Chapter 17

[English text for this chapter is available]

sūta uvāca |
ityākarṇya vacastasya brahmaṇassa tu nāradaḥ |
punaḥ papraccha taṃ natvā vinayena munīśvarāḥ || 1 ||
[Analyze grammar]

nārada uvāca |
kadāgato hi kailāsaṃ śaṃkaro bhaktavatsalaḥ |
kva vā sakhitvaṃ tasyāsītkubereṇa mahātmanā || 2 ||
[Analyze grammar]

kiṃ cakāra harastatra paripūrṇaḥ śivākṛtiḥ |
etatsarvaṃ samācakṣva paraṃ kautūhalaṃ mama || 3 ||
[Analyze grammar]

brahmovāca |
śṛṇu nārada vakṣyāmi caritaṃ śaśimaulinaḥ |
yathā jagāma kailāsaṃ sakhitvaṃ dhanadasya ca || 4 ||
[Analyze grammar]

asītkāṃpilyanagare somayājikulodbhavaḥ |
dīkṣito yajñadattākhyo yajñavidyāviśāradaḥ || 5 ||
[Analyze grammar]

vedavedāṃgavitprājño vedāntādiṣu dakṣiṇaḥ |
rājamānyo'tha bahudhā vadānyaḥ kīrtibhājanaḥ || 6 ||
[Analyze grammar]

agniśuśrūṣaṇarato vedādhyayanatatparaḥ |
sundaro ramaṇīyāṃgaścandrabiṃbasamākṛtiḥ || 7 ||
[Analyze grammar]

āsīdguṇanidhirnāma dīkṣitasyāsya vai sutaḥ |
kṛtopanayanassoṣṭau vidyā jagrāha bhūriśaḥ |
atha pitrānabhijñāto yūtakarmarato'bhavat || 8 ||
[Analyze grammar]

ādāyādāya bahuśo dhanaṃ mātussakāśataḥ |
samadādyūtakārebhyo maitrīṃ taiśca cakāra saḥ || 9 ||
[Analyze grammar]

saṃtyaktabrāhmaṇācāraḥ saṃdhyāsnānaparāṅmukhaḥ |
niṃdako vedaśāstrāṇāṃ devabrāhmaṇaniṃdakaḥ || 10 ||
[Analyze grammar]

smṛtyācāravihīnastu gītavādyavinodabhāk |
naṭapākhaṃḍabhāṇḍaistu baddhapremaparaṃparaḥ || 11 ||
[Analyze grammar]

prerito'pi jananyā sa na yayau pituraṃtikam |
gṛhakāryāṃtaravyāpto dīkṣito dīkṣitāyinīm || 12 ||
[Analyze grammar]

yadā yadaiva tāṃ pṛcchedaye guṇanidhissutaḥ |
na dṛśyate mayā gehe kalyāṇi vidadhāti kim || 13 ||
[Analyze grammar]

tadā tadeti sā brūyādidānīṃ sa bahirgataḥ |
snātvā samarcya vai devānetāvaṃtamanehasam || 14 ||
[Analyze grammar]

adhītyādhyayanārthaṃ sa dvijairmitraissamaṃ yayau |
ekaputreti tanmātā pratārayati dīkṣitam || 15 ||
[Analyze grammar]

na tatkarma ca tadvṛttaṃ kiṃcidvetti sa dīkṣitaḥ |
sarvaṃ keśāṃtakarmāsya cakre varṣe'tha ṣoḍaśe || 16 ||
[Analyze grammar]

atho sa dīkṣito yajñadattaḥ putrasya tasya ca |
gṛhyoktena vidhānena pāṇigrāhamakārayam || 17 ||
[Analyze grammar]

pratyahaṃ tasya jananī sutaṃ guṇanidhiṃ mṛdu |
śāsti snehārdrahṛdayā hyupaveśya sma nārada || 1 ||
[Analyze grammar]

krodhanaste'sti tanaya sa mahātmā pitetyalam |
yadi jñāsyati te vṛttaṃ tvāṃ ca māṃ tāḍayiṣyati || 19 ||
[Analyze grammar]

ācchādayāmi te nityaṃ pituragre kuceṣṭitam |
lokamānyo'sti te tātassadācārairna vai dhanaiḥ || 20 ||
[Analyze grammar]

brāhmaṇānāṃ dhanaṃ tāta sadvidyā sādhusaṃgamaḥ |
kimarthaṃ na karoṣi tvaṃ suruciṃ prītamānasaḥ || 21 ||
[Analyze grammar]

sacchrotriyāste'nūcānā dīkṣitāssomayājinaḥ |
iti rūḍhimiha prāptāstava pūrvapitāmahāḥ || 22 ||
[Analyze grammar]

tyaktvā durvṛttasaṃsargaṃ sādhusaṃgarato bhava |
sadvidyāsu mano dhehi brāhmaṇācāramācara || 23 ||
[Analyze grammar]

tātānurūpo rūpeṇa yaśasā kulaśīlataḥ |
tato na trapase kinnastyaja durvṛttatāṃ svakām || 24 ||
[Analyze grammar]

ūnaviṃśatiko'si tvameṣā ṣoḍaśavārṣikī |
etāṃ saṃvṛṇu sadvṛttāṃ pitṛbhaktiyuto bhava || 25 ||
[Analyze grammar]

śvaśuro'pi hi te mānyassarvatra guṇaśīlataḥ |
tato na trapase kinnastyaja durvṛttatāṃ suta || 26 ||
[Analyze grammar]

mātulāste'tulāḥ putra vidyāśīlakulādibhiḥ |
tebhyo'pi na bibheṣi tvaṃ śuddho'syubhayavaṃśataḥ || 27 ||
[Analyze grammar]

paśyaitānprati veśmasthānbrāhmaṇānāṃ kumārakān |
gṛhe'pi śiṣyānpaśyaitānpituste vinayocitān || 28 ||
[Analyze grammar]

rājāpi śroṣyati yadā tava duśceṣṭitaṃ suta |
śraddhāṃ vihāya te tāte vṛttilopaṃ kariṣyati || 29 ||
[Analyze grammar]

bālaceṣṭitamevaitadvadaṃtyadyāpi te janāḥ |
anaṃtaraṃ hariṣyaṃti yuktāṃ dīkṣitatāmiha || 30 ||
[Analyze grammar]

sarvepyākṣārayiṣyaṃti tava tātaṃ ca māmapi |
mātuścaritraṃ tanayo dhatte durbhāṣaṇairiti || 31 ||
[Analyze grammar]

pitāpi te na pāpīyāñchrutismṛtipathānugaḥ |
tadaṃghrilīnamanaso mama sākṣī maheśvaraḥ || 32 ||
[Analyze grammar]

na cartusnātayayāpīha mukhaṃ duṣṭasya vīkṣitam |
aho balīyānsa vidhiryena jāto bhavāniti || 33 ||
[Analyze grammar]

pratikṣaṇaṃ jananyeti śikṣyamāṇotidurmatiḥ || |
na tatyāja ca taddharmaṃ durbodho vyasanī yataḥ || 34 ||
[Analyze grammar]

mṛgayāmadyapaiśunyānṛtacauryadurodaraiḥ |
sa vāradārairvyasanairebhiḥ ko'tra na khaṃḍitaḥ || 35 ||
[Analyze grammar]

yadyanmadhyagṛhe paśyettattannītvā sudurmatiḥ |
arpayeddyūtakārāṇāṃ sakupyaṃ vasanādikam || 36 ||
[Analyze grammar]

nyastāṃ ratnamayīṃ gehe karasya piturūrmikām |
corayitvaikadādāya durodarakare'rpayat || 37 ||
[Analyze grammar]

dīkṣitena parijñāto daivāddyūtakṛtaḥ kare |
uvāca dīkṣitastaṃ ca kuto labdhā tvayormikā || 38 ||
[Analyze grammar]

pṛṣṭastenātha nirbaṃdhādasakṛttamuvāca saḥ |
māmākṣipasi viproccaiḥ kiṃ mayā cauryakarmaṇā || 39 ||
[Analyze grammar]

labdhā mudrā tvadīyena putreṇaiva samarpitā |
mama māturhi pūrvedyurjitvā nīto hi śāṭakaḥ || 40 ||
[Analyze grammar]

na kevalaṃ mamaivaitadaṃgulīyaṃ samarpitam |
anyeṣāṃ dyūtakartṝṇāṃ bhūri tenārpitaṃ vasu || 41 ||
[Analyze grammar]

ratnakupyadukūlāni śṛṃgāraprabhṛtīni ca |
bhājanāni vicitrāṇi kāṃsyatāmramayāni ca || 42 ||
[Analyze grammar]

nagnīkṛtya pratidinaṃ badhyate dyūtakāribhiḥ |
na tena sadṛśaḥ kaścidākṣiko bhūmimaṃḍale || 43 ||
[Analyze grammar]

adyāvadhi tvayā vipra durodara śiromaṇiḥ |
kathaṃ nājñāyi tanayo'vinayānayakovidaḥ || 44 ||
[Analyze grammar]

iti śrutvā trapābhāravinamratarakaṃdharaḥ |
prāvṛtya vāsasā mauliṃ prāviśannijamandiram || 45 ||
[Analyze grammar]

mahāpativratāmasya patnī provāca tāmatha |
sa dīkṣito yajñadattaḥ śrautakarmaparāyaṇaḥ || 46 ||
[Analyze grammar]

yajñadatta uvāca |
dīkṣitāyani kutrāsti dhūrte guṇanidhissutaḥ |
atha tiṣṭhatu kiṃ tena kva sā mama śubhormikā || 47 ||
[Analyze grammar]

aṃgodvartanakāle yā tvayā me'ṅgulito hṛtā |
sā tvaṃ ratnamayī śīghraṃ tāmānīya prayaccha me || 48 ||
[Analyze grammar]

iti śrutvātha tadvākyaṃ bhītā sā dīkṣitāyanī |
provāca snānamadhyāhnīṃ kriyāṃ niṣpādayatyatha || 49 ||
[Analyze grammar]

vyagrāsmi devapūjārthamupahārādikarmaṇi |
samayo'yamatikrāmedatithīnāṃ priyātithe || 50 ||
[Analyze grammar]

idānīmeva pakvānnakāraṇavyagrayā mayā |
sthāpitā bhājane kvāpi vismṛteti na vedmyaham || 51 ||
[Analyze grammar]

dīkṣita uvāca |
haṃ he'satputrajanani nityaṃ satyaprabhāṣiṇi |
yadā yadā tvāṃ saṃpṛche tanayaḥ kva gatastviti || 52 ||
[Analyze grammar]

tadātadeti tvaṃ brūyānnathedānīṃ sa nirgataḥ |
adhītyādhyayanārthaṃ ca dvitrairmitraissayugbahiḥ || 53 ||
[Analyze grammar]

kutaste śāṭakaḥ patni māṃjiṣṭho yo mayārpitaḥ |
labhate yo'niśaṃ dhāmni tathyaṃ brūhi bhayaṃ tyaja || 54 ||
[Analyze grammar]

sāṃprataṃ nekṣyate so'pi bhṛṃgāro maṇimaṃḍitaḥ |
paṭṭasūtramayī sāpi tripaṭī yā mayārpitā || 55 ||
[Analyze grammar]

kva dākṣiṇātyaṃ tatkāṃsyaṃ gauḍī tāmraghaṭī kva sā |
nāgadaṃtamayī sā kva sukhakautuka maṃcikā || 56 ||
[Analyze grammar]

kva sā parvatadeśīyā candrakāṃtirivādbhutā |
dīpakavyagrahastāgrālaṃkṛtā śālabhañjikā || 57 ||
[Analyze grammar]

kiṃ bahūktena kulaje tubhyaṃ kupyāmyahaṃ vṛthā |
tadābhyavahāriṣyehamupayaṃsyāmyahaṃ yadā || 58 ||
[Analyze grammar]

anapatyo'smi tenāhaṃ duṣṭena kuladūṣiṇā |
uttiṣṭhānaya pāthastvaṃ tasmai dadyāstilāṃjalim || 59 ||
[Analyze grammar]

aputratvaṃ varaṃ nṝṇāṃ kuputrātkulapāṃsanāt |
tyajedekaṃ kulasyārthe nītireṣā sanātanī || 60 ||
[Analyze grammar]

snātvā nityavidhiṃ kṛtvā tasminnevāhni kasyacit |
śrotriyasya sutāṃ prāpya pāṇiṃ jagrāha dīkṣitaḥ || 61 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ prathamakhaṇḍe sṛṣṭyupākhyāne guṇanidhicaritravarṇanonāma saptadaśo'dhyāyaḥ || 17 ||
[Analyze grammar]