Chapter 12

[English text for this chapter is available]

lomaśa uvāca |
praṇamya paramātmānaṃ ramāyuktaṃ janārddanam |
amṛtārthaṃ mamaṃthuste surāsuragaṇāḥ punaḥ || 1 ||
[Analyze grammar]

udadhermathyamānācca nirgataḥ sumahāyaśāḥ |
dhanvaṃtaririti khyāto yuvā mṛtyuñjayaḥ paraḥ || 2 ||
[Analyze grammar]

pāṇibhyāṃ pūrṇakalaśaṃ sudhāyāḥ parigṛhya vai |
yāvatsarve surāḥ sarve nirīkṣaṃte manoharam || 3 ||
[Analyze grammar]

tadā daityāḥ samaṃ gatvā hartukāmā balādiva |
sudhayā pūrṇakalaśaṃ dhanvaṃtarikare sthitam || 4 ||
[Analyze grammar]

yāvattaraṃgamālābhirāvṛto'bhūdbhiṣaktamaḥ |
śanaiḥ śanaiḥ samāyāto dṛṣṭo'sau vṛṣaparvaṇā || 5 ||
[Analyze grammar]

karasthaḥ kalaśastasya hṛtastena balādiva |
asurāśca tataḥ sarve jagarjuratibhīṣaṇam || 6 ||
[Analyze grammar]

kalaśaṃ sudhayā pūrṇaṃ gṛhītvā te samutsukāḥ |
daityāḥ pātālamājagmustadā devā bhramānvitāḥ || 7 ||
[Analyze grammar]

anujagmuḥ susaṃnaddhā yoddhukāmāśca taiḥ saha |
tadā devānsamālokya balirevamabhāṣata || 8 ||
[Analyze grammar]

baliruvāca |
vayaṃ tu kevalaṃ devāḥ sudhayā paritoṣitāḥ |
śīghrameva pragaṃtavyaṃ bhavadbhiśca surottamaiḥ || 9 ||
[Analyze grammar]

triviṣṭapaṃ mudā yuktaiḥ kimasmābhiḥ prayojanam |
purāsmābhiḥ kṛtaṃ maitraṃ bhavadbhiḥ svārthatatparaiḥ |
adhunā viditaṃ tattu nātra kāryā vicāraṇā || 10 ||
[Analyze grammar]

evaṃ nirbhārtsitāstena balinā surasattamāḥ |
yathāgatena mārgeṇa jagmurnārāyaṇaṃ prabhum || 11 ||
[Analyze grammar]

taṃ dṛṣṭvā viṣṇunā sarve surā bhagnamanorathā |
āśvāsitā vacobhiśca nānānunayako vidaiḥ || 12 ||
[Analyze grammar]

mā trāsaṃ kurutātrārtha ānayiṣyāmi tāṃ sudhām |
evamābhāṣya bhagavānmukundo'nāthasaṃśrayaḥ || 13 ||
[Analyze grammar]

sthāpayitvā surānsarvāṃstatraiva madhusūdanaḥ |
mohanīrūpamāsthāya daityanāmagrato'bhavat || 14 ||
[Analyze grammar]

tāvaddaityāḥ susaṃrabdhāḥ parasparamathābruvan |
vivādaḥ sarvadaityānāmamṛtārthe tadā'bhavat || 15 ||
[Analyze grammar]

evaṃ pravartamāne tu mohinīrūpamāśritām |
dṛṣṭvā yoṣāṃ tadā daivātsarvabhūtamanoramām || 16 ||
[Analyze grammar]

vismayena samāviṣṭā babhūvustṛṣitekṣaṇāḥ |
tāṃ saṃmānya tadā daityarājo baliruvāca ha || 17 ||
[Analyze grammar]

baliruvāca |
sudhā tvayā vibhaktavyā sarveṣāṃ gatihetave |
śīghratvena mahābhāge kuruṣva vacanaṃ mama || 18 ||
[Analyze grammar]

evamuktā hyuvācedaṃ smayamānā baliṃ prati |
strīṇāṃ naiva ca viśvāsaḥ kartavyo hi vipaścitā || 19 ||
[Analyze grammar]

anṛtaṃ sāhasaṃ māyā mūrkhatvamati lobhatā |
aśaucaṃ nirghṛṇatvaṃ ca strīṇāṃ doṣāḥ svabhāvajāḥ || 20 ||
[Analyze grammar]

niḥsnehatvaṃ ca vijñeyaṃ dhūrtatvaṃ caiva tattvataḥ |
svastrīṇāṃ caiva vijñeyā doṣā nāstyatra saṃśayaḥ || 21 ||
[Analyze grammar]

yathaiva śvāpadānāṃ ca vṛkā hiṃsāparāyaṇāḥ |
kākā yatāṃḍajānāṃ ca śvāpadānāṃ ca jaṃbukāḥ |
dhūrtā tathā manuṣyāṇāṃ strījñeyā satataṃ budhaiḥ || 22 ||
[Analyze grammar]

mayā saha bhavadbhiśca kathaṃ sakhyaṃ pravartate |
sarvathātra na vijñeyāḥ ke yūyaṃ caiva ka hyaham || 23 ||
[Analyze grammar]

tasmādbhavadbhiḥ saṃciṃtyakāryākāryavicakṣaṇaiḥ |
kartavyaṃ parayā buddhyā prayātāsurasattamāḥ || 24 ||
[Analyze grammar]

baliruvāca |
adyāmṛtaṃ ca sarveṣāṃ vibhajasva yathātatham |
tvayā dattaṃ ca gṛhṇīmaḥ satyaṃsatyaṃ vadāmi te || 28 ||
[Analyze grammar]

evamuktā tadā devī mohinī sarvamaṃgalā |
uvācāthāsurānsarvānrocayaṃllaukikīṃ sthitim || 29 ||
[Analyze grammar]

bhagavānuvāca |
yūyaṃ sarve kṛtārthāśca jātā daivena kenacit |
adyopāvāsasaṃyuktā amṛtasyādhivāsanam || 30 ||
[Analyze grammar]

kriyatāmasurāḥ śreṣṭhāḥ śubhecchā kiṃcidasti vaḥ |
śvebhūte pāraṇaṃ kuryādvratārcanaratiśca vaḥ || 31 ||
[Analyze grammar]

nyāyopārjitavittena daśamāṃśena dhīmatā |
kartavyo viniyogaśca īśaprītyarthahetave || 32 ||
[Analyze grammar]

tatheti matvā te sarve yathoktaṃ devamāyayā |
cakrustathaiva daiteyā mohitā nātikovidāḥ || 33 ||
[Analyze grammar]

mayāsureṇa ca tadā bhavanāni kṛtāni vai |
manojñāni mahārhāṇi suprabhāṇi mahāṃti ca || 34 ||
[Analyze grammar]

teṣupaviṣṭāste sarve susnātāḥ samalaṃkṛtāḥ |
sthāpayitvā susaṃrabdhāḥ pūrṇaṃ kalaśamagrataḥ || 35 ||
[Analyze grammar]

rātrau jāgaraṇaṃ sarvaiḥ kṛtaṃ paramayā mudā |
athoṣasi pravṛtte ca prātaḥsnānayutā bhavan || 36 ||
[Analyze grammar]

asurā balimukhyāśca paṃktibhūtā yatākramam |
sarvamāvaśyakaṃ kṛtvā tadā pānaratā bhavan || 37 ||
[Analyze grammar]

baliśca vṛṣaparvā ca namuciḥ śaṃkha eva ca |
sudaṃṣṭraścaiva saṃhlādī kālanemirvibhīṣaṇaḥ || 38 ||
[Analyze grammar]

vātāpirilvalaḥ kumbho nikumbhaḥ pracchadastathā |
tathā sundopasundau ca niśumbhaḥ śumbha eva ca || 39 ||
[Analyze grammar]

mahiṣo mahiṣākṣaśca biḍālākṣaḥ pratāpavān |
cikṣurākhyo mahābāhurjṛbhaṇo'tha vṛṣāsuraḥ || 40 ||
[Analyze grammar]

vibāhurbāhuko ghorastathā vai ghoradarśanaḥ |
ete cānye ca bahavo daityadānavarākṣasāḥ |
yathākramaṃ copaviṣṭā rāhuḥ ketustathaiva ca || 41 ||
[Analyze grammar]

teṣāṃ tu koṭisaṃkhyānāṃ daityānāṃ paṃktirāsthitā || 42 ||
[Analyze grammar]

tatastayā tadā devyā amṛtārthaṃ hi vai dvijāḥ |
yajjātaṃ tacchṛṇaudhvaṃ hi tayā devyā kṛtaṃ mahat || 43 ||
[Analyze grammar]

sarve vijñāpitāḥ sadyo gṛhītakalaśā tadā |
śobhayā parayā yuktā sākṣātsā viṣṇumohinī || 44 ||
[Analyze grammar]

karasthena tadā devī kalaśena virājitā |
śuśubhe parayā kāṃtyā jaganmaṃgalamaṃgalā || 45 ||
[Analyze grammar]

pariveṣadharāḥ sarve surāste hyasurāṃtikam |
āgatāstatkṣaṇādeva yatra te hyasurottamāḥ || 46 ||
[Analyze grammar]

tāndṛṣṭvā mohinī sadya uvāca pramadottamā || 47 ||
[Analyze grammar]

mohinyuvāca |
ete hyatithayo jñeyā dharmmasarvasvasādhanāḥ |
ebhyo deyaṃ yatāśaktyā yadi satyaṃ vaco mama |
pramāṇaṃ bhavatāṃ cādya kurudhvaṃ mā vilaṃbatha || 48 ||
[Analyze grammar]

pareṣāmupakāraṃ ca ye kurvaṃti svaśaktitaḥ |
dhanyāste caiva vijñeyāḥ pavitrāḥ lokapālakāḥ || 49 ||
[Analyze grammar]

kevalātmodarārthāya udyogaṃ ye prakurvate |
te kleśabhāgino jñeyā nātra kāryā vicāraṇā || 50 ||
[Analyze grammar]

tasmādvibhajanaṃ kāryaṃ mayaitasya śubhavratāḥ |
devebhyaśca prayacchadhvaṃ yaddhi cātmapriyāpriyam || 51 ||
[Analyze grammar]

ityukte vacane devyā tathā cakrurataṃ dritāḥ |
āhvayāmāsurasurāḥ sarvāndevānsavāsavān || 52 ||
[Analyze grammar]

upaviṣṭāśca te sarve amṛtārthaṃ ca bho dvijāḥ |
teṣūpaviśyamāneṣu hyuvāca paramaṃ vacaḥ |
mohinī sarvadharmmajñā asurāṇāṃ smayanniva || 53 ||
[Analyze grammar]

mohinyuvāca |
ādau hyabhyāgatāḥ pūjyā iti vai vaidikī śrutiḥ || 54 ||
[Analyze grammar]

tasmādyūyaṃ vedaparāḥ sarve devaparāyaṇāḥ |
bruvaṃtu tvaritenaiva ādau keṣāṃ dadāmyaham |
amṛtaṃ hi mahābhāgā balimukhyā vadaṃtu bhoḥ || 55 ||
[Analyze grammar]

balinoktā tadā devī yatte manasi rocate |
svāminī tvaṃ na saṃdeho hyasmākaṃ suṃdarānane || 56 ||
[Analyze grammar]

evaṃ saṃmānitā tena balinā bhāvitātmanā |
pariveṣaṇakāryārthaṃ kalaśaṃ gṛhya satvarā || 57 ||
[Analyze grammar]

tasmānnarendrakarabhorulasaddṛkūlā śroṇītaṭālasagatirmavihvalāṃgī |
sā kūjatī kanakanūpurasiṃjitena kuṃbhastanī kalaśapāṇirathāviveśa || 58 ||
[Analyze grammar]

tadā tu devī pariveṣayaṃtī sā mohinī devagaṇāya sākṣāt |
vavarṣa deveṣu sudhārasaṃ punaḥ punaḥ sudhāhārarasāmṛtaṃ yathā || 59 ||
[Analyze grammar]

punaśca te devagaṇāḥ sudhārasaṃ dattaṃ tayā parayā viśvamūrtyā |
balimukhyāḥ saha lokapālā gaṃdharvayakṣāpsarasāṃ gaṇāśca || 60 ||
[Analyze grammar]

sarve daityā āsanasthā punaśca te devagaṇāḥ sudhārasaṃ dattaṃ pīḍitāśca |
tūṣṇīṃbhūtā balimukhyā dvijeṃdrā manasvino dhyānaparā babhūvuḥ || 61 ||
[Analyze grammar]

tatastathāvidhāndṛṣṭvā daityāṃstānmohamāśritān |
tadā rāhuśca ketuśca dvāvetau daityapuṃgavau || 62 ||
[Analyze grammar]

devānāṃ rūpamāsthāya amṛtārthaṃ tvarānvitau |
upaviṣṭau tadā paṅktyāṃ devānāmamṛtārthinau || 63 ||
[Analyze grammar]

yadāmṛtaṃ pātukāmo rāhuḥ paramadurjayaḥ |
candrārkābhyāṃ prakathito viṣṇoramitatejasaḥ || 64 ||
[Analyze grammar]

tadā tasya śiraśchinnaṃ rāhordurvigrahasya ca |
śivaro gaganamāpede kabaṃdhaṃ ca mahītale |
bhramamāṇaṃ tadā hyadrīṃścūrṇayāmāsa vai tadā || 65 ||
[Analyze grammar]

sādriśca sarvabhūlokaścūrṇitaśca tadā'bhavat |
tayā tena ca dehena cūrṇitaṃ sacarācaram || 66 ||
[Analyze grammar]

dṛṣṭvā tadā mahādevastasyopari tu saṃsthitaḥ |
nivāsaḥ sarvadevānāṃ tasyāḥ pādatale'bhavat || 67 ||
[Analyze grammar]

pīḍanaṃ tatsamīpetha nivāsa iti nāma vai || 68 ||
[Analyze grammar]

mahatāmālayaṃ yasmādyasyāstaccaraṇāṃbujam |
mahālayeti vikhyātā jagattrayavimohinī || 69 ||
[Analyze grammar]

ketuśca dhūmarūpo'sāvākāśe vilayaṃ gataḥ |
sudhāṃ samarpya caṃdrāya tirodhānagato'bhavat || 70 ||
[Analyze grammar]

vāsudevo jagadyonirjagatāṃ kāraṇaṃ param |
viṣṇoḥ prasādāttajjātaṃ surāṇāṃ kāryasiddhidam || 71 ||
[Analyze grammar]

asurāṇāṃ vināśāya jātaṃ daivaviparyayāt |
vinā daivena jānīdhvamudyamo hi nirarthakaḥ || 72 ||
[Analyze grammar]

yaugapadyena taiḥ sarvaiḥ kṣīrābdhermaṃthanaṃ kṛtam |
siddhirjātā hi devānāmasiddhirasurānprati || 73 ||
[Analyze grammar]

tataśca te devavarānprakopitā daityāśca māyāpravi mohitāḥ punaḥ |
anekaśastrāstrayutāstadā'bhavanviṣṇau gate garjamānāstadānīm || 74 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kedārakhaṃḍe samudramaṃthanākhyāne devānāmamṛtaprāśanavarṇanaṃnāma dvādaśo'dhyāyaḥ || 12 ||
[Analyze grammar]