Chapter 89

[English text for this chapter is available]

nārada uvāca |
evaṃ saṃbodhito vipro devaśarmā dvijottamaḥ |
punaḥ prāha priyāṃ bhāryāṃ sahitāṃ jñānavādinīm || 1 ||
[Analyze grammar]

satyamuktaṃ tvayā bhadre sarvasaṃdehanāśanam |
tathā hi vaṃśamicchaṃti sādhavaḥ satyapaṃḍitāḥ || 2 ||
[Analyze grammar]

yathā putrasya ciṃtā me na dhanasya tathā priye |
yenakenāpyupāyena putramutpādayāmyaham || 3 ||
[Analyze grammar]

sumanovāca |
putreṇa lokāñjayati putrastārayate kulam |
suputreṇa mahābhāga pitāmātā prajīvataḥ || 4 ||
[Analyze grammar]

ekaḥ putro varaḥ kāṃta bahubhirnirguṇaistu kim |
ekastārayate vaṃśamanye saṃtāpakārakāḥ || 5 ||
[Analyze grammar]

pūrvameva mayā proktamanye saṃbaṃdhabhāginaḥ |
puṇyena prāpyate putraḥ puṇyena prāpyate kulam || 6 ||
[Analyze grammar]

sugarbhaḥ prāpyate puṇyairdurmṛtyuḥ pātakaistathā |
sukhānāṃ nicayaṃ kāṃta satyameva vadāmyaham || 7 ||
[Analyze grammar]

brahmacaryeṇa satyena tapasā nityavartanaiḥ |
dānena niyamaiścāpi kṣamā śaucena vallabha || 8 ||
[Analyze grammar]

ahiṃsayā ca śaktyā vā'steyenāpi pravartate |
etairdaśabhiraṃgaiśca dharmamevaṃ prasūyate || 9 ||
[Analyze grammar]

saṃpūrṇo jāyate dharma aṃgairgarbho yathodare |
dharmaṃ sṛjati dharmātmā trividhenaiva karmaṇā || 10 ||
[Analyze grammar]

tasya dharmaḥ prasannātmā puṇya saukhyaṃ prayacchati |
yaṃyaṃ ciṃtayate prājñastaṃtaṃ prāpnoti durlabham || 11 ||
[Analyze grammar]

devaśarmmovāca |
sarvaṃ devi samākhyātaṃ dharmākhyaṃ jñānamuttamam |
kathaṃ putramahaṃ viṃdyāṃ vaiṣṇavaṃ guṇasaṃyutam || 12 ||
[Analyze grammar]

vada tvaṃ me mahābhāge yadi jānāsi suvrate |
dharmamārgastvayā sarvvaḥ pituḥ prāptaḥ purānaghe || 13 ||
[Analyze grammar]

mamaitadviditaṃ kāṃte bhavatī brahmavādinī |
cyavanasya prasādena viṣṇostuṣṭasya te purā || 14 ||
[Analyze grammar]

sumanovāca |
vasiṣṭhaṃ gaccha dharmajña taṃ prārthaya mahāmunim |
tasmātprāpsyasi taṃ putraṃ dharmajñaṃ dharmavatsalam || 15 ||
[Analyze grammar]

evamukte tayā vākye devaśarmā dvijottamaḥ |
kariṣye tava kalyāṇi matamevaṃ na saṃśayaḥ || 16 ||
[Analyze grammar]

evamuktvā jagāmāsau devaśarmā dvijottamaḥ |
vasiṣṭhaṃ sarvavettāraṃ dīpyaṃtaṃ tapatāṃ varam || 17 ||
[Analyze grammar]

gaṃgātīre sthitaṃ puṇyamāsanasthaṃ dvijottamam |
tejojvālāsamākīrṇaṃ dvitīyamiva bhāskaram || 18 ||
[Analyze grammar]

rājamānaṃ mahātmānaṃ brahmasiṃhaṃ dvijottamam |
bhaktyā praṇamya sa muniṃ daṃḍavattaṃ punaḥpunaḥ || 19 ||
[Analyze grammar]

tamuvāca mahātejā brahmasūnurakalmaṣam |
upaviśāsane puṇye sukhena sumahāmate || 20 ||
[Analyze grammar]

nārada uvāca |
upaviṣṭaḥ sa yogīṃdra punaḥ prāha tapodhanam |
gṛhe puruṣa te vatsa dārabhṛtyeṣu sarvadā || 21 ||
[Analyze grammar]

kṣemamasti mahābhāga puṇyakarmasu cāgniṣu |
nirāmayo'si cāṃgeṣu dharmaṃ pālayase sadā || 22 ||
[Analyze grammar]

evamuktvā mahāprājñaḥ punaḥ prāha mahīsuram |
kiṃ karomi priyaṃ kāmaṃ supriyaṃ te dvijottama || 23 ||
[Analyze grammar]

nārada uvāca |
evaṃ saṃbhāṣya taṃ vipraṃ virarāma śubhaṃ vacaḥ |
tato vipro mahābhāgo vasiṣṭhaṃ munipuṃgavam || 24 ||
[Analyze grammar]

sa hovāca mahātmānaṃ vasiṣṭhaṃ tapatāṃ varam |
bhagavañchrūyatāṃ vākyaṃ vicchedaya dvijottama || 25 ||
[Analyze grammar]

dāridryaṃ kena bhāvena putrasaukhyaṃ kathaṃ nahi |
etanme saṃśayaṃ tāta kasmātpāpādvadasva me || 26 ||
[Analyze grammar]

mahāmohena saṃmugdhaḥ priyayā bodhito dvija |
tayāhaṃ preṣitastāta tava pārśvaṃ samāgataḥ || 27 ||
[Analyze grammar]

tatsarvaṃ hi samācakṣva sarvasaṃdehanāśakam |
muktidātā bhava svatvaṃ mamasaṃsārabaṃdhanāt || 28 ||
[Analyze grammar]

vasiṣṭha uvāca |
putrā mitrāstathā bhrātā anye svajanabāṃdhavāḥ |
paṃcabhedāstu saṃbaṃdhāḥ puruṣasya bhavaṃti te || 29 ||
[Analyze grammar]

tete sumanasā proktāḥ pūrvameva tavāgrataḥ |
ṛṇasaṃbaṃdhinaḥ sarve te kuputrā dvijottama || 30 ||
[Analyze grammar]

putrasya lakṣaṇaṃ puṇyaṃ tavāgre pravadāmyaham |
puṇyaprasakto yasyātmā satyadharmarataḥ sadā || 31 ||
[Analyze grammar]

śuddhimāñjñānasaṃpannastapasvī vāgvidāṃ varaḥ |
sarvakarmasusaṃvīto vedādhyayanatatparaḥ || 32 ||
[Analyze grammar]

sarvaśāstrapravedī ca devabrāhmaṇapūjakaḥ |
yājñikaḥ sarvayajñānāṃ dātā tyāgī priyaṃvadaḥ || 33 ||
[Analyze grammar]

viṣṇudhyānaparo nityaṃ śāṃtodāṃtaḥ suhṛtsadā |
pitṛmātṛparo nityaṃ sarvasvajanavatsalaḥ || 34 ||
[Analyze grammar]

kulasya tārako vidvānsvakulaṃ paripoṣakaḥ |
evaṃguṇaistu saṃyuktaḥ suputraḥ sukhadāyakaḥ || 35 ||
[Analyze grammar]

anye saṃbaṃdhayuktāśca śokasaṃtāpakārakāḥ |
udāsīnena kiṃ kāryaṃ phalahīnena te'nagha || 36 ||
[Analyze grammar]

āyāṃti yāṃti te sarve duḥkhaṃ datvā sudāruṇam |
putrarūpeṇa te sarve saṃsāre dvijasattama || 37 ||
[Analyze grammar]

pūrvajanmakṛtaṃ karma yattvayā paripālitam |
tatsarvaṃ hi pravakṣyāmi śrūyatāmadbhutaṃ punaḥ || 38 ||
[Analyze grammar]

bhavāñchūdro mahāprājña pūrvajanmani nānyathā |
kṛṣikarttā jñānahīno mahālobhena saṃyutaḥ || 39 ||
[Analyze grammar]

ekabhāryaḥ sadā dveṣī bahuputro hyadattavān |
dharmaṃ naiva vijānāsi satyaṃ ca pariniṣṭhitam || 40 ||
[Analyze grammar]

dānaṃ naiva tvayā dattaṃ śāstraṃ naiva pariśrutam |
kṛtaṃ naiva tvayā tīrthaṃ na ca yātrā mahāmate || 41 ||
[Analyze grammar]

evaṃ kṛtastvayā vipra kṛṣimārgaḥ punaḥpunaḥ |
paśūnāṃ pālanaṃ pūrvaṃga cchaṃścaiva dvijottama || 42 ||
[Analyze grammar]

mahiṣīṇāṃ tathāśvīnāṃ pālanaṃ ca punaḥpunaḥ |
evaṃ pūrvaṃ kṛtaṃ karma tvayaiva ca dvijottama || 43 ||
[Analyze grammar]

vipulaṃ tu dhanaṃ tadvallobhena parisaṃcitam |
tasya vyayastu puṇyena na kṛtastu tvayā kadā || 44 ||
[Analyze grammar]

pātre dānaṃ na dattaṃ hi dṛṣṭvā vā durbalaṃ ca tat |
kṛṣiṃ kṛtvā na dattaṃ tu bhavatā dhanameva hi || 45 ||
[Analyze grammar]

gomayaṃ hi tvidaṃ sarvaṃ paśūnāṃ saṃcayaṃ ca vai |
vikrayitvā dhanaṃ vipra saṃcitaṃ vipulaṃ tvayā || 46 ||
[Analyze grammar]

takraṃ ghṛtaṃ tathā kṣīraṃ vikrītaṃ satataṃ dadhi |
duṣkālaściṃtito vipra mohito viṣṇumāyayā || 47 ||
[Analyze grammar]

kṛtvā mahārghamevaitaddhanaṃ brāhmaṇasattama |
nirdayena tvayā dānaṃ na dattaṃ tu tadā kila || 48 ||
[Analyze grammar]

devānāṃ pūjanaṃ vipra bhavatā na kṛtaṃ sadā |
parvāṇi prāpya viprebhyo dravyaṃ naiva samarpitam || 49 ||
[Analyze grammar]

śrāddhakālaṃ ca saṃprāpya śraddhayā na kṛtaṃ tvayā |
bhāryā vadati te sādhvī dinamadhye samāgate || 50 ||
[Analyze grammar]

śvaśuraśrāddhakālaśca śvaśrvāścaiva mahāmate |
tacchrutvā tadvacasteṣāṃ gṛhaṃ tyaktvā palāyase || 51 ||
[Analyze grammar]

dharmamārgo na dṛṣṭo hi śruto naiva kadā tvayā |
lobho mātāpitā bhrātā lobhaḥ svajanabāṃdhavāḥ || 52 ||
[Analyze grammar]

pālito lobha evaikastyaktvā dharmaṃ sadaiva hi |
tasmādduḥkhī bhavāñjāto dāridreṇāti pīḍitaḥ || 53 ||
[Analyze grammar]

dinedine mahātṛṣṇā hṛdaye te pravarttate |
yadāyadā gṛhe dravyaṃ vṛddhimāyāti te sadā || 54 ||
[Analyze grammar]

tṛṣṇayā dahyamānastu tadā tvaṃ vahnirūpayā |
rātrau vā tvaṃ prasuptastu lobhaṃ ciṃtayase'dhikam || 55 ||
[Analyze grammar]

dinaṃ prāpya mahāmohairvyāpito hi sadaiva hi |
sahasraṃ lakṣataḥ koṭiḥ kadāvārbudameva ca || 56 ||
[Analyze grammar]

bhaviṣyati kadā kharvo nikharvaścātha me gṛhe |
evaṃ sahasralakṣaṃ ca koṭirarbudameva ca || 57 ||
[Analyze grammar]

kharvo nikharvaḥ saṃjātastṛṣṇā naiva pragacchati |
evaṃ kālaṃ parityajya vṛddhimāyāti sarvadā || 58 ||
[Analyze grammar]

naiva dattaṃ hutaṃ vipra bhuktaṃ naiva kadā tvayā |
niścitaṃ bhūmimadhye tatkṣiptaṃ putrānajānate || 59 ||
[Analyze grammar]

anyamevamupāyaṃ tu dravyāgamanakāraṇāt |
kuruṣe sarvadā vipra lokānpṛcchasi buddhimān || 60 ||
[Analyze grammar]

khanitramaṃjanaṃ vādaṃ dhātuvādamataḥparam |
pṛcchamāno bhramasyekastṛṣṇayā parimohitaḥ || 61 ||
[Analyze grammar]

sarvāṃściṃtayase nityaṃ kalpānsiddhi pradāyakān |
praveśaṃ citravarṇānāṃ ciṃtāmaṇiṃ ca pṛcchasi || 62 ||
[Analyze grammar]

tṛṣṇānalenadagdhosi sukhaṃ naiva pragacchasi |
tṛṣṇānalapradīptosi hāhābhūto'pracetanaḥ || 63 ||
[Analyze grammar]

evaṃbhūtosi vipreṃdra gatastvaṃ kālavaśyatām |
dāraputreṣu taddravyaṃ pṛcchamāneṣu vai tvayā || 64 ||
[Analyze grammar]

kathitaṃ naiva taddattaṃ prāṇāṃstyaktvā gato yamam |
evaṃ sarvaṃma yākhyātaṃ vṛttāṃtaṃ tava pūrvakam || 65 ||
[Analyze grammar]

anena karmaṇā vipra nirdhanosi daridravān |
saṃsāre yasya satputrā bhaktimaṃtaḥ sadaiva hi || 66 ||
[Analyze grammar]

suśīlā jñānasaṃpannāḥ satyadharmaratāḥ sadā |
saṃbhavaṃti gṛhe tasya yasya viṣṇuḥ prasīdati || 67 ||
[Analyze grammar]

dhanaṃ dhānyaṃ kalatraṃ tu putrapautramanaṃtakam |
sabhuṃkte martyaloke vai yasya viṣṇuḥ prasannavān || 68 ||
[Analyze grammar]

vinā viṣṇoḥ prasādena dārāḥ putrā bhavaṃti na |
sujanma ca kule vipra tadviṣṇoḥ paramaṃ padam || 69 ||
[Analyze grammar]

iti śrīpadmapurāṇe pātālakhaṃḍe vaiśākhamāsamāhātmye devaśarmopākhyāne ekonanavatitamo'dhyāyaḥ || 89 ||
[Analyze grammar]