Chapter 27

[English text for this chapter is available]

nandīśvara uvāca |
śṛṇu tāta pravakṣyāmi śivasya paramātmanaḥ |
dvijeśvarāvatāraṃ ca saśivaṃ sukhadaṃ satām || 1 ||
[Analyze grammar]

yaḥ pūrvaṃ varṇitastāta bhadrāyurnṛpasattamaḥ |
yasminnṛṣabharūpeṇānugrahaṃ kṛtavāñchivaḥ || 2 ||
[Analyze grammar]

taddharmasya parīkṣārthaṃ punarāvirbabhūva saḥ |
dvijeśvarasvarūpeṇa tadeva kathayāmyaham || 3 ||
[Analyze grammar]

ṛṣabhasya prabhāveṇa śatrūñjitvā raṇe prabhuḥ |
prāptasiṃhāsanastāta bhadrāyuḥ saṃbabhūva ha || 4 ||
[Analyze grammar]

candrāṃgadasya tanayā sīmantinyāḥ śubhāṃgajā |
patnī tasyābhavadbrahmansusādhvī kīrtimālinī || 5 ||
[Analyze grammar]

sa bhadrāyuḥ kadācitsvapriyayā gahanaṃ vanam |
prāviśatsaṃvihārārthaṃ vasantasamaye mune || 6 ||
[Analyze grammar]

atha tasminvane ramye vijahāra sa bhūpatiḥ |
śaraṇāgatapālinyā tamāsyapriyayā saha || 7 ||
[Analyze grammar]

atha taddharmadṛḍhatāṃ pratīkṣanparameśvaraḥ |
līlāṃ cakāra tatraiva śivayā saha śaṅkaraḥ || 8 ||
[Analyze grammar]

śivā śivaśca bhūtvobhau tadvane dvijadampatī |
vyāghraṃ māyāmayaṃ kṛtvāvirbhūtau nijalīlayā || 9 ||
[Analyze grammar]

athāvidūre tasyaiva dravantau bhayavihvalau |
anvīyamānau vyāghreṇa rudantau tau babhūvatuḥ || 10 ||
[Analyze grammar]

atha viddhau ca tau tāta bhadrāyuḥ sa mahīpatiḥ |
dadarśa krandamānau hi śaraṇyaḥ kṣatriyarṣabhaḥ || 11 ||
[Analyze grammar]

atha tau muniśārdūlaḥ svamāyādvijadampatī |
bhadrāyuṣaṃ mahārājamūcaturbhayavihvalau || 12 ||
[Analyze grammar]

dvijadampatī ūcatuḥ |
pāhi pāhi mahārāja nāvubhau dharmavittama |
eṣa āyāti śārdūlo jagdhumāvāṃ mahāprabho || 13 ||
[Analyze grammar]

eṣa hiṃsraḥ kālasamaḥ sarvaprāṇibhayaṅkaraḥ |
yāvanna khādati prāpya tāvannau rakṣa dharmavit || 14 ||
[Analyze grammar]

nandīśvara uvāca |
itthamākranditaṃ śrutvā tayośca nṛpatīśvaraḥ |
ati śīghraṃ mahāvīraḥ sa yāvaddhanurādade || 15 ||
[Analyze grammar]

tāvadabhyetya śārdūlastvaramāṇotimāyikaḥ |
sa tasya dvijavaryyasya madhye jagrāha tāṃ vadhūm || 16 ||
[Analyze grammar]

he nāthanātha he kānta hā śambho hā jagadguro |
iti rorūyamāṇāṃ tāṃ vyāghro jagrāsa bhīṣaṇaḥ || 17 ||
[Analyze grammar]

tāvatsa rājā niśitairbhallairvyāghramatāḍayat |
na sa tairvivyathe kiṃcidgirīndra iva vṛṣṭibhiḥ || 18 ||
[Analyze grammar]

sa śārdūlo mahāsattvo rājñaḥ svairakṛtavyathaḥ |
balādākṛṣya tāṃ nārīmapākramata satvaraḥ || 19 ||
[Analyze grammar]

vyāghreṇāpahṛtāṃ nārīṃ vīkṣya viprotivismitaḥ |
laukikīṃ gatimāśritya rurodāti muhurmuhuḥ || 20 ||
[Analyze grammar]

ruditvā cirakālaṃ ca sa vipro māyayeśvaraḥ |
bhadrāyuṣaṃ mahīpālaṃ provāca madahārakaḥ || 21 ||
[Analyze grammar]

dvijeśvara uvāca |
rājanka te mahāstrāṇi kva te trāṇaṃ mahaddhanuḥ |
kva te dvādaśasāhasramahānāgāyutambalam || 22 ||
[Analyze grammar]

kinte khaḍgena śaṅkhena kiṃ te maṃtrāstravidyayā |
kiṃ sattvena mahāstrāṇāṃ kiṃ prabhāveṇa bhūyasā || 23 ||
[Analyze grammar]

tatsarvaṃ viphalaṃ jātaṃ yaccānyattvayi tiṣṭhati |
yastvaṃ vanaukasāṃ ghātaṃ na nivārayituṃ kṣamaḥ || 24 ||
[Analyze grammar]

kṣatrasyāyaṃ paro dharmo kṣatācca parirakṣaṇam |
tasminkulocite dharme naṣṭe tvajjīvitena kim || 25 ||
[Analyze grammar]

ārtānāṃ śaraṇāptānāṃ trāṇaṃ kurvanti pārthivāḥ |
prāṇairarthaiśca dharmajñāstadvinā ca mṛtopamā || 26 ||
[Analyze grammar]

ārtatrāṇavihīnānāṃ jīvitānmaraṇaṃ varam |
dhaninānpānahīnānāṃ gārhasthyādbhikṣutā varam || 27 ||
[Analyze grammar]

varaṃ viṣāśanaṃ prājñairvaramagnipraveśanam |
kṛpaṇānāmanāthānāṃ dīnānāmaparakṣaṇāt || 28 ||
[Analyze grammar]

nandīśvara uvāca |
itthaṃ vilapitaṃ tasya svavīryyasya ca garhaṇam |
niśamya nṛpatiḥ śokādātmanyevamacintayat || 29 ||
[Analyze grammar]

aho me pauruṣaṃ naṣṭamadya devaviparyayāt |
adya kīrtiśca me naṣṭā pātakamprāptamutkaṭam || 30 ||
[Analyze grammar]

dharmaḥ kulocito naṣṭo mandabhāgyasya durmateḥ |
nūnaṃ me sampado rājyamāyuṣyaṃ kṣayameṣyati || 31 ||
[Analyze grammar]

adya cainaṃ dvijanmānaṃ hatadāraṃ śucārditam |
hataśokaṃ kariṣyāmi dattvā prāṇānatipriyān || 32 ||
[Analyze grammar]

iti niścitya manasā sa bhadrāyurnṛpottamaḥ |
patitvā pādayostasya babhāṣe parisāntvayan || 33 ||
[Analyze grammar]

bhadrāyuruvāca |
kṛpāṃ kṛtvā mayi brahman kṣatrabandhau hataujasi |
śokantyaja mahāprājña dāsyāmyadya tu vāñchitam || 34 ||
[Analyze grammar]

idaṃ rājyamiyaṃ rājñī mamedañca kalevaram |
tvadadhīnamidaṃ sarvaṃ kinte'bhilaṣitaṃ varam || 35 ||
[Analyze grammar]

brāhmaṇa uvāca |
kimādarśena cāndhasya kiṃ gṛherbhaikṣyajīvinaḥ |
kimpustakena mūḍhasya nistrīkasya dhanena kim || 36 ||
[Analyze grammar]

ato'haṃ hatapatnīko bhuktabhogo na karhicit |
imāntavāgramahiṣīṃ kāmaye dīyatāmiti || 37 ||
[Analyze grammar]

dātā rasāntavittasya rājyasya gajavājinām |
ātmadehasya yasyāpi kalatrasya na karhicit || 38 ||
[Analyze grammar]

paradāropabhogena yatpāpaṃ samupārjitam |
na tatkṣālayituṃ śakyaṃ prāyaścittaśatairapi || 39 ||
[Analyze grammar]

brāhmaṇa uvāca |
āstāṃ brahmavadhaṃ ghoramapi madyaniṣevaṇam |
tapasā vidhamiṣyāmi kiṃ punaḥ pāradārikam || 40 ||
[Analyze grammar]

tasmātprayaccha bhāryāṃ svāmiyāṃ kāmo na me'paraḥ |
arakṣaṇādbhayārtānāṃ gantāsi nirayandhruvam || 41 ||
[Analyze grammar]

nandīśvara uvāca |
iti vipragirā bhītaścintayāmāsa pārthivaḥ |
arakṣaṇānmahāpāpaṃ patnīdānantato varam || 42 ||
[Analyze grammar]

ataḥ patnīṃ dvijāgryāya dattvā nirmuktakilviṣaḥ |
sadyo vahniṃ pravekṣyāmi kīrtiśca viditā bhavet || 43 ||
[Analyze grammar]

iti niścitya manasā samujjvālya hutāśanam |
tamāhūya dvijaṃ cakre patnīdānaṃ sahodakam || 44 ||
[Analyze grammar]

svayaṃ snātaḥ śucirbhūtvā praṇamya vibudheśvarān |
tamagniṃ triḥ parikramya śivaṃ dadhyau samāhitaḥ || 45 ||
[Analyze grammar]

tamathāgniṃ patiṣyantaṃ svapadāsaktacetasam |
pratyaṣedhata viśveśaḥ prādurbhūto dvijeśvaraḥ || 46 ||
[Analyze grammar]

tamīśvaraṃ pañcamukhaṃ trinetraṃ pinākinaṃ candrakalāvataṃsam |
pralambapiṃgāsujaṭākalāpaṃ madhyāhnasadbhāskarakoṭitejasam || 47 ||
[Analyze grammar]

mṛṇālagauraṃ gajacarmavāsasaṃ gaṃgātaraṅgokṣitamaulideśakam |
nāgendrahārāvalikaṇṭhabhūṣaṇaṃ kirīṭakācyaṃgadakaṃkaṇojjvalam || 48 ||
[Analyze grammar]

śūlāsikhaṭvāṃgakuṭhāracarmamṛgābhayāṣṭāṃgapinākahastam |
vṛṣoparisthaṃ śitikaṇṭhabhūṣaṇaṃ prodbhūtamagre sa nṛpo dadarśa || 49 ||
[Analyze grammar]

tatombarāddrutaṃ peturddivyāḥ kusumavṛṣṭayaḥ |
praṇedurdevatūryyāṇi devyaśca nanṛturjaguḥ || 50 ||
[Analyze grammar]

tatrājagmuḥ stūyamānā harirbrahmā tathāsurāḥ |
indrādayo nāradādyā munayaścāpare'pi ca || 51 ||
[Analyze grammar]

tadotsavo mahānāsīttatra bhaktipravardhanaḥ |
sati paśyati bhūpāle bhaktinamrīkṛtāñjalau || 52 ||
[Analyze grammar]

taddarśanānandavijṛmbhitāśayaḥ pravṛddhavāṣpāmbuviliptagātraḥ |
prahṛṣṭaromā sa hi gadgadākṣarastuṣṭāva gīrbhirmukulīkṛtāṃjaliḥ || 53 ||
[Analyze grammar]

tatassa bhagavānrājñā saṃstutaḥ parameśvaraḥ |
prasannaḥ saha pārvatyā tamuvāca dayānidhiḥ || 54 ||
[Analyze grammar]

rājaṃste parituṣṭohaṃ bhaktyā tvaddharmato'dhikam |
varaṃ brūhi sapatnīkamprayacchāmi na saṃśayaḥ || 55 ||
[Analyze grammar]

tava bhāvaparīkṣārthaṃ dvijo bhūtvāhamāgataḥ |
vyāghreṇa yā parigrastā sākṣāddevī śivā hi sā || 56 ||
[Analyze grammar]

vyāghro māyāmayo yaste śarairakṣata vigrahaḥ |
dhīratāndraṣṭukāmaste patnī yācitavānaham || 57 ||
[Analyze grammar]

nandīśvara uvāca |
ityākarṇya prabhorvākyaṃ sa bhadrāyurmahīpatiḥ |
puna praṇamya saṃstūya svāminaṃ natako'bravīt || 58 ||
[Analyze grammar]

bhadrāyuruvāca || eka eva varo nātha yadbhavānparameśvaraḥ |
bhavatāpaprataptasya mama pratyakṣatāṃ gataḥ || 59 ||
[Analyze grammar]

yaddadāsi punarnātha varaṃ svakṛpayā prabho |
vṛṇehaṃ paramaṃ tyakto varaṃ hi varadarṣabhāt || 60 ||
[Analyze grammar]

vajrabāhuḥ pitā me hi sapa tnīko maheśvara |
sapatnīkastvahaṃ nātha sadā tvatpādasevakaḥ || 61 ||
[Analyze grammar]

vaiśyaḥ padmākaro nāma tatputrassanayābhidhaḥ |
sarvānetānmaheśāna sadā tvaṃ pārśvagānkuru || 62 ||
[Analyze grammar]

nandīśvara uvāca |
atha rājñī ca tatpatnī pramattā kīrtimālinī |
bhaktyā prasādya giriśaṃ yayāce varamuttamam || 63 ||
[Analyze grammar]

satyuvāca |
candrāṃgado mama pitā mātā sīmantinī ca me |
tayoryāce mahādeva tvatpāśve sannidhiṃ mudā || 64 ||
[Analyze grammar]

nandīśvara uvāca |
evamastviti gaurīśaḥ prasanno bhaktavatsalaḥ |
tayoḥ kāmavarandattvā kṣaṇādantarhito'bhavat || 65 ||
[Analyze grammar]

bhadrāyurapi suprītyā prasādamprāpya śūlinaḥ |
sahitaḥ kīrtimālinyā bubhuje viṣayānbahūn || 66 ||
[Analyze grammar]

kṛtvā varṣāyutarājyamavyāhataparākramaḥ |
rājyaṃ vikṣipya tanaye jagāma śivasannidhim || 67 ||
[Analyze grammar]

candrāṃgadopi rājendro rājñī sīmantinī ca sā |
bhaktyā saṃpūjya giriśaṃ jagmatuḥ śāmbhavaṃ padam || 68 ||
[Analyze grammar]

dvijeśvarāvatāraste varṇitaḥ paramo mayā |
maheśvarasya bhadrāyuparamānandadaḥ prabho || 69 ||
[Analyze grammar]

idaṃ caritraṃ paramaṃ pavitraṃ śivāvatārasya pavitrakīrtteḥ |
dvijeśasaṃjñasya mahādbhutaṃ hi śṛṇvanpaṭhañśambhupadamprayāti || 70 ||
[Analyze grammar]

ya idaṃ śṛṇuyānnityaṃ śrāvayedvā samāhitaḥ |
na ścotati svadharmātsa paratra labhate gatim || 71 ||
[Analyze grammar]