Chapter 111

[English text for this chapter is available]

śrīrāma uvāca |
maheśanāmamāhātmyaṃ pūjāmāhātmyameva ca |
namaskārasya māhātmyaṃ dṛṣṭimāhātmyameva ca || 1 ||
[Analyze grammar]

jaladānasya māhātmyaṃ dhūpadānasya sattama |
dīpagaṃdhādidānasya māhātmyaṃ vada me guro || 2 ||
[Analyze grammar]

śaṃbhuruvāca |
ekaikanāmamāhātmyaṃ vistarānna hi śakyate |
saṃkṣepeṇa ca te vacmi śṛṇu rāghava sādaram || 3 ||
[Analyze grammar]

purā tretāyuge rājā vidhṛto nāma vīryavān |
mṛte pitari bālosau bhūmirājyebhiṣecitaḥ || 4 ||
[Analyze grammar]

samānavayasaḥ sarvānsamīpasthāṃścakāra saḥ |
ye vṛddhā ye ca vidvāṃsaste ca tasya na saṃmatāḥ || 5 ||
[Analyze grammar]

yuvānaḥ saṃmatā duṣṭā akāryakaraṇāstathā |
sustryānayanadakṣāśca corakarmaviśāradāḥ || 6 ||
[Analyze grammar]

bhāṃḍavārtāratā lāsyanipuṇāstasya saṃmatāḥ |
vaśīkaraṇamaṃtrajñā vastrauṣadhavidastathā || 7 ||
[Analyze grammar]

gītanartanaśīlāśca dhūrttā dyūtavidaḥ priyāḥ |
pitṛsaṃmatakartṝṇāṃ tyāgaṃ cakre sa pārthivaḥ || 8 ||
[Analyze grammar]

vicārya sa ca taiḥ sārddhaṃ duṣṭaiḥ kāryamakārayat |
etādṛśāṃstathā cānyānduṣṭānsaha yuyoja ha || 9 ||
[Analyze grammar]

etaduktimupālaṃbya śiṣṭaṃ suhṛdamatyajat |
uromuṣṭiṃ ca phetkāraṃ ye kuryustasya te priyāḥ || 10 ||
[Analyze grammar]

bhagalakṣaṇatattvajñā ratitaṃtraviśāradāḥ |
rājanītivihīnaṃ tadrājyaṃ samabhavattadā || 11 ||
[Analyze grammar]

gajāśvarathamuṣṭrājaṃ gomahiṣyādikaṃ ca yat |
tatsarvaṃ nāśamāpannamapahārāyatastataḥ || 12 ||
[Analyze grammar]

ratnāni vasudhānyāni na dṛśyaṃte pure tadā |
atha bhūpāṃtareṇāsau nirjitaḥ prapalāyitaḥ || 13 ||
[Analyze grammar]

mahāraṇyamatho gatvā giridurgamakalpayat |
tatra cālpaparīvāraścoravṛttiṃ samāśritaḥ || 14 ||
[Analyze grammar]

suvarṇavastradhānyādi ratnagaṃdhādikaṃ tathā |
tatratatra vinirdiśya corānāyānavaṃcakān || 15 ||
[Analyze grammar]

baṃdhādyakārayattaistu dravyāharaṇakarmaṇi |
yadāhāro na vidyeta tadāhāramakalpayat || 16 ||
[Analyze grammar]

gomahiṣyādimāṃsena yadyannaṃ nopalabhyate |
aśvīya naramāṃsena bhojanaṃ paryyakalpayat || 17 ||
[Analyze grammar]

etādṛśamabhūdvṛttaṃ saṃdhyopāsādivarjitam |
ekastu sacivastasya surāpo nāma rākṣasaḥ || 18 ||
[Analyze grammar]

niyuṃkte sarvakālaṃ tamāharaprahareti ca |
evaṃ rakṣomate sthitvā nānādeśagatānnarān || 19 ||
[Analyze grammar]

nṛsahasraparīvāro hyādadyādakṛpālayaḥ |
svasyābhimatayoṣāstu jñātvā jñātvā samāharat || 20 ||
[Analyze grammar]

kiṃcitkālaṃ ca tā bhuktvā tāsāṃ māṃsamabhakṣayat |
evaṃ hatvā narānnārī rājyaṃ cakre suduḥsaham || 21 ||
[Analyze grammar]

evaṃ varṣasahasraṃ tu rājyaṃ kṛtvā narādhamaḥ |
jarāśithilasarvāṃgo valīpalitadūṣitaḥ || 22 ||
[Analyze grammar]

nirjīvamabhavatsthānaṃ samaṃtāddaśayojanam |
atha mṛtyudinaṃ prāptaṃ rājñastasya mahātmanaḥ || 23 ||
[Analyze grammar]

mṛtyukāletha saṃprāpte snātaṃ bhūmigataṃ nṛpam |
tasya cānucarāḥ sarve parivāryopatasthire || 24 ||
[Analyze grammar]

surāpaḥ sacivaḥ prāha kiṃ kāryaṃ mama cādiśa |
atha rājā tathā śakto nirgatāyustadārditaḥ || 25 ||
[Analyze grammar]

nābheradhastu kṣīṇāsuḥ kathaṃcidvākyamuktavān |
tvaṃ sarvakāle daityeṃdra praharaprāharāhara || 26 ||
[Analyze grammar]

ityathoktvā mamārāsau yamadūtāḥ samāyayuḥ |
vicitraṃ baṃdhane yatnaṃ cakrustāḍanatatparāḥ || 27 ||
[Analyze grammar]

cūrṇitā baṃdhapāśāśca hetidaṃḍāśca cūrṇitāḥ |
tadgātrasparśamātre ca tadadbhutamivābhavat || 28 ||
[Analyze grammar]

athāyātaḥ svayaṃ mṛtyuḥ pāśenainamayojayat |
mṛtyupāśamapicchinnaṃ vīkṣya mṛtyuraciṃtayat || 29 ||
[Analyze grammar]

sarvamartyamṛtirdṛṣṭā dṛṣṭā naitādṛśī kvacit |
iti ciṃtāpare mṛtyau jvālāvaktraḥ pratāpavān || 30 ||
[Analyze grammar]

vīrabhadreṇa nirdiṣṭaḥ sahasāyācca śūlabhṛt |
jvālāvaktramathālokya mṛtyustūrṇaṃ palāyayau || 31 ||
[Analyze grammar]

palāyamānaṃ taṃ dṛṣṭvā mṛtyuṃ vahnimukhastadā |
are re cora cora tvaṃ tiṣṭhatiṣṭha kva yāsyasi || 32 ||
[Analyze grammar]

enaso mucyate coraḥ śūlāropaṇamātrataḥ |
evamābhāṣya mṛtyuṃ taṃ śūlaprotamakalpayat || 33 ||
[Analyze grammar]

śūlaṃ skaṃdhagataṃ kṛtvā dūtānsaṃgrathya rajjunā |
pādaśṛṃkhalavinyastānādāya nṛpamadhyagāt || 34 ||
[Analyze grammar]

vimānavaramāropya gītavādyasuśobhitam |
vīrāṃtikamatho gatvā sarvamasmai nyavedayat || 35 ||
[Analyze grammar]

vīrabhadropi tatsarvaṃ śaṃkarāyāmitātmane |
nānāmunigaṇairdevairbrahmaviṣṇupuraḥ suraiḥ || 36 ||
[Analyze grammar]

sevyamānāya devāya pārvatīsahitāya ca |
praṇipatya nivedyātha śūlasthaṃmṛtyumeva ca || 37 ||
[Analyze grammar]

tūṣṇīṃ babhūva viśvātmā vīrabhadraḥ pratāpavān |
agnyānanaṃ vīkṣya śivo vigarhayankathaṃ tvayaitadgaṇasāhasaṃ kṛtam |
bibheṣi mṛtyorna kathaṃ yamādhikādvadasva sarvaṃ paramārthato me || 39 ||
[Analyze grammar]

praṇamya taṃ vahnimukho'tiroṣo mṛtyuṃ samālokya nanarta harṣāt |
uvāca cauryaṃ kṛtameva mṛtyunā tadeṣa śūle'pi mayā prarohitaḥ || 40 ||
[Analyze grammar]

vimocayāmāsa śivopi mṛtyuṃ dūtānaśeṣānnirujaścakāra |
mṛtyuṃ samālokya śivo babhāṣe mannāma eṣāṃ maraṇe samāste || 41 ||
[Analyze grammar]

maccetasāmanyadhiyāṃ ca nāmahīnākṣaraṃ vādhikavarṇayuktam |
mamaiva lokaṃ pradadāmi satyaṃ hyanena nāma prahareti bhāṣitam || 42 ||
[Analyze grammar]

praśabdamātraṃ tvadhikaṃ haretipadapradaṃ vai padamīrayaṃti |
ārādamūṃstvaṃ japato namasva madīyavākyaṃ ca yamaṃ vadasva || 43 ||
[Analyze grammar]

natiṃ yatiṃ kīrtimupāstimāśritā dāsyaṃ ca kaiṃkaryyamatha śrutiṃvadāḥ |
paṃcākṣaroktiṃ śatarudriyoktiṃ śivasya kurvaṃti na te vicāryāḥ || 44 ||
[Analyze grammar]

mannāmarudrākṣavibhūtidhāraṇo mamāgrato yastu purāṇavaktā |
sarveṣu pāpeṣvapi teṣu satsu praśāsmyahaṃ naiva yamādhikāraḥ || 45 ||
[Analyze grammar]

ye cāpi pāpānvitamāyino narāḥ parānnavastrādivadhūbhujaśca |
vārāṇasīmṛtyuparāśca ye vai śrīśailamartyāśca na te vicāryāḥ || 46 ||
[Analyze grammar]

yūkāśca daṃśā api matkuṇāśca mṛgādayaḥ kīṭapipīlikāśca |
sarīsṛpā vṛścikaśūkarāśca kāśīmṛtāḥ śaṃkaramāpnuvaṃti || 47 ||
[Analyze grammar]

idaṃ nāmagṛṇandhyāyedyo vai hṛtpadmamaṃdire |
triyaṃbakaṃ virūpākṣaṃ somaṃ somārddhabhūṣaṇam || 48 ||
[Analyze grammar]

trinetrakaṃ trayīnetraṃ somasūryāgnilocanam |
taṃ namaskṛtya dūrastho bhavamṛtyo mamājñayā || 49 ||
[Analyze grammar]

athākarṇya śivaproktaṃ mṛtyustuṣṭāva śaṃkaram |
namaste devatānātha namaste devamūrtaye || 50 ||
[Analyze grammar]

sarvajñāya namastubhyaṃ paśūnāṃ pataye namaḥ |
atha devo mahādevo mṛtyuṃ prāha varaṃ vṛṇu || 51 ||
[Analyze grammar]

stotreṇānena tuṣṭosmi mṛtyurvaramayācata |
tvadīyaṃ pālaya vibho māṃ ca śaṃkara pāpinam || 52 ||
[Analyze grammar]

tathetyuktvā mṛtyumīśo gaccha vatseti cābravīt |
yamalokaṃ gataḥ sopi yamāyāśeṣamuktavān || 53 ||
[Analyze grammar]

śaṃbhuruvāca |
ya idaṃ śṛṇuyānnityaṃ puṇyākhyānamanuttamam |
vimuktaḥ sarvapāpebhyo yāti śaṃkarasannidhim || 54 ||
[Analyze grammar]

iti śrīpadmapurāṇe pātālakhaṃḍe śivarāghavasaṃvāde |
ekādaśottaraśatatamo'dhyāyaḥ || 111 ||
[Analyze grammar]