Padma Purana [sanskrit]

462,305 words | ISBN-13: 9789385005305

The Padma-purana Book 5 Chapter 110 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

śrīrāma uvāca |
ayamagniśikho nāma vahniḥ śivagaṇaśca vai |
sa kathaṃ tādṛśo bhūtastanme vada namastava || 1 ||
[Analyze grammar]

śaṃbhuruvāca |
ayamāsītpurā kaścitkṣattriyaḥ krodhanaḥ sadā |
naṣṭabhāryo naṣṭaseno naṣṭarāṣṭrotiduḥkhitaḥ || 2 ||
[Analyze grammar]

labdhvā lulāya dvitayaṃ kṛṣiṃ cakre sahātmajaiḥ |
ṛṇena mahatā yuktaḥ punaścātīva duḥkhitaḥ || 3 ||
[Analyze grammar]

punaśca duḥkhito rājā sarpeṇa sutanāśanāt |
tathābhūto mahīpālastatyāja kṛṣimapyuta || 4 ||
[Analyze grammar]

parityajya sutau cāpi tyaktāhāro ruroda ha |
sutāvatha samāgamya prāhatuḥ pitaraṃ tvidam || 5 ||
[Analyze grammar]

kimarthaṃ rudyate tāta naṣṭo nāyāti rodanāt |
śarīraśoṣaṇāyātha śokaste'dya bhaviṣyati || 6 ||
[Analyze grammar]

śokena cakṣuṣī naṣṭe kaṃṭho naṣṭastathā tava |
anuṣṭhānaṃ tathā naṣṭaṃ kimarthaṃ paritapyase || 7 ||
[Analyze grammar]

eko naṣṭo na cāyāti rakṣa paṃcasthitānasūn |
bahūnāṃ rakṣaṇaṃ puṇyamāśritānāṃ viśeṣataḥ || 8 ||
[Analyze grammar]

anyāśritamamuṃ śatruṃ kathaṃ śocitumarhasi |
pitovāca |
putraḥ śatruḥ kathaṃ putrau yuvāṃ śatrū tathā ca me || 9 ||
[Analyze grammar]

atyaṃtasukhinaṃ putraṃ kathaṃ śatrumabhāṣatam |
sutāvūcatuḥ |
jāyamāno haredbhāryāṃ varddhamāno hareddhanam || 10 ||
[Analyze grammar]

mriyamāṇastathā prāṇāñchatrutvaṃ kimataḥ param |
yatsukhaṃ ca tvayā proktaṃ sparśanāliṃganādibhiḥ || 11 ||
[Analyze grammar]

duḥkhodarkamidaṃ rājansarvametadvadāmi te |
prasūtikāle putrasya bhāryānāśavicāraṇā || 12 ||
[Analyze grammar]

jīvitāyāmathopatnyāmātmanaḥ sukhanāśanam |
yonyaśuddhau tu jātāyāṃ saṃyogo nopapadyate || 13 ||
[Analyze grammar]

āliṃganapare gāḍhaṃ stanyenāṃgaṃ pariplute |
tathāpi yadi saṃyogaḥ śiśurodanatāḥ striyāḥ || 14 ||
[Analyze grammar]

dṛḍhaṃ śiśugataṃ cittaṃ tato vairasyameva ca |
atha cetpatito ḍiṃbho madhye maithunamudgatiḥ || 15 ||
[Analyze grammar]

ratimadhye tu vicchede duḥkhaṃ kiṃcidasannibham |
sarvakāle parimite kadācidratisaṃbhavaḥ || 16 ||
[Analyze grammar]

tatkāle bhojanaṃ nāsti svāpo nāsti ca bhāryayā |
śiśūnāṃ rakṣaṇe duḥkhaṃ vyādhitarṣagrahādibhiḥ || 17 ||
[Analyze grammar]

tanmataṃ yatsukhaṃ citraṃ yathāṃkārohaṇaṃ pituḥ |
āliṃganakṛtaṃ tāta cuṃbanādikṛtaṃ tathā || 18 ||
[Analyze grammar]

atyantamadhuroktyādi yatsukhāni nareśvara |
ratimadhye virāmasya kalāṃ nārhaṃti ṣoḍaśīm || 19 ||
[Analyze grammar]

anyānyapi ca duḥkhāni saṃti putre sahasraśaḥ |
anena tvaṃ kiṃ kriyase ihāmutra virodhinā || 20 ||
[Analyze grammar]

tyaja śokamidaṃ tasmādāvāṃ putrau sthitāviha |
śrīrājovāca |
tyajāmi śokaṃ durvāraṃ sarvakāryavirodhinam || 21 ||
[Analyze grammar]

ātmanaśca hitaṃ kāryamihāmutra sutau mama |
purodhasaṃ tu gacchāmi mama pūrvaṃ mahāgurum || 22 ||
[Analyze grammar]

vasiṣṭhaṃ munivaryaṃ ca sa dāsyati gatiṃ mama |
evamuktvā gato vipraṃ vārāṇasyāṃ sthitaṃ gurum || 23 ||
[Analyze grammar]

daṃḍavatpraṇanāmātha muninā paripūjitaḥ |
āliṃgitaśiro ghrāto dattāsanaparigrahaḥ || 24 ||
[Analyze grammar]

uktaścāgamanaṃ kiṃ te kiṃ kāryyaṃ karavāṇi vai |
rājovāca |
gatiṃ prayaccha me vipra saṃsārataraṇāya hi || 25 ||
[Analyze grammar]

khinnohaṃ karmaṇā śaśvadbhavaṃtaṃ śaraṇaṃ gataḥ |
vasiṣṭha uvāca |
gatiṃ paśya mahāliṃgaṃ viśveśvaramiti sthitam || 26 ||
[Analyze grammar]

enaṃ pūjaya rājeṃdra devadevaṃ pinākinam |
yamārādhya purā śaktiraruṃdhatyāḥ suto muniḥ || 27 ||
[Analyze grammar]

rakṣasā bhakṣitaścāpi yamalokaṃ gato na saḥ |
kiṃcitkālaṃ gataḥ svargaṃ brahmalokamagādataḥ || 28 ||
[Analyze grammar]

brahmalokādviṣṇuloke krīḍannāste suto mama |
amuṃ paśya mahārāja lubdhakaṃ vanacāriṇam || 29 ||
[Analyze grammar]

pūjayaṃtaṃ hi viśveśaṃ patramātrai svasaṃbhṛtaiḥ |
śamīvṛkṣasya saṃbhūtaistathā pūgaprasūnakaiḥ || 30 ||
[Analyze grammar]

kadaṃbakusumairarkakusumairyūthikābhavaiḥ |
etairanyairmaheśānaṃ pūjayaṃtaṃ vilokaya || 31 ||
[Analyze grammar]

itorddhayāmamātreṇa mariṣyati tadadbhutam |
aṃtakāle samāyāte lubdhakopi śivāya vai || 32 ||
[Analyze grammar]

upahārapradānāya dṛṣṭavānpārśvato ghaṭam |
taṃ cūtaphalasaṃpūrṇaṃ śunocchiṣṭaṃ vigarhitam || 33 ||
[Analyze grammar]

saṃkalpitopahārasya hyabhāvāllubdhakastathā |
idaṃ jagau śubhaṃ vākyaṃ lokānāṃ bhaktisūcakam || 34 ||
[Analyze grammar]

puṣpābhāve harirnetraṃ phalābhāveṃgulaṃ raviḥ |
liṃgavisraṃsanekaṃ ca jamadagni ṛṣistathā || 35 ||
[Analyze grammar]

liṃgapīṭhavibhede ca gātraṃ nirbhidya dattavān |
anyairmāhaiśvarairanyatsāhasaṃ paramaṃ kṛtam || 36 ||
[Analyze grammar]

mamāpi tattathā kāryyamanyathā doṣabhāgaham |
etasminnaṃtare kaścidunmattaḥ śivamabhyagāt || 37 ||
[Analyze grammar]

atha lubdhakṛtāṃ pūjāmāhṛtyābhakṣayatkṣaṇāt |
vamanaṃ ca tathā cakre śivapīṭhetha lubdhakaḥ || 38 ||
[Analyze grammar]

śivāpakāriṇaṃ cainaṃ hanmi no vetyaciṃtayat |
atha svātmavadhāyaiva yatnamāsthāya śaṃkaraḥ || 39 ||
[Analyze grammar]

unmattena yathodbhuktā śivapūjā mayā kṛtā |
liṃgaprāvaraṇe hyeṣā tadahaṃ mama dehinaḥ || 40 ||
[Analyze grammar]

prāvṛtistvagiyaṃ tvadya nirmmoktavyā mayā drutam |
pūjāvimocanāyaitatphalahānergalaṃ tyajet || 41 ||
[Analyze grammar]

itthaṃ saṃkalpya sa tathā tīkṣṇasvadhitinādbhutam |
cakre tvacaṃ dakṣapādaṃ tvacaṃ cchitvā kaṭeradhaḥ || 42 ||
[Analyze grammar]

vāmapādaṃ tathā cakre kaṭiparyaṃtamāśuca |
hṛṣṭaścāvepitaścaiva tata ūrdhvamathācchinat || 43 ||
[Analyze grammar]

karāṃsodarahṛtkaṃṭhatvacaṃ nirbhidya lubdhakaḥ |
mastakasya tvacaṃ cāpi nirbibheda prahṛṣṭavān || 44 ||
[Analyze grammar]

tayoraṃtaratastasmādgātraṃ nirbhidya vartulam |
chittvāṃguli samādāya devāyārpitavāṃstvacam || 45 ||
[Analyze grammar]

ārādeva tathā divyarūpaḥ svakṣaścaturbhujaḥ |
nānābhūṣaṇasaṃyuktaḥ sthito viyati śāṅkaraḥ || 46 ||
[Analyze grammar]

atha śaivāḥ samāyātā dūtāḥ śatasahasraśaḥ |
vicitramukuṭākārāḥ sarvābharaṇabhūṣitāḥ || 47 ||
[Analyze grammar]

triśūlapāṇayaḥ sarve śuddhasphaṭikasaṃnibhāḥ |
caturbhujāḥ surūpāśca vimānavarasaṃsthitāḥ || 48 ||
[Analyze grammar]

sarve sūryasamāḥ śāṃtā raṃbhāvatpriyayā yutāḥ |
sūnupatnībalotsāha vilāsastrīśatānvitāḥ || 49 ||
[Analyze grammar]

tejasā sūryasadṛśāḥ puṣpavṛṣṭimavākiran |
tairāhūto lubdhakaśca nāgacchadavadacca tān || 50 ||
[Analyze grammar]

bhāryābaṃdhujanopeto gacchehamathavā na vā |
śaivāstadvacanaṃ śrutvā vākyametadathocire || 51 ||
[Analyze grammar]

yena puṇyaṃ kṛtaṃ pāpaṃ tena bhogyaṃ hi tatphalam |
lubdhaka uvāca |
aśaucānāṃ ca sarveṣāṃ dharmāṇāmekakartṛkam || 52 ||
[Analyze grammar]

māheśvarāṇāṃ dharmāṇāṃ phalaṃ ca dvibahuṣvapi |
etasminnaṃtare prāpto vīrabhadraḥ śatārbhakaḥ || 53 ||
[Analyze grammar]

nānākoṭigaṇopeto ehi lubdhakabaṃdhuyuk |
sarvaṃ tvayoktaṃ ca tathā sabhāryo jñātibaṃdhuyuk || 54 ||
[Analyze grammar]

āruhyedaṃ vimānaṃ ca śivaṃ gaccha śivaṃ tu vaḥ |
atha tadvacanātprāptaḥ śivalokaṃ vimānagaḥ || 55 ||
[Analyze grammar]

vasiṣṭha uvāca |
dṛṣṭavānasi sarvaṃ tvamīśapūjāṃ samācara |
vimuktapāpabaṃdhastvaṃ śivalokaṃ gamiṣyasi || 56 ||
[Analyze grammar]

yadi rājyaṃ tvayā prārthyaṃ mārjayeśāṃ gaṇaṃ nṛpa |
gomayodakalepaṃ ca nityameva samācara || 57 ||
[Analyze grammar]

etāvatā bhūmirājyaṃ dhruvaṃ tava bhaviṣyati |
yāvadāyuśca te rājyamaṃte śivapadaṃ bhavet || 58 ||
[Analyze grammar]

naitasmiṃstu bhavedrājyasaṃsiddhiranumṛtyutaḥ |
ato dehāṃtaraṃ prāpya śivasevāprabhāvataḥ || 59 ||
[Analyze grammar]

bhaviṣyati ca te rājyaṃ śivabhaktiḥ sthirā tathā |
śaṃbhuruvāca |
atha kṛtvā tathā pūjāṃ mṛtaḥ svargaṃ gatastataḥ || 60 ||
[Analyze grammar]

rājajanmapunaḥ prāpya rājyaṃ cakre śiverataḥ |
kadācidatha devasya gṛhamabhyagamannṛpaḥ || 61 ||
[Analyze grammar]

nānādīpasamopetaṃ maṇibhirnāgarāḍiva |
bhaṭānāmatha saṃmarda eko dīpo patannṛpe || 62 ||
[Analyze grammar]

tadāsau kupito rājā dīpamādāya satvaram |
devālayapure ramye nyakṣipatkopasaṃyutaḥ || 63 ||
[Analyze grammar]

dagdhaṃ devagṛhaṃ tena enaśca samapadyata |
atha tena punastatra dagdhaṃ veśmagṛhādikam || 64 ||
[Analyze grammar]

nirmāpayāmāsa nṛpo maheśānamathāyajat |
atha mṛtyudine prāpte rājārādhitaśaṃkaraḥ || 65 ||
[Analyze grammar]

bhasmasnāyī bhasmaśāyī japanrudraṃ mamāra ha |
śivalokaṃ gataḥ soyaṃ vīrabhadreṇa bhāṣitaḥ || 66 ||
[Analyze grammar]

bhava tvaṃ gaṇaśārdūlo mamavai paricārakaḥ |
śāṅkarānmama nirdeśādānayasva mamāṃtikam || 67 ||
[Analyze grammar]

śirohīno bhavāṃścāpi jvālāvaktro bhaviṣyati |
satūvāca mahātmānaṃ vīrabhadraṃ gaṇeśvaram || 68 ||
[Analyze grammar]

cakṣuḥ śrotraṃ tathā jihvā nāsikāsyaṃ śirogaṇaḥ |
etairvinā vyavahṛtiḥ kathaṃ me saṃbhaviṣyati || 69 ||
[Analyze grammar]

abhāve śirasaḥ kiṃ vā mayā pāpaṃ kṛtaṃ vibho |
vīrabhadra uvāca |
tvayaiva svīkṛtā pūrvaṃ devī paramasuṃdarī || 70 ||
[Analyze grammar]

maheśabhavanaṃ nityaṃ cārtuvarṇakaraṃgakaiḥ |
svastikaṃ sarvatobhadraṃ naṃdyāvartādikaṃ śubham || 71 ||
[Analyze grammar]

padmamutpalamāṃdola pādo vyajana cāmare |
triśūlaṃ śaṃkhacakre ca gadādhanurathaiva ca || 72 ||
[Analyze grammar]

triśūlaṃ ḍamaruṃkhaḍgaṃ vṛṣaṃ bhṛṃgiriṭiṃ śivam |
tathāṣṭapatraṃ kamalamanyadyaṃtrādikaṃ tathā || 73 ||
[Analyze grammar]

kalpayaṃtī pratidinaṃ sevate vṛṣabhadhvajam |
kadācidatha sā veśyā devasadmanyupasthitā || 74 ||
[Analyze grammar]

rājñaḥ kārāṃkikaḥ kaściddevaveśma samāviśat |
atha tāṃ dṛṣṭavāṃstatra sa idaṃ vākyamuktavān || 75 ||
[Analyze grammar]

kārāṅkika uvāca |
ekāṃtasaṃsthitā veśyā yuvāhaṃ sthaviraśca na |
sthaviraṃ vyādhitaṃ ṣaṃḍhamaśaktaṃ dhanavarjitam || 76 ||
[Analyze grammar]

adīrghamehanaṃ dīnaṃ puruṣaṃ yoṣidutsṛjet |
aśmaśrulaṃ malacchannaṃ jaḍaṃ durgaṃdhidūṣitam || 77 ||
[Analyze grammar]

svalpamavyasanaṃ nārī dūrataḥ parivarjjayet |
tasmānme dīyatāṃ veśye maithunaṃ jīvayāśu mām || 78 ||
[Analyze grammar]

veśyovāca |
niyataḥ sarvajātīnāmihāmutra sukhapradaḥ |
pātivratyaṃ paro dharmmaḥ strīṇāmiti hi śuśruma || 79 ||
[Analyze grammar]

yadadhīnā yadā veśyā tadā nānyena saṃgatā |
pativrateti vikhyātā tasmāttaṃ paripālayet || 80 ||
[Analyze grammar]

kārāṃkika uvāca |
yadi caivaṃ mṛtiḥ śīghraṃ bhaviṣyati na saṃśayaḥ |
atha rājāṃtikaṃ gatvā rājānamidamuktavān || 81 ||
[Analyze grammar]

veśyā veśyaiva no bhāryā neti vaktuṃ ca nocitam |
itthaṃ rājānamuktvātha maṃḍaṃ caivāranālajam || 82 ||
[Analyze grammar]

kiṃcidādāya tasyāstu maṃdiraṃ gatavānayam |
nidrāvasaramālokya prasṛjyaca karaṃ tataḥ || 83 ||
[Analyze grammar]

vastrasya vivare tatra maṃḍaṃ cikṣepa duṣṭadhīḥ |
evaṃ kṛtvā tato gatvā rājānamidamuktavān || 84 ||
[Analyze grammar]

rājannirgatya gatvātha veśyāgryāṃ tava yoṣitaḥ |
utthāpayitvā veśyāṃ tāṃ sarvāṃgaṃ draṣṭumarhasi || 85 ||
[Analyze grammar]

unmuktabaṃdhamathavā vasanaṃ paśya yatnataḥ |
veśyāveśmāthagatavānrājā kārāṃkikaṃ vacaḥ || 86 ||
[Analyze grammar]

idamāha sanidreyaṃ paśyemāṃ yāmi paśyasi |
sa tūvāca nṛpaṃ tatra na me yuktamidaṃ nṛpa || 87 ||
[Analyze grammar]

tanmātaraṃ vā pitaraṃ darśanāya niyojaya |
taddṛṣṭau sarvamevedaṃ vyaktamāśu bhaviṣyati || 88 ||
[Analyze grammar]

ānītā hyatha rājñā tu mātā vīkṣitumudyatā |
vacanāttu nṛpasyaiva vastraṃ śodhayatīva sā || 89 ||
[Analyze grammar]

tatrasthitaṃ maṃḍamatha vijñāyāṃbā hyamardayat |
mardanādvasanaṃ klinnaṃ kiṃ tadityāha pārthivaḥ || 90 ||
[Analyze grammar]

na kiṃciddeva no kiṃciditi veśyāprasūrapi |
bahuvākyena rājātha vasanaṃ vīkṣya śaṃkayā || 91 ||
[Analyze grammar]

śukraklinnamidaṃ vāsaḥ prāhaitatpaśyatāmiti |
atha dṛṣṭvā samīpasthāstathetyūcurvaco nṛpam || 92 ||
[Analyze grammar]

rājātha svagṛhaṃ gatvā daṃḍādhyakṣamabhāṣata |
idānīmeva veśyāyāḥ śiraśchiṃdhyavicārayan || 93 ||
[Analyze grammar]

darśanīyaṃ śirastasyā ghaṭikābhyaṃtare mama |
daṃḍakaśca nṛpoktyāsyāstathā kṛtvā hyadarśayat || 94 ||
[Analyze grammar]

vīrabhadra uvāca |
evaṃ kṛtaṃ tvayā pūrvaṃ prāptaṃ ca phalamadya te |
jvālayaiva hi vaktā tvaṃ śrotā draṣṭā ca jighrasi || 95 ||
[Analyze grammar]

rasaṃ jānāsi matimānatikrodhī bhaviṣyasi |
śaṃbhuruvāca |
evaṃ jvālāmukho jāto rājā māheśvaro'kṣamī || 96 ||
[Analyze grammar]

tasmāttu kṣamiṇā bhāvyaṃ paratreha sukhepsunā |
ya idaṃ śṛṇuyānnityaṃ puṇyākhyānamanuttamam || 97 ||
[Analyze grammar]

vimuktapāpabaṃdhaśca śivaloke bhaviṣyati || 98 ||
[Analyze grammar]

iti śrīpadmapurāṇe pātālakhaṃḍe śivarāghavasaṃvāde śivapūjāmāhātmyakathanaṃ |
nāma daśottaraśatatamo'dhyāyaḥ || 110 ||
[Analyze grammar]

Other editions:

Also see the following editions of the Sanskrit text or (alternative) English translations of the Padma Purana Chapter 110

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: