Chapter 52

[English text for this chapter is available]

sanatkumāra uvāca |
śṛṇuṣvānyaccaritraṃ ca śivasya paramātmanaḥ |
bhaktavātsalyasaṃgarbhi paramānandadāyakam || 1 ||
[Analyze grammar]

purā bāṇāsuro nāma daivadoṣācca garvitaḥ |
kṛtvā tāṃḍavanṛtyaṃ ca toṣayāmāsa śaṃkaram || 2 ||
[Analyze grammar]

jñātvā saṃtuṣṭamanasaṃ pārvatīvallabhaṃ śivam |
uvāca cāsuro bāṇo nataskandhaḥ kṛtāṃjaliḥ || 3 ||
[Analyze grammar]

bāṇa uvāca |
devadeva mahādeva sarvadevaśiromaṇe |
tvatprasādādbalī cāhaṃ śṛṇu me paramaṃ vacaḥ || 4 ||
[Analyze grammar]

dossahasraṃ tvayā dattaṃ paraṃ bhārāya me'bhavet |
trilokyāṃ pratiyoddhāraṃ na labhe tvadṛte samam || 5 ||
[Analyze grammar]

he deva kimanenāpi sahasreṇa karomyaham |
bāhūnāṃ giritulyānāṃ vinā yuddhaṃ vṛṣadhvaja || 6 ||
[Analyze grammar]

kaḍūṃtyā nibhṛtaidoṃrbhiryuyutsurdiggajānaham |
purāṇyācūrṇayannadrīnbhītāstepi pradudruvuḥ || 7 ||
[Analyze grammar]

mayā yamaḥ kṛto yoddhā vahniśca kṛtako mahān |
varuṇaścāpi gopālo gavāṃ pālayitā tathā || 8 ||
[Analyze grammar]

gajādhyakṣaḥ kuberastu sairandhrī cāpi nirṛtiḥ |
jitaścākhaṃḍalo loke karadāyī sadā kṛtaḥ || 9 ||
[Analyze grammar]

yuddhasyāgamanaṃ brūhi yatraite bāhavo mama |
śatruhastaprayuktaśca śastrāstrairjarjarīkṛtāḥ || 10 ||
[Analyze grammar]

pataṃtu śatruhastādvā pātayantu sahasradhā |
etanmanorathaṃ me hi pūrṇaṃ kuru maheśvara || 11 ||
[Analyze grammar]

sanatkumāra uvāca |
tacchrutvā kupito rudrastvaṭṭahāsaṃ mahādbhutam |
kṛtvā'bravīnmahāmanyurbhaktabādhā'pahārakaḥ || 12 ||
[Analyze grammar]

rudra uvāca |
dhigdhiktvāṃ sarvato garvinsarvadaityakulādhama |
baliputrasya bhaktasya nocitaṃ vaca īdṛśam || 13 ||
[Analyze grammar]

darpasyāsya praśamanaṃ lapsyase cāśu dāruṇam |
mahāyuddhamakasmādvai balinā matsamena hi || 14 ||
[Analyze grammar]

tatra te girisaṃkāśā bāhavo'nalakāṣṭhavat |
chinnā bhūmau patiṣyaṃti śastrāstraiḥ kadalīkṛtāḥ || 15 ||
[Analyze grammar]

yadeṣa mānuṣaśiro mayūrasahito dhvajaḥ |
vidyate tava duṣṭātmaṃstasya syātpatanaṃ yadā || 16 ||
[Analyze grammar]

sthāpitasyāyudhāgāre vinā vātakṛtaṃ bhayam |
tadā yuddhaṃ mahāghoraṃ saṃprāptamiti cetasi || 17 ||
[Analyze grammar]

nidhāya ghoraṃ saṃgrāmaṃ gacchethāḥ sarvasainyavān |
sāṃprataṃ gaccha tadveśma yatastadvidyate śivaḥ || 18 ||
[Analyze grammar]

tathā tānsvamahotpātāṃstatra draṣṭāsi durmate |
ityuktvā virarāmātha garvahṛdbhaktavatsalaḥ || 19 ||
[Analyze grammar]

sanatkumāra uvāca |
tacchrutvā rudramabhyarcya divyairajaṃlikuḍmalaiḥ |
praṇamya ca mahādevaṃ bāṇaśca svagṛhaṃ gataḥ || 20 ||
[Analyze grammar]

kuṃbhāṇḍāya yathāvṛttaṃ pṛṣṭaḥ provāca harṣitaḥ |
paryaikṣiṣṭāsuro bāṇastaṃ yogaṃ hyutsukassadā || 21 ||
[Analyze grammar]

atha daivātkadācitsa svayaṃ bhagnaṃ dhvajaṃ ca tam |
dṛṣṭvā tatrāsuro bāṇo hṛṣṭo yuddhāya niryayau || 22 ||
[Analyze grammar]

sa svasainyaṃ samāhūya saṃyuktaḥ sāṣṭabhirgaṇaiḥ |
iṣṭiṃ sāṃgrāmikāṃ kṛtvā dṛṣṭvā sāṃgrāmikaṃ madhu || 23 ||
[Analyze grammar]

kakubhāṃ maṃgalaṃ sarvaṃ saṃprekṣya prasthito'bhavat |
mahotsāho mahāvīro baliputro mahārathaḥ || 24 ||
[Analyze grammar]

iti hṛtkamale kṛtvā kaḥ kasmādāgamiṣyati |
yoddhā raṇapriyo yastu nānāśastrāstrapāragaḥ || 25 ||
[Analyze grammar]

yastu bāhusahasraṃ me chinattvanalakāṣṭhavat |
tathā śastrairmahātīkṣṇaiścchinadmi śataśastviha || 26 ||
[Analyze grammar]

etasminnaṃtare kālaḥ saṃprāptaśśaṃkareṇa hi |
yatra sā bāṇaduhitā sujātā kṛtamaṃgalā || 27 ||
[Analyze grammar]

mādhavaṃ mādhave māsi pūjayitvā mahāniśi |
suptā cāṃtaḥ pure gupte strībhāvamupalaṃbhitā || 28 ||
[Analyze grammar]

gauryā saṃpreṣitenāpi vyākṛṣṭā divyamāyayā |
kṛṣṇātmajātmajenātha rudaṃtī sā hyanāthavat || 29 ||
[Analyze grammar]

sa cāpi tāṃ balādbhuktvā pārvatyāḥ sakhibhiḥ punaḥ |
nītastu divyayogena dvārakāṃ nimiṣāṃtarāt || 30 ||
[Analyze grammar]

mṛditā sā tadotthāya rudaṃtī vividhā giraḥ |
sakhībhyaḥ kathayitvā tu dehatyāge kṛtakṣaṇā || 31 ||
[Analyze grammar]

sakhyā kṛtātmano doṣaṃ sā vyāsa smāritā punaḥ |
sarvaṃ tatpūrvavṛttāṃtaṃ tato dṛṣṭvā ca sā bhavat || 32 ||
[Analyze grammar]

abravīccitralekhāṃ ca tato madhurayā girā |
ūṣā bāṇasya tanayā kuṃbhāṃḍatanayāṃ mune || 33 ||
[Analyze grammar]

ūṣovāca |
sakhi yadyeṣa me bhartā pārvatyā vihitaḥ purā |
kenopāyena te guptaḥ prāpyate vidhivanmayā || 34 ||
[Analyze grammar]

kasminkule sa vā jāto mama yena hṛtaṃ manaḥ |
ityuṣāvacanaṃ śrutvā sakhī provāca tāṃ tadā || 35 ||
[Analyze grammar]

citralekhovāca |
tvayā svapne ca yo dṛṣṭaḥ puruṣo devi taṃ katham |
ahaṃ saṃmānayiṣyāmi na vijñātastu yo mama || 36 ||
[Analyze grammar]

daityakanyā tadukte tu rāgāṃdhā maraṇotsukā |
rakṣitā ca tayā sakhyā prathame divase tataḥ || 37 ||
[Analyze grammar]

punaḥ provāca soṣā vai citralekhā mahāmatiḥ |
kuṃbhāṃḍasya sutā bāṇatanayāṃ munisattama || 38 ||
[Analyze grammar]

citralekhovāca |
vyasanaṃ te'pakarṣāmi trilokyāṃ yadi bhāṣyate |
samāneṣye naraṃ yaste manohartā tamādiśa || 39 ||
[Analyze grammar]

sanatkumāra uvāca |
ityuktvā vastrapuṭake devāndaityāṃśca dānavān |
gandharvasiddhanāgāṃśca yakṣādīṃśca tathālikhat || 40 ||
[Analyze grammar]

tathā narāṃsteṣu vṛṣṇīñśūramānakaduṃdubhim |
vyalikhadrāmakṛṣṇau ca pradyumnaṃ narasattamam || 41 ||
[Analyze grammar]

aniruddhaṃ vilikhitaṃ prādyumniṃ vīkṣya lajjitā |
āsīdavāṅmukhī coṣā hṛdaye harṣapūritā || 42 ||
[Analyze grammar]

ūṣā provāca cauro'sau mayā prāptastu yo niśi |
puruṣaḥ sakhi yenāśu cetoratnaṃ hṛtaṃ mama || 43 ||
[Analyze grammar]

yasya saṃsparśanādeva mohitāhaṃ tathābhavam |
tamahaṃ jñātumicchāmi vada sarvaṃ ca bhāmini || 44 ||
[Analyze grammar]

kasyāyamanvaye jāto nāma kiṃ cāsya vidyate |
ityuktā sābravīnnāma yoginī tasya cānvayam || 45 ||
[Analyze grammar]

sarvamākarṇya sā tasya kulādi munisattama |
utsukā bāṇatanayā babhāṣe sā tu kāminī || 46 ||
[Analyze grammar]

ūṣovāca |
upāyaṃ racaya prītyā tatprāptyai sakhi tatkṣaṇāt |
yenopāyena taṃ kāṃtaṃ labheyaṃ prāṇavallabham || 47 ||
[Analyze grammar]

yaṃ vināhaṃ kṣaṇaṃ naikaṃ sakhi jīvitumutsahe |
tamānayeha sadyatnātsukhinīṃ kuru māṃ sakhi || 48 ||
[Analyze grammar]

sanatkumāra uvāca |
ityuktā sā tathā bāṇātmajayā maṃtrikanyakā |
vismitābhūnmuniśreṣṭha suvicāraparā'bhavat || 49 ||
[Analyze grammar]

tatassakhīṃ samābhāṣya citralekhā manojavā |
buddhvā taṃ kṛṣṇapautraṃ sā dvārakāṃ gaṃtumudyatā || 50 ||
[Analyze grammar]

jyeṣṭhakṛṣṇacaturdaśyāṃ tṛtīye tu gate'hani |
āprabhātānmuhūrte tu saṃprāptā dvārakāṃ purīm || 51 ||
[Analyze grammar]

ekena kṣaṇamātreṇa nabhasā divyayoginī |
tataścāṃtaḥpurodyāne prādyumnirdadṛśe tayā || 52 ||
[Analyze grammar]

krīḍannārījanaissārddhaṃ prapibanmādhavī madhu |
sarvāṃgasundaraḥ śyāmaḥ susmito navayauvanaḥ || 53 ||
[Analyze grammar]

tataḥ khaṭvāṃ samārūḍhamaṃdhakārapaṭena sā |
ācchādayitvā yogena tāmasena ca mādhavam || 54 ||
[Analyze grammar]

tatassā mūrdhni tāṃ khaṭvāṃ gṛhītvā nimiṣāṃtarāt |
saṃprāptā śoṇitapuraṃ yatra sā bāṇanaṃdinī || 55 ||
[Analyze grammar]

kāmārtā vividhānbhāvāñcakāronmattamānasā |
ānītamatha taṃ dṛṣṭvā tadā bhītā ca sābhavat || 56 ||
[Analyze grammar]

aṃtaḥpure sugupte ca nave tasminsamāgame |
yāvatkrīḍitumārabdhaṃ tāvajjñātaṃ ca tatkṣaṇāt || 57 ||
[Analyze grammar]

aṃtaḥpuradvāragatairvetrajarjarapāṇibhiḥ |
iṃgitairanumānaiśca kanyādauḥśīlyamācaran || 58 ||
[Analyze grammar]

sa cāpi dṛṣṭastaistatra naro divyavapurdharaḥ |
taruṇo darśanīyastu sāhasī samarapriyaḥ || 59 ||
[Analyze grammar]

taṃ dṛṣṭvā sarvamācakhyurbāṇāya balisūnave |
puruṣāste mahāvīrāḥ kanyāntaḥpurarakṣakāḥ || 60 ||
[Analyze grammar]

dvārapālā ūcuḥ |
deva kaścinna jānīte guptaścāṃtaḥpure balāt |
sa kastu tava kanyāṃ vai svayaṃgrāhādadharṣayat || 61 ||
[Analyze grammar]

dānavendra mahābāho paśyapaśyainamatra ca |
yadyuktaṃ syāttatkuruṣva na duṣṭā vayamityuta || 62 ||
[Analyze grammar]

sanatkumāra uvāca |
teṣāṃ tadvacanaṃ śrutvā dānavendro mahābalaḥ |
vismitobhūnmuniśreṣṭha kanyāyāḥ śrutadūṣaṇaḥ || 63 ||
[Analyze grammar]

iti śrīśivamahāpurāṇe dvitīyāyāṃ rudrasaṃhi tāyāṃ paṃcame yuddhakhaṇḍe ūṣācaritravarṇanaṃ nāma dvipañcāśattamo'dhyāyaḥ || 52 ||
[Analyze grammar]