Chapter 34

[English text for this chapter is available]

|| vasiṣṭha uvāca |
manorvaṃśodbhavo rājā so'naraṇyo nṛpeśvara |
indrasāvarṇisaṃjñasya caturdaśamitasya hi || 1 ||
[Analyze grammar]

anaraṇyo nṛpaśreṣṭhassa ptadvīpamahīpatiḥ |
śambhubhakto viśeṣeṇa maṅgalāraṇyajo balī || 2 ||
[Analyze grammar]

bhṛguṃ purodhasaṃ kṛtvā śataṃ yajñāṃścakāra saḥ |
na svīcakāra śakratvaṃ dīyamānaṃ surairapi || 3 ||
[Analyze grammar]

babhūvaśśataputrāśca rājñastasya himālaya |
kanyaikā sundarī nāmnā padmā padmālayā samā || 4 ||
[Analyze grammar]

yassnehaḥ putraśatake kanyāyāñca tato'dhikaḥ |
nṛpasya tasya tasyāṃ hi babhūva nagasattama || 5 ||
[Analyze grammar]

prāṇādhikāḥ priyatamā mahiṣyassarvayoṣitaḥ |
nṛpasya patnyaḥ pañcāsansarvāssaubhāgyasaṃyutā || 6 ||
[Analyze grammar]

sā kanyā yauvanasthā ca babhūva svapiturgṛhe |
patraṃ prasthāpayāmāsa suvarāna yanāyasaḥ || 7 ||
[Analyze grammar]

ekadā pippalādarṣirgarntuṃ svāśramamutsukaḥ |
tapaḥsthāne nirjane ca gandharvaṃ sa dadarśa ha || 8 ||
[Analyze grammar]

strīyutaṃ magnacittaṃ ca śṛṅgāre rasasāgare |
viharantaṃ mahāpremṇā kāmaśāstraviśāradam || 9 ||
[Analyze grammar]

dṛṣṭvā taṃ muniśārdūlaḥ sakāmaḥ saṃbabhūva saḥ |
tapatsvadattacittaścāciṃtayaddārasaṃgraham || 10 ||
[Analyze grammar]

evaṃvṛttasya tasyaiva pippalādasya sanmuneḥ |
kiyatkālo gatastatra kāmonmathitacetasaḥ || 11 ||
[Analyze grammar]

ekadā puṣpabhadrāyāṃ snātuṃ gacchanmunīśvaraḥ |
dadarśa padmāṃ yuvatīṃ padmāmiva manoramām || 12 ||
[Analyze grammar]

keyaṃ kanyeti papraccha samīpasthāñjanānmuniḥ |
janā nivedayāṃcakrurnatvā śāpaniyantritāḥ || 13 ||
[Analyze grammar]

janā ūcuḥ |
anaraṇyasuteyaṃ vai padmā nāma ramāparā |
varārohā prārthyamānā nṛpaśreṣṭhairguṇālayā || 14 ||
[Analyze grammar]

|| brahmovāca |
tacchrutvā sa munirvākyaṃ janānāṃ tathyavādinām |
cukṣobhātīva manasi tallipsura bhavacca saḥ || 15 ||
[Analyze grammar]

muniḥ snātvābhīṣṭadevaṃ sampūjya vidhivacchivam |
jagāma kāmī bhikṣārthamanaraṇyasabhāṃ gire || 16 ||
[Analyze grammar]

rājā śīghraṃ muniṃ dṛṣṭvā praṇanāma bhayākulaḥ |
madhuparkādikaṃ dattvā pūjayāmāsa bhaktitaḥ || 17 ||
[Analyze grammar]

kāmātsarvaṃ gṛhītvā ca yayāce kanyakāṃ muniḥ |
maunī babhūva nṛpatiḥ kiñcinirvaktumakṣamaḥ || 18 ||
[Analyze grammar]

muniryayāce kanyāṃ sa tāṃ dehīti nṛpeśvara |
anyathā bhasmasātsarvaṃ kariṣyāmi kṣaṇena ca || 19 ||
[Analyze grammar]

sarve babhūvavurācchannā gaṇāstattejasā mune |
ruroda rājā sagaṇo dṛṣṭvā vipraṃ jarāturam || 20 ||
[Analyze grammar]

mahiṣyo rurudussarvā itikarttavyatākṣamāḥ |
mūrcchāmāpa mahārājñī kanyāmātā śucākulā || 21 ||
[Analyze grammar]

babhūvustanayāssarve śokākuli tamānasāḥ |
sarvaṃ śokākulaṃ jātaṃ nṛpasambandhi śailapa || 22 ||
[Analyze grammar]

etasminnantare prājño dvijo gururanuttamaḥ |
purohitaśca matimānāgato nṛpasannidhim || 23 ||
[Analyze grammar]

rājā praṇamya sampūjya ruroda ca tayoḥ puraḥ |
sarvaṃ nivedayāṃcakre papracchocitamāśu tat || 24 ||
[Analyze grammar]

atha rājño gururvipraḥ paṇḍitaśca purohitaḥ |
api dvau śāstranītijñau bodhayāmāsaturnṛpam || 25 ||
[Analyze grammar]

śokākulāśca mahiṣīrnṛpabālāṃśca kanyakām |
uttamā nītimādṛtya sarveṣāṃ hitakāriṇīm || 26 ||
[Analyze grammar]

gurupurodhasāvūcatuḥ |
śṛṇu rājanmahāprājña vaco nau saddhitāvaham |
mā śucaḥ saparīvāraśśāstre kuru matiṃ satīm || 27 ||
[Analyze grammar]

adya vābdadinānte vā dātavyā kanyakā nṛpa |
pātrāya viprāyānyasmai kasmai cidvā viśeṣataḥ || 28 ||
[Analyze grammar]

satpātraṃ brāhmaṇādanyanna paśyāvo jagattraye |
sutāṃ dattvā ca munaye rakṣa svāṃ sarvasampadam || 29 ||
[Analyze grammar]

rājannekanimittena sarvasaṃpadvinaśyati |
sarvaṃ rakṣati taṃ tyaktvā vinā taṃ śaraṇāgatam || 30 ||
[Analyze grammar]

vasiṣṭha uvāca |
rājā prājñavacaḥ śrutvā vilapya ca muhurmuhuḥ |
kanyāṃ sālaṃkṛtāṃ kṛtvā munīndrāya dadau kila || 31 ||
[Analyze grammar]

kāntāṃ gṛhītvā sa munirvivāhya vidhivadgire |
padmāṃ padmopamāṃ tāṃ vai muditassvālayaṃ yayau || 32 ||
[Analyze grammar]

rājā sarvānparityajya dattvā vṛddhāya cātmajām |
glāniṃ citte samādhāya jagāma tapase vanam || 33 ||
[Analyze grammar]

tadbhāryyāpi vanaṃ yāte prāṇanāthe tadā gire |
bhartuśca duhituśśokātprāṇāṃstatyāja sundarī || 34 ||
[Analyze grammar]

pūjyāḥ putrāśca bhṛtyāśca mūrcchāmāpurnṛpaṃ vinā |
śuśucuḥ śvāsasaṃyuktaṃ jñātvā sarvepare janāḥ || 35 ||
[Analyze grammar]

anaraṇyo vanaṃ gatvā tapastaptvāti śaṃkaram |
samārādhya yayau bhaktyā śivalokamanāmayam || 36 ||
[Analyze grammar]

nṛpasya kīrtimānnāmnā jyeṣṭhaputrotha dhārmikaḥ |
putravatpālayāmāsa prajā rājyaṃ cakāra ha || 37 ||
[Analyze grammar]

iti te kathitaṃ śailānaraṇyacaritaṃ śubham |
kanyāṃ dattvā yathārakṣadvaṃśaṃ cāpyakhilaṃ dhanam || 38 ||
[Analyze grammar]

śailarāja tvamapyevaṃ sutāṃ dattvā śivāya ca |
rakṣa sarvakulaṃ sarvānvaśānkuru surānapi || 39 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe'naraṇyacaritavarṇanaṃ nāma catustriṃśo'dhyāyaḥ || 34 ||
[Analyze grammar]