Chapter 24

[English text for this chapter is available]

|| nārada uvāca |
brahman vidhe prajānātha mahāprājña kṛpākara |
śrāvitaṃ śaṃkarayaśassatīśaṃkarayoḥ śubham || 1 ||
[Analyze grammar]

idānīṃ brūhi satprītyā paraṃ tadyaśa uttamam |
kimakārṣṭāṃ hi tatsthau vai caritaṃ daṃpatī śivau || 2 ||
[Analyze grammar]

brahmovāca |
satīśivacaritraṃ ca śṛṇu me premato mune |
laukikīṃ gatimāśritya cikrīḍāte sadānvaham || 3 ||
[Analyze grammar]

tatassatī mahādevī viyogamalabhanmune |
svapataśśaṃkarasyeti vadaṃtyeke subuddhayaḥ || 4 ||
[Analyze grammar]

vāgarthāviva saṃpṛktau śaktośau sarvadā citau |
kathaṃ ghaṭeta ca tayorviyogastattvato mune || 5 ||
[Analyze grammar]

līlārucitvādatha vā saṃghaṭetā'khilaṃ ca tat |
kurute yadyadīśaśca satī ca bhavarītigau || 6 ||
[Analyze grammar]

sā tyaktā dakṣajā dṛṣṭvā patinā janakādhvare |
śaṃbhoranādarāttatra dehaṃ tatyāja saṃgatā || 7 ||
[Analyze grammar]

punarhimālaye saivāvirbhūtā nāmatassatī |
pārvatīti śivaṃ prāpa taptvā bhūri vivāhataḥ || 8 ||
[Analyze grammar]

sūta uvāca |
ityākarṇya vacastasya brahmaṇassa tu nāradaḥ |
papraccha ca vidhātāraṃ śivāśivamahadyaśaḥ || 9 ||
[Analyze grammar]

nārada uvāca |
viṣṇuśiṣya mahābhāga vidhe me vada vistarāt |
śivāśivacaritraṃ tadbhavācāraparānugam || 10 ||
[Analyze grammar]

kimarthaṃ śaṃkaro jāyāṃ tatyāja prāṇataḥ priyām |
tasmādācakṣva me tāta vicitramiti manmahe || 11 ||
[Analyze grammar]

kuto'hyadhvarajaḥ putrāṃ nādarobhūcchivasya te |
kathaṃ tatyāja sā dehaṃ gatvā tatra pitṛkratau || 12 ||
[Analyze grammar]

tataḥ kimabhavattatra kimakārṣīnmaheśvaraḥ |
tatsarvaṃ me samācakṣva śraddhāyuk tacchutāvaham || 13 ||
[Analyze grammar]

brahmovāca |
śṛṇu tāta paraprītyā munibhissaha nārada |
sutavarya mahāprājña caritaṃ śaśimaulinaḥ || 14 ||
[Analyze grammar]

namaskṛtya maheśānaṃ haryādisurasevitam |
parabrahma pravakṣyāmi taccaritraṃ mahādbhutam || 15 ||
[Analyze grammar]

sarveyaṃ śivalīlā hi bahulīlākaraḥ prabhuḥ |
svataṃtro nirvikārī ca satī sāpi hi tadvidhā || 16 ||
[Analyze grammar]

anyathā kassamartho hi tatkarmakaraṇe mune |
paramātmā parabrahma sa eva parameśvaraḥ || 17 ||
[Analyze grammar]

yaṃ sadā bhajate śrīśo'haṃ cāpi sakalāḥ surāḥ |
munayaśca mahātmānaḥ siddhāśca sanakādayaḥ || 18 ||
[Analyze grammar]

śeṣassadā yaśo yasya mudā gāyati nityaśaḥ |
pāraṃ na labhate tāta sa prabhuśśaṃkaraḥ śivaḥ || 19 ||
[Analyze grammar]

tasyaiva līlayā sarvoyamiti tattvavibhramaḥ |
tatra doṣo na kasyāpi sarvavyāpī sa prerakaḥ || 20 ||
[Analyze grammar]

ekasminsamaye rudrassatyā tribhuvane bhavaḥ |
vṛṣamāruhya paryāṭadrasāṃ līlāviśāradaḥ || 21 ||
[Analyze grammar]

āgatya daṇḍakāraṇyaṃ paryaṭan sāgarāṃbarām |
darśayan tatra gāṃ śobhāṃ satyai satyapaṇaḥ prabhuḥ || 22 ||
[Analyze grammar]

tatra rāmaṃ dadarśāsau lakṣmaṇenānvitaṃ haraḥ |
anviṣyaṃtaṃ priyāṃ sītāṃ rāvaṇena hṛtā chalāt || 23 ||
[Analyze grammar]

hā sīteti proccaraṃtaṃ virahāviṣṭamānasam |
yatastataśca paśyaṃtaṃ rudaṃtaṃ hi muhurmuhuḥ || 24 ||
[Analyze grammar]

samicchaṃtaṃ ca tatprāptiṃ pṛcchaṃtaṃ tadgatiṃ hṛdā |
kujādibhyo naṣṭadhiyamatrapaṃ śokavihvalam || 25 ||
[Analyze grammar]

sūryavaṃśodbhavaṃ vīraṃ bhūpaṃ daśarathātmajam |
bharatāgrajamānaṃdarahitaṃ vigataprabham || 26 ||
[Analyze grammar]

pūrṇakāmo varādhīnaṃ prāṇamatsma mudā haraḥ |
rāmaṃ bhramantaṃ vipine salakṣmaṇamudāradhīḥ || 27 ||
[Analyze grammar]

jayetyuktvā'nyato gacchannadāttasmai svadarśanam |
rāmāya vipine tasmicchaṃkaro bhaktavatsalaḥ || 28 ||
[Analyze grammar]

itīdṛśīṃ satīṃ dṛṣṭvā śivalīlāṃ vimohanīm |
suvismitā śivaṃ prāha śivamāyāvimohitā || 29 ||
[Analyze grammar]

satyuvāca |
deva deva parabrahma sarveśa parameśvara |
sevaṃte tvāṃ sadā sarve haribrahmādayassurāḥ || 30 ||
[Analyze grammar]

tvaṃ praṇamyo hi sarveṣāṃ sevyo dhyeyaśca sarvadā |
vedāṃtavedyo yatnena nirvikārī paraprabhuḥ || 31 ||
[Analyze grammar]

kāvimau puruṣau nātha virahavyākulākṛtī |
vicaraṃtau vane kliṣṭau dīnau vīrau dhanurdharau || 32 ||
[Analyze grammar]

tayorjyeṣṭhaṃ kaṃjaśyāmaṃ dṛṣṭvā vai kena hetunā |
suditassuprasannātmā'bhavo bhakta ivā'dhunā || 33 ||
[Analyze grammar]

iti me saṃśayaṃ svāmiñśaṃkara chettumarhasi |
sevyasya sevakenaiva ghaṭate praṇatiḥ prabho || 34 ||
[Analyze grammar]

brahmovāca |
ādiśaktissatī devī śivā sā parameśvarī |
śivamāyāvaśībhūtvā papracchetthaṃ śivaṃ prabhum || 35 ||
[Analyze grammar]

tadākarṇya vacassatyāśśaṃkaraḥ parameśvaraḥ |
tadā vihasya sa prāha satīṃ līlāviśāradaḥ || 36 ||
[Analyze grammar]

parameśvara uvāca |
śṛṇu devi sati prītyā yathārthaṃ vacmi nacchalam |
varadānaprabhāvāttu praṇāmaṃ caivamādarāt || 37 ||
[Analyze grammar]

rāmalakṣmaṇanāmānau bhrātarau vīrasammatau |
sūryavaṃśodbhavau devi prājñau daśarathātmajau || 38 ||
[Analyze grammar]

gauravarṇau laghurbaṃdhuśśeṣeśo lakṣmaṇābhidhaḥ |
jyeṣṭho rāmābhidho viṣṇuḥ pūrṇāṃśo nirupadravaḥ || 39 ||
[Analyze grammar]

avatīrṇaṃ kṣitau sādhurakṣaṇāya bhavāya naḥ |
ityuktvā virarāmā'sau śaṃbhusmṛtikaraḥ prabhuḥ || 40 ||
[Analyze grammar]

śrutvāpītthaṃ vacaśśambhorna viśaśvāsa tanmanaḥ |
śivamāyā balavatī saiva trailokyamohinī || 41 ||
[Analyze grammar]

aviśvastaṃ mano jñātvā tasyāśśaṃbhussanātanaḥ |
avocadvacanaṃ ceti prabhulīlāviśāradaḥ || 42 ||
[Analyze grammar]

śiva uvāca |
śṛṇu madvacanaṃ devi na viśvasiti cenmanaḥ |
tava rāmaparikṣāṃ hi kuru tatra svayā dhiyā || 43 ||
[Analyze grammar]

vinaśyati yathā mohastatkuru tvaṃ sati priye |
gatvā tatra sthitastāvadvaṭe bhava parīkṣikā || 44 ||
[Analyze grammar]

brahmovāca |
śivājñayā satī tatra gatvāciṃtayadīśvarī |
kuryāṃ parīkṣāṃ ca kathaṃ rāmasya vanacāriṇaḥ || 45 ||
[Analyze grammar]

sītārūpamahaṃ dhṛtvā gaccheyaṃ rāmasannidhau |
yadi rāmo harissarvaṃ vijñāsyati na cānyathā || 46 ||
[Analyze grammar]

itthaṃ vicārya sītā sā bhūtvā rāmasamīpataḥ |
āgamattatparīkṣārthaṃ satī mohaparāyaṇā || 47 ||
[Analyze grammar]

sītārūpāṃ satīṃ dṛṣṭvā japannāma śiveti ca |
vihasya tatpravijñāya natvāvocadraghūdvahaḥ || 48 ||
[Analyze grammar]

rāma uvāca |
prematastvaṃ sati brūhi kva śaṃbhuste namogataḥ |
ekā hi vipine kasmādāgatā patinā vinā || 49 ||
[Analyze grammar]

tyaktvā svarūpaṃ kasmātte dhṛtaṃ rūpamidaṃ sati |
brūhi tatkāraṇaṃ devi kṛpāṃ kṛtvā mamopari || 50 ||
[Analyze grammar]

brahmovāca |
iti rāmavacaḥ śrutvā cakitāsītsatī tadā |
smṛtvā śivoktaṃ matvā cāvitathaṃ lajjitā bhṛśam || 51 ||
[Analyze grammar]

rāmaṃ vijñāya viṣṇuṃ taṃ svarūpaṃ saṃvidhāya ca |
smṛtvā śivapadaṃ citte satyuvāca prasannadhīḥ || 52 ||
[Analyze grammar]

śivo mayā gaṇaiścaiva paryaṭan vasudhāṃ prabhuḥ |
ihāgacchacca vipine svataṃtraḥ parameśvaraḥ || 53 ||
[Analyze grammar]

apaśyadatra sa tvāṃ hi sītānveṣaṇatatparam |
salakṣmaṇaṃ virahiṇaṃ sītayā śliṣṭamānasam || 54 ||
[Analyze grammar]

natvā tvāṃ sa gato mūle vaṭasya sthita eva hi |
praśaṃsan mahimānaṃ te vaiṣṇavaṃ paramaṃ mudā || 55 ||
[Analyze grammar]

caturbhujaṃ hariṃ tvāṃ no dṛṣṭveva mudito'bhavat |
yathedaṃ rūpamamalaṃ paśyannānaṃdamāptavān || 56 ||
[Analyze grammar]

tacchrutvā vacanaṃ śaṃbhaurbhramamānīya cetasi |
tadājñayā parīkṣāṃ te kṛtavatya smi rāghava || 57 ||
[Analyze grammar]

jñātaṃ me rāma viṣṇustvaṃ dṛṣṭā te prabhutā'khilā |
niḥsaśaṃyā tadāpi tacchṛṇu tvaṃ ca mahāmate || 58 ||
[Analyze grammar]

kathaṃ praṇamyastvaṃ tasya satyaṃ brūhi mamāgrataḥ |
kuru nissaṃśayāṃ tvaṃ māṃ śamalaṃ prāpnuhi drutam || 59 ||
[Analyze grammar]

brahmovāca |
ityākarṇya vacastasyā rāmaścotphullalocanaḥ |
asmaratsvaṃ prabhuṃ śaṃbhuṃ premābhūddhṛdi cādhikam || 60 ||
[Analyze grammar]

satyā vinājñayā śaṃbhusamīpaṃ nāgamanmune |
saṃvarṇya mahimānaṃ ca prāvocadrāghavassatīm || 61 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ dvitīye satīkhaṃḍe rāmaparīkṣāvarṇanaṃ nāma caturviṃśo'dhyāyaḥ || 24 ||
[Analyze grammar]