Chapter 11

[English text for this chapter is available]

maheśvara uvāca |
pratipakṣe caturthyāṃ tu pūjanīyo gaṇādhipaḥ |
snātvā śuklatilaiḥ śuddhaiḥ śuklapakṣe sadā nṛbhiḥ || 1 ||
[Analyze grammar]

kṛtvā cāvasyakaṃ sarvaṃ gaṇeśasyārcanakriyām |
prayatnenaiva kurvīta gaṃdhamālyākṣatādibhiḥ || 2 ||
[Analyze grammar]

dhyānamādau prakartavyaṃ gaṇeśasya yathāvidhi |
āgamā bahavo jātā gaṇeśasya yathā mama || 3 ||
[Analyze grammar]

bahudhopāsakā yasmāttamaḥ sattvarajonvitāḥ |
gaṇabhedena tānyeva nāmāni bahudhā'bhavat || 4 ||
[Analyze grammar]

paṃcavaktro gaṇādhyakṣo daśabāhustrilocanaḥ |
kāṃtasphaṭikasaṃkāśo nīlakaṃṭho gajānanaḥ || 5 ||
[Analyze grammar]

mukhāni tasya paṃcaiva kathayāmi yatātatham || 6 ||
[Analyze grammar]

madhyamaṃ tu mukhaṃ gauraṃ caturdantaṃ trilocanam |
śuṃḍādaṃḍamanojñaṃ ca puṣkare modakānvitam || 7 ||
[Analyze grammar]

tathānyatpītavarṇaṃ ca nīlaṃ ca śubhalakṣaṇam |
piṃgalaṃ ca tathā śubhraṃ gaṇeśasya śubhānanam || 8 ||
[Analyze grammar]

tathā daśabhujeṣveva hyāyudhāni bravīmi vaḥ |
pāśaṃ pasśupadme ca aṃkuśaṃ daṃtameva ca || 9 ||
[Analyze grammar]

akṣamālāṃ lāṃgalaṃ ca musalaṃ varadaṃ tathā |
pūrṇaṃ ca modakaiḥ pātraṃ pāṇinā ca viciṃtayet || 10 ||
[Analyze grammar]

laṃbodara virūpākṣaṃ nivītaṃ mekhalānvitam |
yogāsane copaviṣṭaṃ caṃdralekhāṃ kaśekharam || 11 ||
[Analyze grammar]

dhyānaṃ ca sāttvikaṃ jñeyaṃ rājasaṃ hi nṛṇāmiva |
śuddhacāmīkarābhāsaṃ gajānanamalaukikam || 12 ||
[Analyze grammar]

caturbhujaṃ trinayanamekadaṃtaṃ mahodaram |
pāśāṃkuśadharaṃ devaṃ daṃtamodakapātrakam || 13 ||
[Analyze grammar]

nīlaṃ ca tāmasaṃ dhyānamevaṃ trividhamucyate |
tataḥ pūjā prakartavyā bhavadbhiḥ śīghrameva ca || 14 ||
[Analyze grammar]

ekaviṃśatidūrvābhirdvābhyāṃ nāmnā pṛthakpṛthak |
sarvanāmabhirekaiva dīyate gaṇanāyake || 15 ||
[Analyze grammar]

tathaiva nāmabhirdeyā ekaviṃśatimodakāḥ |
daśanāmānyahaṃ vakṣye pūjanārthaṃ pṛthakpṛthak || 16 ||
[Analyze grammar]

gaṇādhipa namastestu umāputrāghanāśana |
vināyakeśaputroti sarvasiddhipradāyaka || 17 ||
[Analyze grammar]

ekadaṃtebhavaktreti tathā mūṣakavāhana |
kumāragurave tubhyaṃ pūjanīyaḥ prayatnataḥ || 18 ||
[Analyze grammar]

evamuktvā surānsadyaḥ pariṣvajya ca sādaram |
viṣṇuṃ guhāśayaṃ sadyo brahmāṇaṃ ca sadāśivaḥ || 19 ||
[Analyze grammar]

tirodhāna gataḥ sadyaḥ śaṃbhuḥ paramaśobhanaḥ |
praṇamya śaṃbhuṃ te sarve gaṇādhyakṣārccane ratāḥ || 20 ||
[Analyze grammar]

tataḥ saṃpūjya vidhivadgaṇādhyakṣārccane ratāḥ |
upacārairanekaiśca dūrvābhiśca pṛthakpṛthak || 21 ||
[Analyze grammar]

saṃtuṣṭo hi gaṇādhyakṣo devānāṃ varado'bhavat |
pradakṣiṇaṃ namaskṛtya taiḥ sarvairabhitoṣitaḥ || 22 ||
[Analyze grammar]

tamoguṇānvitāḥ sarve hyasurā nābhyapūjayan |
upahāsaparāste vai devānpratyasurottamāḥ || 23 ||
[Analyze grammar]

pūjayitvā śāṃkariṃ te punaḥ kṣīrārṇavaṃ yayuḥ |
brahmā viṣṇuśca ṛṣayo devadaityāḥ surottamāḥ || 24 ||
[Analyze grammar]

maṃthānaṃ maṃdaraṃ kṛtvā rajjuṃ kṛtvātha vāsukim |
mamaṃthuśca tadā devā viṣṇuṃ kṛtvātha sannidhau || 25 ||
[Analyze grammar]

mathyamāne tadābdhau ca nirgataścaṃdra agrataḥ |
pīyūṣapūrṇaḥ sarveṣāṃ devānāṃ kāryasiddhaye || 26 ||
[Analyze grammar]

śaunaka uvāca |
arṇave kiṃ purā caṃdro nikṣiptaḥ kena suvrata |
gajādikāni ratnāni kathitāni tvayā purā || 27 ||
[Analyze grammar]

etatsarvaṃ samāsena ādau kathaya me prabho |
jñātvā sarve vayaṃ sūta paścādāvarṇayāmahe || 28 ||
[Analyze grammar]

teṣāṃ tadvacanaṃ śrutvā sūto vākyamupādade || 29 ||
[Analyze grammar]

caṃdra āpomayo viprā atriputro guṇānvitaḥ |
utpanno hyanasūyāyāṃ brahmaṇoṃ'śātsamudbhavaḥ |
rudrasyāṃśāddhi durvāsā viṣṇoraṃśāttu dattakaḥ || 30 ||
[Analyze grammar]

kṣīrābdhiṃ mathyamānaṃ tu dṛṣṭvā caṃdro mudānvitaḥ |
kṣīrābdhirapi caṃdraṃ ca dṛṣṭvā so'pyutsuko'bhavat || 31 ||
[Analyze grammar]

praviṣṭaścobhayaprītyā śrṛṇvatāṃ bho dvijottamāḥ |
caṃdro hyamṛta pūrṇobhūdagrato devasannidhau || 32 ||
[Analyze grammar]

dṛṣṭvā ca kāṃtiṃ tvarito'tha caṃdro nīrājito devagaṇaistadānīm |
vāditragoṣaistumulairanekairmṛdaṃgaśaṃkhaiḥ paṭahairanekaiḥ || 33 ||
[Analyze grammar]

namaścakruśca te sarve sasurāsuradānavāḥ |
tadā gargaṃ pṛcchamānā balaṃ caṃdrasya tattvataḥ || 34 ||
[Analyze grammar]

gargeṇoktāstadā sarveṣāṃ balamadya vai |
keṃdrasthānagatāḥ sarve bhavatāmuttamā grahāḥ || 35 ||
[Analyze grammar]

caṃdraṃ muruḥ samāyāto budhaścaiva samāgataḥ |
ādityaśca tathā śukraḥ śaniraṃgārako mahān || 36 ||
[Analyze grammar]

tasmāccaṃdrabalaṃ śreṣṭhaṃ bhavatāṃ kāryasiddhaye |
gomaṃtasaṃjñakonāma muhūrto'yaṃ jayapradaḥ || 37 ||
[Analyze grammar]

evamāśvāsitā devā gargeṇaiva mahātmanā |
mamaṃthurabdhiṃ tvaritā garjamānā mahābalāḥ || 38 ||
[Analyze grammar]

dviguṇaṃ balamāpannā mahātmāno dṛḍhavratāḥ |
maheśaṃ smaramāṇāste gaṇeśaṃ ca punaḥ punaḥ || 39 ||
[Analyze grammar]

nirmathyamānādudadhergarjamānācca sarvaśaḥ |
nirgatā surabhiḥ sākṣāddevānāṃ kāryasiddhaye || 40 ||
[Analyze grammar]

tuṣṭā kapilavarṇāṃ sā ūdhobhāreṇa bhūyasā |
taraṃgopari gacchaṃtī śanakaiḥ śanakaistataḥ || 41 ||
[Analyze grammar]

kāmadhenuṃ samāyāṃtīṃ dṛṣṭvā sarve surāsurāḥ |
puṣpavarṣeṇa mahatā vavarṣuramitaprabhām || 42 ||
[Analyze grammar]

tadā tūryāṇyanekāni nedurvādyānyanekaśaḥ |
ānītā jalamadhyācca saṃvṛtā gośatairapi || 43 ||
[Analyze grammar]

tāsu nīlāśca kṛṣṇaśca kapilāśca kapiṃjalāḥ |
babhravaḥ śyāmakā raktā jaṃbūvarṇāśca piṃgalāḥ |
ābhiryuktā tadā gobhiḥ surabhiḥ pratyadṛśyata || 44 ||
[Analyze grammar]

asurāsurasaṃvītāṃ kāmadhenuṃ yayācire |
ṛṣayo harṣasaṃyuktā devāndaityāṃśca tatkṣaṇāt || 45 ||
[Analyze grammar]

sarvebhyaścaiva viprebhyo nānāgotrebhya eva ca |
surabhīsahitā gāvo dātavyā nātra saṃśayaḥ || 46 ||
[Analyze grammar]

tairyācitāste'tra surāsurāśca daduśca tā gāḥ śivatoṣaṇāya |
taiḥ svīkṛtāstā ṛṣibhiḥ sumaṃgalairmahātmabhiḥ puṇyatamaiḥ surabhyaḥ || 47 ||
[Analyze grammar]

puṇyāhaṃ munibhiḥ sarvaiḥ kāritāste tadā surāḥ |
devānāṃ kāryasiddhyarthamasurāṇāṃ kṣayāya ca || 48 ||
[Analyze grammar]

punaḥ sarve susaṃrabdhā mamaṃthuḥ kṣīrasāgaram |
mathyamānāttadā tasmādudadheśca tathā'bhavat || 49 ||
[Analyze grammar]

kalpavṛkṣaḥ pārijātaścūtaḥ saṃtānakastathā |
tāndrumānekataḥ kṛtvā gandharvanagaropamān |
mamaṃthurugraṃ tvaritāḥ punaḥ kṣīrārṇavaṃ budhā || 50 ||
[Analyze grammar]

nirmathyamānādudadherabhavatsūryavarcasam |
ratnānāmuttamaṃ ratnaṃ kaustubhākhyaṃ mahāprabham || 51 ||
[Analyze grammar]

svakīyena prakāśena bhāsayaṃtaṃ jagattrayam |
ciṃtāmaṇiṃ puraskṛtya kaustubhaṃ dadṛśurhi te || 52 ||
[Analyze grammar]

sarve surā dadustaṃ vai kaustubhaṃ viṣṇave tadā |
ciṃtāmaṇi tataḥ kṛtvā madhye caiva surāsurāḥ |
mamaṃthuḥ punarevābdhiṃ garjaṃtaste balotkaṭāḥ || 53 ||
[Analyze grammar]

mathyamānāttatastasmāduccaiḥśravāḥ samadbhutam |
babhūva aśvo ratnānāṃ punaścairāvato gajaḥ || 54 ||
[Analyze grammar]

tathaiva gajaratnaṃ ca catuḥṣaṣṭyā samanvitam |
gajānāṃ pāṃḍurāṇāṃ ca caturddantaṃ madānvitam || 55 ||
[Analyze grammar]

tānsarvānmadhyataḥ kṛtvā punaścaiva mamaṃthire |
nirmathyamānādudadhernirgatāni bahūnyatha || 56 ||
[Analyze grammar]

madirā vijayā bhṛṃgī tathā laśunagṛṃjanāḥ |
atīva unmādakaro dhattūraḥ puṣkarastathā || 57 ||
[Analyze grammar]

sthāpitā naikapadyena tīre nadanadīpateḥ |
punaśca te tatra mahāsurendrā mamaṃthurabdhiṃ surasattamaiḥ saha || 58 ||
[Analyze grammar]

nirmathyamānādudadhestadāsītsā divya lakṣmīrbhuvanaikanāthā |
ānvīkṣikīṃ brahmavido vadaṃti tathaā cānye mūlavidyāṃ gṛṇaṃti || 59 ||
[Analyze grammar]

brahmavidyāṃ kecidāhuḥ samarthāḥ kecitsiddhimṛddhimājñā mathāśām |
yāṃ vaiṣṇavīṃ yoginaḥ kecidāhustathā ca māyāṃ māyino nityayuktāḥ || 60 ||
[Analyze grammar]

vadaṃti sarve kenasiddhāṃtayuktāṃ yāṃ yogamāyāṃ jñānaśaktyānvitā ye || 61 ||
[Analyze grammar]

dadṛśustāṃ mahālakṣmīmāyāṃtī śanakaistadā |
gaurāṃ ca yuvatīṃ snigdhāṃ padmakiṃjalkabhūṣaṇām || 62 ||
[Analyze grammar]

susmitāṃ sudvijāṃ śyāmāṃ navayauvanabhūṣaṇām |
vicitravastrābharaṇaratnānekodyataprabhām || 63 ||
[Analyze grammar]

biṃboṣṭhīṃ sunasāṃ tanvīṃ sugrīvāṃ cārulocanām |
sumadhyāṃ cārujaghanāṃ bṛhatkaṭitaṭāṃ tathā || 64 ||
[Analyze grammar]

nānāratnapradīpaiśca nīrājitamukhāṃbujām |
cāruprasannavadanāṃ hāranūpūraśobhitām || 65 ||
[Analyze grammar]

mūrddhani dhriyamāṇena cchatreṇāpi virājitām |
cāmarairvījyamānāṃ tāṃ gaṃgākallolalohitaiḥ || 66 ||
[Analyze grammar]

pāṃḍuraṃ gajamārūḍhāṃ stūyamānāṃ maharṣibhiḥ |
suradrumapuṣpamālāṃ bibhratīṃ mallikāyutām || 67 ||
[Analyze grammar]

karāgre dhriyamāṇāṃ tāṃ dṛṣṭvā devāḥ samutsukāḥ |
ālokanaparā yāvattāvattāndadṛśe hyasau || 68 ||
[Analyze grammar]

devāṃśca dānavāṃścaiva siddhacāraṇapannagān |
yathā mātā svaputrāṃśca mahālakṣmīstathā satī || 69 ||
[Analyze grammar]

ālokitāstathā devāstayā lakṣmyā śriyānvitāḥ |
sañjātāstatkṣaṇādeva rājya lakṣaṇalakṣitāḥ |
daityāste niḥśrikā jātā ye śriyā'navalokitāḥ || 70 ||
[Analyze grammar]

nirīkṣyamāṇā ca tadā mukundaṃ tamālanīlaṃ sukapolanāsam |
vibhrājamānaṃ vapuṣā pareṇa śrīvatsalakṣmaṃ sadayāvalokam || 71 ||
[Analyze grammar]

dṛṣṭvā tadaiva sahasā vanamālayānvitā lakṣmīrgajādavatatāra suvismayaṃtī |
kaṃṭhe sasarja puruṣasya parasya viṣṇormālāṃ śriyā viracitāṃ bhramarairupetām || 72 ||
[Analyze grammar]

vāmāṃgamāśritya tadā mahātmanaḥ sopāviśattatra samīkṣya tā ubhau |
surāḥ sadaityā mudamāpuradbhutāṃ siddhāpsaraḥ kiṃnaracāraṇāśca || 73 ||
[Analyze grammar]

sarveṣāmeva lokānāmaikapadyena sarvaśaḥ |
harṣo mahānabhūttatra lakṣmīnārāyaṇāgame || 74 ||
[Analyze grammar]

lakṣmyā vṛto mahāviṣṇurlakṣmīstenaiva saṃvṛtā |
evaṃ parasparaṃ prītyā hyavalokanatatparau || 75 ||
[Analyze grammar]

śaṃkhāśca paṭahāścaiva mṛdaṃgānakagomukhāḥ |
bheryaśca jharjharīṇāṃ ca sa śabdastumulo'bhavat || 76 ||
[Analyze grammar]

babhūva gāyakānāṃ ca gāyanaṃ sumahattadā |
tatāni vitatānyena ghānāni suṣirāṇi ca || 77 ||
[Analyze grammar]

evaṃ vādyaprabhedaiśca viṣṇuṃ sarvātmanā harim |
atoṣayansugītajñā gaṃdharvāpsarasāṃ gaṇāḥ || 78 ||
[Analyze grammar]

tathā jagurnāradatuṃburādayo gaṃdharvayakṣāḥ surasiddha saṃghāḥ |
saṃsevamānāḥ paramātmarūpaṃ nārāyaṇaṃ devamagādhabodham || 79 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kedārakhaṇḍe samudramanthanākhyāne lakṣmīprādurbhāvavarṇanaṃnāmaikādaśo'dhyāyaḥ || 11 ||
[Analyze grammar]