Chapter 28

[English text for this chapter is available]

nandīśvara uvāca |
śṛṇu prājña pravakṣyāmi śivasya paramātmanaḥ |
avatāraṃ purānandaṃ yātināthāhvayaṃ mune || 1 ||
[Analyze grammar]

arbudācalasaṃjñe tu parvate bhillavaṃśajaḥ |
āhukaśca tadabhyāśe vasatisma munīśvara || 2 ||
[Analyze grammar]

tatpatnī hyāhukā nāma babhūva kila suvratā |
ubhāvapi mahāśaivāvāstāntau śivapūjakau || 3 ||
[Analyze grammar]

kasmiṃścitsamaye bhillaḥ śivabhaktirataḥ sadā |
āhārārthaṃ svapatnyāśca sudūraṃ sa gato mune || 4 ||
[Analyze grammar]

etasminnantare tatra gehe bhillasya śaṅkaraḥ |
bhūtvā yativapuḥ sāyaṃ parīkṣārthaṃ samāyayau || 5 ||
[Analyze grammar]

tasminnavasare tatrājagāma sa gṛhādhipaḥ |
pūjanaṃ ca yatīśasya cakāra premataḥ sudhīḥ || 6 ||
[Analyze grammar]

tadbhāvasya parīkṣārthaṃ yatirūpassa śaṃkaraḥ |
mahālīlātaraḥ prītyā bhītaṃ provāca dīnagīḥ || 7 ||
[Analyze grammar]

yatinātha uvāca |
adya sthalaṃ nivāsārthaṃ dehi me prātareva hi |
yāsyāmi sarvathā bhilla svasti syāttava sarvadā || 8 ||
[Analyze grammar]

bhilla uvāca |
tyamproktaṃ tvayā svāmiñśṛṇu madvacanaṃ ca te |
ati svalpaṃ sthalaṃ me hi syānnivāsaḥ kathantava || 9 ||
[Analyze grammar]

nandīśvara uvāca |
ityuktassa yatistena gamanāya matindadhe |
tāvadbhillyā vacaḥ proktaṃ svāminaṃ saṃvicāryya vai || 10 ||
[Analyze grammar]

bhillyuvāca |
svāmindehi yateḥsthānaṃ vimukhaṃ kuru mātithim |
gṛhadharmaṃ vicāryya tvamanyathā dharmasaṃkṣayaḥ || 11 ||
[Analyze grammar]

sthīyatānte gṛhābhyaṃtaḥ sukhena yatinā saha |
ahaṃ bahiḥ sthitiṃ kuryyāmāyudhāni bṛhantyapi || 12 ||
[Analyze grammar]

nandīśvara uvāca |
tasyāstadvacanaṃ śrutvā bhillyā dharmānvitaṃ śivam |
svapatnyā manasā tena bhillena ca vicāritam || 13 ||
[Analyze grammar]

striyaṃ bahiśca niṣkāsya kathaṃ stheyaṃ mayā bahe |
yateranyatra gamanamadharmmakaramātmanaḥ || 14 ||
[Analyze grammar]

dvayamapyucitaṃ naiva sarvathā gṛhamedhinaḥ |
yadbhāvi tadbhavedeva mayā stheyaṃ gṛhādbahiḥ || 15 ||
[Analyze grammar]

ityāgrahantadā kṛtvā gṛhāntaḥ sthāya tau mudā |
svāyudhāni ca saṃsthāpya bhillo'tiṣṭhadgṛhādbahiḥ || 16 ||
[Analyze grammar]

rātrau tampaśavaḥ krūrā hiṃsakāḥ samapīḍayan |
tenāpi ca yathāśakti kṛto yatno mahāṃstadā || 17 ||
[Analyze grammar]

evaṃ yatnaṃ prakurvāṇa sa bhillo balavānapi |
prārabdhātpreritairhiṃsrairbalādāsīcca bhakṣitaḥ || 18 ||
[Analyze grammar]

prātarutthāya sa yatirdṛṣṭvā hiṃsraiśca bhakṣitam |
bhillaṃ vane caraṃtaṃ vai duḥkhito'bhūdatīva hi || 19 ||
[Analyze grammar]

dukhitaṃ taṃ yatindṛṣṭvā bhillī sā duḥkhitāpi hi |
dhairyātsvaduḥkhaṃ saṃhṛtya vacanaṃ cedamabravīt || 20 ||
[Analyze grammar]

bhillyuvāca |
kimarthaṃ kriyate duḥkhaṃ bhadraṃ jātaṃ yate'dhunā |
dhanyoyaṃ kṛtakṛtyaśca yajjāto mṛtyurīdṛśaḥ || 21 ||
[Analyze grammar]

ahaṃ cainaṃ gamiṣyāmi bhasma bhūtvānale yate |
citāṃ kāraya suprītyā strīṇāṃ dharmaḥ sanātanaḥ || 22 ||
[Analyze grammar]

iti tadvacanaṃ śrutvā hitaṃ matvā svayaṃ yatiḥ |
citāṃ vyaracayatsā hi praviveśa svadharmataḥ || 23 ||
[Analyze grammar]

etasminnantare sākṣātpuraḥ prādurabhūcchivaḥ |
dhanye dhanye iti prītyā praśaṃsastāṃ haro'bravīt || 24 ||
[Analyze grammar]

hara uvāca |
varaṃ brūhi prasannosmi tvadācaraṇato'naghe |
tavādeyaṃ na vai kiṃcidvaśyo'haṃ te viśeṣataḥ || 25 ||
[Analyze grammar]

nandīśvara uvāca |
tacchutvā śambhuvacanaṃ paramānandadāyakam |
sukhaṃ prāptaṃ viśeṣeṇa na kiṃcitsmaraṇaṃ yayau || 26 ||
[Analyze grammar]

tasyāstadgatimālakṣya suprasanno haro'bhavat |
uvāca ca punaḥ śambhurvaraṃ brūhīti tāmprabhuḥ || 27 ||
[Analyze grammar]

śiva uvāca |
ayaṃ yatiśca madrūpo haṃsarūpo bhaviṣyati |
parajanmani vāṃ prītyā saṃyoga kārayiṣyati || 28 ||
[Analyze grammar]

bhillaśca vīrasenasya naiṣadhe nagare vare |
mahānputro nalo nāma bhaviṣyati na saṃśayaḥ || 29 ||
[Analyze grammar]

tvaṃ sutā bhīmarājasya vaidarbhe nagare'naghe |
damayantī ca vikhyātā bhaviṣyasi guṇānvitā || 30 ||
[Analyze grammar]

yuvāṃ cobhau militvā ca rājabhogaṃ suvistaram |
bhuktvā muktiṃ ca yogīndrerlapsyethe durlabhāṃ dhruvam || 31 ||
[Analyze grammar]

nandīśvara uvāca |
ityuktvā ca svayaṃ śambhurliṅgarūpo'bhavattadā |
tasmānna calito dharmādacaleśa iti smṛtaḥ || 32 ||
[Analyze grammar]

sa bhilla āhukaścāpi vīrasenasuto'bhavat |
naiṣadhe nagare tāta nalanāmā mahānṛpaḥ || 33 ||
[Analyze grammar]

āhukā sā mahābhillī bhīmasya tanayā'bhavat |
vaidarbhe nagare rājño damayantīti viśrutā || 34 ||
[Analyze grammar]

yatināthāhvayassopi haṃsarūpo'bhavacchivaḥ |
vivāhaṃ kārayāmāsa damayantyā nalena vai || 35 ||
[Analyze grammar]

pūrvasatkārarūpeṇa mahāpuṇyena śaṃkaraḥ |
haṃsarūpaṃ vidhāyaiva tābhyāṃ sukhamadātprabhuḥ || 36 ||
[Analyze grammar]

śivo haṃsāvatāro hi nānāvārtāvicakṣaṇaḥ |
damayantyā nalasyāpi paramānandadāyakaḥ || 37 ||
[Analyze grammar]

idaṃ caritaṃ paramaṃ pavitraṃ śivāvatārasya pavitrakīrteḥ |
yatīśasaṃjñasya mahādbhutaṃ hi haṃsāhvayasyāpi vimuktidaṃ hi || 38 ||
[Analyze grammar]

yatīśabrahmahaṃsākhyāvatāracaritaṃ śubham |
śṛṇuyācchrāvayedyo hi sa labheta parāṃ gatim || 39 ||
[Analyze grammar]

idamākhyānamanaghaṃ sarvakāmaphalapradam |
svargyaṃ yaśasyamāyuṣyaṃ bhaktivardhanamuttamam || 40 ||
[Analyze grammar]

śrutvaitaccacaritaṃ śambhoryatihaṃsasvarūpayoḥ |
iha sarvasukhambhuktvā so'nte śivapuraṃ vrajet || 41 ||
[Analyze grammar]

iti śrīśivamahāpurāṇe tṛ0 śatarudrasaṃhi0 yatināthabrahmahaṃsāhvayaśivāvatāracaritavarṇanaṃ nāmāṣṭāviṃśo'dhyāyaḥ || 28 ||
[Analyze grammar]