Chapter 27

[English text for this chapter is available]

sanatkumāra uvāca |
athānyacchaṃbhucaritaṃ premataḥ śṛṇu vai mune |
yasya śravaṇamātreṇa śivabhaktirdṛḍhā bhavet || 1 ||
[Analyze grammar]

śaṃkhacūḍābhidho vīro dānavo devakaṃṭakaḥ |
yathā śivena nihato raṇamūrdhni triśūlataḥ || 2 ||
[Analyze grammar]

tacchaṃbhucaritaṃ divyaṃ pavitraṃ pāpanāśanam |
śṛṇu vyāsa susaṃprītyā vacmi susnehatastava || 3 ||
[Analyze grammar]

marīcestanayo dhātuḥ putro yaḥ kaśyapo muniḥ |
sa dharmiṣṭhassṛṣṭikarttā vidhyājñaptaḥ prajāpatiḥ || 4 ||
[Analyze grammar]

dakṣaḥ prītyā dadau tasmai nijakanyāstrayodaśa |
tāsāṃ prasūtiḥ prasabhaṃ na kathyā bahuvistṛtāḥ || 5 ||
[Analyze grammar]

yatra devādinikhilaṃ carācaramabhūjjagat |
vistarāttatpravaktuṃ ca kaḥ kṣamo'sti trilokake || 6 ||
[Analyze grammar]

prastutaṃ śṛṇu vṛttāṃtaṃ śaṃbhulīlānvitaṃ ca yat |
tadeva kathayāmyadya śṛṇu bhaktipra varddhanam || 7 ||
[Analyze grammar]

tāsu kaśyapatnīṣu danustvekā varāṃganā |
mahārūpavatī sādhvī patisaubhāgyavarddhitā || 8 ||
[Analyze grammar]

āsaṃstasyā danoḥ putrā bahavo balavattarāḥ |
teṣāṃ nāmāni nocyaṃte vistārabhayato mune || 9 ||
[Analyze grammar]

teṣveko vipracittistu mahābalaparākramaḥ |
tatputro dhārmiko daṃbho viṣṇubhakto jitendriyaḥ || 10 ||
[Analyze grammar]

nāsīttattanayo vīrastataściṃtāparo'bhavat |
śukrācāryaṃ guruṃ kṛtvā kṛṣṇamaṃtramavāpya ca || 11 ||
[Analyze grammar]

tapaścakāra paramaṃ puṣkare lakṣavarṣakam |
kṛṣṇamaṃtraṃ jajāpaiva dṛḍhaṃ baddhāsanaṃ ciram || 12 ||
[Analyze grammar]

tapaḥ prakurvatastasya mūrdhno nissṛtya prajva lat |
visasāra ca sarvatra tattejo hi sudussaham || 13 ||
[Analyze grammar]

tena taptāssurāssarve munayo manavastathā |
sunāsīraṃ puraskṛtya brahmāṇaṃ śaraṇaṃ yayuḥ || 14 ||
[Analyze grammar]

praṇamya ca vidhātāraṃ dātāraṃ sarvasaṃpadām |
tuṣṭuvurvikalāḥ procuḥ svavṛttāṃtaṃ viśeṣataḥ || 15 ||
[Analyze grammar]

tadākarṇya vidhātāpi vaikuṃṭhaṃ tairyayau saha |
tadeva vijñāpayituṃ nikhilena hi viṣṇave || 16 ||
[Analyze grammar]

tatra gatvā trilokeśaṃ viṣṇuṃ rakṣākaraṃ param |
praṇamya tuṣṭuvussarve karau baddhvā vinamrakāḥ || 17 ||
[Analyze grammar]

devā ūcuḥ |
devadeva na jānīmo jātaṃ kiṃ kāraṇaṃ tviha |
saṃtaptāssa kalā jātāstejasā kena tadvada || 18 ||
[Analyze grammar]

taptātmanāṃ tvamavitā dīnabaṃdho'nujīvinām |
rakṣarakṣa ramānātha śaraṇyaśśaraṇāgatān || 19 ||
[Analyze grammar]

|| sanatkumāra uvāca |
iti śrutvā vaco viṣṇurbrahmādīnāṃ divaukasām |
uvāca vihasanpremṇā śaraṇāgatavatsalaḥ || 20 ||
[Analyze grammar]

|| viṣṇuruvāca |
susvasthā bhavatāvyagrā na bhayaṃ kurutāmarāḥ |
nopaplavā bhaviṣyante layakālo na vidyate || 21 ||
[Analyze grammar]

dānavo daṃbhanāmā hi madbhaktaḥ kurute tapaḥ |
putrārthī śamayiṣyāmi tamahaṃ varadānataḥ || 22 ||
[Analyze grammar]

sanatkumāra uvāca |
ityuktāste surāssarve dhairyamālaṃbya vai mune |
yayurbrahmādayassusthāssvasvadhāmāni sarvaśaḥ || 23 ||
[Analyze grammar]

acyuto'pi varaṃ dātuṃ puṣkaraṃ saṃjagāma ha |
tapaścarati yatrāsau daṃbhanāmā hi dānavaḥ || 24 ||
[Analyze grammar]

tatra gatvā varaṃ brūhītyuvāca parisāṃtvayan |
girā sūnṛtayā bhaktaṃ japaṃtaṃ svamanuṃ hariḥ || 25 ||
[Analyze grammar]

tacchrutvā vacanaṃ viṣṇordṛṣṭvā taṃ ca puraḥ sthitam |
praṇanāma mahābhaktyā tuṣṭvāva ca punaḥ punaḥ || 26 ||
[Analyze grammar]

daṃbha uvāca |
devadeva namaste'stu puṃḍarīkavilocana |
ramānātha trilokeśa kṛpā kuru mamopari || 27 ||
[Analyze grammar]

svabhaktaṃ tanayaṃ dehi mahābala parākramam |
trilokajayinaṃ vīramajeyaṃ ca divaukasām || 28 ||
[Analyze grammar]

sanatkumāra uvāca |
ityukto dānavendreṇa taṃ varaṃ pradadau hariḥ |
nivartya cogratapasastatassoṃtaradhānmune || 29 ||
[Analyze grammar]

gate harau dānavendraḥ kṛtvā tasyai diśe namaḥ |
jagāma svagṛhaṃ siddhatadāḥ pūrṇa manorathaḥ || 30 ||
[Analyze grammar]

kālenālpena tatpatnī sagarbhā bhāgyavatyabhūt |
rarāja tejāsātyaṃtaṃ rocayaṃtī gṛhāṃtaram || 31 ||
[Analyze grammar]

sudāmānāma gopo yo kṛṣṇasya pārṣadāgraṇīḥ |
tasyā garbhe viveśāsau rādhāśaptaśca yanmune || 32 ||
[Analyze grammar]

asūta samaye sādhvī suprabhaṃ tanayaṃ tataḥ |
jātakaṃ sucakārāsau pitāhūya munīnbahūn || 33 ||
[Analyze grammar]

utsavassumahānāsīttasmiñjāte dvijottama |
nāma cakre pitā tasya śaṃkha cūḍeti saddine || 34 ||
[Analyze grammar]

piturgehe sa vavṛdhe śuklapakṣe yathā śaśī |
śaiśavebhyastavidyastu sa babhūva sudīptimān || 35 ||
[Analyze grammar]

sa bālakrīḍayā nityaṃ pitrorharṣaṃ tatāna ha |
priyo babhūva sarveṣāṃ kulajānāṃ viśeṣataḥ || 36 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe śaṃkhacūḍotpattivarṇanaṃ nāma saptaviṃśo'dhyāyaḥ || 27 ||
[Analyze grammar]