Chapter 51

[English text for this chapter is available]

vyāsa uvāca |
sanatkumāra sarvajña śrāvitā sukathādbhutā |
bhavatānugrahātprītyā śabhvanugrahanirbharā || 1 ||
[Analyze grammar]

idānīṃ śrotumicchāmi caritaṃ śaśimaulinaḥ |
gāṇapatyaṃ dadau prītyā yathā bāṇāsurāya vai || 2 ||
[Analyze grammar]

sanatkumāra uvāca |
śṛṇu vyāsādarāttāṃ vai kathāṃ śaṃbhoḥ parātmanaḥ |
gāṇapatyaṃ yathā prītyā dadau bāṇā surāya hi || 3 ||
[Analyze grammar]

atraiva sucaritraṃ ca śaṃkarasya mahāprabhoḥ |
kṛṣṇena samaropyatra śaṃbhorbāṇānugṛhṇataḥ || 4 ||
[Analyze grammar]

atrānurūpaṃ śṛṇu me śivalīlānvitaṃ param |
itihāsaṃ mahāpuṇyaṃ manaḥśrotrasukhāvaham || 5 ||
[Analyze grammar]

brahmaputro marīciryo munirāsīnmahāmatiḥ |
mānasassarvaputreṣu jyeṣṭhaḥ śreṣṭhaḥ prajāpatiḥ || 6 ||
[Analyze grammar]

tasya putro mahātmāsītkaśyapo munisattamaḥ |
sṛṣṭipravṛddhako'tyaṃtaṃ piturbhakto vidherapi || 7 ||
[Analyze grammar]

svasya trayodaśamitādakṣakanyā ssuśīlikāḥ |
kaśyapasya munervyāsa patnyaścāsanpativratāḥ || 8 ||
[Analyze grammar]

tatra jyeṣṭhā ditiścāsīddaityāstattanayāssmṛtāḥ |
anyāsāṃ ca sutā jātā devādyāssacarācarāḥ || 9 ||
[Analyze grammar]

jyeṣṭhāyāḥ prathamau putrau diteścāstāṃ mahābalau |
hiraṇyakaśipurjyeṣṭho hiraṇyākṣo'nujastataḥ || 10 ||
[Analyze grammar]

hiraṇyakaśipoḥ putrāścatvāro daityasattamāḥ |
hrādānuhrādasaṃhrādā prahrādaścetyanukramāt || 11 ||
[Analyze grammar]

prahrādastatra hi mahānviṣṇubhakto jitendriyaḥ |
yaṃ nāśituṃ na śaktāste'bhavandaityāśca kepi ha || 12 ||
[Analyze grammar]

virocanaḥ sutastasya mahā dātṛvaro'bhavat |
śakrāya svaśiro yo'dādyācamānāya viprataḥ || 13 ||
[Analyze grammar]

tasya putro baliścāsīnmahādānī śivapriyaḥ |
yena vāmanarūpāya haraye'dāyi medinī || 14 ||
[Analyze grammar]

tasyaurasaḥ suto bāṇaśśivabhakto babhūva ha |
mānyo vadānyo dhīmāṃśca satyasaṃdhassa hasradaḥ || 15 ||
[Analyze grammar]

śoṇitākhye pure sthitvā sa rājyamakarotpurā |
trailokyaṃ ca balāñjjitvā tannāthānasureśvaraḥ || 16 ||
[Analyze grammar]

tasya bāṇāsurasyaiva śivabhaktasya cāmarāḥ |
śaṃkarasya prasādena kiṃkarā iva te'bhavan || 17 ||
[Analyze grammar]

tasya rājye'marānhitvā nābhavanduḥkhitāḥ prajāḥ |
sāpatnyāduḥkhitāste hi paradharmapravartinaḥ || 18 ||
[Analyze grammar]

sahasrabāhuvādyena sa kadācinmahāsuraḥ |
tāṃḍavena hi nṛtyenātoṣayattaṃ maheśvaram || 19 ||
[Analyze grammar]

tena nṛtyena saṃtuṣṭassuprasanno babhūva ha |
dadarśa kṛpayā dṛṣṭyā śaṃkaro bhaktavatsalaḥ || 20 ||
[Analyze grammar]

bhagavānsarvalokeśśaśaraṇyo bhaktakāmadaḥ |
vareṇa cchaṃdayāmāsa bāleyaṃ taṃ mahāsuram || 21 ||
[Analyze grammar]

śaṃkara uvāca |
bāleyaḥ sa mahādaityo bāṇo bhaktavarassudhīḥ |
praṇamya śaṃkaraṃ bhaktyā nunāva parameśvaram || 22 ||
[Analyze grammar]

bāṇāsura uvāca |
devadeva mahādeva śaraṇāgatavatsala |
saṃtuṣṭo'si maheśāna mamopari vibho yadi || 23 ||
[Analyze grammar]

madrakṣako bhava sadā madupasthaḥ purādhipaḥ |
sarvathā prītikṛnme hi sasutassagaṇaḥ prabho || 24 ||
[Analyze grammar]

sanatkumāra uvāca |
baliputrassa vai bāṇo mohitaśśivamāyayā |
muktipradaṃ maheśānaṃ durārādhyamapi dhruvam || 25 ||
[Analyze grammar]

sa bhaktavatsalaḥ śaṃbhurdattvā tasmai varāṃśca tān |
tatrovāsa tathā prītyā sagaṇassasutaḥ prabhuḥ || 26 ||
[Analyze grammar]

sa kadācidbāṇapure cakre devāsuraissaha |
nadītīre haraḥ krīḍāṃ ramye śoṇitakāhvaye || 27 ||
[Analyze grammar]

nanṛturjahasuścāpi gaṃdharvāsarasastathā |
jeyuḥ praṇemurmunaya ānarcustuṣṭuvuśca tam || 28 ||
[Analyze grammar]

vavalguḥ prathamāssarve ṛṣayo juhuvustathā |
āyayuḥ siddhasaṃghāśca dṛdṛśuśśāṃkarī ratim || 29 ||
[Analyze grammar]

kutarkikā vineśuśca mlecchāśca paripaṃthinaḥ |
mātarobhimukhāstasthurvineśuśca vibhīṣikā || 30 ||
[Analyze grammar]

rudrasadbhāvabhaktānāṃ bhavadoṣāśca vistṛtāḥ |
tasmindṛṣṭe prajāssarvāḥ suprītiṃ paramāṃ yayuḥ || 31 ||
[Analyze grammar]

vavalgurmunayassiddhāḥ strīṇāṃ dṛṣṭvā viceṣṭitam |
pupuṣuścāpi ṛtavassvaprabhāvaṃ tu tatra ca || 32 ||
[Analyze grammar]

vavurvātāśca mṛdavaḥ puṣpakesaradhūsarāḥ |
cukūjuḥ pakṣisaṃghāśca śākhināṃ madhulampaṭāḥ || 33 ||
[Analyze grammar]

puṣpabhārāvanaddhānāṃ rāraṭyeraṃśca kokilāḥ |
madhuraṃ kāmajananaṃ vaneṣūpavaneṣu ca || 34 ||
[Analyze grammar]

tataḥ krīḍāvihāre tu matto bālenduśekharaḥ |
anirjitena kāmena dṛṣṭāḥ provāca nandinam || 35 ||
[Analyze grammar]

candraśekhara uvāca |
vāmāmānaya gaurīṃ tvaṃ kailāsātkṛtamaṃḍanām |
śīghramasmādvanādgatvā hyuktvā'kṛṣṇāmihānaya || 36 ||
[Analyze grammar]

sanatkumāra uvāca |
sa tatheti pratijñāya gatvā tatrāha pārvatīm |
supraṇamya raho dūtaśśaṃkarasya kṛtāṃjaliḥ || 37 ||
[Analyze grammar]

|| nandīśvara uvāca |
draṣṭumicchati devi tvāṃ devadevo maheśvaraḥ |
svavallabhāṃ rūpakṛtāṃ mayoktaṃ tannideśataḥ || 38 ||
[Analyze grammar]

sanatkumāra uvāca |
tatastadvacanādgaurī maṃḍanaṃ kartumādarāt |
udyatābhūnmuniśreṣṭha pativrataparāyaṇā || 39 ||
[Analyze grammar]

āgacchāmi prabhuṃ gaccha vada taṃ tvaṃ mamājñayā |
ājagāma tato naṃdī rudrāsannaṃ manogatiḥ || 40 ||
[Analyze grammar]

punarāha tato rudro nandinaṃ paravibhramaḥ |
punargaccha tatastāta kṣipramā naya pārvatīm || 41 ||
[Analyze grammar]

bāḍhamuktvā sa tāṃ gatvā gaurīmāha sulocanām |
draṣṭumicchati te bhartā kṛtaveṣāṃ manoramām || 42 ||
[Analyze grammar]

śaṃkaro bahudhā devi vihartuṃ saṃpratīkṣate |
evaṃ patau sukāmārte gamyatāṃ girinaṃdini || 43 ||
[Analyze grammar]

ksarobhissamagrābhiranyonyamabhimaṃtritam |
labdhabhāvo yathā sadyaḥ pārvatyā darśanotsukaḥ || 44 ||
[Analyze grammar]

ayaṃ pinākī kāmāriḥ vṛṇuyādyāṃ nitaṃbinīm |
sarvāsāṃ divyanārīṇāṃ rājñī bhavati vai dhuvam || 45 ||
[Analyze grammar]

vīkṣaṇaṃ gaurirūpeṇa krīḍayenmanmathairgaṇaiḥ |
kāmo'yaṃ haṃti kāmārimūcuranyonyamādatāḥ || 46 ||
[Analyze grammar]

spraṣṭuṃ śaknoti yā kācidṛte dākṣāyaṇī striyam |
sā gacchettatra niśśaṃkaṃ mohayetpārvatīpatim || 47 ||
[Analyze grammar]

kūṣmāṃḍatanayā tatra śaṃkaraṃ spraṣṭumutsahe |
ahaṃ gaurīsurūpeṇa citralekhā vaco'bravīt || 48 ||
[Analyze grammar]

citralekhovāca |
yadadhānmohinīrūpaṃ keśavo moha necchayā |
purā tadvaiṣṇavaṃ yogamāśritya paramārthataḥ || 49 ||
[Analyze grammar]

urvaśyāśca tato dṛṣṭvā rūpasya parivartanam |
kālīrūpaṃ ghṛtācī tu viśvācī cāṃḍikaṃ vapuḥ || 50 ||
[Analyze grammar]

sāvitrirūpaṃ raṃbhā ca gāyatraṃ menakā tathā |
sahajanyā jayārūpaṃ vaijayaṃ puṃjikasthalī || 51 ||
[Analyze grammar]

mātṝṇāmapyanuktānāmanuktāścāpsarovarāḥ |
ratnādrūpāṇi tāścakrussvavidyāsaṃyutā anu || 52 ||
[Analyze grammar]

tatastāsāṃ tu rūpāṇi dṛṣṭvā kuṃbhāṃ ḍanaṃdinī |
vaiṣṇavādātmayogācca vijñātārthā vyaḍaṃbayat || 53 ||
[Analyze grammar]

ūṣā bāṇāsurasutā divyayogaviśāradā |
cakāra rūpaṃ pārvatyā divyamatyadbhutaṃ śubham || 54 ||
[Analyze grammar]

mahāraktābjasaṃkāśaṃ caraṇaṃ coktamaprabham |
divyalakṣaṇasaṃyuktaṃ mano'bhīṣṭārthadāyakam || 55 ||
[Analyze grammar]

tasyā ramaṇasaṃkalpaṃ vijñāya girijā tataḥ |
uvāca sarvavijñānā sarvāntaryāminī śivā || 56 ||
[Analyze grammar]

girijovāca |
yato mama svarūpaṃ vai dhṛtabhūṣe sakhi tvayā |
sakāmatvena samaye saṃprāpte sati mānini || 57 ||
[Analyze grammar]

asmiṃstu kārtike māsi ṛtudharmāstu mādhave |
dvādaśyāṃ śuklapakṣe tu yastu ghore niśāgame || 58 ||
[Analyze grammar]

kṛtopavāsāṃ tvāṃ bhoktā suptāmaṃtaḥpure naraḥ |
sa te bharttā kṛto devaistena sārddhaṃ ramiṣyasi || 59 ||
[Analyze grammar]

ābālyādviṣṇubhaktāsi yato'niśamataṃdritā |
evamastviti sā prāha manasā lajjitānanā || 60 ||
[Analyze grammar]

atha sā pārvatī devī kṛtakautukamaṇḍanā |
rudrasaṃnidhimāgatya cikrīḍe tena śaṃbhunā || 61 ||
[Analyze grammar]

tato ratāṃte bhagavānrudraścādarśanaṃ yayau |
sadāraḥ sagaṇaścāpi sahito daivatairmune || 62 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe ūṣā caritravarṇanaṃ śivaśivāvivāhavarṇanaṃ nāmaikapaṃcāśattamo'dhyāyaḥ || 51 ||
[Analyze grammar]