Chapter 53

[English text for this chapter is available]

vyāsa uvāca |
evaṃ daṃḍādibhiryuktaḥ śaucācārasamanvitaḥ |
āhūtodhyāpanaṃ kuryādvīkṣyamāṇo gurormukham || 1 ||
[Analyze grammar]

nityamudyatapāṇiḥ syātsādhvācāraḥ susaṃyataḥ |
āsyatāmiti coktaḥ sannāsītābhimukhaṃ guroḥ || 2 ||
[Analyze grammar]

pratiśravaṇasaṃbhāṣe śayāno na samācaret |
āsīno na ca bhuṃjāno na tiṣṭhenna parāṅmukhaḥ || 3 ||
[Analyze grammar]

nīcaiḥ śayyāsanaṃ cāsya sarvadā gurusannidhau |
gurostu cakṣurviṣayena yatheṣṭāsano bhavet || 4 ||
[Analyze grammar]

nodāharedasya nāma parokṣamapi kevalam |
na caivāsyānukurvīta gatibhāṣaṇaceṣṭitam || 5 ||
[Analyze grammar]

guroryatra parīvādo niṃdā vāpi pravartate |
karṇau tatra pidhātavyau gaṃtavyaṃ vā tato'nyataḥ || 6 ||
[Analyze grammar]

dūrastho nārcayedenaṃ na kruddho nāṃtike striyaḥ |
na caivāsyottaraṃ brūyātsthito nāsīta sannidhau || 7 ||
[Analyze grammar]

udakuṃbhaṃ kuśānpuṣpaṃ samidho'syāharetsadā |
mārjanaṃ lepanaṃ nityamaṃgānāṃ vai samācaret || 8 ||
[Analyze grammar]

nāsya nirmālyaśayanaṃ pādukopānahāvapi |
ākrāmedāsanaṃ cāsya cchāyādīnvā kadācana || 9 ||
[Analyze grammar]

sādhayeddaṃtakāṣṭhādīṃllabdhaṃ cāsmai nivedayet |
anāpṛcchya na gaṃtavyaṃ bhavetpriyahite rataḥ || 10 ||
[Analyze grammar]

na pādau sārayedasya sannidhāne kadācana |
jṛṃbhitaṃ hasitaṃ caiva kaṃṭhaprāvaraṇaṃ tathā || 11 ||
[Analyze grammar]

varjayetsannidhau nityamaṃgasphoṭanameva ca |
yathākālamadhīyīta yāvanna vimanā guruḥ || 12 ||
[Analyze grammar]

āsīno'dho guroḥ pārśve sevāṃ ca susamāhitaḥ |
āsane śayane yāne naiva tiṣṭhetkadācana || 13 ||
[Analyze grammar]

dhāvaṃtamanudhāveta gacchaṃtamanugacchati |
gośvoṣṭrayānaprāsāde tathādhoviṣṭareṣu ca || 14 ||
[Analyze grammar]

āsīta guruṇā sārddhaṃ śilāphalaka nauṣu ca |
jiteṃdriyaḥ syātsatataṃ vaśyātmākrodhanaḥ śuciḥ || 15 ||
[Analyze grammar]

prayuṃjīta sadā vācaṃ madhurāṃ hitakāriṇīm |
gaṃdhamālyaṃ rasaṃ kalpaṃ śuktiṃ prāṇivihiṃsanam || 16 ||
[Analyze grammar]

abhyaṃjanāṃjanonmarddacchatradhāraṇameva ca |
kāmaṃ lobhaṃ bhayaṃ nidrāṃ gītavāditranartanam || 17 ||
[Analyze grammar]

ātarjanaṃ parīvādaṃ strīprekṣālaṃbhanaṃ tathā |
paropaghātaṃ paiśunyaṃ prayatnena vivarjayet || 18 ||
[Analyze grammar]

udakuṃbhaṃ sumanaso gośakṛnmṛttikā kuśān |
āharedyāvadannāni bhaikṣyaṃ cāharahaścaret || 19 ||
[Analyze grammar]

ghṛtaṃ ca lavaṇaṃ sarvaṃ varjyaṃ paryuṣitaṃ ca yat |
anṛtyadarśī satataṃ bhavedgītādi nispṛhaḥ || 20 ||
[Analyze grammar]

nādityaṃ vai samīheta nācareddaṃtadhāvanam |
ekāṃtamaśucistrībhiḥ śūdrādyairabhibhāṣaṇam || 21 ||
[Analyze grammar]

gurūcchiṣṭaṃ bheṣajānnaṃ prayuṃjīta na kāmataḥ |
malāpakarṣaṇaṃ snānaṃ nācareddhi kadācana || 22 ||
[Analyze grammar]

na kuryānmānasaṃ vipro gurostyāge kathaṃcana |
mohādvā yadi vā lobhāttyaktvā tu patito bhavet || 23 ||
[Analyze grammar]

laukikaṃ vaidikaṃ vāpi tathādhyātmikameva vā |
ādadīta yato jñānaṃ taṃ na druhyetkadācana || 24 ||
[Analyze grammar]

gurorapyavaliptasya kāryākāryamajānataḥ |
utpathapratipannasya na manustyāgamabravīt || 25 ||
[Analyze grammar]

gurorgurau sannihite guruvadvṛttimācaret |
natvābhisṛṣṭo guruṇā svāngurūnabhivādayet || 26 ||
[Analyze grammar]

vidyāguruṣvetadevaṃ nityāvṛttiṣu yogiṣu |
pratiṣedhatsu cādharmāddhitaṃ copadiśatsu ca || 27 ||
[Analyze grammar]

śreyaḥ svaguruvadvṛttiṃ nityameva samācaret |
guruputreṣu dāreṣu guroścaiva svabaṃdhuṣu || 28 ||
[Analyze grammar]

bālaḥ saṃmānayenmānyāñchiṣṭo vā yadi karmmaṇi |
adhyāpayanguroḥ sūnuṃ guruvanmānamarhati || 29 ||
[Analyze grammar]

utsādanaṃ ca gātrāṇāṃ snāpanocchiṣṭabhojanaḥ |
na kuryādguruputrasya pādayoḥ śaucameva ca || 30 ||
[Analyze grammar]

guruvatpratipūjyāśca savarṇā guruyoṣitaḥ |
asavarṇāśca saṃpūjyāḥ pratyutthānābhivādanaiḥ || 31 ||
[Analyze grammar]

abhyaṃjanaṃ snāpanaṃ ca gātrotsādanameva ca |
gurupatnyā na kāryāṇi keśānāṃ ca prasādhanam || 32 ||
[Analyze grammar]

gurupatnī tu yuvatī nābhivādyā tu pādayoḥ |
kurvīta vaṃdanaṃ bhūmyāmasāvahamiti bruvan || 33 ||
[Analyze grammar]

viproṣya pādagrahaṇapūrvakaṃ cābhivādanam |
gurudāreṣu kurvīta satāṃ dharmmamanusmaran || 34 ||
[Analyze grammar]

mātṛṣvasā mātulānī śvaśrūścātha pitṛṣvasā |
saṃpūjyā gurupatnīvatsamāstā gurubhāryayā || 35 ||
[Analyze grammar]

bhrātṛbhāryāśca saṃgrāhyā savarṇā hanyahanyapi |
viproṣya tūpasaṃgrāhyā jñātisaṃbaṃdhiyoṣitaḥ || 36 ||
[Analyze grammar]

piturbhaginyā mātuśca jāyasyāṃ ca svasaryapi |
mātṛvadvṛttimātiṣṭhenmātā tābhyo garīyasī || 37 ||
[Analyze grammar]

evamācārasaṃpannamātmavaṃtamadāṃbhikam |
vedamadhyāpayeddharmmaṃ purāṇāṃgāni nityaśaḥ || 38 ||
[Analyze grammar]

saṃvatsaroṣite śiṣye gururjñānamanirdiśan |
harate duṣkṛtaṃ tasya śiṣyasya vasato guruḥ || 39 ||
[Analyze grammar]

ācāryaputraḥ śuśrūṣurjñānado dhārmikaḥ śuciḥ |
śaktonnadoṃbudaḥ sādhuradhyāpyādaśa dharmataḥ || 40 ||
[Analyze grammar]

kṛtakaṃṭhastathā'drohaḥ medhāvī gurukṛnnaraḥ |
āptaḥ priyo'tha vidhivatṣaḍadhyāpyā dvijātayaḥ || 41 ||
[Analyze grammar]

eteṣu brāhmaṇe dānamanyatra tu yathocitam |
ācamya saṃyato nityamadhīyīta udaṅmukhaḥ || 42 ||
[Analyze grammar]

upasaṃgṛhya tatpādau vīkṣyamāṇo gurormukham |
adhīṣva bho iti brūyādvirāmo'stviti cā'ramet || 43 ||
[Analyze grammar]

prākkūlānparyupāsīta pavitraiścaiva pāvakaḥ |
prāṇāyāmaistribhiḥ pūtastatoṃkāramarhati || 44 ||
[Analyze grammar]

brāhmaṇaḥ praṇavaṃ kuryādaṃte'pi vidhivaddvijāḥ |
kuryādadhyāpanaṃ nityaṃ sabrahmāṃjalipūrvataḥ || 45 ||
[Analyze grammar]

sarveṣāmeva bhūtānāṃ vedaścakṣuḥ sanātanaḥ |
adhīyītāpyayaṃ nityaṃ brāhmaṇyāddhīyate'nyathā || 46 ||
[Analyze grammar]

adhīyīta ṛco nityaṃ kṣīrāhutyā sadevatāḥ |
prīṇāti tarpayankālaṃ kāmairhūtāḥ sadaivatāḥ || 47 ||
[Analyze grammar]

yajūṃṣyadhīte niyataṃ dadhnā prīṇāti devatāḥ |
sāmānyadhīte prīṇāti ghṛtāhutibhiranvaham || 48 ||
[Analyze grammar]

atharvāṃgiraso nityaṃ madhvā prīṇāti devatāḥ |
dharmāṃgāni purāṇāni māṃsaistarpayatesurān || 49 ||
[Analyze grammar]

prātaśca sāyaṃ prayato naityakaṃ vidhimāśritaḥ |
gāyatrīṃ samadhīyīta gatvāraṇyaṃ samāhitaḥ || 50 ||
[Analyze grammar]

sahasraparamāṃ devīṃ śatamadhyāṃ daśāvarām |
gāyatrīṃ vai japennityaṃ japayajñaḥ prakīrtitaḥ || 51 ||
[Analyze grammar]

gāyatrīṃ caiva vedāṃśca tulayā tolayatprabhuḥ |
ekataścaturovedā gāyatrīṃ ca tathaikataḥ || 52 ||
[Analyze grammar]

oṃkāramāditaḥ kṛtvā vyāhṛtīstadanaṃtaram |
tato'dhīyīta sāvitrīmekāgraḥ śraddhayānvitaḥ || 53 ||
[Analyze grammar]

purākalpe samutpannā bhūrbhuvaḥ svaḥ sanātanāḥ |
mahāvyāhṛtayastisraḥ sarvāśubhanibarhaṇāḥ || 54 ||
[Analyze grammar]

pradhānaṃ puruṣaḥ kālo viṣṇubrahmamaheśvarāḥ |
satvaṃrajastamastisraḥ kramādvyāhṛtayaḥ smṛtāḥ || 55 ||
[Analyze grammar]

oṃkārastatparaṃ brahma sāvitrī syāttaduttaram |
eṣa maṃtro mahāyogaḥ sārātsāra udāhṛtaḥ || 56 ||
[Analyze grammar]

yo'dhīte'hanyahanyetāṃ gāyatrīṃ vedamātaram |
vijñāyārthaṃ brahmacārī sa yāti paramāṃ gatim || 57 ||
[Analyze grammar]

gāyatrī vedajananī gāyatrī lokapāvanī |
gāyatryā na paraṃ japyametadvijñāyamucyate || 58 ||
[Analyze grammar]

śrāvaṇasya tu māsasya paurṇamāsyāṃ dvijottamāḥ |
āṣāḍhyāṃ proṣṭhapadyāṃ vā vedopākaraṇaṃ smṛtam || 59 ||
[Analyze grammar]

yatsūryayāmyagamanaṃ māsānviprorddhapaṃcamān |
adhīyīta śucau deśe brahmacārī samāhitaḥ || 60 ||
[Analyze grammar]

puṣye tucchaṃdasāṃ kuryādbahirutsarjanaṃ dvijaḥ |
māsi śuklasya vā prāpte pūrvāhṇe prathame'hani || 61 ||
[Analyze grammar]

chadāṃsi ca dvijo'bhyasyecchuklapakṣe tu vai dvijaḥ |
vedāṃgāni purāṇāni kṛṣṇapakṣeṣu mānavaḥ || 62 ||
[Analyze grammar]

imānnityamanadhyāyānadhīyāno vivarjayet |
adhyāpanaṃ ca kurvāṇo'bhyasyannapi prayatnataḥ || 63 ||
[Analyze grammar]

karṇaśrave'nile rātrau divāpāṃsusamūhane |
vidyutstanitavarṣeṣu maholkānāṃ ca saṃplave || 64 ||
[Analyze grammar]

akālikamanadhyāyameteṣvāha prajāpatiḥ |
etānabhyudinānvidyādyadā prāduṣkṛtāgniṣu || 65 ||
[Analyze grammar]

tadā vidyādanadhyāyamanṛtau cābhradarśane |
nirghāte bhūmicalane jyotiṣāṃ copasarjane || 66 ||
[Analyze grammar]

etānakālikānvidyādanadhyāyānṛtāvapi |
prāduṣkṛteṣvagniṣu ca vidyutstanitanisvane || 67 ||
[Analyze grammar]

sajyotiḥ syādanadhyāyaḥ śeṣe rātrau yathā divā |
nityānadhyāya eva syādgrāmeṣu nagareṣu ca || 68 ||
[Analyze grammar]

dharmanaipuṇyakāmānāṃ pūtigaṃdhe ca nityaśaḥ |
aṃtaḥ śavagategrāme vṛṣalasya ca sannidhau || 69 ||
[Analyze grammar]

anadhyāyorudyamāne samaye jaladasya ca |
udake cārdharātre ca viṇmūtraṃ ca visarjayan || 70 ||
[Analyze grammar]

ucchiṣṭaḥ śrāddhabhukcaiva manasāpi na ciṃtayet |
pratigṛhya dvijo vidvānekoddiṣṭasya vetanam || 71 ||
[Analyze grammar]

tryahaṃ na kārayedbrahma rājño rāhośca sūtake |
yāvadekānnaniṣṭhā syātsnehālopaśca tiṣṭhati || 72 ||
[Analyze grammar]

viprasya viduṣo dehe tāvadbrahma na kīrtayet |
śayānaḥ prauḍhapādaśca kṛtvā caivāvasakthikām || 73 ||
[Analyze grammar]

nādhīyītāmiṣaṃ jagdhvā śūdraśrāddhānnameva ca |
nīhāre bāṇaśabde ca saṃdhyayorubhayorapi || 74 ||
[Analyze grammar]

amāvāsyā caturdaśyoḥ paurṇamāsyaṣṭamīṣu ca |
upākarmaṇi cotsarge trirātraṃ kṣapaṇaṃ smṛtam || 75 ||
[Analyze grammar]

aṣṭakāsu ahorātramṛtvaṃtāsu ca rātriṣu |
mārgaśīrṣe tathā pauṣe māghamāse tathaiva ca || 76 ||
[Analyze grammar]

tisro'ṣṭakāḥ samākhyātā kṛṣṇapakṣeṣu sūribhiḥ |
śleṣmātakasya cchāyāyāṃ śālmalermadhukasya ca || 77 ||
[Analyze grammar]

kadācidapi nādhyeyaṃ kovidārakapitthayoḥ |
samānavidye ca mṛte tathā sabrahmacāriṇi || 78 ||
[Analyze grammar]

ācārye saṃsthite cāpi trirātraṃ kṣapaṇaṃ smṛtam |
chidrāṇyetāni viprāṇāmanadhyāyāḥ prakīrtitāḥ || 79 ||
[Analyze grammar]

hiṃsaṃti rākṣasāsteṣu tasmādetānvivarjayet |
naityakenāstyanadhyāyaḥ saṃdhyopāsanameva ca || 80 ||
[Analyze grammar]

upākarmmaṇi homāṃte homamadhye tathaiva ca |
ekāmṛcamathaikaṃ vā yajuḥ sāmāni vā punaḥ || 81 ||
[Analyze grammar]

nāṣṭakādyāsvadhīyīta mārute cābhidhāvati |
anadhyāyastu nāṃgeṣu netihāsapurāṇayoḥ || 82 ||
[Analyze grammar]

na dharmaśāstreṣvanyeṣu sarvāṇyetāni varjayet |
eṣa dharmaḥ samāsena kīrtito brahmacāriṇaḥ || 83 ||
[Analyze grammar]

brahmaṇā'bhihitaḥ pūrvamṛṣīṇāṃ bhāvitātmanām |
yo'nyatra kurute yatnamanadhītya śrutiṃ dvijaḥ || 84 ||
[Analyze grammar]

sa saṃmūḍho na saṃbhāṣyo vedabāhyo dvijātibhiḥ |
na vedapāṭhamātreṇa saṃtuṣṭo vai bhaveddvijaḥ || 85 ||
[Analyze grammar]

pāṭhamātrāvasānastu paṃke gauriva sīdati |
yo'dhītya vidhivadvedaṃ vedārthaṃ na vicārayet || 86 ||
[Analyze grammar]

sa saṃmūḍhaḥ śūdrakalpaḥ pātratāṃ na prapadyate |
yaditvātyaṃtikaṃ vāsaṃ kartumicchati vai gurau || 87 ||
[Analyze grammar]

yuktaḥ paricaredenamāśarīravimokṣaṇam |
gatvā vanaṃ ca vidhivajjuhuyājjātavedasam || 88 ||
[Analyze grammar]

adhīyīta tathā nityaṃ brahmaniṣṭhaḥ samāhitaḥ |
sāvitrīṃ śatarudrīyaṃ vedāṃtāṃśca viśeṣataḥ |
abhyasetsatataṃ yukto bhikṣāśanaparāyaṇaḥ || 89 ||
[Analyze grammar]

etadvidhānaṃ paramaṃ purāṇaṃ vedāgame samyagihoditaṃ vaḥ |
purā maharṣipravarābhipṛṣṭaḥ svāyaṃbhuvo yanmanurāha devaḥ || 90 ||
[Analyze grammar]

iti śrīpādme mahāpurāṇe svargakhaṃḍe karmayogakathanaṃ |
nāma tripaṃcāśattamo'dhyāyaḥ || 53 ||
[Analyze grammar]