṃ ca vrīḍāharṣabhayāni ca |
adhiṣṭhānāni dānānāṃ ṣaḍetāni pracakṣate || 55 ||
[Analyze grammar]

pātrebhyo dīyate nityamanapekṣya prayojanam |
kevalaṃ dharmabuddhyā yaddharmadānaṃ taducyate || 56 ||
[Analyze grammar]

dhaninaṃ dhanalobhena lobhayitvārthamāharet |
tadarthadānamityāhuḥ kāmadānamataḥ śrṛṇu || 57 ||
[Analyze grammar]

prayojanamapekṣyaiva prasaṃgādyatpradīyate |
anarheṣu sarāgeṇa kāmadānaṃ taducyate || 58 ||
[Analyze grammar]

saṃsadi vrīḍayā'śrutya ārthibhyaḥ pradadāti ca |
pratidīyate ca yaddānaṃ vrīḍādānamiti śrutam || 59 ||
[Analyze grammar]

dṛṣṭvā priyāṇi śrutvā vā harṣavadyatpradīyate |
harṣadānamiti proktaṃ dānaṃ taddharmaciṃtakaiḥ || 60 ||
[Analyze grammar]

ākrośānarthahiṃsānāṃ pratīkārāya yadbhavet |
dīyate'nupakartṛbhyo bhayadānaṃ taducyate || 61 ||
[Analyze grammar]

proktāni ṣaḍadhiṣṭhānānyaṃgānyapi ca ṣaṭcchruṇu |
dātā pratigrahītā ca śuddhirdeyaṃ ca dharmayuk || 62 ||
[Analyze grammar]

deśakālau ca dānānāmaṃgānyetāni ṣaḍviduḥ |
aparogī ca dharmātmā ditsuravyasanaḥ śuciḥ || 63 ||
[Analyze grammar]

aniṃdyājīvakarmā ca ṣaḍbhirdātā praśasyate |
anṛjuścāśraddadhāno'śāṃtātmā dhṛṣṭabhīrukaḥ || 64 ||
[Analyze grammar]

asatyasaṃdho nidrālurdātāyaṃ tāmaso'dhamaḥ |
triśuklaḥ kṛśavṛttiśca ghṛṇāluḥ sakaleṃdriyaḥ || 65 ||
[Analyze grammar]

vimukto yonidoṣebhyo brāhmaḥ pātramucyate |
saumukhyādabhisaṃprītirarthināṃ darśane sadā |
satkṛtiścānasūyā ca tadā śuddhiriti smṛtā || 66 ||
[Analyze grammar]

aparābādhamakleśaṃ svayatnenārjitaṃ dhanam |
svalpaṃ vā vipulaṃ vāpi deyamityabhidhīyate || 67 ||
[Analyze grammar]

tenāpi kila dharmeṇa uddiśya kila kiṃcana |
deyaṃ taddharmayugiti śūnye śūnyaṃ phalaṃ matam || 68 ||
[Analyze grammar]

nyāyena durlabhaṃ dravyaṃ deśe kālepi vā punaḥ |
dānārhau deśakālau tau syātāṃ śreṣṭhau na cānyathā || 69 ||
[Analyze grammar]

ṣaṃḍagānīti coktāni dvau ca pākāvataḥ śrṛṇu |
dvau pākau dānajau prāhuḥ paratrātha tvihocyate || 70 ||
[Analyze grammar]

sadbhyo yaddīyate kiṃcittatparatropatiṣṭhati |
asatsu dīyate kiṃcittaddānamiha bhujyate || 71 ||
[Analyze grammar]

dvau pākāviti nirdiṣṭau prakārāṃścaturaḥ śrṛṇu |
dhruvamāhustrikaṃ kāmyaṃ naimittikamiti kramāt || 72 ||
[Analyze grammar]

vaidiko dānamārgo'yaṃ caturdhā varṇyate dvijaiḥ |
prapārāmataḍāgādisarvakāmaphalaṃ dhruvam || 73 ||
[Analyze grammar]

tadāhustrikāmityāhurdīyate yaddinedine |
apatyavijayaiśvaryastrībālārthaṃ pradīyate || 74 ||
[Analyze grammar]

icchāsaṃsthaṃ ca yaddānaṃ kāmyamityabhidhīyate |
kālāpekṣaṃ kriyāpekṣaṃ guṇāpekṣamiti smṛtau || 75 ||
[Analyze grammar]

tridhā naumittikaṃ proktaṃ sadā homavivarjitam |
iti proktāḥ prakārāste traividhyamabhidhīyate || 76 ||
[Analyze grammar]

aṣṭottamāni catvāri madhyamāni vidhānataḥ |
kānīyasāni śeṣāṇi trividhatvamidaṃ viduḥ || 77 ||
[Analyze grammar]

gṛhaprāsādavidyābhūgokūpaprāṇahāṭakam |
etānyuttamadānāni uttamadravyadānataḥ || 78 ||
[Analyze grammar]

annārāmaṃ ca vāsāṃsi hayaprabhṛtivāhanam |
dānāni madhyamānīti madhyamadravyadānataḥ || 79 ||
[Analyze grammar]

upānacchatrapātrādidadhimadhvāsanāni ca || 80 ||
[Analyze grammar]

dīpakāṣṭhopalādīni caramaṃ bahuvārṣikam |
iti kānīyasānyāhurdānanāśatrayaṃ śrṛṇu || 81 ||
[Analyze grammar]

yaddattvā tapyate paścādāsuraṃ taddhṛthā matam |
aśraddhayā yaddadāti rākṣasaṃ syādvṛthaiva tat || 82 ||
[Analyze grammar]

yaccākruśya dadātyaṃga dattvā vākrośati dvijam |
paiśācaṃ tadvṛthā dānaṃdānanāśāstrayastvamī || 83 ||
[Analyze grammar]

iti saptapadairbaddhaṃ dānamāhātmya muttamam |
śaktyā te kīrtitaṃ rājansādhu vā'sādhu vā vada || 84 ||
[Analyze grammar]

dharmavarmovāca |
adya me saphalaṃ janma adya me saphalaṃ tapaḥ |
adya te kṛtakṛtyo'smi kṛtaḥ kṛtimatāṃ vara || 85 ||
[Analyze grammar]

paṭhitvā sakalaṃ janma brahmacāri yathā vṛthā |
bahukleśātprāptabhāryaḥ sāvṛthā'priyavādinī || 86 ||
[Analyze grammar]

kleśena kṛtvā kūpaṃ vā sa ca kṣārodako vṛthā |
bahukleśairjanma nītaṃ vinā dharmaṃ tathā vṛthā || 87 ||
[Analyze grammar]

evaṃ me yadvṛthā nāma jātaṃ tatsaphalaṃ tvayā |
kṛtaṃ tasmānnamastubhyaṃ dvijebhyaśca namonamaḥ || 88 ||
[Analyze grammar]

satyamāha purā viṣṇuḥ kumārānviṣṇusadbhani || 89 ||
[Analyze grammar]

nāhaṃ tathādbhi yajamānahavirvitānaścayotadghṛtaplutamadanhutabhuṅmukhena |
yadbrāhmaṇasya mukhataścaratonughāsaṃ tuṣṭasya mayyavahitairnijakarmapākaiḥ || 90 ||
[Analyze grammar]

tanmayā'śarmaṇā vāpi yadvipreṣvapriyaṃ kṛtam |
sarvasya prabhavo viprāstatkṣamatāṃ prasādaye || 91 ||
[Analyze grammar]

tvaṃ ca kosi na sāmānyaḥ praṇamyāhaṃ prasādaye |
ātmānaṃ khyāpaya mune proktaścetyabravaṃ tadā || 92 ||
[Analyze grammar]

nārada uvāca |
nārado'smi nṛpaśreṣṭha sthānakārthī samāgataḥ |
proktaṃ ca dehi me dravyaṃ bhūmiṃ ca sthānahetave || 93 ||
[Analyze grammar]

yadyapīyaṃ devatānāṃ bhūmirdravyaṃ ca pārthiva |
tathāpi yasminyaḥ kāle rājā prārthyaḥ sa niścitam || 94 ||
[Analyze grammar]

sahīśvarasyāvatāro bharttā dātā'bhayasya saḥ |
tathaiva tvāmahaṃ yāce dravyaśuddhipsayā |
pūrva mamālayaṃ dehi deyārthe prārthanāparaḥ || 95 ||
[Analyze grammar]

rājovāca |
yadi tvaṃ nārado vipra rājyamastvakhilaṃ tava |
ahaṃ hi brāhmaṇānāṃ te dāsyaṃ kartā na saṃśayaḥ || 96 ||
[Analyze grammar]

nārada uvāca |
yadyasmākaṃ bhavānbhaktastatte kāryaṃ ca no vacaḥ || 97 ||
[Analyze grammar]

sarvaṃ yattaddehi me dravyamuktaṃ bhuvaṃ ca me saptagavyūtimātrām |
bhūyāttvattopyasya rakṣeti so'pi mene tvahaṃ ciṃtaye cārthaśeṣam || 98 ||
[Analyze grammar]