Chapter 32

[English text for this chapter is available]

|| sūta uvāca |
ataḥ paraṃ ca ghuśmeśaṃ jyotirliṃgamudāhṛtam |
tasyaiva ca sumāhātmyaṃ śrūyatāmṛṣisattamaḥ || 1 ||
[Analyze grammar]

dakṣiṇasyāṃ diśi śreṣṭho girirdeveti saṃjñakaḥ |
mahāśobhānvito nityaṃ rājate'dbhuta darśanaḥ || 2 ||
[Analyze grammar]

tasyaiva nikaṭe kaścidbhāradvājakulodbhavaḥ |
sudharmā nāma vipraśca nyavasadbrahmavittamaḥ || 3 ||
[Analyze grammar]

tasya priyā sudehā ca śivadharmaparāyaṇaḥ |
patisevāparā nityaṃ gṛhakarmavicakṣaṇā || 4 ||
[Analyze grammar]

sudharmā ca dvijaśreṣṭho devatātithipūjakaḥ |
vedamārgaparo nityamagni sevāparāyaṇaḥ || 5 ||
[Analyze grammar]

trikālasaṃdhyayā yuktassūryyarūpasamadyutiḥ |
śiṣyāṇāṃ pāṭhakaścaiva vedaśāstravicakṣaṇaḥ || 6 ||
[Analyze grammar]

dhanavāṃśca paro dātā saujanyaguṇabhājanaḥ |
śivakarmarato nityaṃ śaivaśśaivajanapriyaḥ || 7 ||
[Analyze grammar]

āyurbahu vyatīyāya tasya dharmaṃ prakurvataḥ |
putraśca nābhavattasya ṛtuḥ syādaphalaḥ striyāḥ || 8 ||
[Analyze grammar]

tena duḥkhaṃ kṛtaṃ naiva vastujñānapareṇa hi |
ātmanastārakaścātmā hyātmanaḥ pāvanaśca saḥ || 9 ||
[Analyze grammar]

ityevaṃ mānasaṃ dhṛtvā duḥkhaṃ na kṛtavānstadā |
sudehā ca tadā duḥkhaṃ cakāra putrasambhavam || 10 ||
[Analyze grammar]

nityaṃ ca svāminaṃ sā vai prārthayadyatnasādhane |
putrotpādanahetośca sarvavidyāviśāradam || 11 ||
[Analyze grammar]

so'pi striyaṃ tadā bhartsya kiṃ putraśca kariṣyati |
kā mātā kaḥ pitā putraḥ ko baṃdhuśca priyaśca kaḥ || 12 ||
[Analyze grammar]

sarvaṃ svārthaparaṃ devi trilokyāṃ nātra saṃśayaḥ |
jānīhi tvaṃ viśeṣeṇa buddhyā śokaṃ na vai kuru || 13 ||
[Analyze grammar]

tasmāddevi tvayā duḥkhaṃ tyajanīyaṃ suniścitam |
nityaṃ mahyaṃ tvayā naiva kathanīyaṃ śubhavrate || 14 ||
[Analyze grammar]

evaṃ tāṃ sannivāryyaiva bhagavaddharmatatparaḥ |
āsītparamasaṃtuṣṭo dvandvaduḥkhaṃ samatyajat || 15 ||
[Analyze grammar]

kadācicca sudehā vai gehe ca sahavāsinaḥ |
jagāma priyagoṣṭhyarthaṃ vivādastatra saṃgataḥ || 16 ||
[Analyze grammar]

tatpatnī strīsvabhāvācca bhartsitā sā tayā tadā |
uktā ceti duruktyā vai sudehā viprakāminī || 17 ||
[Analyze grammar]

dvijapatnyuvāca || aputriṇi kathaṃ garvaṃ kuruṣe putriṇī hyaham |
maddhanaṃ bhokṣyate putro dhanaṃ te kaśca bhokṣyate || 18 ||
[Analyze grammar]

nūnaṃ hariṣyate rājā tvaddhanaṃ nātra saṃśayaḥ |
dhigdhiktvāṃ te dhanaṃ dhikca dhikte mānaṃ hi vandhyake || 19 ||
[Analyze grammar]

|| sūta uvāca |
bhartsitā tābhiriti sā gṛhamāgatya duḥkhitā |
svāmine kathayāmāsa taduktaṃ sarvamādarāt || 20 ||
[Analyze grammar]

brāhmaṇo'pi tadā duḥkhaṃ na cakāra subuddhimān |
kathitaṃ kathyatāmeva yadbhāvi tadbhavetpriye || 21 ||
[Analyze grammar]

ityevaṃ ca tadā tena hyāśvastāpi punaḥ punaḥ |
na tadā sātyajadduḥkhaṃ hyāgrahaṃ kṛtavatyasau || 22 ||
[Analyze grammar]

sudehovāca |
yathā tathā tvayā putrassamutpādyaḥ priyo'si me |
tyakṣāmi hyanyathāhaṃ ca dehaṃ dehabhṛtāṃ vara || 23 ||
[Analyze grammar]

sūta uvāca |
evamuktaṃ tayā śrutvā sudharmā brāhmaṇottamaḥ |
śivaṃ sasmāra manasā tadāgrahanipīḍitaḥ || 24 ||
[Analyze grammar]

agneragre'kṣipatpuṣpadvayaṃ vipro hyataṃdritaḥ |
manasā dakṣiṇaṃ puṣpaṃ tanmene putrakāmadam || 25 ||
[Analyze grammar]

evaṃ kṛtvā paṇaṃ patnīmuvāca brāhmaṇassa ca |
anayorgrāhyamekaṃ te puṣpaṃ putra phalāptaye || 26 ||
[Analyze grammar]

tayā ca manasā dhṛtvā putraścaiva bhavenmama |
tadā ca svāminā yacca dhṛtaṃ puṣpaṃ sametu mām || 27 ||
[Analyze grammar]

ityuktvā ca tayā tatra namaskṛtya śivaṃ tadā |
natvā cāgniṃ punaḥ prārthya gṛhītaṃ puṣpamekakam || 28 ||
[Analyze grammar]

svāminā ciṃtitaṃ yacca tadgṛhītaṃ tayā na hi |
sudehayā vimohena śivecchāsaṃbhavena vai || 29 ||
[Analyze grammar]

taddṛṣṭvā puruṣaścaiva niśvāsaṃ paryamocayat |
smṛtvā śivapadāṃbhojamuvāca nijakāminīm || 30 ||
[Analyze grammar]

sudharmovāca |
nirmitaṃ ceśvareṇaiva kathaṃ caivānyathā bhavet |
āśāṃ tyaja priye tvaṃ ca paricaryyāṃ kuru prabhoḥ || 31 ||
[Analyze grammar]

ityuktvā tu svayaṃ vipra āśāṃ parivihāya ca |
dharmakāryaratasso'bhūcchaṃkaradhyānatatparaḥ || 32 ||
[Analyze grammar]

sā sudehāgrahaṃ naiva mumocātmajakāmyayā |
pratyuvāca patiṃ premṇā sāṃjalirnatamastakā || 33 ||
[Analyze grammar]

sudehovāca |
mayi putro na cāstvanyā patnīṃ kuru madājñayā |
tasyāṃ nūnaṃ sutaścaiva bhaviṣyati na saṃśayaḥ || 34 ||
[Analyze grammar]

sūta uvāca |
tadaiva prathito vai sa brahmaṇaśśaivasattamaḥ |
uvāca svapriyāṃ tāṃ ca sudehāṃ dharma tatparaḥ || 35 ||
[Analyze grammar]

sudharmovāca |
tvadīyaṃ ca madīyaṃ ca sarvaṃ duḥkhaṃ gataṃ dhruvam |
tasmāttvaṃ dharmavighnaṃ ca priyo mā kuru sāṃpratam || 36 ||
[Analyze grammar]

sūta uvāca |
ityevaṃ vāritā sā ca svāmātuḥ putrikāṃ tadā |
gṛhamānīya bhartāraṃ vṛṇu tvenāmidaṃ jagau || 37 ||
[Analyze grammar]

sudharmovāca |
idānīṃ vadasi tvaṃ ca matpriyeyaṃ tataḥ punaḥ |
putrasūśca yadā syādvai tadā sparddhāṃ kariṣyasi || 38 ||
[Analyze grammar]

sūta uvāca |
ityuktvā tena patinā sā sudehā ca tatpriyā |
punaḥ prāha karau baddhvā sudharmāṇaṃ patiṃ dvijāḥ || 39 ||
[Analyze grammar]

nāhaṃ sparddhāṃ bhaginyā vai kariṣye dvijasattama |
upayacchasva putrārthamimāmājñāpayāmi ca || 39 ||
[Analyze grammar]

ityevaṃ prārthitasso'pi sudharmā priyayā tayā |
ghuśmāṃ tāṃ samupāyaṃsta vivāhavidhinā dvijaḥ || 40 ||
[Analyze grammar]

tatastāṃ pariṇīyātha prārthayāmāsa tāṃ dvijaḥ |
tvadīyeyaṃ kaniṣṭhā hi sadā poṣyānaghe priye || 41 ||
[Analyze grammar]

uktaiva sa ca dharmātmā sudharmā śaivasattamaḥ |
yathāyogyaṃ cakārāśu dharmasaṃgrahamātmanaḥ || 42 ||
[Analyze grammar]

sā cāpi mātṛputrīṃ tāṃ dāsīvatparyavarttata |
parityajya virodhaṃ hi pupoṣāharniśaṃ priyā || 43 ||
[Analyze grammar]

kaniṣṭhā caiva yā patnī svasranujñāmavāpya ca |
pārthivānsā cakārāśu śriyamekottaraṃ śatam || 44 ||
[Analyze grammar]

vidhānapūrvakaṃ ghuṣmā sopacārasamanvitam |
kṛtvā tānprākṣipattatra taḍāge nikaṭasthite || 45 ||
[Analyze grammar]

evaṃ nityaṃ sā cakāra śivapūjāṃ svakāmadām |
visṛjya punarāvāhya tatsaparyyāvidhānataḥ || 46 ||
[Analyze grammar]

kurvantyā nityamevaṃ hi tasyāśśaṃkarapūjanam |
lakṣasaṃkhyābhavatpūrṇā sarvakāmaphalapradā || 47 ||
[Analyze grammar]

kṛpayā śaṃkarasyaiva tasyāḥ putro vyajāyata |
sundarassubhagaścaiva kalyāṇaguṇabhājam || 48 ||
[Analyze grammar]

taṃ dṛṣṭvā paramaprītaḥ sa vipro dharmavittamaḥ |
anāsaktassukhaṃ bheje jñānadharmaparāyaṇaḥ || 49 ||
[Analyze grammar]

sudehā tāvadasyāstu sparddhāmugrāṃ cakāra sā |
prathamaṃ śītalaṃ tasyā hṛdayaṃ hyasivatpunaḥ || 50 ||
[Analyze grammar]

tataḥ paraṃ ca yajjātaṃ kutsitaṃ karma duḥkhadam |
sāvadhānena manasā śrūyatāṃ tanmunīśvarā || 51 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ ghuśmeśvaramāhātmye sudehāsudharmacaritavarṇanaṃ nāma dvātriṃśo'dhyāyaḥ || 32 ||
[Analyze grammar]