Chapter 106

[English text for this chapter is available]

śucismitovāca |
āyuṣyavarddhanaṃ bhasmāśanaṃ dṛṣṭaṃ mahāmune |
paralokagatiṃ dātuṃ śaktametaṃ vadasva me || 1 ||
[Analyze grammar]

dadhīca uvāca |
atra te kathayiṣyāmi itihāsaṃ purātanam |
citraguptayamābhyāṃ ca yadvikhyātaṃ babhūva ha || 2 ||
[Analyze grammar]

mithilāyāṃ purā kaścicchunaḥ paryaṭate kṣudhā |
purā janmaśatātpūrvaṃ brāhmaṇaḥ pāpaniścayaḥ || 3 ||
[Analyze grammar]

pūrvevayasi vedāḍhyaḥ śāstrāḍhyaśca subuddhimān |
sa snātuṃ jāhnavīṃ gatvā snānaṃ kṛtvā pitṝnapi || 4 ||
[Analyze grammar]

devānṛṣīnsamabhyarcya yayau prāttalikāpuram |
pratiśrayamatho cakre brāhmaṇasya niveśane || 5 ||
[Analyze grammar]

tatraikā kṣatriyasutā yauvanasthā hatapriyā |
bhraṣṭarājyā ca ṣaṭkoṭi niṣkadravyeṇa saṃyutā || 6 ||
[Analyze grammar]

bhuktvātha śayitaṃ vipraṃ sarvāvayavasuṃdaram |
rātrau caṃdrodaye śuddhe jyotsnāhasitadiṅmukhe || 7 ||
[Analyze grammar]

brāhmaṇābhyāśamāgatya tamudīkṣyedamabravīt |
kutastvamāgato vipra kaṃ vā deśaṃ gamiṣyasi || 8 ||
[Analyze grammar]

brāhmaṇa uvāca |
akālacaryā sarveṣāṃ śaṃkāmutpādayeddhruvam |
vayaḥsthayormithovādo rahasye hāsyamaṃdire || 9 ||
[Analyze grammar]

kṣatriyovāca |
kathāprasaṃge yātrāyāṃ tīrthe deśādi viplave |
durbhikṣe grāmadahane rahovādo na dūṣitaḥ || 10 ||
[Analyze grammar]

pratiśrayastu madgehe bhavataiva purā kṛtaḥ |
madgehavāsinī cāhaṃ na śaṃkā tviha kasyacit || 11 ||
[Analyze grammar]

brāhmaṇa uvāca |
tūṣṇīṃbhāvo mayā kāryo gaccha tvaṃ śīghramagrataḥ |
ityuktā brāhmaṇenāsau manasedamaciṃtayat || 12 ||
[Analyze grammar]

anena saṃgamo mahyaṃ yathābhūyāttathāvidhi |
rodanaṃ tu kariṣyāmi tathā yāsyati sāṃtvitum || 13 ||
[Analyze grammar]

māṃ ca sāṃtvayituṃ prāpto māṃ samutthāpayiṣyati |
ahamuttiṣṭhamānaiva dorlatākaṃṭhasaṃginī || 14 ||
[Analyze grammar]

kucayugmena tadgātraṃ sparśayaṃtī vimūrcchitā |
gatabhānāṃ hi māṃ dṛṣṭvā niṣaṇṇaḥ svayameva saḥ || 15 ||
[Analyze grammar]

utsaṃge māmakaṃ dehaṃ nidhāsyati dvijāgraṇīḥ |
acetaneva vasanamapāsya rudatīva ca || 16 ||
[Analyze grammar]

susnigdhaṃ romarahitaṃ pakvāśvatthadalākṛti |
darśayiṣyāmi tatsthānaṃ kāmagehaṃ sugaṃdhi ca || 17 ||
[Analyze grammar]

mayaiva viluṭhaṃtyāṃge tasya vastramapāsyate |
vilupyamānasaṃ tasya kariṣye svavaśaṃ dvijam || 18 ||
[Analyze grammar]

adṛṣṭau yādṛśaṃ cittaṃ dṛṣṭau naitādṛśaṃ bhavet |
darśane yādṛśaṃ cittaṃ saṃlāpe naiva tādṛśam || 19 ||
[Analyze grammar]

saṃlāpe yādṛśaṃ cittaṃ hāsyoktau naiva tādṛśam |
hāsyoktau yādṛśaṃ cittaṃ sparśane naiva tādṛśam || 20 ||
[Analyze grammar]

sparśane yādṛśaṃ cittaṃ yonidṛṣṭau na tādṛśam |
taddṛṣṭau yādṛśaṃ cittaṃ yonisparśe na tādṛśam || 21 ||
[Analyze grammar]

bāhumūlakucadvaṃdva svayonisparśadarśanāt |
kasya na skhalate ceto retaḥ skannaṃ ca no bhavet || 22 ||
[Analyze grammar]

dadhīca uvāca |
iti saṃciṃtya manasā kṣatriyā gṛhamabhyagāt |
svagṛhadvāramāsādya maṃdaṃ maṃdaṃ ruroda vai || 23 ||
[Analyze grammar]

ciraṃ kālaṃ ca ruditaṃ brāhmaṇaḥ karuṇānidhiḥ || 24 ||
[Analyze grammar]

strībālavṛddhātura rājayogināṃ viṣāgnitoyādri nipātanādinā |
duḥkhasya caivoddharaṇaṃ praśasyate kūpasyadānena samaṃ vadaṃti || 25 ||
[Analyze grammar]

itthaṃ vicārya vipro'sau śucirbhūtaḥ prasannadhīḥ |
tasyāḥ samīpamagamattāmuvāca tato dvijaḥ || 26 ||
[Analyze grammar]

alaṃ śokena mahatā ihāmutra virodhinā |
śarīraśoṣaṇaṃ hyetaccittavidhvaṃsanaṃ tathā || 27 ||
[Analyze grammar]

tyaja śokamimaṃ bāle na cārthaḥ śocitena vai |
śokasya kāraṇaṃ kiṃ vā yenetthaṃ rudyate tvayā || 28 ||
[Analyze grammar]

dadhīca uvāca |
evamuktā dvijenātha na sā kiṃciduvāca ha |
mūrcchitevāpatadbhūmau tamadṛṣṭveva vīkṣate || 29 ||
[Analyze grammar]

tāmathotthāpayāmāsa brāhmaṇaḥ paramārthavit |
utthitotthāpitā tena nipapāta punaḥ punaḥ || 30 ||
[Analyze grammar]

patitāṃ patitāṃ vipro niṣadyotthāpya tāṃ punaḥ |
aṃkamāropayāmāsa pramamārja vilocane || 31 ||
[Analyze grammar]

atha sā mūrcchitevāśu vasanaṃ parimucya tam |
darśayaṃtī stanau guhyaṃ bāhumūle vilocane || 32 ||
[Analyze grammar]

ālaṃbya kaṃṭhe bāhubhyāṃ stanābhyāmaspṛśaddvijam |
caṃdrātapaśca viśado maṃdamārutasaṃbhavaḥ || 33 ||
[Analyze grammar]

atha ciṃtāparo vipro naiva kāryamidaṃ mama |
piturvā māturucitaṃ patyurvātha gurostathā || 34 ||
[Analyze grammar]

asaṃbuddhasya me sarvaṃ viparītaṃ vibhāti vai |
atha kāmaḥ samāyāto rahasye sthitayostayoḥ || 35 ||
[Analyze grammar]

vivyādha niśitairbāṇairdvijaṃ kāmo durātmavān |
smarabāṇāturo vipraściṃtayāmāsa kāmukaḥ || 36 ||
[Analyze grammar]

iyaṃ sucāru sarvāṃgī kāminīva pradṛśyate |
nocedyonimukhe hyasyāḥ kathaṃ romāṃcasaṃbhavaḥ || 37 ||
[Analyze grammar]

tadetasyāḥ kucasparśātsarvaṃ vyaktaṃ bhaviṣyati |
iti saṃciṃtya manasā kucau yoniṃ dvijo'spṛśat || 38 ||
[Analyze grammar]

sāpi mūrcchitarūpeva maṃdasmitamukhābhavat |
āliliṃga dvijaṃ gāḍhamānanaṃ ca cucuṃba ha || 39 ||
[Analyze grammar]

tayoratha samāyogo varṣāṇāṃ śatamapyabhūt |
gate varṣaśate paścādekasmindivase dvijaḥ || 40 ||
[Analyze grammar]

snātuṃ yayau nadīṃ prātaḥ sāpi vipraprasaṃgataḥ |
snānaṃ tatra tathā cakre purāṇaṃ śrutavānatha || 41 ||
[Analyze grammar]

kaurmaṃ samastapāpānāṃ nāśanaṃ śivabhaktidam |
idaṃ ca padyaṃ śuśrāva purāṇajñena bhāṣitam || 42 ||
[Analyze grammar]

brahmahā madyapaḥ stenastathaiva gurutalpagaḥ |
kaurmaṃ purāṇaṃ śrutvaiva mucyate pātakāttataḥ || 43 ||
[Analyze grammar]

śrutvaitadvacanaṃ vipraḥ paurāṇikamabhāṣata |
mayā kṛtānāṃ pāpānāṃ na ca saṃkhyāsti kācana || 44 ||
[Analyze grammar]

aśeṣapāpasaṃdohanāśanaṃ tadihocyatām |
paurāṇika uvāca |
ārādhaya svadeveśaṃ śaṃkaraṃ tridaśeśvaram || 45 ||
[Analyze grammar]

tasya saṃpūjanādvipra sarvaṃ pāpaṃ vinaśyati |
pāpameva tamaḥ proktaṃ jñānadīpena naśyati || 46 ||
[Analyze grammar]

athavā pūjayā vipra samastāghavināśanam |
jñānapūjāvihīnānāṃ narake patanaṃ dhruvam || 47 ||
[Analyze grammar]

dadhīca uvāca |
atha dvijo hyabhigataḥ śivālayamanuttamam |
droṇapuṣpasahasreṇa pūjayāmāsa śaṃkaram || 48 ||
[Analyze grammar]

gṛhaṃ jagāma ca tato bhojanaṃ kṛtavānatha |
vihāya kṣatriyāṃ vipro jagāmeṣṭāṃ bhuvaṃ tataḥ || 49 ||
[Analyze grammar]

haviṣyamannamādāya bhuktyaśakteḥ śivālayam |
gatvā dīpasthitājyena bhojanaṃ kṛtavānbahiḥ || 50 ||
[Analyze grammar]

atha mṛtyuvaśaṃ prāpto yamalokaṃ jagāma vai |
yama uvāca |
tvayā kṛtānāṃ pāpānāṃ keṣāṃcinnāśanaṃ purā || 51 ||
[Analyze grammar]

tvayaikadivase pūjā śaṃkarasya yataḥ kṛtā |
tava pāpasahasraṃ ca praṇaṣṭaṃ bhavato dvija || 52 ||
[Analyze grammar]

sthitānāmapi pāpānāṃ phalaṃ narakapātanam |
varṣakoṭidvayaṃ vipra śvānajanmaśataṃ punaḥ || 53 ||
[Analyze grammar]

śivadīpājyaharaṇātphalaṃ narakasevanam |
narake ca sthitistasya śatavarṣaṃ subhīṣaṇam || 54 ||
[Analyze grammar]

kuṃbhīpāke ca kāṣṭhatvaṃ bhasma bhūtvā punaḥ punaḥ |
varṣāṇāṃ daśakaṃ tvevaṃ kṛmibhuktiḥ paraṃ daśa || 55 ||
[Analyze grammar]

punaśca dīpavartitvaṃ varṣāṇāṃ ca tathā daśa |
śleṣmāmedhyapurīṣeṣu mūtraretohradeṣu ca || 56 ||
[Analyze grammar]

unmajjya ca nimajjyātha śleṣmaviṇmalabhojanam |
tato narakaśeṣeṇa śvānajanmaśataṃ param || 57 ||
[Analyze grammar]

yamavākyamiti śrutvā brāhmaṇo nipapāta ca |
atha tasya priyā bhāryā paticiṃtāparābhavat || 58 ||
[Analyze grammar]

etasminnaṃtare tasyāḥ samīpaṃ nārado'bhyagāt |
nāradasya papātāsau pādayoratiduḥkhitā || 59 ||
[Analyze grammar]

tāmutthāpya muniḥ śuddhāṃ gatāyuṣamabhāṣata |
ayi mugdhe viśālākṣi bhartāraṃ gaṃtumarhasi || 60 ||
[Analyze grammar]

bhartā te hi viśālākṣi mṛto baṃdhuvivarjitaḥ |
na roditavyaṃ te bhadre jvalanaṃ praviśasva bhoḥ || 61 ||
[Analyze grammar]

brāhmaṇyuvāca |
aśakyaṃ yadi vā śakyaṃ mayā gaṃtuṃ mune vada |
agnipraveśakālo vai vyatīto na bhavedyathā || 62 ||
[Analyze grammar]

nārada uvāca |
yojanānāṃ śataṃ tvekamitaḥ sthānātpuraṃ hitat |
śvo dāhaḥ kila viprasya bhavitā gaṃtumarhasi || 63 ||
[Analyze grammar]

avyayovāca |
dūrasthitaṃ kāyanāthaṃ gaṃtumarhāmi he mune |
tadvacastu samākarṇya nāradastāmabhāṣata || 64 ||
[Analyze grammar]

vipaṃcī nālasaṃsthā tvaṃ bhava gacchāmyahaṃ kṣaṇāt |
ityudīrya tadā gatvā tvarāṃ cakre gataṃ ca tat || 65 ||
[Analyze grammar]

deśaṃ naṣṭadvijasthānaṃ tāmuvācāvyayāṃ muniḥ |
rodanaṃ neha kartavyaṃ yadi tatrāgnimeṣyasi || 66 ||
[Analyze grammar]

pāpaṃ yadi kṛtaṃ bhadre parapūruṣasevanam |
etadviśuddhaye putri prāyaścittaṃ samācara || 67 ||
[Analyze grammar]

tavopapātakavrāta nāśo vahnipraveśanāt |
nānyatpaśyāmi nārīṇāṃ sarvapāpopaśāṃtaye || 68 ||
[Analyze grammar]

agnipraveśaṃ muktvaikaṃ prāyaścittaṃ jagattraye |
dadhīca uvāca |
atha nāradavākyena noditā sā vaco'bravīt || 69 ||
[Analyze grammar]

agnipraveśe nārīṇāṃ kiṃ kartavyaṃ mahāmune |
nārada uvāca |
snānaṃ maṃgalasaṃskāro bhūṣaṇāṃjanadhāraṇam || 70 ||
[Analyze grammar]

gaṃdhapuṣpaṃ tathā dhūpaṃ haridrākṣatadhāraṇam |
maṃgalaṃ ca tathā sūtraṃ pādālaktakameva ca || 71 ||
[Analyze grammar]

śaktyā dānaṃ priyoktiśca prasannāsyatvameva ca |
nānāmaṃgalavādyānāṃ śravaṇaṃ gītakasya ca || 72 ||
[Analyze grammar]

vyabhicārakṛte pāpe tatpāpasya praśāṃtaye |
atītaṃ pātakaṃ spṛṣṭvā prāyaścittaṃ tadīritam || 73 ||
[Analyze grammar]

kuryādatha svakāṃ bhūṣāṃ viprāya pratipādayet |
bhūṣābhāve svakīyena prāyaścittaṃ tu kārayet || 74 ||
[Analyze grammar]

nānyathā tasya pāpasya nāśanaṃ veti kutracit |
avyayovāca |
sarvametatkariṣyāmi haridrā me na vidyate || 75 ||
[Analyze grammar]

bhūṣaṇaṃ kimuta brahmansarvametatpradīyatām |
nārada uvāca |
na hyasti kiṃcitsaubhāgyadravyamanyattvapekṣayā || 76 ||
[Analyze grammar]

dadhīca uvāca |
atha kṣaṇenābhyagamatkailāsaṃ śivamaṃdiram |
girijāmatha dṛṣṭvāsau praṇipatyedamabravīt || 77 ||
[Analyze grammar]

haridrā dīyatāṃ mātarbhūṣaṇāni ca sūtrakam |
pārvatyuvāca |
vidhavāyai mayā kiṃcidbhūṣaṇaṃ dīyatāṃ katham || 78 ||
[Analyze grammar]

mayā datte hi tasminvai vaidhavyaṃ nopapadyate |
nārada uvāca |
mātarna vidhavā yāvaddhavāṃgaṃ vartate striyaḥ || 79 ||
[Analyze grammar]

ādāhātsūtakaṃ nāsti tiṣṭhetsaubhāgyamuttamam |
pārvatyuvāca |
na cānyadeho madbhūṣāṃ haridrāṃ dhartumarhati || 80 ||
[Analyze grammar]

bhūṣaṇādau mayā datte ciraṃjīvitamiṣyate |
dīyate hi jayaṃtyaiva sarvametattvayoditam || 81 ||
[Analyze grammar]

jayaṃtīṃ sa jagāmātha tayā dattamathāharat |
snapaṃtyā avyayāyāstu haridrāṃ dattavānmuniḥ || 82 ||
[Analyze grammar]

tataḥ sa sūkṣmavasanabhūṣaṇāni munirdadau |
āha caināṃ tavāṃteṣṭiṃ kaḥ karoti niyuṃkṣva tam || 83 ||
[Analyze grammar]

avyayovāca |
tvayaiva me samastānāṃ kriyāṇāṃ kāraṇaṃ mune |
pitāsi sarvaṃ kurvadya namaste munisattama || 84 ||
[Analyze grammar]

dadhīca uvāca |
atha taṃ brāhmaṇaṃ dagdhvā nāradastāmuvāca ha |
avyaye gaccha dahanaṃ praviśa tvaṃ yadīcchasi || 85 ||
[Analyze grammar]

atha sā bhūṣitā sādhvī triḥpradakṣiṇapūrvakam |
nāradaṃ tu namaskṛtya gaurāṃgīmarpayanmanaḥ || 86 ||
[Analyze grammar]

susūkṣmaṃ maṃgalaṃsūtraṃ haridrāmakṣatāṃstathā |
kusumāni ca vāsāṃsi kastūrīcaṃdanaṃ tathā || 87 ||
[Analyze grammar]

sauvarṇakaṃkatikāṃ ca phalāni vividhāni ca |
svadakṣiṇādivastrāṃtaṃ sparśayitvā pṛthakpṛthak || 88 ||
[Analyze grammar]

pārvatīprītikāmā sā puraṃdhrībhyo'khilaṃ dadau |
jvālāmālābhirākāśaṃ dahaṃtamiva cānalam || 89 ||
[Analyze grammar]

triḥpradakṣiṇamāgatya sthitvāgneḥ purataḥ satī |
idaṃ prāha tadā vākyaṃ prāṃjaliḥ prahasanmukhī || 90 ||
[Analyze grammar]

avyayovāca |
iṃdrādayo diśāṃpālā mātarmedini bhāskara |
dharmādayaḥ surāḥ sarve śṛṇudhvaṃ mama bhāṣitam || 91 ||
[Analyze grammar]

pāṇipīḍanamārabhya caitadaṃtamaharniśam |
vāṅmanaḥkarmabhirbhartā sevito yadi bhaktitaḥ || 92 ||
[Analyze grammar]

vyabhicāro yathā na syādavasthātritaye mama |
tena satyena me patyā sārddhaṃ yānaṃ prayacchata || 93 ||
[Analyze grammar]

ityuktvātha svahastāgrapuṣpakaṃ drutamākṣipat |
praviṣṭā jvalanaṃ dīptamathāpaśyadvimānakam || 94 ||
[Analyze grammar]

sūryeṇa samamutkṛṣṭamapsarogītaśobhitam |
āruroha vimānaṃ sā bhartrā sākaṃ divaṃ yayau || 95 ||
[Analyze grammar]

yamaḥ prāhātha saṃpūjya vanitāṃ tāṃ pativratām |
akṣayaḥ svarga eveha na ca pāpaṃ tavāsti vai || 96 ||
[Analyze grammar]

koṭidvayasamāstatra narake haṃta pātakam |
mṛṣṭameva na saṃdehaḥ kiṃtu pātakameva ca || 97 ||
[Analyze grammar]

ekaṃ śivasya dīpājyabhakṣaṇena samarjitam |
na vāpi narake pātaḥ śvānajanmaśataṃ bhavet || 98 ||
[Analyze grammar]

avyayovāca |
agnipraveśaśuddhānāṃ punaśca narakaḥ katham |
agnipraveśātsarveṣāṃ pāpānāṃ nāśanaṃ bhavet || 99 ||
[Analyze grammar]

yama uvāca |
śivadravyāpahārasya pātakaṃ naiva naśyati |
itthamāhapurā śaṃbhuranyeṣāṃ nāśanaṃ bhavet || 100 ||
[Analyze grammar]

atha sa śvānatāmāpya śatābdaṃ syāttataḥ param |
dadhīcamaṃdiraṃ prāpto mṛtyorāsya gato hi saḥ || 101 ||
[Analyze grammar]

tasya bhittisamīpe tu bhasmāste hyabhimaṃtritam |
bhasmani śvā papātātha mamāra ca gato yamam || 102 ||
[Analyze grammar]

yamaḥ saṃpūjyāvanato bhavānpuṇyatamo muniḥ |
madgehe bhavataḥ sthānaṃ na yogyaṃ gamyatāṃ bahiḥ || 103 ||
[Analyze grammar]

atha gatvā bahistasthau sārameyo yamoditaḥ |
saṃtāpāvasthitaṃ taṃ ca nārado dṛṣṭavānamum || 104 ||
[Analyze grammar]

papraccha ca kimarthaṃ tvamiha tiṣṭhasi dīptimān |
śivabhasmasthitamṛtaṃ śaivaṃ jāne mahāmate || 105 ||
[Analyze grammar]

śaivānāṃ pāpināṃ cāpi sāhasena tanutyajām |
yamaloko na cāstīti śivājñā śivanoditā || 106 ||
[Analyze grammar]

dadhīca uvāca |
itthamābhāṣya taṃ śvānaṃ kailāsamagamanmuniḥ |
daṃḍavatpraṇipatyeśaṃ vyajñāpayadatho haram || 107 ||
[Analyze grammar]

deva kaścidyamapurādbahirāste sa kukkuraḥ |
bhasmanyeva mṛtastadvadbhavalokaṃ sa cārhati || 108 ||
[Analyze grammar]

atha mukhyagaṇāviṣṭo vīrabhadraḥ śiveritaḥ |
ānayāmāsa taṃ śvānaṃ divyarūpadharaṃ tadā || 109 ||
[Analyze grammar]

maheśapādapraṇataṃ devāyātha vyajijñapat |
āha māheśvaro devaṃ gaṇamenaṃ kuruṣva me || 110 ||
[Analyze grammar]

tatheti ca śivaḥ prāha gaṇaḥ śvānamukho'bhavat |
dadhīca uvāca |
atulyaṃ bhasmamāhātmyaṃ mayoktaṃ te śucismite || 111 ||
[Analyze grammar]

itaḥ paraṃ hi kiṃ bhūyaḥ śrotumicchasi suvrate || 112 ||
[Analyze grammar]

iti śrīpadmapurāṇe pātālakhaṃḍe śivarāghavasaṃvāde vibhūtimāhātmye ṣaḍuttaraśatatamo'dhyāyaḥ || 106 ||
[Analyze grammar]