Chapter 3

[English text for this chapter is available]

|| sanatkumāra uvāca |
etacchrutvā vacastasya sobravīttaṃ mahāmunim |
vismayaṃ paramaṃ gatvopamanyuṃ śāṃtamānasam || 1 ||
[Analyze grammar]

vāsudeva uvāca |
dhanyastvamasi viprendra kastvāṃ stotumalaṃ kṛtī |
yasya devādidevaste sānnidhyaṃ kurute śrame || 2 ||
[Analyze grammar]

darśanaṃ muniśārdūla dadyātsa bhagavāñchivaḥ |
api tāvanmamāpyevaṃ prasādaṃ vā karotvasau || 3 ||
[Analyze grammar]

upamanyuruvāca |
acireṇaiva kālena mahādevaṃ na saṃśayaḥ |
tasyaiva kṛpayā tvaṃ vai drakṣyase puruṣottama || 4 ||
[Analyze grammar]

ṣoḍaśe māsi suvarān prāpsyasi tvaṃ maheśvarāt |
sapatnīkātkathaṃ no dāsyate devo varānhare || 5 ||
[Analyze grammar]

pūjyosi daivataissarvaiḥ ślāghanīyassadā guṇaiḥ |
jāpyaṃ te'haṃ pravakṣyāmi śraddadhānāya cācyuta || 6 ||
[Analyze grammar]

tena japaprabhāveṇa satyaṃ drakṣyasi śaṃkaram |
ātmatulyabalaṃ putraṃ labhiṣyasi maheśvarāt || 7 ||
[Analyze grammar]

japo namaśśivāyeti maṃtrarājamimaṃ hare |
sarvakāmapradaṃ divyaṃ bhuktimuktipradāyakam || 8 ||
[Analyze grammar]

|| sanatkumāra uvāca |
evaṃ kathayatastasya mahādevāśritāḥ kathāḥ |
dinānyaṣṭau prayātāni muhūrtamiva tāpasa || 9 ||
[Analyze grammar]

navame tu dine prāpte muninā sa ca dīkṣitaḥ |
maṃtramadhyāpitaṃ śārvamātharvaśirasaṃ mahat || 10 ||
[Analyze grammar]

jaṭī muṇḍī ca sadyo'sau babhūva susamāhitaḥ |
pādāṃguṣṭhoddhṛtatanustepe corddhvabhujastathā || 11 ||
[Analyze grammar]

saṃprāpte ṣoḍaśe māsi saṃtuṣṭaḥ parameśvaraḥ |
pārvatyā sahitaśśaṃbhurdadau kṛṣṇāya darśanam || 12 ||
[Analyze grammar]

pārvatyā sahitaṃ devaṃ trinetraṃ candraśekharam |
brahmādyaisstūyamānaṃ tu pūjitaṃ siddhakoṭibhiḥ || 13 ||
[Analyze grammar]

divyamālyāmbaradharaṃ bhaktinamraissurāsuraiḥ |
praṇataṃ ca viśeṣeṇa nānābhūṣaṇabhūṣitam || 14 ||
[Analyze grammar]

sarvāścaryamayaṃ kāṃtaṃ maheśamajamavyayam |
nānāgaṇānvitaṃ tuṣṭaṃ putrābhyāṃ saṃyutaṃ prabhum || 15 ||
[Analyze grammar]

śrīkṛṣṇaḥ prāṃjalirdṛṣṭvā vismayotphullalocanaḥ |
īdṛśaṃ śaṃkaraṃ prītaḥ praṇanāma mahotsavaḥ || 16 ||
[Analyze grammar]

nānāvidhaiḥ stutipadairvāṅmayenārcayattadā |
sahasranāmnā deveśaṃ tuṣṭāva natakaṃdharaḥ || 17 ||
[Analyze grammar]

tato devāssagaṃdharvā vidyādharamahoragāḥ |
mumucuḥ puṣpavṛṣṭiṃ ca sādhuvādānmanonugān || 18 ||
[Analyze grammar]

pārvatyāśca mukhaṃ dṛṣṭvā bhagavānbhaktavatsalaḥ |
uvāca keśavaṃ tuṣṭo rudraścātha biḍaujasā || 19 ||
[Analyze grammar]

śrīmahādeva uvāca |
kṛṣṇaṃ jānāmi bhaktaṃ tvāṃ mayi nityaṃ dṛḍhavratam |
vṛṇīṣva tvaṃ varānmattaḥ puṇyāṃstrailokyadurlabhān || 20 ||
[Analyze grammar]

|| sanatkumāra uvāca |
tasya tadvacanaṃ śrutvā kṛṣṇaḥ prāṃjalirādarāt |
prāha sarveśvaraṃ śambhuṃ supraṇamya punaḥ punaḥ || 21 ||
[Analyze grammar]

|| kṛṣṇa uvāca |
devadeva mahādeva yāce'haṃ hyuttamānvarān |
tvatto'ṣṭapramitānnātha tvayoddiṣṭānmaheśvara || 22 ||
[Analyze grammar]

tava dharmme matirnityaṃ yaśaścāpracalaṃ mahat |
tvatsāmīpyaṃ sthirā bhaktistvayi nityaṃ mamāstviti || 23 ||
[Analyze grammar]

putrāṇi ca daśādyānāṃ putrāṇāṃ mama saṃtu vai |
vadhyāśca ripavassarve saṃgrāme baladarpitāḥ || 24 ||
[Analyze grammar]

apamāno bhavennaiva kvacinme śatrutaḥ prabho |
yogināmapi sarveṣāṃ bhaveyamativallabhaḥ || 25 ||
[Analyze grammar]

ityaṣṭau suvarāndehi devadeva namo'stu te |
sarveśvarastvamevāsi matprabhuśca viśeṣataḥ || 26 ||
[Analyze grammar]

sanatkumāra uvāca |
tasya tadvacanaṃ śrutvā tamāha bhagavānbhavaḥ |
sarvaṃ bhaviṣyatītyevaṃ punassa prāha śūladhṛk || 27 ||
[Analyze grammar]

sāmbo nāma mahāvīryaḥ putraste bhavitā balī |
ghorasaṃvartakādityaśśapto munibhireva ca || 28 ||
[Analyze grammar]

mānuṣo bhavitāsīti sa te putro bhavi ṣyati |
yadyacca prārthitaṃ kiṃcittatsarvaṃ ca labhasva vai || 29 ||
[Analyze grammar]

sanatkumāra uvāca |
evaṃ labdhvā varānsarvāñchrīkṛṣṇaḥ parameśvarāt |
nānāvidhābhirbahvībhisstutibhissamatoṣayat || 30 ||
[Analyze grammar]

tamāhātha śivā tuṣṭā pārvatī bhaktavatsalā |
vāsudevaṃ mahātmānaṃ śaṃbhubhaktaṃ tapasvinam || 31 ||
[Analyze grammar]

|| pārvatyuvāca |
vāsudeva mahābuddhe kṛṣṇa tuṣṭāsmi te'nagha |
gṛhāṇa mattaśca varānmanojñānbhuvi durlabhān || 32 ||
[Analyze grammar]

sanatkumāra uvāca |
ityākarṇya vacastasyāḥ pārvatyāssa yadūdvahaḥ |
uvāca suprasannātmā bhaktiyuktena cetasā || 33 ||
[Analyze grammar]

śrīkṛṣṇa uvāca |
devi tvaṃ parituṣṭāsi ceddadāsi varānhi me |
tapasā'nena satyena brāhmaṇānprati māsmabhūt || 34 ||
[Analyze grammar]

dveṣaḥ kadācidbhadraṃ pūjayeyaṃ dvijānsadā |
tuṣṭau ca mātāpitarau bhavetāṃ mama sarvadā || 35 ||
[Analyze grammar]

sarvabhūteṣvānukūlyaṃ bhajeyaṃ yatra tatragaḥ |
kule prabhṛti rucitā mamāstu tava darśanāt || 36 ||
[Analyze grammar]

tarpayeyaṃ surendrādīndevān yajñaśatena tu |
yatīnāmatithīnāṃ ca sahasrāṇyatha sarvadā || 37 ||
[Analyze grammar]

bhojayeyaṃ sadā gehe śraddhāpūtaṃ tu bhojanam |
bāṃdhavaissaha prītistu nityamastu sunirvṛtiḥ || 38 ||
[Analyze grammar]

devi bhāryyāsahasrāṇāṃ bhaveyaṃ prāṇavallabhaḥ |
akṣīṇā kāmyatā tāsu prasādāttava śāṃkari || 39 ||
[Analyze grammar]

āsāṃ ca pitaro loke bhaveyuḥ satyāvādinaḥ |
ityādyāḥ suvarāssaṃtu prasādāttava pārvati || 40 ||
[Analyze grammar]

|| sanatkumāra uvāca |
tasya tadvacanaṃ śrutvā devī taṃ cāha vismitā |
evamastviti bhadraṃ te śāśvatī sarvakāmadā || 41 ||
[Analyze grammar]

tasmiṃstāṃśca varāndattvā pārvatīparameśvarau |
tatraivāṃtaśca dadhatuḥ kṛtvā kṛṣṇasya satkṛpām || 42 ||
[Analyze grammar]

kṛṣṇaḥ kṛtārthamātmānamamanyata munīśvaraḥ |
upamanyormunarāśu prāpāśramamanuttamam || 43 ||
[Analyze grammar]

praṇamya śirasā tatra taṃ muniṃ keśihā tataḥ |
tayā vṛttaṃ ca tasmai tatsamācaṣṭopamanyave || 44 ||
[Analyze grammar]

sa ca taṃ prāha ko'nyassyāccharvāddevājjanārddana |
mahādānapatirloke krodhe vā'tīva dussahaḥ || 45 ||
[Analyze grammar]

jñāne tapasi vā śauryye sthairyye vā pada eva ca |
śṛṇu śaṃbhostu govinda devaiśvaryyaṃ mahāyaśāḥ || 46 ||
[Analyze grammar]

tacchrutvā śraddhayā yukto'bhavacchaṃbhostu bhaktimān |
papraccha śivamāhātmyaṃ sa taṃ prāha munīśvaraḥ || 47 ||
[Analyze grammar]

upamanyuruvāca |
bhagavāñśaṃkaraḥ pūrvaṃ brahmaloke mahātmanā |
stuto nāmasahasreṇa daṇḍinā brahmayoginā || 48 ||
[Analyze grammar]

sāṃkhyāḥ paṭhaṃti tadgītaṃ vistīrṇaṃ ca nighaṃṭavat |
durjñānaṃ mānuṣāṇāṃ tu stotraṃ tatsarvakāmadam || 49 ||
[Analyze grammar]

smarannityaṃ śaṃkaraṃ tvaṃ gaccha kṛṣṇa gṛhaṃ sukhī |
bhaviṣyasi sadā tāta śivabhaktagaṇāgraṇīḥ || 50 ||
[Analyze grammar]

ityuktastaṃ namaskṛtya vāsudevo munīśvaram |
manasā saṃsmarañśaṃbhuṃ keśavo dvārakāṃ yayau || 51 ||
[Analyze grammar]

sanatkumāra uvāca |
evaṃ kṛṣṇassamārādhya śaṃkaraṃ lokaśaṃkaram |
kṛtārtho'bhūnmuniśreṣṭha sarvājeyo'bhavattathā || 52 ||
[Analyze grammar]

tathā dāśarathī rāmaśśivamārādhya bhaktitaḥ |
kṛtārtho'bhūnmuniśreṣṭha vijayī sarvato'bhavat || 53 ||
[Analyze grammar]

tapastaptvā'tivipulaṃ purā rāmo girau mune |
śivāddhanuśśaraṃ cāpaṃ jñānaṃ vai paramuttamam || 54 ||
[Analyze grammar]

rāvaṇaṃ sagaṇaṃ hatvā setuṃ baddhvāṃbhasāṃnidhau |
sītāṃ prāpya gṛhaṃ yāto bubhuje nikhilāṃ mahīm || 55 ||
[Analyze grammar]

tathā ca bhārgavo rāmo hyārādhya tapasā vibhum |
nirīkṣya duḥkhitaśśarvātpitaraṃ kṣatriyairhatam || 56 ||
[Analyze grammar]

tīkṣṇaṃ sa paraśuṃ lebhe nirdadāha ca tena tān |
trissaptakṛtvaḥ kṣatrāṃśca prasannātparameśvarāt || 57 ||
[Analyze grammar]

ajeyaścāmaraścaiva so'dyāpi tapasāṃnidhiḥ |
liṃgārcanarato nityaṃ dṛśyate siddhacāraṇaiḥ || 58 ||
[Analyze grammar]

mahendraparvate rāmaḥ sthitastapasi tiṣṭhati |
kalpāṃte punarevāsāvṛṣisthānamavāpsyati || 59 ||
[Analyze grammar]

asitasyānujaḥ pūrvaṃ pīḍayā kṛtavāṃstapaḥ |
mūlagrāheṇa viśvasya devalo nāma tāpasaḥ || 60 ||
[Analyze grammar]

purandareṇa śaptastu tapasvī yaśca susthiram |
adharmyaṃ dharmamala malliṃgamāradhya kāmadam || 61 ||
[Analyze grammar]

cākṣuṣasya manoḥ putro mṛgo'bhūttu marusthale |
vasiṣṭhaśāpādgṛtsamado daṇḍakāraṇya ekalaḥ || 62 ||
[Analyze grammar]

hṛdaye saṃsmanbhaktyā pravaṇena yutaṃ śivam |
tasmānmṛtyumukhākāro gaṇo mṛgamukho'bhavat || 63 ||
[Analyze grammar]

ajarāmaratāṃ nītastīrtvā śāpaṃ punaśca saḥ |
śaṃkareṇa kṛtaḥ prītyā nityaṃ lambodarānugaḥ || 64 ||
[Analyze grammar]

gārgyāya pradadau śarvo mokṣaṃ ca bhuvi durlabham |
kāmacārī mahākṣetraṃ kālajñānaṃ maharddhimat || 65 ||
[Analyze grammar]

catuṣpādaṃ sarasvatyāḥ pāraṃgatvaṃ ca śāśvatam |
na tulyaṃ ca sahasraṃ tu putrāṇāṃ pradadau śivaḥ || 66 ||
[Analyze grammar]

vedavyāsaṃ tu yogīndraṃ putraṃ tuṣṭaḥ pināka dhṛk |
parāśarāya ca dadau jarāmṛtyuvivarjitam || 67 ||
[Analyze grammar]

māṃḍavyaśśaṃkaraṇaiva jīvaṃ dattvā visarjitaḥ |
varṣāṇāṃ daśa lakṣāṇi śūlāgrā davaropitaḥ || 68 ||
[Analyze grammar]

daridro brāhmaṇaḥ kaścinnikṣipya guruveśmani |
putraṃ tu gālavaṃ yaśca pūrvamāsīdgṛhāśramī || 69 ||
[Analyze grammar]

gupto vā muniśālāyāṃ bhikṣurāyāti tadgṛham |
bhāryyāmuvāca yaḥ kaścidavaśyaṃ nirdhano yataḥ || 70 ||
[Analyze grammar]

sa tu vācyo bhavatyā ca na dṛśyaṃta iti priyaḥ |
atitherāgatasyāpi kiṃ dāsyāmi gṛhe vasan || 71 ||
[Analyze grammar]

kadācidatithiḥ kaścitkṣuttṛṣākṣāmatarṣitaḥ |
tāmuvāca sa bhartā te kva gataśceti taṃ ca sā || 72 ||
[Analyze grammar]

prāha bhartā madīyastu sāṃprataṃ na ca dṛśyate |
sa ṛṣistāmuvācedaṃ jñātvā divyena cakṣuṣā || 73 ||
[Analyze grammar]

gṛhasthitaḥ praticchannastatraiva sa mṛto dvijaḥ |
viśvāmitrasyanujñātastatputro gālavastathā || 74 ||
[Analyze grammar]

gṛhamāgatya mātussa śrutvā śāpaṃ sudāruṇam |
ārādhya śaṃkaraṃ devaṃ pūjāṃ kṛtvā tu śāṃbhavīm || 75 ||
[Analyze grammar]

gṛhādasau viniṣkrāṃtassaṃsmarañśaṃkaraṃ hṛdā |
atha taṃ tanayaṃ dṛṣṭvā pitā taṃ prāha sāñjalim || 76 ||
[Analyze grammar]

mahādevaprasādācca kṛtakṛtyo'smi kṛtyataḥ |
dhanavānputravāṃścaiva mṛto'haṃ jīvitaḥ punaḥ || 77 ||
[Analyze grammar]

iti vaḥ kathitamaśeṣaṃ nāhaṃ śaktaḥ samāsato vyāsāt |
vaktuṃ śaṃbhośca guṇāñśeṣasyāpi na mukhāni syuḥ || 78 ||
[Analyze grammar]

iti śrīśivamahāpurāṇe paṃcamyāmumāsaṃhitāyāṃ kṛṣṇādiśivabhaktoddhāraṇa śivamāhātmyavarṇanaṃnāma tṛtīyo'dhyāyaḥ || 3 ||
[Analyze grammar]