Chapter 29

[English text for this chapter is available]

nandīśvara uvāca |
sanatkumāra śambhostvavatāraṃ paramaṃ śṛṇu |
nabhagajñānadaṃ kṛṣṇadarśanāhvayamuttamam || 1 ||
[Analyze grammar]

ikṣvākupramukhā āsanśrāddhadevasutāśca ye |
nabhagastatra navamo nābhagastatsutaḥ smṛtaḥ || 2 ||
[Analyze grammar]

ambarīṣassutastasya viṣṇubhakto babhūva saḥ |
yasyopari prasannobhūddurvāsā brahmabhaktitaḥ || 3 ||
[Analyze grammar]

pitāmaho'mbarīṣasya nabhago yaḥ prakīrtitaḥ |
taccaritaṃ śṛṇu mune yasmai jñānamadācchivaḥ || 4 ||
[Analyze grammar]

nabhago manuputrastu paṭhanārthaṃ subuddhi mān |
cakre gurukule vāsaṃ bahukālaṃ jitendriyaḥ || 5 ||
[Analyze grammar]

etasminsamaye te vā ikṣvākupramukhāssutāḥ |
tasmai bhāgamakalpyaiva bhejurbhāgānnijānkramāt || 6 ||
[Analyze grammar]

svaṃsvaṃ bhāgaṃ gṛhītvā te bubhujū rājyamuttamam |
aviṣādaṃ mahābhāgā pitrādeśātsubuddhayaḥ || 7 ||
[Analyze grammar]

sa paścādāgatastatra brahmacārī gurusthalāt |
nabhago'dhītya sarvāśca sāṃgopāṃgāḥ śrutīḥ kramāt || 8 ||
[Analyze grammar]

bhrātṛnvilokya nabhago vibhaktānsakalānnijān |
dāyārthī prāha tānsnehādikṣvākupramukhānmune || 9 ||
[Analyze grammar]

nabhaga uvāca |
bhrātarobhaktakaṃ mahyaṃ dāyaṃ kṛtvā yathātatham |
sarve vibhaktāssuprītyā svadāyārthāgatāya ca || 10 ||
[Analyze grammar]

tadā vismṛtamasmābhiridānīṃ pitaraṃ tava |
vibhajāmo vayaṃ bhāgaṃ taṃ gṛhāṇa na saṃśayaḥ || 11 ||
[Analyze grammar]

tacchutvā bhrātṛvacanaṃ nabhagaḥ paravismṛtaḥ |
tadopakaṇṭhamāgatya pitaraṃ samabhāṣata || 12 ||
[Analyze grammar]

nabhaga uvāca |
he tāta bhrātaraḥ sarve tyaktvā māṃ nyabhajaṃśca te |
paṭhanārthaṃ gataścāhaṃ brahmacārī guroḥ kule || 13 ||
[Analyze grammar]

tata āgatya me pṛṣṭā dāyadānārthamādarāt |
te tvāmūcurvibhāgaṃ me tadarthamahamāgataḥ || 14 ||
[Analyze grammar]

nandīśvara uvāca |
tadākarṇya vacastasya pitā taṃ prāha vismitaḥ |
āśvāsya śrāddhadevassa satyadharmarataṃ mune || 15 ||
[Analyze grammar]

manuruvāca |
taduktaṃ mādṛthāstāta pratāraṇakaraṃ hi tat |
na hyahaṃ paramaṃ dāyaṃ sarvathā bhogasādhanam || 16 ||
[Analyze grammar]

tathāpi dāyabhāvena datto'haṃ taiḥ pratāribhiḥ |
tava vai jīvanopāya vadāmi śṛṇu tattvataḥ || 17 ||
[Analyze grammar]

satramāṃgirasā viprāḥ kurvaṃtyadya sumedhasaḥ |
tatra karmaṇi muhyanti ṣaṣṭhaṃ ṣaṣṭhamahaḥ prati || 18 ||
[Analyze grammar]

tatra tvaṃ gaccha nabhaga tān suśaṃsa mahākave |
sūkte dve vaiśvadeve hi satraṃ śuddhaṃ hi tadbhavet || 19 ||
[Analyze grammar]

tatkarmaṇi samāpte hi svayānto brāhmaṇāśca te |
dhanaṃ dāsyanti te tuṣṭāssvasatrapariśeṣitam || 20 ||
[Analyze grammar]

nandīśvara uvāca |
tadākarṇya piturvākyaṃ nabhagaḥ satyasāravān |
jagāma tatra suprītyā yatra tatsatramuttamam || 21 ||
[Analyze grammar]

tadāhaḥ karmaṇi mune satre tasminsa mānavaḥ |
sūkte dve vaiśvadeve hi provāca spaṣṭatassudhīḥ || 22 ||
[Analyze grammar]

samāpte karmaṇi tato viprā āṃgirasāśca te |
tasmai dattvā yayuḥ svargaṃ svaṃsvaṃ satrāvaśeṣitam || 23 ||
[Analyze grammar]

tattadā svīkariṣyaṃtaṃ susatrapariśeṣitam |
vijñāya giriśaḥ sadya āvirbhūta sadūtikṛt || 24 ||
[Analyze grammar]

sarvāṃgasundaraḥ śrīmānpuruṣaḥ kṛṣṇadarśanaḥ |
bhāvaṃ samīkṣituṃ bhāgaṃ dātuṃ jñānaṃ paraṃ ca tat || 25 ||
[Analyze grammar]

atho sa śaṃkaraḥ śambhuḥ parīkṣākara īśvaraḥ |
uvācottarato'bhyetya nabhagaṃ taṃ hi mānavam || 26 ||
[Analyze grammar]

īśvara uvāca |
kastvaṃ gṛhṇāsi puruṣa mamedaṃ vāstukaṃ vasu |
preṣitaḥ kena tatsarvaṃ satyaṃ vada mamāgrataḥ || 27 ||
[Analyze grammar]

nandīśvara uvāca |
tacchutvā tadvacastāta mānavo nabhagaḥ kavi |
pratyuvāca vinītātmā puruṣaṃ kṛṣṇadarśanam || 28 ||
[Analyze grammar]

nabhagaḥ uvāca |
mamedamṛṣibhirdattaṃ vasu yajñagataṃ khalu |
kathaṃ vārayase māṃ tvaṃ gṛhṇataṃ kṛṣṇadarśanam || 29 ||
[Analyze grammar]

nandīśvara uvāca |
ākarṇya nābhagaṃ vākyamidaṃ satyamudīritam |
pratyuvāca prasannātmā puruṣaḥ kṛṣṇadarśanaḥ || 30 ||
[Analyze grammar]

kṛṣṇadarśana uvāca |
vivāde'sminhi nau tāta pramāṇaṃ janakastava |
yāhi tampṛccha sa brūyāttatpramāṇantu satyataḥ || 31 ||
[Analyze grammar]

nandīśvara uvāca |
tadākarṇya vacastasya nabhago mānavaḥ kaviḥ |
āgacchatpitaraṃ prītyā taduktaṃ pṛṣṭavānmune || 32 ||
[Analyze grammar]

putroditaṃ samākarṇya śrāddhadevassa vai manuḥ |
smṛtvā śivapadāmbhojaṃ prāptasmṛtiruvāca tam || 33 ||
[Analyze grammar]

manuruvāca |
he tāta śṛṇu madvākyaṃ sa devaḥ puruṣaḥ śivaḥ |
tasyaiva sakalaṃ vastu yajñaprāptaṃ viśeṣataḥ || 34 ||
[Analyze grammar]

adhvarorvaritaṃ vastu rudrabhāgaḥ prakīrtitaḥ |
ityapi prājñavādo hi kvacijjātastadicchayā || 35 ||
[Analyze grammar]

sa deva īśvaraḥ sarvaṃ vastvarhati na saṃśayaḥ |
yajñāvaśiṣṭaṃ kimuta pare tasyecchayā vibhoḥ || 36 ||
[Analyze grammar]

anugrahārthamāyātastava tadrūpataḥ prabhuḥ |
tatra tvaṃ gaccha nabhaga prasannaṃ kuru satyataḥ || 37 ||
[Analyze grammar]

kṣamāpaya svāparādhaṃ supraṇamya stutiṃ kuru |
sarvaprabhussa eveśo yajñādhīśo'khileśvaraḥ || 38 ||
[Analyze grammar]

viṣṇubrahmādayo devāḥ siddhāssarvarṣayo'pi hi |
tadanugrahatastāta samarthaḥ sarvakarmaṇi || 39 ||
[Analyze grammar]

kimbahūktyātmajaśreṣṭha gaccha tatrāśu māciram |
prasādaya mahādevaṃ sarvathā sakaleśvaram || 40 ||
[Analyze grammar]

nandīśvara uvāca |
ityuktvā sa manuḥ śrāddhadevaśca tanayaṃ drutam |
preṣayāmāsa nikaṭaṃ śambhosso'pi sametya tam || 41 ||
[Analyze grammar]

nabhagaśca praṇamyāśu sāñjalirnatamastakaḥ |
provāca suprasannātmā vinayena mahāmatiḥ || 42 ||
[Analyze grammar]

nabhaga uvāca |
idaṃ taveśa sarvaṃ hi vastu tribhuvane hi yat |
ityāha me pitā nūnaṃ kimutādhvaraśeṣitam || 43 ||
[Analyze grammar]

ajānatā mayā nātha yaduktantadvaco bhramāt |
aparādhantvaṃ kṣamasva śirasā tvāṃ prasādaye || 44 ||
[Analyze grammar]

ityuktvā nabhagassotidīnadhīstu kṛtāñjaliḥ |
tuṣṭāva taṃ maheśānaṃ kṛṣṇadarśanamānataḥ || 45 ||
[Analyze grammar]

śrāddhadevo'pi śuddhātmā natakassāñjalissudhīḥ |
tuṣṭāva taṃ prabhuṃ natvā svāparādhaṃ kṣamāpayat || 46 ||
[Analyze grammar]

etasminnantare tatra viṣṇurbrahmākhilaḥ sudhīḥ |
vāsavādyāḥ samājagmuḥ siddhāśca munayo'pi hi || 47 ||
[Analyze grammar]

mahotsavaṃ prakurvantaḥ sukṛtālayo'khilāḥ |
tuṣṭuvurnatakā bhaktyā supraṇamya pṛthakpṛthak || 48 ||
[Analyze grammar]

atha rudraḥ prasannātmā kṛpādṛṣṭyā vilokya tān |
uvāca nabhagaṃ prītyā sasmitaṃ kṛṣṇadarśanaḥ || 49 ||
[Analyze grammar]

kṛṣṇadarśana uvāca |
yatte pitāvadaddharmyaṃ vākyantattu tathaiva hi |
tvayāpi satyamuktaṃ tatsādhustvannātra saṃśayaḥ || 50 ||
[Analyze grammar]

ato'haṃ suprasanno'smi sarvathā suvratena te |
dadāmi kṛpayā te hi jñānambrahma sanātanam || 51 ||
[Analyze grammar]

mahājñānī bhava tvaṃ hi savipro nabhagaṃ drutam |
gṛhāṇa vastvidaṃ sarvaṃ maddattaṃ kṛpayādhunā || 52 ||
[Analyze grammar]

iha sarvasukhaṃ bhuṅkṣva nirvikāraṃ mahāmate |
sugatiṃ prāpsyasi tvaṃ hi savipraḥ kṛpayā mama || 53 ||
[Analyze grammar]

nandīśvara uvāca |
ityuktvā tāta bhagavānsa rudraḥ satyavatsalaḥ |
sarveṣāmpaśyatānteṣāntatraivāntardadhe haraḥ || 54 ||
[Analyze grammar]

viṣṇurbrahmāpi devādyāssarve te munisattama |
svaṃsvaṃ dhāma yayuḥ prītyā tasyai natvā diśe mudā || 55 ||
[Analyze grammar]

saputraḥ śrāddhadevo'pi svasthānamagamanmudā |
bhuktvā bhogānsuvipulānso'nte śivapura yayau || 56 ||
[Analyze grammar]

itthante kīrtito brahmannavatāraḥ śivasya hi |
kṛṣṇadarśananāmā vai nabhagānandadāyakaḥ || 57 ||
[Analyze grammar]

idamākhyānamanaghaṃ bhuktimuktipradaṃ satām |
paṭhatāṃ śṛṇvatāṃ vāpi sarva kāmaphalapradam || 58 ||
[Analyze grammar]

ya etaccaritamprātassāyaṃ ca smarate sudhīḥ |
kavirbhavati mantrajño gatimante labhetparām || 59 ||
[Analyze grammar]

iti śrīśivamahāpurāṇe tṛtīyāyāṃ śatarudrasaṃhitāyāṃ nandīśvarasanatkumārasaṃvāde kṛṣṇadarśanaśivāvatāravarṇanaṃnāmaikonatriṃśo'dhyāyaḥ || 29 ||
[Analyze grammar]