Chapter 53

[English text for this chapter is available]

sanatkumāra uvāca |
atha bāṇāsuraḥ kruddhastatra gatvā dadarśa tam |
divyalīlāttavapuṣaṃ prathame vayasi sthitam || 1 ||
[Analyze grammar]

taṃ dṛṣṭvā vismitaṃ vākyaṃ kiṃ kāraṇamathābravīt |
bāṇaḥ krodha parītātmā yudhi śauṃḍo hasanniva || 2 ||
[Analyze grammar]

aho manuṣyo rūpāḍhyassāhasī dhairyavāniti |
koyamāgatakālaśca duṣṭabhāgyo vimūḍhadhīḥ || 3 ||
[Analyze grammar]

yena me kulacāritraṃ dūṣitaṃ duhitā hitā |
taṃ mārayadhvaṃ kupitāśśīghraṃ śastraissudāruṇaiḥ || 4 ||
[Analyze grammar]

durācāraṃ ca taṃ baddhvā ghore kārā gṛhe tataḥ |
rakṣadhvaṃ vikaṭe vīrā bahukālaṃ viśeṣataḥ || 5 ||
[Analyze grammar]

na jāne koyamabhayaḥ ko vā ghoraparākramaḥ |
vicāryeti mahābuddhissaṃ digdho'bhūccharāsuraḥ || 6 ||
[Analyze grammar]

tato daityena sainyaṃ tu daśasāhasrakaṃ śanaiḥ |
vadhāya tasya vīrasya vyādiṣṭaṃ pāpabuddhinā || 7 ||
[Analyze grammar]

tadādiṣṭāstu te vīrāḥ sarvatontaḥpuraṃ drutam |
chādayāmāsuratyugrāśchiṃdi bhiṃdīti vādinaḥ || 8 ||
[Analyze grammar]

śatrusainyaṃ tato dṛṣṭvā garjamānaḥ sa yādavaḥ |
aṃtaḥpuraṃ dvāragataṃ parighaṃ gṛhya cātulam || 9 ||
[Analyze grammar]

niṣkrāṃto bhavanāttasmādvajrahasta ivāṃtakaḥ |
tena tānkiṃkarān hatvā punaścāṃtaḥpuraṃ yayau || 10 ||
[Analyze grammar]

evaṃ daśasahasrāṇi sainyāni munisattama |
jaghāna roṣaraktākṣo varddhitaśśivatejasā || 11 ||
[Analyze grammar]

lakṣe hate'tha yodhānāṃ tato bāṇāsuro ruṣā |
kubhāṃḍaṃ sa gṛhītvā tu yuddhe śauṃḍaṃ samāhvayat || 12 ||
[Analyze grammar]

aniruddhaṃ mahābuddhiṃ dvandvayuddhe mahā have |
prādyumniṃ rakṣitaṃ śaivatejasā prajvalattanum || 13 ||
[Analyze grammar]

tato daśasahasrāṇi turagāṇāṃ rathottamān |
yuddhaprāptena khaḍgena daityendrasya jaghāna saḥ || 14 ||
[Analyze grammar]

tadvadhāya tataśśaktiṃ kālavaiśvānaropamām |
aniruddho gṛhītvā tāṃ tayā taṃ nijaghāna hi || 15 ||
[Analyze grammar]

rathopasthe tato bāṇastena śaktyāhato dṛḍham |
sa sāśvastatkṣaṇaṃ vīrastatraivāṃtaradhīyata || 16 ||
[Analyze grammar]

tasmiṃstvadarśanaṃ prāpte prādyumniraparājitam |
ālokya kakubhassarvāstasthau giririvācalaḥ || 17 ||
[Analyze grammar]

adṛśyamānastu tadā kūṭayodhassa dānavaḥ |
nānāśastrasahasraistaṃ jaghāna hi punaḥ punaḥ || 18 ||
[Analyze grammar]

chadmanāṃ nāgapāśaistaṃ babaṃdha sa mahābalaḥ |
baliputro mahāvīraśśivabhaktaśśarāsuraḥ || 19 ||
[Analyze grammar]

taṃ baddhvā paṃjarāṃtaḥsthaṃ kṛtvā yuddhādupāramat |
uvāca bāṇaḥ saṃkuddhassūtaputraṃ mahābalam || 20 ||
[Analyze grammar]

bāṇāsura uvāca |
sūtaputra śiraśchiṃdhi puruṣasyāsya vai laghu |
yena me dūṣitaṃ pūtaṃ balādduṣṭena satkulam || 21 ||
[Analyze grammar]

chitvā tu sarvagātrāṇi rākṣasebhyaḥ prayaccha bhoḥ |
athāsya raktamāṃsāni kravyādā api bhuṃjatām || 22 ||
[Analyze grammar]

agādhe tṛṇasaṃkīrṇe kūpe pātakinaṃ jahi |
kiṃ bahūktyā sūtaputra māraṇīyo hi sarvathā || 23 ||
[Analyze grammar]

sanatku māra uvāca |
tasya tadvacanaṃ śrutvā dharmabuddhirniśācaraḥ |
kuṃbhāṃḍastvabravīdvākyaṃ bāṇaṃ sanmaṃtrisattamam || 24 ||
[Analyze grammar]

kuṃbhāṃḍa uvāca |
naitatkartuṃ samucitaṃ karma deva vicāryatām |
asminhate hato hyātmā bhavediti matirmama || 25 ||
[Analyze grammar]

ayaṃ tu dṛśyate deva tulyo viṣṇoḥ parākramaiḥ |
vardhitaścandra cūḍasya tvadduṣṭasya sutecasā || 26 ||
[Analyze grammar]

atha candralalāṭasya sāhasena samatsvayam |
imāmavasthāṃ prāptosi pauruṣe saṃvyavasthitaḥ || 27 ||
[Analyze grammar]

ayaṃ śivaprasādādvai kṛṣṇapautro mahābalaḥ |
asmāṃstṛṇopamān vetti daṣṭopi bhujagairbalāt || 28 ||
[Analyze grammar]

sanatkumāra uvāca |
etadvākyaṃ tu bāṇāya kathayitvā sa dānavaḥ |
aniruddhamuvācedaṃ rājanītividuttamaḥ || 29 ||
[Analyze grammar]

kuṃbhāṃḍa uvāca |
kosi kasyāsi re vīra satyaṃ vada mamāgrataḥ |
kena vā tvamihānīto durācāra narādhama || 30 ||
[Analyze grammar]

daityendraṃ stuhi vīraṃ tvaṃ namaskuru kṛtājaliḥ |
jitosmīti vaco dīnaṃ kathayitvā punaḥpunaḥ || 31 ||
[Analyze grammar]

evaṃ kṛte tu mokṣassyādanyathā baṃdhanādi ca |
tacchrutvā vacanaṃ tasya prativākyamuvāca saḥ || 32 ||
[Analyze grammar]

aniruddha uvāca |
daityā'dhamasakhe kararpiḍopajīvaka |
niśācara durācāra śatrudharmaṃ na vetsi bhoḥ || 33 ||
[Analyze grammar]

dainyaṃ palāyanaṃ cātha śūrasya maraṇādhikam |
viruddhaṃ copaśalyaṃ ca bhavediti matirmama || 34 ||
[Analyze grammar]

kṣatriyasya raṇe śreyo maraṇaṃ sanmukhe sadā |
na vīramānino bhūmau dīnasyeva kṛtāṃjaliḥ || 35 ||
[Analyze grammar]

sanatkumāra uvāca |
ityādi vīravākyāni bahūni sa jagāda tam |
tadākarṇya sabāṇo'sau vismito'bhūccukopa ca || 36 ||
[Analyze grammar]

tadovāca nabhovāṇī bāṇasyāśvāsanāya hi |
śṛṇvatāṃ sarvavīrāṇāmaniruddhasya maṃtriṇaḥ || 37 ||
[Analyze grammar]

vyomavāṇyuvāca |
bho bho bāṇa mahāvīra na krodhaṃ kartumarhasi |
baliputrosi sumate śivabhakta vicāryatām || 38 ||
[Analyze grammar]

śivassarveśvarassākṣī karmaṇāṃ parameśvaraḥ |
tadadhīnamidaṃ sarvaṃ jagadvai sacarācaram || 39 ||
[Analyze grammar]

sa eva kartā bhartā ca saṃhartā jagatāṃ sadā |
rajassattvatamodhārī vidhiviṣṇuharātmakaḥ || 40 ||
[Analyze grammar]

sarvasyāṃtargataḥ svāmī prerakassarvataḥ paraḥ |
nirvikāryavyayo nityo māyādhīśopi nirguṇaḥ || 41 ||
[Analyze grammar]

tasyecchayā'balo jñeyo balī bali varātmaja |
iti vijñāya manasi svastho bhava mahāmate || 42 ||
[Analyze grammar]

garvāpahārī bhagavānnā nālīlāviśāradaḥ |
nāśayiṣyati te garvamidānīṃ bhaktavatsalaḥ || 43 ||
[Analyze grammar]

sanatkumāra uvāca |
ityābhāṣya nabhovāṇī virarāma mahāmune |
bāṇāsurastadvacanādaniruddhaṃ na jaghnivān || 44 ||
[Analyze grammar]

kiṃ tu svāntaḥpuraṃ gatvā papau pānamanuttamam |
madvākyaṃ ca visasmāra vijahāra viruddhadhīḥ || 45 ||
[Analyze grammar]

tatoniruddho baddhastu nāgabhogairviṣolbaṇaiḥ |
priyayā'tṛptacetāstu durgāṃ sasmāra tatkṣaṇāt || 46 ||
[Analyze grammar]

aniruddha uvāca |
śaraṇye devi baddhosmi dahyamānastu pannagaiḥ |
āgaccha me kuru trāṇaṃ yaśode caṃḍaroṣiṇi || 47 ||
[Analyze grammar]

śivabhakte mahādevi sṛṣṭisthityaṃtakāriṇī |
tvāṃ vinā rakṣako nānyastasmādrakṣa śive hi mām || 48 ||
[Analyze grammar]

sanatkumāra uvāca |
tenetthaṃ toṣitā tatra kālī bhinnāṃjanaprabhā |
jyeṣṭhakṛṣṇacaturdaśyāṃ saṃprāptāsīnmahāniśi || 49 ||
[Analyze grammar]

gurubhirmuṣṭinirghātairdārayāmāsa paṃjaram |
śarāṃstānbhasmasātkṛtvā sarparūpānbhayānakān || 50 ||
[Analyze grammar]

mocayitvā niruddhaṃ tu tataścāṃtaḥpuraṃ tataḥ |
praveśayitvā durgā tu tatraivādarśanaṃ gatā || 51 ||
[Analyze grammar]

itthaṃ devyāḥ prasādāttu śivaśaktermunīśvara |
kṛcchramuktoniruddhobhūtsukhī caiva gatavyathaḥ || 52 ||
[Analyze grammar]

atha labdhajayo bhūtvāniruddhaśśivaśaktitaḥ |
prādyumnirbāṇatanayāṃ priyāṃ prāpya mumoda ca || 53 ||
[Analyze grammar]

pūrvaṃvadvijahārāsau tayā svapriyayā sukhī |
pītapānassuraktākṣassa bāṇasutayā tataḥ || 54 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe ūṣācaritre aniruddhoṣāvihāravarṇanaṃnāma tripaṃcāśattamo 'dhyāya || 53 ||
[Analyze grammar]